Ամանորին Ե. Քոչարի տուն-թանգարան այցելողները կհամտեսեն նրա սիրելի աղանդերները եւ խմիչքները

Հաճախ ընդունված է դժգոհել, որ Նոր տարին առատ ու ծանր սեղանների տոն է, երբ մարդկանց ուշքն ու միտքը միայն կերուխումն է, եւ կյանքն այդ օրերին պտտվում է մի սեղանից մյուսի շուրջը:

Բայց մայրաքաղաք Երեւանում կարծես թե բավական հնարավորություններ են ստեղծված՝ գալիք Ամանորն առավել հագեցած, բազմազան ու նաեւ մշակութային միջավայրում անցկացնելու համար՝ անուշահամ խորտիկները համատեղելով հոգեւոր սնունդի հետ:

Նախատոնական, տոնական եւ հետտոնական միջոցառումների ցանկը հրապարակված է Երեւանի քաղաքապետարանի պաշտոնական կայքում: Դրանցից որոշներն առանձնացնելով՝ փորձեցինք կազմել մեկ օրվա ծրագիր: Ասենք, օրինակ, հունվարի 3-ին, երբ արդեն շռայլորեն հնչած կլինեն բոլոր շնորհավորանքներն ու բերամաղթանքները, խմված՝ հնարավոր ու անհնար բոլոր կենացները, կարելի է տոնը շարունակել բնակարանների պատերից դուրս:

Թատրոններն, այդ օրը սպասելու են իրենց փոքրիկ այցելուներին: Մասնավորապես հունվարի 3-ին ու մասնավորապես ժամը 11:00-ին, «Մհեր Մկրտչյան» արտիստական թատրոնում խաղացվելու է «Երկարագուլպա Պեպին նշում է Ամանորը» ներկայացումը. «Ծովափնյա մի փոքրիկ քաղաք պատրաստվում է դիմավորել Ամանորը: Քաղաքը փաստացի ղեկավարող քաղաքային խորհրդի նախագահ Ֆրեկեն Ռոզենբլյումը Ձմեռ Պապիկին դիմավորելու եւ Ամանորը նշելու իր տարբերակն է ներկայացնում համաքաղաքացիներին: Նա գտնում է, որ Ամանորը շատ ծախսատար եւ անիմաստ տոն է, որը հարկավոր է նշել համեստ… Ոստիկանը տեղեկացնում է, որ քաղաք գողեր են մուտք գործել եւ հորդորում է բոլորին զգուշություն ցուցաբերել: Գողերի հետ մեկտեղ քաղաք է ժամանում երկարագուլպա Պեպպին՝ իր մեծ ձիու եւ շատ ծանր ճամպրուկի հետ»:

Այդ օրը Երեւանի վարչական շրջաններում նախատեսվում են տոնական միջոցառումներ ու համերգային ծրագրեր: Կարելի է մասնակցել դրանց: Կարելի է նաեւ վեր կենալ ու գնալ թանգարան: Գեղանկարիչ-քանդակագործ Երվանդ Քոչարի հյուընկալ հարկի տակ այցելուները, բացի ավանդական էքսկուրսիայից ու 20-րդ դարի մոդեռն արվեստի ներկայացուցչի ստեղծագործական ժառանգությանը ծանոթանալուց, հնարավորություն կունենան համտեսել այն աղանդերներն ու խմիչքները, որոնք մաեստորն է սիրել: Կկազմակերպվի Քոչարի եւ համաշխարհային մեծերի մասին կարճամետրաժ ֆիլմերի ցուցադրություն: Ընտրությունը կկատարեն այցելուները՝ թանգարանի ֆիլմադարանից: Հնարավոր է նաեւ հուշանվերների խաղարկություն: Ի դեպ, Քոչարի թանգարանը վերջերս նորամուծություն է կիրառում եւ շաբաթ երեկոներին տարածքը վերածվում է սրճարանի: Այստեղ նաեւ վաճառվում են արվեստագետի ստեղծագործությունների մոտիվներով ստեղծված հուշանվերներ:  

Ավելի ուշ թերեւս արժե քայլել դեպի Ազատության հրապարակ՝ տեսնելու «Սառցե քաղաքը»՝ Ձմեռ պապի տնակով ու սառցե տարբեր կառույցներով: Դրանք կներկայացվեն ժամը 20:00-22:00-ն: Իսկ եթե գրպանի պարունակությունը թույլ տա, օրը կարելի է եզրափակել ռեստորանում ընթրելով: Կամ՝ այցելել կարաոկե: Սննդի եւ ժամանցի մի շարք վայրեր՝ ռեստորաններ, սրճարաններ, բարեր, պիցցերիաներ, կարաոկե եւ դիսկո ակումբներ, վքաղաքապետարանի առաջարկով բաց են լինելու հունվարի 1-ից:

