2 ամսում 10 զինծառայող է մահացել, 2-ը հակառակորդի գնդակից է զոհվել

2017 թվականի հունվարից մինչեւ նոյեմբերի 27-ը Հայաստանի ե Արցախի զինված ուժերում գրանցվել է մահվան թվով 56 դեպք: Հելսինկյան քաղաքացիական ասամբլեայի Վանաձորի գրասենյակն այս տարվա առաջին 9 ամսվա ամփոփ տեղեկանքն է պատրաստել, որտեղ ներառված է մահվան 46 դեպքը, իսկ մյուս 10 դեպքը տեղի է ունեցել հոկտեմբեր եւ նոյեմբեր ամիսներին: Վերջին 2 ամսվա տվյալների համադրությամբ պարզ է դառնում, որ 10 դեպքից ընդամենը 2-ն է հակառակորդի կողմից հրադադարի խախտման հետեւանքով առաջացել, մյուս 8 դեպքերից 1-ով զինծառայողը հանկարծամահ է եղել, 3 զինծառայող մահացել է ականի պայթյունից, 1-ը՝ պահեստում տեղի ունեցած պայթյունից, 1-ը՝ ավտովթարից, 1-ը ինքնասպանություն է համարվել, իսկ վերջին 1 դեպքը ծառայակցի կողմից սպանություն է որակվել:

Ստորեւ ներկայացնում ենք վերջին 10 դեպքը:

Ամենաթարմ դեպքը Վանաձորի զորամասում գրանցված մահվան դեպքն է: ՀՀ քննչական կոմիտեի փոխանցմամբ՝ նոյեմբերի 24-ին՝ ժամը 09:55-ին, ՀՀ ՊՆ Վանաձորի կայազորային զինվորական հոսպիտալ է տեղափոխվել ՀՀ ՊՆ N զորամասի պայմանագրային զինծառայող Գառնիկ Բորիսի Պետրոսյանի դին: Նախնական քննության տվյալներով՝ պայմանագրային զինծառայող Գառնիկ Պետրոսյանը 24.11.2017թ.՝ ժամը 09:30-ի սահմաններում, դիմել է զորամասի բուժկետ՝ գանգատվելով կրծքավանդակի հատվածում սեղմոցից: Զորամասի բուժկետից Գ.Պետրոսյանն ուղեգրվել է ՀՀ ՊՆ Վանաձորի կայազորային զինհոսպիտալ, սակայն վերջինս զինհոսպիտալ տեղափոխվելու ճանապարհին մահացել է: Ըստ նախնական ախտորոշման՝ Գ.Պետրոսյանը մահացել է սրտամկանի ինֆարկտից:

Նոյեմբերի 21-ին՝ ժամը 18:35-ի սահմաններում, ՊԲ N զորամասի պահպանության տեղամասի մարտական դիրքում ինժեներական աշխատանքներ կատարելիս, հակատանկային ականի պայթյունի հետևանքով պայթյունաբեկորային մահացու վիրավորումներ են ստացել նույն զորամասի զինծառայողներ՝ լեյտենանտ Գեղամ Կորյունի Զաքարյանը, շարքայիններ Սարգիս Գուրգենի Աբրահամյանը և Սարգիս Մհերի Մելիքյանը: Շարքային Նարեկ Հայկի Հովեյանը պայթյունաբեկորային մարմնական վիրավորումներով տեղափոխվել է զինհոսպիտալ: Հարուցվել է քրեական գործ՝ ՀՀ քրեական օրենսգրքի 373-րդ հոդվածի 4-րդ մասով:

Նոյեմբերի 4-ին՝ ժամը 12:10-ի սահմաններում, տեղի ունեցած պայթյունի հետևանքով կյանքի հետ անհամատեղելի պայթյունաբեկորային վնասվածքներ է ստացել նույն պահեստում աշխատանքներ կատարող պարտադիր ժամկետային զինծառայող, շարքային Հրանտ Խաչատուրի Մանգասարյանը եւ մահացել։ Պահեստապետ, պայմանագրային զինծառայող Գևորգ Հյուսնունցը և պարտադիր ժամկետային զինծառայող, շարքային Սերգեյ Ալումյանն ստացել են տարբեր աստիճանի մարմնական վնասվածքներ և տեղափոխվել զինհոսպիտալ:

Հոկտեմբերի 23-ին՝ ժամը 08:00-ի սահմաններում, ՀՀ ՊՆ N զորամասի պարտադիր ժամկետային զինծառայող, շարքային Գևորգ Սամվելի Խանամիրյանի վարած «ՈւԱԶ» մակնիշի ավտոմեքենան Եղեգնաձոր-Ագարակաձոր ճանապարհի «Գռավ» կոչվող հատվածում դուրս է եկել ճանապարհի երթևեկելի գոտուց դեպի ձախ և շուրջ 27 մետր գլորվել ձորը: Վթարի հետևանքով վերջինս և ուղևոր Տիգրան Սամվելի Սարգսյանը ստացած մարմնական վնասվածքներով տեղափոխվել են Եղեգնաձորի բժշկական կենտրոն, որտեղ ժամը 12:00-ին Գ.Խանամիրյանի մոտ արձանագրվել է կենսաբանական մահ: Տ. Սարգսյանի մոտ ախտորոշվել է ձախ ձեռքի դաստակի կոտրվածք՝ տեղաշարժով:

Հոկտեմբերի 20-ին՝ ժամը 17։20-ի սահմաններում,  իրեն ամրակցված ԱԿ-74 տեսակի ինքնաձիգից՝ իր կողմից ճակատի շրջանին կրակոց արձակելու հետևանքով հրազենային վնասվածք է ստացել Հ.Ավետիսյանը։ Ստեփանակերտի զինհոսպիտալ տեղափոխվելու ճանապարհին վերջինս մահացել է: Երկրորդ կայազորային քննչական բաժնում ժամկետային զինծառայող, շարքային Հրաչ Արարատի Ավետիսյանի մահվան դեպքի առթիվ քննվող քրեական գործով իրականացված քննչական և դատավարական այլ գործողությունների արդյունքում բավարար փաստական տվյալներ են ձեռք բերվել` համածառայակցի կողմից ստորադասության հարաբերությունների բացակայության դեպքում զինծառայողների փոխհարաբերությունների կանոնագրքային կանոնները խախտելու՝ Հ.Ավետիսյանին հարվածներ հասցնելու, վիրավորելու վերաբերյալ։ Ձեռք բերված ապացույցների հիման վրա՝ համածառայակցին, ով պարտադիր ժամկետային զինծառայող է՝ շարքային, մեղադրանք է առաջադրվել՝ ՀՀ քրեական օրենսգրքի 359-րդ հոդվածի 1-ին մասով /երեք դրվագ/: Նրա նկատմամբ որպես խափանման միջոց է ընտրվել կալանավորումը:

Հոկտեմբերի 20-ին՝ ժամը 12:40-ի սահմաններում, N զորամասի պահպանության տեղամասի մարտական դիրքում, աջ ուսագոտու շրջանում հրազենային վնասվածք է ստացել պարտադիր ժամկետային զինծառայող, 1998թ. ծնված Արամ Սիրեկանի Խաչատրյանը: Զինհոսպիտալ տեղափոխվելու ճանապարհին զինծառայողն ստացած հրազենային վնասվածքից մահացել է: Մահացու հրազենային վնասվածք ստանալու դեպքի բոլոր հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ ձեռնարկված մեծածավալ քննչական գործողությունների արդյունքում բավարար փաստական տվյալներ են ձեռք բերվել, որ Ա.Խաչատրյանը սպանության զոհ է դարձել, պարզվել է առերևույթ հանցագործություն կատարած անձի ինքնությունը։ Սպանության կասկածանքով ձերբակալվել է նույն զորամասի պարտադիր ժամկետային զինծառայող, կրտսեր սերժանտը։

2017 թվականի հոկտեմբերի 19-ին՝ ժամը 15:50-ի սահմաններում, պարտադիր ժամկետային զինծառայող, շարքային Տիգրան Արմենի Խաչատրյանը, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով ուսի շրջանում հրազենային վիրավորում է ստացել: Վերջինս զինհոսպիտալ տեղափոխվելու ճանապարհին մահացել է: Երրորդ կայազորային քննչական բաժնում հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով սպանություն կատարելու դեպքի առթիվ, կատարվում է նախաքննություն:

2017 թ. հոկտեմբերի 10-ին՝ ժամը 11:00-ի սահմաններում, պարտադիր ժամկետային զինծառայող, շարքային Չապլին Արմենի Մարգարյանը՝ հակառակորդի կողմից արձակած կրակոցի հետևանքով կրծքավանդակի շրջանում հրազենային վիրավորում է ստացել՝ ՀՀ ՊՆ N զորամասի մարտական դիրքում ինժեներական աշխատանքներ կատարելու ժամանակ, ով անմիջապես տեղափոխվել է զինհոսպիտալ։ ՀՀ քննչական կոմիտեի ԶՔԳՎ վեցերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի 13-րդ կետով: Նախաքննության ընթացքում վարույթն իրականացնող մարմինը զինհոսպիտալից տեղեկացվել է, որ նույն օրը՝ ժամը 21:00-ին, գրանցվել է զինվորի կենսաբանական մահը:

Այս տարվա առաջին 9 ամսվա ընթացքում գրանցված մահացության 46 դեպքից 29-ը ժամկետային զինծառայողներ են եղել: 44 դեպքի վերաբերյալ եղել է պաշտոնական հաղորդագրություն, 2 դեպքի մասին տեղեկություն է տարածվել միայն լրատվամիջոցներով: Այս տարվա առաջին 9 ամիսներին արձանագրված մահացության դեպքերի գերակշիռ մասը՝ 29 դեպք, արձանագրվել է Լեռնային Ղարաբաղում: Ըստ Զինվորական քննչական գլխավոր վարչության հրապարակումների՝ 38 մահացության դեպքով հարուցվել են քրեական գործեր:

«Հայկական Ժամանակ»-ը Telegram-ում
Տպել
4992 դիտում

«Երաժշտություն հանուն ապագայի» հիմնադրամը նախաձեռնել է կրթական ուղևորություն դեպի Դուբայ

Դպրոցներում եղած խնդիրներն արտացոլվում են բանակում և կյանքի այլ ոլորտներում․ վարչապետ

Երևանում «Լեքսուս»-ը կոտրել է ճանապարհային երթևեկության ցուցանակը և հայտնվել մայթին

Աղաչեի էլ՝ ինձ չէին թողնի․ վարչապետն անձնական օրինակով ներկայացրել է վարորդական վկայականների տրամադրման կարգը

Դատապարտյալի բաճկոնի աստառի տակ հայտնաբերվել են կասկածելի զանգվածներով փաթեթներ

Տնօրենների մրցույթի հարցազրույցի փուլը դրական է հաղթահարում 30 տոկոսը, սա լուրջ խնդիր է․ նախարար

Երկրում կադրային ճգնաժամ է. Նիկոլ Փաշինյան

Զինվորական դատախազությունը 2024 թվականին պետությանն է վերադարձրել 11 միլիոն 310 հազար դոլար

Սկանդալ Թուրքիայում. Մոուրինյոն քաշել է «Գալաթասարայի» մարզչի քթից, ֆուտբոլիստները ծեծել են իրար. տեսանյութ

ՌԴ ԱԳՆ-ում մեկնաբանել են Հայաստանի կողմից ԵՄ-ին միանալու մասին օրենքի ընդունումը

Մյանմարի երկրաշարժի զոհերի թիվն աճել է. հրապարակվել են նոր տվյալներ

Նոր Հաճնի կամրջի վրա բախվել է 3 ավտոմեքենա

Երևանում թառած սուտի հայրենասերները Մարտունին դրդում են ընտրել Ղուկասյանին՝ գրեթե շանտաժ անելով. Ղազարյան

Դիլիջանի թունելը կիսով չափ հոսանքազրկվել է

Գրիգորյանն ու Գրոնոն մտքեր են փոխանակել Հայաստանի և Ադրբեջանի հարաբերությունների կարգավորման գործընթացի շուրջ

ԱՄՆ-ի վիզայի համար դիմում ներկայացրած ցանկացած անձ պետք է ապացուցի, որ համապատասխանում է պահանջներին

Մերսման դիմաց վճարել էին հուշանվեր-թղթադրամներով․ երիտասարդները բերման են ենթարկվել

Գրոսմայստերներ Էլինա Դանիելյանը և Լիլիթ Մկրտչյանը՝ շախմատի Եվրոպայի կանանց անհատական առաջնության առաջատարներ

Ալավերդու Մանկապատանեկան ստեղծագործական կենտրոնը հիմնանորոգված է․ վարչապետը տեսանյութ է հրապարակել

Թրամփն ԱՄՆ-ում արտակարգ դրություն է հայտարարել՝ նշելով առևտրային պատեերազմների մեկնարկի մասին

Կանխվել է քաղաքացու ինքնասպանության փորձը

Անցել ենք «նոր մակարդակի». Իսրայելի վարչապետը հայտարարել է Գազայի հատվածում նոր տարածքներ գրավելու մասին

Իրանը փակում է իր օդային տարածքը և բանակը բերում մարտական պատրաստության վիճակի

Ինչ է կատարվել Երևանում. ՆԳՆ-ից պարզաբանել են աղմուկի պատճառ դարձած տեսանյութի իրադարձությունները

Լեռնային Ղարաբաղի հակամարտությունը մնում է չլուծված․ Կանադայի Արտաքին գործերի նախարար

ՔՊ-ն կարող է հնարամիտ վարվի և այնպես անի, որ Վարդան Ղուկասյանը չկարողանա դառնալ քաղաքապետ. Քոչինյան. տեսանյութ

Մյանմարի ափերի մոտ կրկին երկրաշարժ է տեղի ունեցել, ևս մեկ ուժգին ցնցում էլ՝ Ճապոնիայի մոտակայքում

Իրկուտսկի մարզում ռմբակոծիչ է կործանվել. օդաչուն մահացել է

ՆԳՆ շրջիկ սպասարկման գրասենյակները շարունակում են հանրային ծառայությունների մատուցումը ՀՀ մարզերում

ՔՊ Արմավիրի գրասենյակում կայացել է կուսակցության նախաձեռնող խմբի հերթական նիստը

Սենատը հաստատել է Մեթ Ուիթաքերին ՆԱՏՕ-ում ԱՄՆ-ի դեսպանի պաշտոնում

Երևանում բախվել են «Ֆորդ»-ն ու շտապօգնության մեքենան. տուժել է բժիշկը

ԱՄՆ-ը Ռուսաստանի դեմ նոր պատժամիջոցներ է սահմանել

Գյումրիի ընտրության պատկերով ուրախ եմ, քաղաքացին կհասկանա՝ ինչ խաղեր են տալիս՝ լափամանի գալու համար. տեսանյութ

Փամփուշտներ, սվին-դանակներ, զինվորական ռադիոհեռախոսներ. Լոռիում ապօրինի զենք-զինամթերք է առգրավվել

Արդյունավետ և կառուցողական. Բոլատ Իմանբաևը՝ ՀՀ-Ղազախստան ոլորտային համագործակցության մասին

Դադարեցնել քաղաքական հետապնդումները. Եվրոպայի խորհուրդը դիտորդական առաքելություն կուղարկի Թուրքիա

Բախվել են «ԳԱԶել»-ը և «Մերսեդես»-ը, կա 4 տուժած, այդ թվում՝ անչափահաս

Դավիթ Խուդաթյանը KFW պաշտոնյայի հետ քննարկել է Կապսի ջրամբարի ծրագրի իրականացման ընթացքի խնդիրները

«Ես ձեզ նման չեմ, ձեզնից մեկն եմ»․ «Իմ ուղին» կենտրոնում նշել են Աուտիզմի իրազեկման օրը