Ուսանողները կառավարվում են Մարսից. խմբագրական

Երեկ տարկետման իրավունքի սահմանափակման դեմ բողոքող ուսանողները դիմեցին ծայրահեղ քայլի: Նրանցից 5-ը հացադուլ հայտարարեցին: Ուսանողները նախորդ օրը խոստացել էին անակնկալ անել, եւ դա խոստացված անակնկալն էր:

Հայաստանում առաջին անգամ չէ, որ ուսանողները ինչ-որ պահանջով հացադուլ են հայտարարում: Եւ ընդահանրապես, եղել են ժամանակներ, երբ մեր երկրում հացադուլ հայտարարելն ու հացադուլից դուրս գալը առավոտ քնից արթնանալու եւ երեկոյան նորից քնելու աստիճան սովորական երեւույթ էին դարձել:

Բայց Հաց  բերողի՝ Արթուր Սարգսյանի դեպքը, խորը հետք է թողել: Նրա մահից հետո հացադուլը որպես քաղաքական կամ քաղաքացիական պայքարի ձեւ սեւ երանգով է ներկվել:

Երեկ հացադուլ հայտարարած ուսանողները համակարծիք չէին, հացադուլից դուրս գալու հորդորների հետ եւ հակադարձում էին, որ դա դեռ ծայրահեղ միջոցը չէ, եւ իրենք ավելի ծայրահեղ միջոցի կդիմեն, եթե իրենց պահանջը չկատարվի:

Ուսանողները պահանջում են ԱԺ-ից ետ կանչել վիճահարույց օրեքի նախագիծը: Սա այն դեպքում, երբ այսօր այն երկրորդ ընթերցմամբ քվեարկության է դրվելու: Հավանականությունը, որ օրենքը ետ կկանչվի գրեթե զրոյական է: Ի՞նչ է սա նշանակում, ի՞նչ են անելու ըմբստացած ուսանողները, ի՞նչ ավելի ծայրահեղ քայլի մասին էին խոսում:

Երեկ արդեն նրանցից մեկի ինքնազգացողությունը այնքան վատացավ, որ նա ստիպված եղավ դուրս գալ հացադուլից:  Եթե հանկարծ ավելի ծայրահեղ քայլ ասելով, նրանք նկատի ունեն ջրադուլը, ապա իշխանությունները լուրջ մտածելու տեղ ունեն:

Թեեւ այս դեպքում եւս իշխանությունների ներկայացուցիչների մտահորիզոնը շատ տարօրինակ ուղղություններով է աշխատում: Նրանք չեն էլ մտածում՝ ինչպես լուծել ստեղծված իրավիճակը, որպեսզի եւ երիտասարդների պահանջները բավարարվեն եւ  իրենց մտածած «հիասքանչ» փոփոխությունները բանակում կյանքի կոչվեն:

Կարճ կոնկրետ ասում են, որ թքած ունեն մի քանի հարյուր ուսանողի վրա եւ ոչինչ մտադիր չեն ձեռնարկել: Ավելին, նրանք այսօր անգամ ԱԺ ամբիոնից անթաքույց ակնարկներ էին անում, որ ուսանողների սկսած շարժման ետեւում այն ուժերն ու երկրներն են, որոնց պետք չէ հայկական ուժեղ բանակ: Սորոսից սկսեցին, Ադբեջանով վերջացրեցին, թեեւ վերջինի անունը այդպես էլ չտվեցին, նամուս արեցին:

