Ուկրաինացի լրագրողներին Հայաստան մտնել չթույլատրելու միջադեպը դառնում է հանելուկ

Ուկրաինացի լրագրողների մուտքը Հայաստան թույլ չտալու մասին տեղեկությունը միանգամից մեծ տարածում ու արձագանք գտավ հանրության շրջանում, ընդ որում՝ ոչ միայն հայ հանրության:

Ուկրաինական ICTV հեռուստաընկերության լրագրող Եվգենի Լեսնոյը, ով այդ նկարահանող խմբի մեջ էր եղել և նրան էլ չէին թույլատրել մուտք գործել Հայաստան, armtimes.com-ին պատմել էր, որ ինքն ու օպերատորը Հայաստան էին գալիս՝ Հայաստանի մասին սյուժե նկարահանելու: Մասնավորապես՝ նրանք պետք է սյուժեներ պատրաստեին Հայաստանի տնտեսության, ՌԴ ռազմաբազաների հարեւանությամբ կյանքի, երկրի էներգետիկայի, ուկրաինա-հայկական խառն ընտանիքների կյանքի ու կենսակերպի մասին, իսկ երկրորդ մասով նախատեսված է եղել տեսանյութեր պատարստել արցախյան կոնֆլիկտի վերաբերյալ՝ «Հայացք ԼՂՀ-ից» խորագրով:

Ուկրաինացի լրագորղը մեզ հայտնեց նաեւ, որ այս ամբողջ ծրագիրը նախապատրաստված է եղել Ուկրաինայում ՀՀ դեսպանի, ՀՀ ԱԳՆ ներկայացուցիչ Արման Աբովյանի հետ համատեղ: Հավատարմագրումը պետք է իրականացվեր արդեն Երեւան ժամանելուց հետո՝ ԱԳՆ-ում, եւ այդ պատճառով նրանց ձեռքին որեւէ փաստաթուղթ չի եղել:

Իհարկե, ուկրաինացի մեր գործընկերը որոշ տվյալներ շփոթում է, քանի որ Արման Աբովյանը Ուկրաինայում ՀՀ դեսպանի օգնականն է, ու ԱԳՆ ներկայացուցիչ է համարվում միայն տրամաբանորեն: Բայց այնուամենայնիվ բաց է մնում հարցը, թե ամեն դեպքում՝ ինչո՞ւ արգելվեց ուկրաինացի լրագրողների մուտքը Հայաստան, եթե նախապես ինչ-որ պայմանավորվածություններ եղել են:

Այս հարցի կապակցությամբ armtimes.com-ը կապ հաստատեց Արման Աբովյանի հետ, ով նշեց, թե չի մեկնաբանի այդ միջադեպը և մեկնաբանություն ստանալու համար ճիշտ հասցեով չենք դիմել:

«Դիմեք համապատասխան ծառայություններին՝ ավելի հանգամանալից տեղեկություններ ստանալու համար»,- նշեց Արման Աբովյանը:

ԱԳՆ մամուլի խոսնակ Տիգրան Բալայանն էլ կրկնեց այն, ինչ ասել էր նախորդ երկու օրերի ընթացքում: Մասնավորապես՝ ուկրաինացի լրագրողները Հայաստանում լրագրողական գործունեություն ծավալելու հավատարմագրում չեն անցել ու երբ հայտարարում են, թե հավատարմագրված են եղել, դա իրականությանը չի համապատասխանում:

«Հավատարմագրումն էլ կատարվում է փաստաթղթային տարբերակով՝ փաստաթղթերն ուղարկվում են, քննարկվում է ու տրվում է համաձայնություն: Իսկ այդպիսի հայտ ԱԳՆ-ն ուկրաինացի լրագրողներից չի ստացել»,- մեզ հետ զրույցում ասաց Տիգրան Բալայանը: Տիգրան Բալայանը տեղեկություններ չուներ Ուկրաինայում ՀՀ դեսպանության հետ ինչ-ինչ պայմանավորվածություննեի մասին:

Ուկրաինացի լրագրողներին Հայաստանի տարածք մուտք գործելը արգելելու համար, սակայն, ոչ թե ԱԳՆ-ում չհավատարմագրվելն է հիմք հանդիսացել, այլ բոլորովին ուրիշ պատճառ: Համենայնդեպս ուկրաինացիները նշում էին, թե ինչ-որ ռուսական ցուցակ է պատճառը եղել, որ շրջանառվում է ԵԱՏՄ երկրների մեջ: Բայց դա, օրենքով, հիմնավորելի չէ, քանի որ ԵԱՏՄ համաձայնագրով նման որեւէ դրույթ նախատեսված չէ: Այսինքն՝ մեր ԱԱԾ-ն հավանաբար այլ պատճառներ է ունեցել ուկրաինացի լրագրողների մուտքը Հայաստան չթույլատրելու համար՝ միգուցե օբյեկտիվ, միգուցե՝ սուբյեկտիվ, դժվար է ասել: Ու դժվար է ասել, քանի որ ԱԱԾ-ն այս թեմայի կապակցությամբ լռում է: Իսկ երբ դիմեցինք ԱԱԾ, մեզ խորհուրդ տվեցին գրավոր հարցում ուղարկել, որի հետագա ճակատագիրը հասկանալի էր՝ օրենքով նախատեսված հնգօրյա ժամկետը լրանալուց հետո պետք է նշվեր լրացուցիչ մեկամսյա ժամկետ, իսկ դրանից հետո հղում արվեր պետական կամ ծառայողական գաղտնիքի վերաբերյալ դրույթներին: 

Չնայած սա այն դեպքերից է, որ ԱԱԾ-ում անգամ չպետք է սպասեր, մինչև լրագրողները պարզաբանում կամ պաշտոնական մեկնաբանություն անելու համար դիմեին իրենց, այլ իրենք պետք է սեփական նախաձեռնությամբ մեկնաբանություն հրապարակեին: Կամ պետք է պարզապես նշեին, որ հիմնավոր պատճառներ են եղել մուտքը չթույլատրելու համար: Որովհետև այդ մի դրվագը վերջին մի քանի օրերին բուռն քննարկվում է ուկրաինական, ու որ փոքր-ինչ անհասկանալի է՝ լուրջ տարածում գտավ նաև վրացական լրատվամիջոցներում:

Տպել
3977 դիտում

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

ՀՀ պաշտպանության նախարարն ընդունել է «Պատմության և մշակույթի էջեր» ծրագրի մասնակիցներին

Մրցանակներ՝ միջազգային կառույցներից. Արսեն Թորոսյանը մրցանակակիրներից մեկն է

2018-ին բացահայտված հանցագործությունների դեպքերով պետությանը պատճառվել է 84.8 մլրդ դրամի վնաս

Շոկային պարտությունից հետո «Արսենալը» պետք է փորձի դուրս չմնալ Եվրոպա լիգայից

«Մենք ստացանք մեր լուծումը». ռեստորանատերերի խնդիրը կառավարությունը կարգավորեց

Ն. Փաշինյանը և ԵԱՀԿ Մինսկի խմբի համանախագահները կարևորել են հրադադարի ռեժիմի պահպանման իրականացումը

Արմավիրի քաղաքապետարանը սկսում է քաղաքը մեքենաների թափքերից մաքրելու ծրագիր

Թաեքվոնդոյի ֆեդերացիայի նախագահի ընտրությունները կրկին հետաձգվել են

Արամ Խաչատրյանի երաժշտության հիման վրա օրհներգի համար տեքստի մրցույթ է հայտարարվել

Նախարար Հակոբ Արշակյանի այցից հետո Կենտրոնական ավտոկայանում միջադեպ է տեղի ունեցել