Նախագահական նոր նստավա՞յր Երեւանում. Ընդունելությունների տունը նորոգվում է (լուսանկարներ)

Կառավարության ընդունելությունների տանը վերանորոգման աշխատանքներ են ընթանում: Մամուլում օրերս հրապարակում եղավ այն մասին, որ ընդունելությունների տունը պետք է վերածվի նախագահական նստավայրի, որտեղ 2018 թվականի ապրիլից հետո պետք է տեղակայվի նորընտիր նախագահի աշխատակազմը: Հրապարակման համաձայն, Բաղրամյան 26-ում գտնվող նախագահական նստավայրը վերածվելու է վարչապետի նստավայրի:

«Ընդունելությունների տուն» ՓԲԸ-ն ընդգրկված է «Պետական գույքի մասնավորեցման 2017-2020թթ. ծրագրի մասին» ՀՀ օրենքի ցանկերում: «Ընդունելությունների տուն» ՓԲԸ-ի գործունեության ոլորտն է՝ միջոցառումների կազմակերպում, հյուրանոցային ծառայությունների մատուցում: 2017 թվականի առաջի 9 ամիսների համար ընկերությանը պետական բյուջեից հատկացվել էր 54 միլիոն դրամ:

«Հայկական ժամանակ»-ի՝ ստորեւ ներկայացված լուսանկարներում պարզ երեւում է, որ «Ընդունելությունների տուն» ՓԲԸ-ում պարզապես ընթացիկ վերանորոգման աշխատանքներ չեն կատարվում: Հիմնական շենքի ֆասադին ամրացված են մետաղական կոնստրուկցիաներ, որոնք վկայում են այն մասին, որ շենքի արտաքին տեսքը եւս կարգի է բերվում: Բակում առկա են նաեւ միջսենյակային պատ կառուցելու քարեր, բեռնափոխադրման մեքենա, պարկեր եւ այլն:

Ընդունելությունների տուն ՓԲԸ-ի շենքը Երեւանի Մաշտոցի պողոտայում՝ Մատենադարանի հարեւանությամբ

Պետական գույքի կառավարման վարչության մամուլի քարտուղար Մարգարիտա Սարգսյանը մեր զրույցում ասաց, որ պետական գույքի կառավարման վարչությունում «Ընդունելությունների տուն» ՓԲԸ-ի հետագա շահագործման վերաբերյալ որեւէ որոշում չի կայացվել: «Իրականացվում է ընթացիկ նորոգման աշխատանքներ: Կոմունալ ենթակառուցվածքներ են նորոգվում, ջուր էր թափվել եւ այլն»,- ասաց Մարգարիտա Սարգսյանը:

Հարցին՝ կարո՞ղ ենք նկարահանում իրականացնել «Ընդունելությունների տանը», պետական գույքի կառավարման վարչության մամուլի խոսնակը բացասական պատասխան տվեց: Պատճառաբանությունը հետեւյալն է՝ «Ընդունելությունների տունը» հատուկ պահպանվող տարածք է, ինչպես նաեւ այժմ վերանորոգման աշխատանքներ են կատարվում: «Նախկինում էլ է եղել հատուկ պահպանվող տարածք, հիմա էլ է այդպես»,- նշեց Մարգարիտա Սարգսյանը:

Խոսնակից հետաքրքրվեցինք նաեւ՝ ի՞նչ ընթացակարգով «Ընդունելությունների տունը» կարող է հանվել պետական գույքի մասնավորեցման ծրագրից: «Որեւէ տարբերակ չի քննարկվում: Ինչ էլ որ արվի, պետք է արվի կառավարության որոշմամբ, որից հետո էլ պետք է օրենքի նախագիծը գնա ԱԺ: Մասնավորեցման ցանկում գտնվող գույքի նկատմամբ օրենքով թույլատրելի գործողություններ կան, որոնք հնարավոր է անել մինչեւ մասնավորեցնելը՝ նորոգել, վարձակալության տալ եւ այլն»,- ասաց Մարգարիտա Սարգսյանը:

Ընդունելությունների տուն ՓԲԸ-ի անցակետն ու գլխավոր մուտքը

Կառավարության աշխատակազմի տեղեկատվության եւ հասարակայնության հետ կապերի վարչության պետ Զոյա Բարսեղյանը մեր զրույցում ասաց, որ մասնավորեցման ենթակա պետական գույքի ցանկից որեւէ գույք հանելու դեպքում պետք է պետական գույքի կառավարման վարչությունը կառավարության որոշման նախագիծ ներկայացնի գործադիրին: «Ընդունված ընթացակարգ է: ՊԳԿՎ ներկայացնում է համապատասխան օրենքի նախագիծը, կառավարության նիստում արդեն հավանության է արժանանում եւ ԱԺ է գնում»,- ասաց Զոյա Բարսեղյանը՝ նշելով, որ կառավարության աշխատակազմը նման որոշման նախագիծ չի մշակում: Մեր պարզաբանմանը, որ նախագահական նոր նստավայրի վերաբերյալ հարցը նաեւ քաղաքական ենթատեքստ ունի եւ, որ պետական գույքի կառավարման վարչությունը սեփական նախաձեռնությամբ դժվար թե որոշի, թե ապագա վարչապետը պետք է աշխատի Բագրամյան 26-ում, թե այլ վայրում, Զոյա Բարսեղյանն առաջարկեց հարցին հանգամանալից պատասխանել վաղը:

Ընդունելությունների տունը Կասկադի կողմից

Անցյալ ուրբաթ պետական գույքի կառավարման վարչության պետ Արման Սահակյանը, պատասխանելով մեր թղթակցի հարցին՝ հնարավո՞ր է «Ընդունելություների տուն»-ը դառնա ապագա նախագահական նստավայրը, իսկ Սերժ Սարգսյանը մնա Բաղրամյան 26-ում վարչապետի կարգավիճակով, պատասխանել է. «Բնականաբար, իրականությանը դրանք այս պահին չեն համապատասխանում, ես ինչու եմ դա ասում, որովհետև ըստ էության հետագայում թե որ շենքը, որ գերատեսչությունը կզբաղեցնի, կամ որ մարմինը կզբաղեցնի, դա կամրացվի օրենքով»:

Շինանյութ եւ շինարարական կոնստրուկցիա շենքի բակում

2017 թվականի դեկտեբերի 14-ին կառավարության նիստում որոշում կայացվեց պետական գույքի կառավարման վարչությանը 14 միլիոն 406  հազար դրամ գումար հատկացնել (շուրջ 30 հազար ԱՄՆ դոլար) «Ընդունելությունների տան» ընթացիկ ծախսերի եւ բարեկարգման համար:

Տպել
5775 դիտում

Ադրբեջանական սոցիալական ցանցերը նոր տեսանյութ են հրապարակել, որում երեւում են 19 հայերի մարմիններ. Արցախի ՄԻՊ

Շուշիում Ադրբեջանի հարվածների հետեւանքով քաղաքացիական բնակչության շրջանում կան վիրավորներ

ՀՀ եւ ԱՀ ՄԻՊ-երը միջազգային կառույցներին հրավիրել են Արցախ՝ ցույց տալու ադրբեջանի վայրագությունները

Թուրքիայում տեղի ունեցած երկրաշարժի հետեւանքով զոհերի թիվը հասել է 24-ի

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին

ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին

Առավոտյան հրթիռակոծվել է Ստեփանակերտը. նյութական մեծ վնաս է հասցվել խաղաղ բնակչությանը (լուսանկարներ)

Հակառակորդը շարունակում է թիրախավորել խաղաղ բնակավայրերը․ կիրառում է արգելված եւ քիմիական զենքի տարրեր

Այսօր Վրաստանում խորհրդարանական ընտրություններ են․ կանցկացվեն հակահամաճարակային կանոնների խիստ պահպանմամբ

Ժնևում կողմերը պայմանավորվել են չհարվածել քաղաքացիական բնակչությանը, փոխանցել իրենց մոտ գտնվող ռազմագերիների ցուցակը

Ժնևում ավարտվել է ՀՀ և Ադրբեջանի արտգործնախարարների՝ ավելի քան 7 ժամ տեւած հանդիպումը

Ադրբեջանից վերադարձված գերին մանրամասներ է պատմում մյուս գերիների հանդեպ դաժան վերաբերմունքի մասին (տեսանյութ)

Ադրբեջանը օգտագործում է ֆոսֆոր պարունակող զենք, որը զանգվածային ոչնչացման բնույթ ունի. ՀՀ ՄԻՊ (տեսանյութ)

Էգեյան ծովի թուրք-հունական հատվածում երկրաշարժի հետեւանքով 14 զոհ, 542 տուժած կա 2 կողմում. ամփոփ

Պատերազմը սկսելուց հետո որեւէ պատգամավոր պարգևավճար չի ստացել ու չպիտի էլ ստանա. Վահագն Թեւոսյան

Եթե Ադրբեջանը կընկնի մեր իշխանությունների ոտքերը՝ թող գան, եթե ոչ, պիտի չհոգնենք կռվից, մինչեւ Քուր գնանք. Ռ.Պետրոսյան

ՀՀ և ԱՀ ՄԻՊ-երը Արցախ այցի համատեղ հրավեր են ուղարկել Հայաստանում հավատարմագրված դիվանագիտական ներկայացուցչություններին

Մեր զինված ուժերն ունեն որոշակի դիրքային առավելություններ. ՊՆ ներկայացուցիչ

Լեգիոներների սահմանափակում. ինչպես են թիմերը լուծում խնդիրը

Կապանի Դավիթ բեկ բնակավայրում այսօր մարտական գործողություններ են եղել. Արծրուն Հովհաննիսյան