Ընդդիմությունն ու իշխանությունը նախաստորագրել են եւս մեկ համաձայնություն

 

Շաբաթ օրը Ազգային ժողովում «Ժառանգությունից» բացի խորհրդարանական մյուս հինգ խմբակցությունները «Նոր Ընտրական օրենսգրքում ընտրական գործընթացի օրինականության վերահսկման կազմակերպական-տեխնիկական մեխանիզմների սահմանման շուրջ փոխհամաձայնության մասին» հայտարարություն են նախաստորագրել:

Ինչպես եւ սպասվում էր, իշխանությունն ու ոչ իշխանությունը ընտրողների ստորագրած ցուցակները հրապարակելու շուրջ համաձայնության են եկել: Քաղհասարակությունը, սակայն, չի ստորագրել ու չի էլ պատրաստվում ստորագրել այդ հայտարարության տակ այնպես, ինչպես հունիսի 17-ին չէր միացել 4+4+4 ձեւաչափի քննարկումների արդյունքում իշխանության ու ոչ իշխանականների ստորագրած՝ ԸՕ-ում առաջին փոփոխությունները նախատեսող հայտարարությանը:

Դեռ շաբաթ օրը «Իրազեկ քաղաքացիների միավորում» կազմակերպության ներկայացուցիչ Դանիել Իոաննիսյանը հայտարարեց, որ ինքը հանդիպմանը չի գնացել, քանի որ, ըստ նրա, սպառվել է քաղհասարակության անունից բանակցելու իրենց մանդատը: «Ես եւ նաեւ այլ ներկայացուցիչներ հրաժարվեցինք գնալ, բայց քաղհասարակության որոշ ներկայացուցիչներ գնացել են: Ես չեմ կարծում, որ քաղհասարակությունը պետք է իշխանությունների հետ ինչ-որ փակ բանակցություններ վարելու գնա: Սա ուղղակի անհասկանալի է: Ես իշխանությունների հետո ո՛չ գաղտնի բանակցություններ վարելու մտադրություն ունեմ, ո՛չ ինչ-որ փաստաթուղթ նախաստորագրելու, եթե ուզում են ցուցակները հրապարակեն՝ թող հրապարակեն, մենք մեր տեսակետը կհայտնենք դրա վերաբերյալ: Չեմ կարծում, որ այդտեղ քաղհասարակությունը իրոք անելիք ունի»,-ասաց Իոաննիսյանը: Մեր հարցին՝ տեղյա՞կ է, թե ինչու է հանդիպումը փակ անցկացվում, նա ասաց, որ չգիտի ինչու է փակ եւ ինչու լրատվամիջոցներին չեն հրավիրել:

Իսկ շաբաթ օրվա հայտարարությունը ստորագրված ցուցակները հրապարակելուց զատ բազմաթիվ այլ փոփոխություններ է պարունակում: Ըստ էության, ընդդիմությունն ու քաղաքացիական կազմակերպություններն ինչ առաջարկել են, իշխանություններն ընդունել են: Օրինակ, ընդունված է ընտրողի կողմից ցուցակում իր անվան դիմաց ստորագրելը, ինչը հանվել էր ընտրությունների ժամանակ էլեկտրոնային գրանցման համակարգը ներդնելուց հետո: Ընդունվել է քվեարկության ավարտից հետո այդ ցուցակները սկանավորելու եւ Կենտրոնական ընտրական հանձնաժողովի կայքում տեղադրելու, ընտրատեղամասերում տեսանկարահանող սարքավորումներ տեղադրելու եւ նկարահանումներն օնլայն հեռարձակելու առաջարկությունները: Ընդունվել են նաեւ բողոքարկման համար նախատեսված ժամկետը երկարացնելու, ընտրակեղծիքների համար պատասխանատվությունը խստացնելու եւ այլ առաջարկությունները:

Եվ կառավարությունը այդ բոլոր փոփոխություններին օրինագծի տեսք տալով, առաջիկայում կներկայացնի Ազգային ժողով: Նախատեսվում է, որ Ընտրական օրենսգրքում եւ մի շարք այլ օրենքներում երկրորդ անգամ փոփոխություններ ու լրացումներ կատարելու վերաբերյալ փաթեթը պետք է քննարկվի աշնանային նստաշրջանի երկրորդ առօրյայի ընթացքում՝ հոկտեմբերի 3-6-ը: Նշենք նաեւ, որ այս խումբ փոփոխությունները նախորդի նման 16 մլն դոլարի տեխնիկական ներդրում չեն պահանջում: Իհարկե, տեսանկարահանող սարքավորումների ու հեռարձակման համար որոշակի գումար կպահանջվի, բայց դա ի սկզբանե այն ծախսն էր, որը կառավարությունն էր ստանձնել: Թեեւ չի բացառվում, որ այս փոփոխությունների համար պահանջվող գումարը տան միջազգային կազմակերպությունները, ինչպես նախապես խոստացել էին:

Այս նոր փոփոխությունների վերաբերյալ որոշ հարցերի շուրջ զրուցեցինք ԱԺ պետաիրավական հարցերի մշտական հանձնաժողովի նախագահ, վերը նշված հայտարարության նախաստորագրմանը մասնակցած Հովհաննես Սահակյանի հետ:

- Պարոն Սահակյան, քաղաքացիական հասարակությունը հրաժարվում է ստորագրել այս հայտարարության տակ: Դա չի՞ խանգարում, որ փոփոխությունները կյանքի կոչեք:

- Եթե նրանք դրական վերաբերմունք են արտահայտում այդ փոփոխությունների նկատմամբ, դա արդեն բավարար է: Մեզ համար կարեւորն այն է, որ հանրությունն ընկալի այս փոփոխությունները եւ հասկանա, թե այն ինչին է ուղղված: Պարզապես ցանկանում եմ բոլորին հիշեցնել, որ երբ մենք քննարկում էինք ԸՕ-ում լրացուցիչ վերահսկողության մեխանիզմներ ներդնելու հարցը, բոլորը կարեւորում էին ստորագրված ցուցակների հրապարակումը: 2003-ից այս կողմ դա բոլորի քննարկման առարկան էր, իշխանությանը թիրախ դարձնելու հիմնական հարցն էր, եւ եթե այսօր իշխանությունը ընդունել է այն եւ իր սկզբունքներից ետ կանգնելով՝ համաձայնել է հրապարակել ստորագրված ցուցակները, կարծում եմ այստեղ արդեն որեւէ քննադատություն չպետք է լինի:

- Այնուամենայնիվ, ընդդիմությունը հայտարարում է, որ օգոստոսի 29-ին չեղյալ համարված փոփոխությունները ընտրակեղծիքների դեմ պայքարի ավելի լավ մեխանիզմներ էին առաջարկում: Եվ որ իշխանությունները դրանք տապալեցին ու այս երկրորդ խումբը ընդունեցին, քանի որ այս դեպքում նույնպես հնարավոր է շրջանցել օրենքի պահանջը:

- Ես չեմ կարծում: Ցուցակների հրապարակումը ՀԱԿ-ի եւ ընդդիմադիր մյուս ուժերի հիմնական պահանջներից է: Իսկ այս փոփոխությունները նաեւ քրեական պատասխանատվության խստացում են նախատեսում:

- Կարծիք կա, որ այս նոր փոփոխությունները կանխում են ընտրատեղամասերում կեղծիքների հավանականությունը, մինչդեռ իշխանությունները տեղամասերից դուրս ունեն վարչական լծակներով, ընտրակաշառքով եւ ազդեցության այլ միջոցներով միջամտելու հնարավորություն:

- Դա արդեն հեքիաթի ժանրից է: Դրա համար անհրաժեշտ է, որ բոլոր քաղաքական ուժերը ակտիվ մասնակցեն ընտրություններին եւ իրենց անհաջողությունների համար չմեղադրեն այլ քաղաքական ուժերին:

- Պարոն Սահակյան, այդ դեպքում ինչպե՞ս եղավ, որ մոտ 15 տարի մերժելուց հետո ընդունեցիք ստորագրված ցուցակները հրապարակելու առաջարկությունը:

- Այս ամբողջի հիմնական գաղափարն այն էր, որ 2017թ. ԱԺ ընտրություններն անցկացվեն վստահելի մթնոլորտում:

- Միգուցե միջազգային կառույցնե՞րն էին սպառնում ավելի խիստ ու գործուն ճնշումներ կիրառել:

- Կարող եք ամեն ինչ էլ ասել, ճնշումներ անվանել, բայց նորից եմ շեշտում՝ խնդիրն այն է, որ կարողանանք կազմակերպել մեր ժողովրդի համար վստահելի ընտրություններ: Իսկ նման հայտարարությունները թերեւս քաղաքական օրակարգը լցնելու խնդիր են լուծում:

Տպել
15231 դիտում

Ովքեր են ապրում Թբիլիսիի այն տանը, որտեղ ապրել է Արամ Խաչատրյանը, ինչ են պատմում նրանք. մանրմասներ (լուսանկարներ)

ՀՀ-ում քննվող բոլոր գործերը ծանոթացնե՞նք պաշտպաններին, ինչ է թե նրանք հայտարարում են, որ թաքցնելու բան ունենք. դատախազ

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

Դանակահարություն Աբովյան փողոցի ակումբներից մեկում. 41-ամյա տղամարդը հարված է ստացել որովայնին

Դատարանը հետաձգեց Մարտի 1-ի մայր գործի նյութերը պաշտպաններին տրամադրելու միջնորդության լուծումը

ԿԳՄՍ նախարարն ընդունել է Հայաստանում ՄԱԿ-ի մանկական հիմնադրամի նորանշանակ ներկայացուցչին

Այսօր, ինչպես եւ 75 տարի առաջ, ՄԱԿ-ի հիմնական խնդիրն է ապահովել խաղաղություն. վարչապետի ելույթը ՄԱԿ-ի 75-ամյակի առթիվ

Շաքարային դիաբետ ունեցող երեխաներն ու երիտասարդներն ապահովված են ինսուլինային անալոգներով. ԱՆ

Անտոնիո Գուտերեշը շնորհավորել է Արմեն Սարգսյանին ՀՀ անկախության օրվա առթիվ

Ֆելիքս Ցոլակյանը գոհ է փրկարար ջոկատների շարքային անձնակազմի աշխատանքներից

Արմեն Փամբուխչյանը կզբաղեցնի ԱԻ փոխնախարարի պաշտոնը

Նոր Նորք վարչական շրջանի Վերածննդի այգին բարեկարգվում է, ջրագծի անցկացման աշխատանքներ են տարվում

Դատարանը Միքայել Մինասյանին կալանավորելու որոշում կայացրեց

Չեմ կարծում, որ կհաջողվի հանրային մոբիլիզացիա ապահովել. Ռուբինյանը՝ սպասվող հանրահավաքի մասին

Պոմպակայանի հոսանքազրկման պատճառով սեպտեմբերի 23-ին 6 ժամով կդադարեցվի Արմավիրի մարզի Ակնալիճ գյուղի ջրամատակարարումը

«Այս անիմաստ դատը երկար է տեւելու, զբաղվեք ավելի կարեւոր գործերով». Քոչարյանը՝ իր աջակիցներին

Աղամալ Հարությունյանի դատավճռի բեկանման և գործը նոր քննության ուղարկելու որոշումը բողոքարկվել է Վճռաբեկ դատարան

Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովին, հանդիպել ՌՈՍԱՏՈՄ կորպորացիայի տնօրենին

Շրջակա միջավայրի նախարարությունը նոր գլխավոր քարտուղար ունի. ներկայացրել է նախարարը

ԱԱԾ-ն բացահայտել է Արաբկիրի նախկին ղեկավարի կողմից կոռուպցիոն մեխանիզմներով կեղծիք կատարելու, խարդախության դեպք