Հ.Գ. 2018-ին իրենց դռները սովորականից շուտ են բացելու ոչ միայն Երեւանի քաղաքապետարանի, այլ նաեւ ՀՀ մշակույթի նախարարության ենթակայությամբ գործող մի շարք թանգարաններ:

Երեւանի քաղաքապետարանի թանգարանները կաշխատեն հունվարի 2-7-ը՝ ժամը 11:00-17:00-ն:

Դրանք են՝

Երեւանի պատմության թանգարանը,

«Էրեբունի» պատմահնագիտական արգելոց-թանգարանը,

Ժամանակակից արվեստի թանգարանը:

Մշակույթի նախարարության թանգարանները կգործեն հունվարի 3-5-ը՝ ժամը 12:00-17:00-ն: Դրանք են՝

Հայաստանի ազգային պատկերասրահը,

Հայաստանի պատմության թանգարանը,

Ե. Չարենցի անվան գրականության եւ արվեստի թանգարանը,

Ռուսական արվեստի թանգարանը,

Ե. Քոչարի թանգարանը,

Հ. Թումանյանի թանգարանը,

Ս. Փարաջանովի թանգարանը,

Ե. Չարենցի տուն-թանգարանը,

Մ. Սարյանի տուն-թանգարանը,

Կոմիտասի թանգարան-ինստիտուտը:

Այս տարի առաջին անգամ կիրականացվի «Սուրբ ծնունդը Երեւանում» տոնածիսական համերգային ծրագիր: Այն նախատեսված է հունվարի 6-ին՝ ժամը 18:00-ին՝ Ազատության հրապարակում:

Ամանորի միջոցառումները կեզրափակվեն հունվարի 13-ին՝ Ազատության հրապարակում՝ ժամը 19:00-ին նախատեսված համերգային ծրագրով:

Տպել
2322 դիտում

Վարչապետի որոշմամբ Աշոտ Մուսայանն ազատվել է անշարժ գույքի կադաստրի կոմիտեի ղեկավարի տեղակալի պաշտոնից

Որո՞նք են կանանց իրավունքների խախտմանը նպաստող պայմաններն աշխատավայրում. ՄԻՊ-ի իրազեկող տեսանյութը

Ես կոնֆլիկտային մարդ չեմ եւ կարծում եմ՝ դժվար չի լինելու ինձ հետ հարաբերվելը. Նարինե Թուխիկյան

Մեր ստորաբաժանումները պատրաստ են ավելի լայնածավալ մարտական գործողությունների. Ջալալ Հարությունյան

Կոմիտասի շուկայի հարակից մայթը ազատվում է կրպակներից՝ սեփականատիրոջ միջոցներով. Երեւանի քաղաքապետարան

ՀՀ-ում տնտեսվարողների կարծիքը հարկային վարչարարության վերաբերյալ դեպի լավն է փոխվել. ՊԵԿ-ը հարցում է անցկացրել

Ֆրանսիացի քաղաքապետը Շուշիի հետ կնքված բարեկամության հռչակագիրը կբողոքարկի դատարանում

ԱՄՆ-ն դիտարկում է Իրանին ռազմական հարված հասցնելու հնարավորությունը. Պոմպեո

Վարդան Բալայանն ազատվել է Արցախի ՊԲ հրամանատարի տեղակալի պաշտոնից

Դիլիջան-Իջևան սարսափն այլևս չկա. մայրուղու հսկայական հատվածներ արմատապես ասֆալտապատվել են. Սաֆարյան

Մինեսոտայում հայկական համայնքը տարեցտարի ավելի է մեծանում. հանդիպում է Գարեգին Բ-ի հետ

Մուլտիմիլիոնատերերը փորձում են փրկել ունեցվածքը. ինչից են վախենում

Հայտարարվել են Վայոց ձորի և Տավուշի մարզերի ճանապարհների վերականգնման մրցույթներ

Փրկարարները 1 օրում 10 օձերի են բնակավայրերից հեռացրել՝ տեղափոխելով անվտանգ տարածք

Դավաճանը ամենեւին էլ մենք չենք

Վթար. օդաչուները հայհոյել են դիսպետչերին

Կրթություն. քրգործ ամբիոնի վարիչի դեմ

Կյանքից հեռացել է ՀՀ վաստակավոր արտիստ, բալետի պարուսույց Նադեժդա Դավթյանը

Հրդեհ Հրազդանի «Բարեկամություն» կինոթատրոնում. 3 մարտական հաշվարկ է տեղում աշխատել

Ավազակային հարձակման, բռնաբարության համար դատապարտված ոստիկանը փորձել է փախչել «Նուբարաշեն» ՔԿՀ-ից