Երևան
12 °C
Այսօր դեկտեմբերի 11-ն է: Ասել է թե՝ մեկնարկել է մարդու պապիլոմային վիրուսի դեմ պատվաստումների գործընթացը: Բայց մեր այցելած երկու մանկական պոլիկլինիկաներում էլ պարզ դարձավ, որ ոչ ոք դեռեւս չի ներկայացել պատվաստում ստանալու:
Մեկում շահառուներին հրավիրել էին եւ սպասում էին, մյուսում դեռ չէին էլ հրավիրել:
Թիրախային խմբում 13 տարին լրացած աղջիկներն են: Առողջապահության նախարարությունը վստահեցնում է, որ պապիլոմավիրուսի դեմ պատվաստումը նրանց հնարավորություն է տալու խուսափել արգանդի վզիկի քաղցկեղից ու որ պատվաստանյութն անվտանգ է, իսկ հանրության մի ստվար զանգվածի շրջանում կա հակազդեցություն ու բողոք: Նրանք համոզված են, որ երեխաներին պատվաստելը կարող է ունենալ անդառնալի հետեւանքներ կամ որ պատվաստումն առնվազն անվտանգ չէ:
Երեւանի N2 բուժմիավորման N1 մանկական պոլիկլինիկայի մանկաբույժ Աննա Սիմոնյանն ասաց, որ դեռեւս որեւէ երեխայի չեն հրավիրել պատվաստում ստանալու, որովհետեւ չնայած առողջապահության ոլորտի պատասխանատուները հայտարարել են, որ գործընթացը մեկնարկելու է դեկտեմբերի 11-ին, բայց համապատասխան հրաման իրենք չեն ստացել:
«Մեզ ոչ մեկը ոչ մի պաշտոնական հրաման չի տվել: Ամեն դեպքում այսօրվա՝ դեկտեմբերի 11-ի վերաբերյալ ոչ մի կոնկրետ բան դեռ չկա: Մեր պոլիկլինիկայում ոչ մի մանկաբույժ երեխա չի կանչել»,- ասաց բժշկուհին:
Պատվաստանյութը, սակայն այստեղ արդեն ստացել են: Նաեւ պապիլոմավիրուսային վարակի դեմ պատվաստումների վերաբերյալ զրույցներ են ունեցել ծնողների հետ: «Խոսել ենք, զրուցել ենք: Անընդհատ ենք խոսում: Այնպես չէ, որ բոլորը միանշանակ գոհ են պատվաստումից, ինչպես բոլոր նորարարություններից՝ սկզբում: Բայց երբ որ հրաման լինի, սկսենք նորից խոսել, արդեն կտեսնենք»,- նշեց նա:
Աննա Սիմոնյանի ցուցակում 13 տարեկանը լրացած յոթ աղջիկ կա: Պոլիկլինիկայում աշխատող մանկաբույժները մի քանիսն են եւ յուրաքանչյուրն իր սպասարկման տարածքն ունի: Մեր զրուցակիցը կարծում է, այդ յոթ երեխայից չորսի ծնողները դեմ չեն լինի նրանց պատվաստել:
Իսկ հարցը, թե բժշկուհին ինքը պատվաստման կողմնակի՞ց է, միանշանակ պատասխան չստացավ:
-Միանշանակ ձեզ չեմ կարող ասել: Ժամանակին ես իմ աղջկան ուզում էի տանել մարդու պապիլոմավիրուսային վարակի դեմ պատվաստելու, երբ այդ պատվաստումը դեռ ընդգրկված չէր պատվաստումների ազգային օրացույցում ու վճարովի էր: Ուղղակի ինչ-ինչ պատճառներով չստացվեց: Իրեն չկարողացա համոզել:
-Իսկ հիմա դուք կասկածներ ունեք եւ լրիվ վստահ չե՞ք, որ պատվաստումը ճիշտ է:
- Չեմ կարող որեւէ հաստատ բան ասել ձեզ: Տասը տարին մի քիչ... Բայց իրոք դա պաշտպանում է այնպիսի հիվանդությունից, որ Աստված չանի, առաջանա: Դաժան հիվանդություն է քաղցկեղը: Միայն անունը բավականին դաժան է:
-Այսինքն՝ քաղցկեղից պաշտպանում է, բայց ուրիշ վտանգներն էլ չեք բացառո՞ւմ:
-Ցանկացած պատվաստում իր վտանգները, իր բարդություններն ունի: Այդ որ ասվում է անպտղություն է առաջացնում, ես դրան չեմ հավատում եւ չեմ վստահում նման խոսակցություններին:
-Ուղղակի, ինչքան հասկացա՝ այնքան էլ վստահ չեք, որ ճիշտ է երեխաներին պատվաստելը:
-Պատվաստելը ճիշտ է, բայց քանի որ պատվաստանյութի ժամկետը տասը տարին է, դա է ինձ մի քիչ... Թե չէ այո, ճիշտ է: Նորից եմ կրկնում, բոլոր պատվաստումներն ունեն թույլատրելի տոկոսային բարդություններ:
Մանկաբույժ Աննա Սիմոնյանը, երբ խոսում է պատվաստանյութի տասը տարվա ժամկետի մասին, նկատի ունի դրա գոյությունից մինչեւ օրս անցած ժամանակը, որը նրա կարծիքով, փաստորեն քիչ է՝ պատվաստանյութի առավելություններն ու թերություններն ամբողջովին բացահայտված լինելու համար:
«Արաբկիր» մանկական պոլիկլինիկայում նույնպես մեր այցելության պահին որեւէ մեկը չէր եկել պապիլոմավիրուսի դեմ պատվաստվելու: Մանկական բաժնի վարիչ Կարինե Հովսեփյանը վստահ էր, որ անպայման գալու են, եւ պատվաստվողները մեծամասնություն են կազմելու:
«Պատվաստվելու են 2004 թվականի հուլիսի մեկից մինչեւ դեկտեմբերի 31-ը ծնված աղջիկները: Մենք նախօրոք արդեն պատրաստել ենք մեր ցուցակները՝ ովքեր են մտնում այդ տարիքային խմբի մեջ: Դրանք տրված են տեղամասային մանկաբույժներին, բուժքույրերին: Նրանք արդեն հայտնել են ծնողներին, եւ հույս ունեմ, որ մենք այսօր արդեն կունենանք հաճախում: Այս պահին մեր պոլիկլինիկայում ունենք 120 երեխա, որոնց 13 տարին լրացած է եւ ենթակա են պատվաստման»,- ասաց Կարինե Հովսեփյանը:
Երբ պոլիկլինիկայի բուժաշխատողները զանգահարել են նշված տարիքի աղջիկների ծնողներին՝ երեխաներին հրավիրելու պապիլոմավիրուսի դեմ պատվաստվելու, ստացել են թե՛ դրական եւ թե՛ բացասական արձագանքներ: «Կա ե՛ւ դրականը, ե՛ւ կա բացասականը: Իհարկե, մեր տարածքում դրականը ավելի շատ է, որովհետեւ մեծ աշխատանք կատարվել է, մեր ժողովուրդը բավականին գիտակից է, եւ համոզված եմ, որ մեզ մոտ մենք կունենանք պատվաստումների մեծ ընդգրկվածություն»,- կարծիք հայտնեց մանկական բաժնի վարիչը: Նա, ի դեպ, առանց վարանելու հայտարարեց, որ երեխային պապիլոմավիրուսի դեմ պատվաստելը ճիշտ ընտրություն է եւ չպետք է բաց թողնել պետության ընձեռած այդ կարեւոր հնարավորությունը:
Պատվաստվելու հրավիրված, բայց դեռ վարանող ծնողներն, ըստ նրա, կարող են իրենց աղջիկներին պոլիկլինիկա տանել նաեւ հունվար-փետրվար ամիսներին:
«Պարտադիր չէ, որ բոլորը գան մինչեւ դեկտեմբերի 28-29-ը, բայց համոզված եմ, որ մենք հունվարին, մաքսիմում փետրվարին կունենանք պատվաստումներ: Մոտ 100 երեխա հաստատ կպատվաստվեն: Մինչեւ 6 ամսվա ընթացքում էլ կարող են գալ պատվաստվել, բայց, իհարկե ցանկալի է, որ դա լինի հունվարին, մաքսիմում՝ փետրվարին, որովհետեւ պապիլոմավիրուսի դեմ պատվաստումը երկնվագ է՝ վեց ամիս ընդմիջումով: Ցանկալի է, որ ժամանակին գան եւ 14 տարին լրանալուց առաջ երկուսն էլ ստացած լինեն»,- եզրափակեց «Արաբկիր» պոլիկլինիկայի բժշկուհին:
Լուսանկարում Կարինե Հովսեփյանն է:
«Հայկական Ժամանակ»-ը Telegram-ումՊետություն-մասնավոր աշխատանք, տեխնոլոգիական ոլորտի զարգացում. ԲՏԱ նախարարն այցելել է «Ինժեներական քաղաք»
Եղեգնաձորում վրաերթի են ենթարկվել մայր ու որդի
Եվրախորհրդարանը բանաձև է ընդունել, որով Զուրաբիշվիլիին ճանաչում է Վրաստանի լեգիտիմ նախագահ
Փարիզի քաղաքային խորհուրդն ընդունել է «Ադրբեջանում ԼՂ նախկին առաջնորդների մտահոգիչ իրավիճակի մասին» կոչ
ՌԴ-ն հրահանգել է աղմկե՞լ. ինչու Քոչարյանը «տեղը չի գտնում». ԵՄ-ն՝ ընդդիմության ցայտնոտի պատճառ. տեսանյութ
Գրիգորյանը Համաշխարհային բանկի Կովկասի տարածաշրջանի տնօրենի հետ քննարկել է նոր ծրագրերի համագործակցությունը
Պուտինն ուրախ կլինի Թրամփին տեսնել Մոսկվայում Հաղթանակի շքերթին. Պեսկով
Հնդկական մացառախոզերի ընտանիքի գիշերային զբոսանքը «Զանգեզուր» կենսոլորտային համալիրում. տեսանյութ
Քննարկվել են Հայաստանի և Բավարիայի միջև համագործակցության ամրապնդման հեռանկարները
Ինքնաձիգներ, ատրճանակ, հակատանկային ական, մի քանի հարյուր փամփուշտ․ Արմավիրում զինամթերք են հանձնել
Ինչ խնդիրների առաջ են կանգնում մարդիկ Telcell-ից օգտվելիս, և ինչ լուծումներ է առաջարկում փոխտնօրենը. տեսանյութ
Թրամփի հետ Նեթանյահուի գործարքը լուրջ սպառնալիք է խաղաղության համար. Էրդողան
Նիկոլ Փաշինյանը աշխատանքային այցով մեկնել է Մյունխեն
ՔՊ Նախաձեռնող խմբի նիստում քննարկում ենք Գյումրիի քաղաքապետի ընտրությունները. վարչապետ
Ռուբեն Վարդանյանը հրաժարվել է ադրբեջանցի պաշտպանի ծառայությունից
Նշանակվել է ՆԳՆ կրթահամալիրի ղեկավար կազմը
Երևանում «Մերսեդես»-ը վրաերթի է ենթարկել հետիոտնին, ապա՝ բախվել այլ մեքենայի. կա տուժած
ՊԵԿ-ն անձնական օգտագործման տրանսպորտային միջոցների ժամանակավոր ներմուծման մասին հայտարարություն է հրապարակել
ԼՂ-ն լուծարած եսիմ ով ուզում է «մխտռել» ՀՀ կյանքը, էդ գյուտարարի գանգին պետք է իջնի իրավունքի ուժը. Սուքիասյան
Կիևը չի ընդունի Ռուսաստանի և ԱՄՆ-ի միջև երկկողմանի բանակցություններ առանց Ուկրաինայի մասնակցության. Զելենսկի
ՏԿԵ նախարարն ընդունել է Հայաստանի հանքագործների և մետալուրգների միության ներկայացուցիչներին
Ռազմավարական նշանակության «Միջազգային Ռադիոցանց» ընկերության 100 տոկոս բաժնեմասը ՀՀ-ին է փոխանցվել. վարչապետ
Հայաստանի մարմնամարզիկները չեն մասնակցի Աշխարհի գավաթի երկրորդ փուլին. այն կայանալու է Բաքվում
«Էնթերփրայզ Արմենիա»-ն վարպետության դաս է անցկացրել WAIPA-ի անդամ երկրների համար
Երևանում միմյանց են բախվել 7 ավտոմեքենա. կա տուժած
Աբովյան քաղաքում բենզալցակայան է ապամոնտաժվել
Հանդիպել են Լևոն Տեր-Պետրոսյանն ու Իրանի դեսպանը. հայտնի է՝ ինչ է քննարկվել
Գալյանը և ՄԱԿ-ի Մանկական հիմնադրամի ներկայացուցիչը քննարկել են անչափահաս դատապարտյալների կրթության ծրագրերը
Երևանի մանկապարտեզներում տեղադրվում են տեսախցիկներ. տեսանյութ
Էդմոն Մարուքյանը հայտարարել է, որ իրենք բայղուշ չեն. տեսանյութ
Սարի թաղի տներից մեկին կից շինությունում հրդեհ է բռնկվել
Փոփոխություններ և լրացումներ՝ ԼՂ-ից տեղահանված ընտանիքների բնակապահովման պետական աջակցության ծրագրում
Գևորգ Պապոյանն առաջարկել է դիտարկել ամերիկացի լրագրողների և ինֆլուենսերների այցի կազմակերպումը Հայաստան
Ռոբերտ Քոչարյանը և Վարդան Օսկանյան այնքան համոզիչ են ձևացրել, որ բոլոր միջնորդները հավատացել են. Կարապետյան
44-օրյա պատերազմից հետո չհուղարկավորված քչաթիվ մարմիններ դեռ կան. նախարար
Սպանդանոցային մորթի կառավարման էլեկտրոնային համակարգը կդառնա արդյունավետ և վերահսկելի. հանդիպում ՍԱՏՄ-ում
ԵՄ-ին անդամակցելու գործընթաց սկսելու Հայաստանի որոշումն ուղղված չէ ՌԴ-ի դեմ. ԱԳ փոխնախարար
Մետրոպոլիտենի «Բարեկամություն» կայարանում երիտասարդի մոտ ատրճանակ ու դանակ է հայտնաբերվել
Դոլարը շարունակում է էժանանալ. ինչ փոփոխություններ է արձանագրել տարադրամի շուկան փետրվարի 13-ին
Մյունխենում մեքենան մխրճվել է բազմության մեջ. վիրավորներ կան. տեսանյութ
© 2025 Հայկական ժամանակ
Website by MATEMAT