Այսուհետ գրիպի դեմ կարող են պատվաստվել նաեւ մինչեւ 5 տարեկան եւ 65-ից բարձր տարիքի անձինք

Հայաստանում այս տարվանից գրիպի դեմ անվճար պատվաստվելու հնարավորություն են ստացել նաեւ մինչեւ 5 տարեկան երեխաներն ու 65-ից բարձր տարիքի անձինք:

Այս մասին տեղեկացանք ՀՀ առողջապահության նախարարության իմունականխարգելման ազգային ծրագրի ղեկավար Գայանե Սահակյանից:

«Այս պահի դրությամբ բոլոր պոլիկլինիկաներին, ամբուլատորիաներին տրամադրված է գրիպի դեմ պատվաստանյութ միայն ռիսկային խմբերի համար: Մինչեւ հինգ տարեկան երեխաներն այս տարի արդեն ընդունվել են որպես ռիսկի խումբ, որովհետեւ մեր նախորդ տարիների փորձը ցույց է տվել, որ հիվանդացության բարձր մակարդակը հիմնականում պայմանավորված է լինում հենց այդ տարիքի երեխաներով: Բայց պատվաստումը դարձյալ կամավոր հիմունքներով է: Եթե ծնողը չցանկանա, ոչ ոք երեխային չի կարող պատվաստել: Իհարկե, ծնողը պետք է իրազեկված լինի, պոլիկլինիկայից պետք է տեղեկացնեն, որ նման առաջարկ կա: 65 տարեկանից բաձր բոլոր մեծահասակները նույնպես այս տարի ընդգրկվել են ռիսկի խումբ»,- ասաց Գայանե Սահակյանը:

Նախկինում ռիսկի խումբ էին համարվում եւ գրիպի դեմ անվճար կարող էին պատվաստվել խնամքի կենտրոններում գտնվող տարեցները, հատուկ կրթական հաստատություններում սովորող երեխաները, բուժաշխատողները, խրոնիկ հիվանդություններ ունեցողները եւ հղիները:

Այսպիսով, ըստ Իմունականխարգելման ծրագրի ղեկավարի, Հայաստանում գրիպի դեմ անվճար պատվաստվելու հնարավորություն են ստացել բոլոր այն ռիսկի խմբերը, որոնք սահմանել է Առողջապահության համաշխարհային կազմակերպությունը:

Դիֆտերիայի եւ փայտացման դեմ պատվաստումը նախատեսված է 15-16 տարեկանում

Տավուշի մարզի Նոյեմբերյանի տարածաշրջանից ստացված ահազանգի համաձայն, 15 տարեկան երեխաներին առաջարկվում է դիֆթերիայի եւ փայտացման դեմ պատվաստում այն դեպքում, երբ, ծնողների ունեցած տեղեկությունների համաձայն, տվյալ պատվաստումը նախատեսված է 16 տարեկանում:

Այս առնչությամբ տարակուսանք հայտնող ծնողներին, ըստ մեզ փոխանցված տեղեկությունների, բուժաշխատողները պատասխանում են, որ պատվաստումն ուշացնելու դեպքում երեխաներն ավարտում են դպրոցը, նրանց դժվար է լինում գտնել եւ այլն: Ենթադրվում է, որ խոսքը հիմնական դպրոցի մասին է:

Առողջապահության նախարարության պաշտոնյան մեր հարցմանը պատասխանեց, որ տվյալ պատվաստումը կարելի է ստանալ թե 15 եւ թե 16 տարեկան հասակում:  

«Պատվաստումների ազգային օրացույցում, որը տպագրված է եւ պոլիկլինիկաների պատերին փակցված, հստակ գրված է, որ դիֆտերիայի եւ փայտացման դեմ պատվաստումները պետք է արվեն 15-16 տարեկանում, այնուհետեւ յուրաքանչյուր տասը տարին մեկ: Եթե միայն մեկ տարիք ենք նշում, մարդկանց մոտ այնպիսի տպավորություն է ստեղծվում, որ դա անցնելուց հետո այլեւս չեն կարող պատվաստվել: Դրա համար սահմանել ենք ճկուն գրաֆիկ, որպեպսզի այդ երկար ժամանակամիջոցում երեխաները հասցնեն ուսումնական պրոցեսների հետ միասին պատվաստումները ստանալ: Այդ տարիքում նաեւ նախազորակոչային տարիքի պատվաստումներ են նախատեսվում»,- պարզաբանեց Գայանե Սահակյանը:

Տպել
6551 դիտում

Ապարան քաղաքում շտապօգնության «ՈՒԱԶ»-ը արգելափակվել էր ձյան մեջ. օգնել են փրկարարները

Երեւանում օրը ցերեկով մեքենան ջարդուխուրդ անող ձերբակալված 5 քաղաքացիները ցուցմունք են տվել. չեն ընդունում կասկածանքը

Երեւանում վնասել են «Իմ քայլը» խմբակցության պատգամավոր Քրիստինե Պողոսյանի ավտոմեքենան

Գյումրիում բնակբաշխան աղմկահարույց շղթա է բացվում. փաստերն ուսումնասիրում է դատախազությունը

Ադրբեջանում այս օրերին անցկացվում են վերջին տարիների ամենամասշտաբային բողոքի ցույցերը

Շատ հագեցած աշխատանքային օր ունեցա Ցյուրիխում. Նիկոլ Փաշինյան (տեսանյութ)

Հայերին որ հարցնես, բոլորը հայ են, իսկ վրացիներին՝ ում չեն հավանում, նա է հայ. Սաակաշվիլի

Ձերբակալվել են Երեւանում օրը ցերեկով մեքենան ջարդուփշուր անող 5 քաղաքացիները (տեսանյութ)

Tiv1.am կայքը ֆինանսավորողն այլեւս ցանկություն չունի աշխատել այդ թիմի հետ, նրանք, փաստացի, մեջքից խփել են․ կայքի տնօրեն

Կրկին թալանել են Varks.am-ը, այսօր արդեն երկրորդ անգամ. տարել են 600 հազար դրամ

Հայկ Մարությանն ակնկալում է քաղաքապետարանի և ոստիկանության արդյունավետ համագործակցություն

Մանկապարտեզի ձերբակալված տնօրենի որդին աշխատում է Երեւանի քաղաքապետարանի աուդիտի բաժնում

Կանխատեսվում է համաշխարհային տնտեսության աճի դանդաղում 2019 և 2020 թվականներին

Հյուրանոցում ժամանակ է անցկացրել տղամարդու հետ եւ գողացել նրա ոսկյա շղթան

Վարդենյաց լեռնանցքը դժվարանցանելի է մարդատարների, փակ՝ բեռնատարների համար

ՀՀ փոխվարչապետ Տիգրան Ավինյանը ներկայացրել է նորանշանակ նախարար Զարուհի Բաթոյանին

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան

Կայք գյուղի տներից մեկում պայթել է գազի բալոնը, կոտրվել են պատուհանները. տանտերը այրվածքներ է ստացել

Բացահայտվել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ. ԱԱԾ (տեսանյութ)