Ուսանողները նախարարի հետ հանդիպում են պահանջում. #տարկետումլինելուԱ

Հայաստանյան մի շարք բուհերի մի քանի տասնյակ ուսանողներ այսօր երթով շարժվել էին դեպի ՀՀ կրթության եւ գիտության նախարարություն՝ պահանջելով չվերացնել ակադեմիական տարկետման իրավունքը:

Նրանք ցանկանում էին հանդիպել նախարար Լեւոն Մկրտչյանի հետ: Ուսանողներին լսելու դուրս եկած պաշտոնյաները տեղեկացրին, որ նախարարը մեկ այլ վայրում խորհրդաժողովի է մասնակցում եւ պատրաստակամ է նրանց հետ հանդիպել երկուշաբթի: Առաջարկվող տարբերակը չգոհացրեց երիտասարդներին: Նրանք բացատրեցին, որ համապատասխան նախագիծն այդ օրն արդեն քննարկվելու է Ազգային ժողովի պաշտպանության հանձնաժողովում եւ չէին ցանկանա, որ իրենց քննարկումն, այդպիսով, զրկվեր կշռից: Ի վերջո, ուսանողները որոշեցին սպասել նախարարին այնքան, որքան պահանջվի:

Ինչպես հայտնի է, «Զինվորական ծառայության եւ զինծառայողի կարգավիճակի մասին» օրենքում փոփոխություններ կատարելու միջոցով նախատեսվում է ամրագրել, որ պարտադիր զինծառայությունից տարկետում կարող են ստանալ միայն այն ուսանողները, որոնք կմասնակցեն «Պատիվ ունեմ» ծրագրին: Այսինքն՝ կպարտավորվեն ուսումնառությանը զուգահեռ Վազգեն Սարգսյանի անվան ռազմական համալսարանում մասնակցել զինվորական պատրաստության դասընթացների, իսկ ի վերջո՝ լեյտենանտի սպայական կոչում ստանալուց հետո երեք տարի ժամկետով ծառայության անցնել զինված ուժերում` առաջնագծում` ամսական ստանալով 260 հազար դրամ ու նաեւ ուսման վարձի փոխհատուցում:

Այս մասին հայտարարվել է դեռ ամիսներ առաջ: Սակայն ուսանողներն ասում էին, որ շեշտադրումները շփոթեցնող են եղել, ու դա է պատճառը, որ իրենք միայն հիմա են բողոքի ձայն բարձրացնում:

«Այս ամեն ինչը մի հատ շատ մեծ՝ մայր օրենքի մեջ է գալիս, եւ թիրախավորված մշտապես ներկայացվում էր «Պատիվ ունեմ» ու «Ես եմ» ծրագրերը: Փորձ էր արվում խուսափել այս թեմայից, տարկետումը վերացնելու մասին չխոսել: Ու մինչեւ հիմա էլ մանիպուլյացիաներ են տեղի ունենում, ասվում է, որ սա ազդելու է միայն նոր ընդունվող ուսանողների վրա, մինչդեռ ազդելու է արդեն բակալավրիատում եւ մագիստրատուրայում սովորող արական սեռի ներկայացուցիչների վրա»,- armtimes.com-ի հետ զրույցում ասաց ԵՊՀ արեւելագիտության ֆակուլտետի մագիստրատուրայի երկրորդ կուրսի ուսանող Վահան Կոստանյանը:

«Որովհետեւ երբ որ մարդ ընդունվում էր բակալավրիատ, գիտեր, որ գոյություն ունեն տարկետման իրավունքներ նաեւ մագիստրատուրա եւ ասպիրանտուրա անցնելու համար: Ու այս մարդը, պլանավորելով իր կյանքը, մտածել էր, որ եթե ես լավ եմ սովորում, իմ կրթական ցենզը բավարարում է, ես կարողանալու եմ տարկետման իրավունք ստանալ նաեւ մագիստրատուրայի, հետագայում նաեւ ասպիրանտուրայի համար: Իսկ այսօր այն մարդը, որը հասել է օրինակ բակալավրիատ չորրորդ կուրս, կամ մագիստրատուրա երկրորդ կուրս, մարդիկ կան, որոնք ամիսներ շարունակ արդեն «թոյֆլ» են պարապում, որպեսզի ընդունվեն ասպիրանտուրա, նոյեմբերի վերջին նրանց ասելու են՝ գիտեք ինչ, էլ այդ տարկետման իրավունքը չկա»,- մանրամասնելով՝ ավելացրեց նա:  

Ու չնայած օրենքում փոփոխությունների նախաձեռնության հեղինակը պաշտպանության նախարարությունն է, ուսանողները հավաքվել էին կրթության նախարարության մոտ: Նրանք ունեին դրա հիմնավորումը:

«Մենք կրթության համակարգի շահառուներ ենք, այսինքն՝ մեր իրավունքները ու մեր պարտականությունները ամբողջությամբ կապված են կրթության համակարգի հետ: Կրթական գերատեսչությունն է, որ պետք է պաշտպանի մեր շահերը, իսկ այդ առումով մենք չենք տեսնում, որ համապատասխան գերատեսչական ներկայացուցիչները խոսում են կրթական համակարգի շահառուների անունից: Դրա համար մենք այսօր այստեղ ենք»,- ասաց Վահան Կոստանյանը:

ԿԳ նախարարության շենքի մոտ արական սեռի ուսանողների հետ նաեւ իգական սեռի ներկայացուցիչների կարելի էր տեսնել: Նրանք եկել էին սատարելու իրենց ընկերներին: Ուսանողների նախաձեռնությունը կրում է «Հանուն գիտության զարգացման» անվանումը: Այսպիսով, նրանք ընտրել են տարիներ առաջ ուսանողական նույնատիպ շարժման անվանումը, որը հաջողության էր հասել: Այս երկրորդ սերունդը եւս հավատում է, որ ազդելու է իրադարձությունների զարգացման վրա: #տարկետումլինելուԱ. սա է նրանց կարգախոսը, որն, ի դեպ հայերեն եւ անգլերեն սկսեցին վանկարկել նաեւ այն ժամանակ, երբ նախաարության մոտ տեսան Հայաստանում ԱՄՆ դեսպան Ռիչարդ Միլսին:

 

Տպել
2763 դիտում

Երևան-Մեղրի ավտոճանապարհին քաղաքացին փորձել է ինքնասպանություն գործել՝ մեքենայով նետվելով ձորը

Սոչիում կայծակը հարվածել է ինքնաթիռին վայրէջքի ժամանակ

Նորատուս գյուղի ռեստորանի շոգեբաղնիքը հրդեհվելու հետեւանքով մոխրացել է

Հայաստանի մեծ մասում ձյուն է տեղում, Շիրակի մարզի մի շարք հատվածներում բուք է, Լարսի ճանապարհը՝ փակ

Սյունիքի մարզում Իրանի քաղաքացին իր մեքենայով ընկել է ձորը. նա հոսպիտալացվել է

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը