Գագիկ Ծառուկյանը մի քիչ էլ ջղայնացավ վրաս. «Առինջ մոլ»-ՊԵԿ կրքերը հանդարտվել են

ԲՀԿ նախագահ Գագիկ Ծառուկյանի եւ Պետեկամուտների կոմիտեի հարաբերությունները, կարծես թե, թեւակոխել են համերաշխության դաշտ: Դա է վկայում այն, որ «Առինջ մոլ» առեւտրի կենտրոնի աշխատակիցներին այլեւս չենք տեսնում փողոցներում, ինչպես նաեւ գրեթե չեն հանդիպում «Առինջ մոլ»-ի աշխատակիցների եւ ՊԵԿ-ի ճնշումների մասին մամուլի հրապարակումները:

ԱԺ պատգամավոր, «Գագիկ Ծառուկյան» բարեգործական հիմնադրամի տնօրեն Իվետա Տոնոյանին մոտ 5 օր առաջ հարցրեցինք, թե արդյո՞ք ՊԵԿ-Գագիկ Ծառուկյան հարաբերությունները կարգավորվել են: Տոնոյանը խոստացավ պարզել անձամբ Գագիկ Ծառուկյանից, սակայն մինչ օրս դեռ այդ հարցը պարզել նրան հավանաբար չի հաջողվել, քանի որ այդ օրվանից առ այսօր Իվետա Տոնոյանը մեր զանգերին չի պատասխանում:

Խնդրի վերաբերյալ զրուցեցինք «Առինջ մոլ»-ի աշխատակիցների բողոքի ակցիաները կազմակերպող, «Համերաշխություն» հասարակական կազմակերպության նախագահ Արմեն Ներսիսյանի հետ:

- Պարոն Ներսիսյան, «Առինջ մոլ»-ի եւ ՊԵԿ աշխատակիցների հարաբերությունները լուծվեցի՞ն:

- Ճիշտն ասած, հիմա բանակցությունների փուլում ենք: Հիմա խնդրել ենք պարոն Մելքումյանին (ԱԺ փոխնախագահ Միքայել Մելքումյան,- հեղ.) եւ տարբեր կուսակցություններին, որ տնտեսագետների խումբ ստեղծվի, մենք էլ հիմա ստորագրահավաքով ենք զբաղված: Ես 50 հազար ստորագրությամբ կմոտենամ պարոն Մելքումյանին եւ «Ելք» դաշինքին, նրանք էլ են արձագանքել, չեն արձագանքել ՀՅԴ-ն եւ ՀՀԿ-ն, սպասում ենք՝ տեսնենք: Տնտեսագետների հանձնախումբ ստեղծենք եւ 2018 թվականից ուժի մեջ մտնող «Հարկային օրենսգրքում» փոփոխություն մտցնենք: Տնտեսագետները Հայաստանի իրավիճակին ավելի լավ գնահատական կարող են տալ, քան մենք: Դրա համար փորձում ենք տնտեսագետների եւ ավելի մեծ փորձ ունեցող մարդկանց հետ համագործակցել: «Համերաշխություն» հ/կ-ն այդ գործընթացի մեջ է:

- Հիմա հարկային աշխատակիցները ձեզ էլ չե՞ն անհանգստացնում:

 -Ճիշտն ասած, այս րոպեին չեն անհանգստացնում, ուղղակի ՀԴՄ ստուգումներ են անցկացնում, բայց՝ խաղաղ պայմաններում:

- Մի խոսքով՝ լարվածություն էլ չկա:

- Չէ, լարվածություն չկա, առաջադիմություն ենք նկատում եւ փորձում ենք տնտեսագետների հետ այդ հանձնախումբը ստեղծել, որպեսզի նոր օրենսգրքում փոփոխություններ անենք: Միգուցե ավելի խելամիտ բաներ գտնենք, որ հարմար կլինի այսօրվա Հայաստանին:

- Ձեր կարծիքով, ո՞րն է ՊԵԿ-ի մոտեցման փոփոխության պատճառը:

- Տեսան երեւի, որ արդեն ժողովուրդը հունից դուրս է գալիս, դա է պատճառը:

- Մամուլում հրապարակումներ եղան, որ ԲՀԿ նախագահ Գագիկ Ծառուկյանը եւ ՊԵԿ նախագահ Վարդան Հարությունյանը ընդհանուր հայտարարի են եկել «Առինջ մոլ»-ի հարցում:

- Համերաշխություն» հ/կ-ն քաղաքականությունով չի զբաղվում, եւ ճիշտն ասած, ես ներկա չեմ եղել, որպեսզի իմանամ՝ նման բան եղե՞լ է, թե՞ ոչ:

- Գագիկ Ծառուկյանի եւ ձեր կազմակերպության անդամների միջեւ «Առինջ մոլ»-ի եւ հարկայինի հարցով քննարկում եղե՞լ է:

- Վերջին օրերին չի եղել, մի երեք ամիս առաջ ասում էր (Գագիկ Ծառուկյանը,- հեղ.)՝ Արմեն ջան, աշխատեք ամեն ինչ, ինչ անում եք, հանգիստ կերպով արեք, մի քիչ էլ, ճիշտն ասած, ջղայնացավ վրաս, որ ժողովուրդը խի է ոտի հելնում, էս, էն, այդպես: Նման խոսակցություն եղել է, ու դա է եղել մեր վերջին խոսակցությունը մի երեք ամիս առաջ:

- Երեք ամիս առաջ «Առինջ մոլ»-ի աշխատակիցները ոտքի՞ էին ելել:

- Այո, 3-4 ամիս, երեւի լավ չեմ հիշում:

- Վերջին ակցիաների հետ կապված Գագիկ Ծառուկյանը ձեզ չի՞ կշտամբել:

- Ճիշտն ասած, Ծառուկյանը հարկային աշխատողների հետ՝ Միրումյանի, եկել էր շուկա, որտեղ ժողովուրդը ոտքի էր ելել, այդ ժամանակ փորձում էր հաշտեցնել իրավիճակը եւ հաշտեցրեց: Այդքան բանն է եղել, ինչ որ տեսել եմ:

Տպել
12479 դիտում

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը

Փարիզում «դեղին բաճկոնների» ակցիայի 12 մարդ է ձերբակալվել

ԵԽԽՎ ձմեռային նստաշրջանում անդրադարձ կլինի ՀՀ-ում կայացած արտահերթ խորհրդարանական ընտրություններին

Հայտնաբերվել է Հաղարծինում ծառերն ապօրինի կտրած անձը

Վարդենյաց լեռնանցքը կցորդիչով բեռնատարների համար փակ է, իսկ մյուս բեռնատարների համար՝ դժվարանցանելի

Սամվել Մայրապետյանի փաստաբանական խումբը պատասխանել է ՀՀ գլխավոր դատախազությանը

Վալերիյ Օսիպյանն ընդունել է տաքսի ծառայությունների ղեկավարների, պատասխանել նրանց հուզող հարցերին

Դավիթ Տոնոյանն ու «Մայքրոսոֆթ» ընկերության ներկայացուցիչները պայմանավորվել են հետագա համագործակցության վերաբերյալ

ՀՀ ՄԻՊ Արման Թաթոյանը հայտարարություն է տարածել Ազգային ժողովի մարմինների ձեւավորման կապակցությամբ

Քաղաքապետ Հայկ Մարությանը հանդիպել է «Դայմլեր բասիս» ընկերության վաճառքների դեպարտամենտի տնօրեն Բերնդ Մեքի հետ

Ադրբեջանական կողմը հրադադարի պահպանման ռեժիմը մեկ շաբաթում խախտել է շուրջ 180 անգամ

ՀՀ Աշխատանքի եւ սոցիալական հարցերի նախարար է նշանակվել Զարուհի Բաթոյանը

Արմեն Սարգսյանը ստորագրել է հրամանագրեր՝ նախարարներ նշանակելու եւ վերանշանակելու մասին

ՄԱԿ գլխավոր քարտուղարը շնորհավորական ուղերձ է հղել Նիկոլ Փաշինյանին՝ վարչապետի պաշտոնում նշանակվելու առթիվ