Հայաստանի ներսում փաստորեն ուսանողների շարժումը կառավարողներ այդպես էլ չգտնվեցին, հիմա ավելի գլաբալ փնտրտուք է սկսվել: Սկզբում մամուլը գրում էր, որ ուսանողներին իշխանական ինտրիգների շրջանակներում օգտագործում են Վիգեն Սարգսյանի դիրքերը թուլացնելու համար՝ օրինակ նրանք կառավարվում են Բ26-ից եւ այլն: Հիմա հանրապետականներն ասում են, որ նրանց օգտագործում են Հայաստանի անվտանգությունը թուլացնելու համար, եւ կառավարողները ոչ թե Հայաստանում են գտնվում, այլ օվիանոսից անդին: Իսկ գուցե այլմոլորակայինների մա՞տն է խառը, շարժման առաջնորդներից Դավիթն էլ ծպտյալ մարսաբնա՞կ է:

Ինչպես կհանգուցալուծվի իրավիճակը, դժվար է ասել, թեեւ անցած բոլոր փորձերը հուշում են, որ եթե շարժումը Բ26-ում չի ծնվել, ապա հաջողության շանսեր չունի: Բայց անկախ հանգուցալուծումից, մի բան կարող ենք արձանագրել՝ քաղաքական համակարգը արժանի չէ մեր երիտասարդներին, որոնք ակնհայտորեն գերազանցել են իրենց ավագներին: Սա մի կողմից տխուր արձանագրում է, մյուս կողմից չափազանց հուսադրող, որովհետեւ վաղվա Հայաստանը այս երիտասարդներինն է:

Տպել
7631 դիտում

Երբ Ղարաբաղի խնդիրը լուծված չէ, հնարավոր չէ կայունություն Կովկասում և հայ-թուրքական հարաբերույթյուններում. Չավուշօղլու

Ոստիկանության Ներքին անվտանգության վարչությունը 16 տարեկան է (տեսանյութ)

Ապարան քաղաքում շտապօգնության «ՈՒԱԶ»-ը արգելափակվել էր ձյան մեջ. օգնել են փրկարարները

Երեւանում օրը ցերեկով մեքենան ջարդուխուրդ անող ձերբակալված 5 քաղաքացիները ցուցմունք են տվել. չեն ընդունում կասկածանքը

Երեւանում վնասել են «Իմ քայլը» խմբակցության պատգամավոր Քրիստինե Պողոսյանի ավտոմեքենան

Գյումրիում բնակբաշխան աղմկահարույց շղթա է բացվում. փաստերն ուսումնասիրում է դատախազությունը

Ադրբեջանում այս օրերին անցկացվում են վերջին տարիների ամենամասշտաբային բողոքի ցույցերը

Շատ հագեցած աշխատանքային օր ունեցա Ցյուրիխում. Նիկոլ Փաշինյան (տեսանյութ)

Հայերին որ հարցնես, բոլորը հայ են, իսկ վրացիներին՝ ում չեն հավանում, նա է հայ. Սաակաշվիլի

Ձերբակալվել են Երեւանում օրը ցերեկով մեքենան ջարդուփշուր անող 5 քաղաքացիները (տեսանյութ)

Tiv1.am կայքը ֆինանսավորողն այլեւս ցանկություն չունի աշխատել այդ թիմի հետ, նրանք, փաստացի, մեջքից խփել են․ կայքի տնօրեն

Կրկին թալանել են Varks.am-ը, այսօր արդեն երկրորդ անգամ. տարել են 600 հազար դրամ

Հայկ Մարությանն ակնկալում է քաղաքապետարանի և ոստիկանության արդյունավետ համագործակցություն

Մանկապարտեզի ձերբակալված տնօրենի որդին աշխատում է Երեւանի քաղաքապետարանի աուդիտի բաժնում

Կանխատեսվում է համաշխարհային տնտեսության աճի դանդաղում 2019 և 2020 թվականներին

Հյուրանոցում ժամանակ է անցկացրել տղամարդու հետ եւ գողացել նրա ոսկյա շղթան

Վարդենյաց լեռնանցքը դժվարանցանելի է մարդատարների, փակ՝ բեռնատարների համար

ՀՀ փոխվարչապետ Տիգրան Ավինյանը ներկայացրել է նորանշանակ նախարար Զարուհի Բաթոյանին

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան