Մոսկվան շատ լավատես չէ ԼՂ հակամարտության արագ կարգավորման հարցում. Լավրով

Մոսկվան լավատես չէ ԼՂ հակամարտության արագ կարգավորման հարցում մոտ ապագայում: Նման ակնարկ Երևանում ՀՀ ԱԳ նախարար Էդվարդ Նալբանդյանի հետ ասուլիսի ժամանակ արեց Ռուսաստանի արտաքին գործերի նախարար Սերգեյ Լավրովը:

Ռուսաստանի Արտաքին գործերի նախարարը Երեւան է ժամանել Բաքվում Ադրբեջանի քաղաքական ղեկավարության հետ բանակցություններից հետո: Բաքվում ասել էր, որ Մոսկվան ԼՂ խնդրի կարգավորման հարցում նույն դիրքորոշումն ունի, ինչ Վաշինգտոնն ու Փարիզը։ «Համանախագահները հանդիպում են նախարարների հետ, պարբերաբար այցելում են տարածաշրջան։ Հուսով եմ, որ նախագահների՝ անցած ամիս կայացած հանդիպումը կնպաստի առաջխաղացմանը հակամարտության կարգավորման հարցում»,- նաև ասաց  Լավրովը:

Նա հայտարարեց, որ Ռուսաստանը պատրաստ է ապահովել ԼՂ հակամարտության կարգավորման գործընթացի առաջխաղացումը:

Երեւանում կայացած բանակցություններից հետո Լավրովը եւս նշեց, որ դրական է, երբ Հայաստանի ու Ադրբեջանի նախագահները, Սերժ Սարգսյանն ու Իլհամ Ալիեւը լավ են արտահայտվում վերջերս Ժնևում միմյանց հետ հանդիպման արդյունքների մասին: Ըստ Լավրովի, այդ վերաբերմունքը կարող է օգնել առաջ գնալ կարգավորման գործում:

Նա վստահեցնում է, որ կվերլուծեն, թե ուր են հասել հակամարտության կարգավորման գործում եւ կփորձեն ակտիվ ջանքեր ձեռնարկել՝ կարգավորման պայմաններ ստեղծելու համար, սակայն ՌԴ-ն լավատես չէ արագ կարգավորման հասնելու հարցում: «Ես չափազանց լավատեսություն չեմ արտահայտի: Սա դժվար խնդիր է, և հակամարտությունների կարգավորման մեր փորձը գալիս է ապացուցելու, որ այն երկար կտևի»,- ասաց ՌԴ ԱԳ նախարարը:

Միեւնույն ժամանակ նա նշեց, որ Լեռնային Ղարաբաղի հակամարտության կարգավորման բոլոր տարրերն առկա են: Նա այսպես արտահայտվեց պատասխանելով «Կոմերսանտ» պարբերականի հարցին՝ հնարավոր եղա՞վ Լեռնային Ղարաբաղի հակամարտության կարգավորման հարցում առաջընթաց ապահովել Բաքվում և Երևանում նախագահներ Սարգսյանի ու Ալիևի հետ անցկացրած հանդիպումների շնորհիվ:

Ի պատասխան տրված հարցին Սերգեյ Լավրովը հայտարարեց, որ ԼՂ հակամարտության կարգավորման տարրերն ամփոփված են բազմաթիվ փաստաթղթերում, որոնք 2007, 2009, 2011թթ.-ից հանձնվել են ԵԱՀԿ քարտուղարին՝ ամրագրվելով որպես համանախագահների առաջարկներ: «Դրանք բանակցային սեղանի վրա են: Այս տարրերը ձևավորվել են մեկ փաթեթում, և դժվար է վերցնել դրանցից մեկը կամ երկուսը ու ասել՝ եկեք դրանց հիման վրա համաձայնության հասնենք: Դրան բալանսավորված փաստաթղթեր են, եւ մեկ տարր առանձնացնելու դեպքում կխխատվի բալանսը: Այդ պարագայում մենք չենք ունենա այն արդյունքը, որը ակնկալում ենք»:

Ռուսաստանցի լրագրողը նաեւ հայտարարեց, որ համաձայն տեղեկություների նախատեսվում է ՀՀ եւ Ադրբեջանի նախագահների հանդիպումը տարեվերջին Վիեննայում: ՀՀ արտգործնախարար Էդվարդ Նալբանդյանն էլ նշեց, որ տեղեկություններ չունի այն մասին, որ դեկտեմբերին նախագահների հանդիպում է անցկացվելու: «Ես նման տեղեկություններ չունեմ», - ասաց նա եւ կրկնեց, որ ԼՂ հակամարտության կարգավորման գործում պետք չէ «հեծանիվ հորինել»:

«Ես մեկ շաբաթ առաջ հայտարարել էի, որ դժվար է հորինել նոր հեծանիվ: Հակամարտության կարգավորման հիմնական սկզբունքները, տարրերը դրված են բանակցությունների սեղանին, կան աշխատանքային փաստաթղթեր, կուտակված որոշակի նյութ կա: Մենք շատ երկար ենք վարել բանակցությունները: Ադրբեջանն ասում է, որ մենք կարիք չունենք բանակցելու հիմնական սկզբունքների շուրջ»,- ասաց ՀՀ ԱԳ նախարարը:

Չնայած Ադրբեջանի, «մեղմ ասած, ոչ այնքան ոչ կառուցողական դիրքորոշմանը», ըստ Նալբանդյանի, բանակցությունները պետք է շարունակել, որովհետև դրանց այլընտրանք չկա: «Հայաստանը տրամադրված է կառուցողական ձևով շարունակել աշխատել, հանդիպել նախագահների մակարդակով, նախարարների, բայց առաջիկայում նման բան չի նախատեսվում», - հավաստիացրեց նա՝ նշելով, որ ԼՂ հակամարտության կարգավորման համար պետք է ուղղակի Բաքվի՝ հանրային մակարդակում կատարվող հայտարարությունները համապատասխեն գործողություններին:

Այս համատեքստում նա հիշեցրեց Մոսկվայի միջնորդությամբ Հայաստանի եւ Ադրբեջանի նախագահների մասնակցությամբ Կազանում տեղի ունեցած հսնդիպումը:  

«Կազանի հայտնի հանդիպումից առաջ ԱԳ նախարարները 3-4 հանդիպում էին անցկացրել, հիմնական սկզբունքների վերաբերյալ փաստաթղթի տեքստը համաձայնեցված էր: Հանդիպումից 10 օր առաջ ստացվեց տեքստը եւ ռուս նախարարի կից նամակն այն մասին, որ տեքստում փոփոխություններ չեն կատարվելու: Սակայն ադրբեջանական կողմը հանդիպմանը ներկայացավ 10, նույնիսկ 12 փոփոխություններով: Եվ սա առաջին դեպքը չէ: Մինչեւ Կազանը նման բան է եղել Սոչիում, Աստրախանում, Սանկտ Պետերբուրգոմ», - հայտրարեց նա:

Տպել
4749 դիտում

Մեր բժշկագիտական թիմի ներուժն ու ներդրումը պետք է չանտեսվեր. «Նորք» ԻԿՀ-ից բաց նամակ ՀՀ նախագահին և վարչապետին

Քննարկվել են հեղինակային իրավունքի ոլորտում առկա խնդիրները եւ դրանք լուծելու ուղիները

Դավիթ Բաբայանը վարակվել է կորոնավիրուսով ու խնդրանքով դիմել իր հետ շփված անձանց

Սուրեն Պապիկյանը ԱԷՄԳ գլխավոր տնօրենի հետ քննարկել է Հայաստանի ատոմային էներգետիկայի բնագավառի զարգացման հարցեր

«Խաժակյանի պատմության հետ ինքներդ կարող եք համեմատություն անել». քաղաքապետի վարորդի հաստիքն ազատ է

roadpolice.am. վարորդական վկայականի հետ կապված գործողությունների համար պետք է հերթագրվել այս կայքի միջոցով (տեսանյութ)

Մարտական հերթապահության մեկնող անձնակազմի հետ անցկացվել է կրակային պատրաստության պարապմունք

Գեբելսյան սո՞ւտ է, որ ԲՀԿ-ն կարող է իշխանություն փոխել․ քաղաքական ուժերի արձագանքը ՀՀ՝ մինչեւ 2050-ի ռազմավավարությանը

Առաջին անգամ ՀՀ ՄԻՊ-ն ու ԵԽ-ն ծրագիր են իրականացնում Եվրոպայի խորհրդի տարածքում

Իսրայելի ռազմարդյունաբերական ընկերությունը 155 միլիոն դոլար է փոխանցել ադրբեջանական 2 օֆշորային ընկերությունների

Արսեն Թորոսյանը Չինաստանի դեսպանի հետ քննարկել է ՀՀ առողջապահական համակարգը նոր սարքավորումներով հագեցնելու հեռանկարները

Հրազդանում խաչքարն ընկել է 52-ամյա տղամարդու վրա. վերջինս տեղում մահացել է

Մանուել Պետրոսյանը՝ «Երևանի գավաթ» մրցաշարի հաղթող

Երևանում և մարզերում ՃՈ-ն հատուկ պահպանվող տարածք է տեղափոխել 247 տրանսպորտային միջոց (տեսանյութ)

Կայացել է Հայ-ամերիկյան ռազմավարական երկխոսության նիստի խորհրդակցությունների բազմաոլորտ համագործակցության մասին նիստը

Վանեցյանը, Ծառուկյանը, Մինասյանը պատրա՞ստ են աշխատել վարչապետ. Կարեն Սիմոնյան (տեսանյութ)

Արսեն Թորոսյանը հեռախոսազրույց է ունեցել ՌԴ դաշնային ծառայության ղեկավար Աննա Պոպովայի հետ

Արմավիրի Չերեմուշկա թաղամասում քաղաքացին սպառնում է ինքնասպան լինել

Մեկնարկել են Քարվաճառ տանող մոտ 17 կմ երկարությամբ ճանապարհի ասֆալտապատման աշխատանքները

Գոռ Երիցյանն ու Նարեկ Աբգարյանը կմարզվեն Մայք Թայսոնի մարզչի մոտ