Երկարատեւ դադարից հետո Պավել Մանուկյանն ու Սեֆիլյանը հանդիպեցին դատարանում

«Նոր Հայաստան» հանրային փրկության ճակատի անդամ Ժիրայր Սեֆիլյանի եւ մյուսների գործով նիստին այսօր Շենգավիթ վարչական շրջանի ընդհանուր իրավասության դատարանում ցուցմունք տվեց «Սասնա ծռեր խմբի անդամ Պավել Մանուկյանը: Նա դահլիճ  մտնելուն պես ողջագուրվեց ամբաստանյալներ Ներսես Պողոսյանի եւ Սասուն Կիրակոսյանի հետ:

Երբ նախագահող դատավոր Տաթեւիկ Գրիգորյանը Պավել Մանուկյանին խնդրեց ներկայանալ՝ անուն-ազգանուն, ծննդյան թիվ, Մանուկյանը ասաց. «Ես արդեն  հոգնել եմ ներկայանալուց, ներկայացել եմ բավական է»:  Մինչ հարցաքննությանն անցնելը նրա պաշտպան Հրանտ Գեւորգյանը դատարանից հետաքրքրվեց, թե իր պաշտպանյալը ի՞նչ կարգավիճակով է հարցաքննվում այս դահլիճում: Դատարանը պարզաբանեց, որ Մանուկյանը հրավիրվել է դատարան սույն քրեական գործով հարցաքննվելու նպատակով: «Խոսքը վերաբերում է զանգվածային անկարգությունների  կազմակերպման նախապատրաստության մեղադրանքին, այդ մեղադրանքը նաեւ ձեզ է առաջադրված այս քրեական գործին առնչվող այլ քրեական գործի շրջանակներում, հետեւաբար պարզաբանում եմ, որ քանի որ դուք այս քրեական գործով ունեք որոշակի դատավարական կարգավիճակ ունեք նաեւ այդ կարգավիճակից բխող իրավունքներ եւ պարտականություններ: Ի թիվս այլոց, դուք ունեք նաեւ ցուցմունք տալուց հրաժարվելու իրավունք»,- Մանուկյանին պարզաբանեց դատավորը: Հասկանալի չեղավ թե ի՞նչ կարգավիճակով է հարցաքննում, դատավորն ասաց, ըստ էության, հասկացրեց, որ Մանուկյանը հարցաքննվում է մեղադրյալի կարգավիճակով:

Պաշտպան Հրանտ Գեւորգյանն ասաց, որ նույն գործով ամբաստանյալը հարցաքննվելուց առաջ, եթե նա հարցաքննվում է մյուս ամբաստանյալներից առանձին, իրավունք ունի ծանոթանալու դատական քննության ընթացքում ձեռք բերված բոլոր նյութերի հետ մյուս ամբաստանյալների ցուցմունքներ հետ, նոր հնարավորություն ունենա պատասխանելու հարցերին: «Ապահովեք իմ պաշտպանյալի իրավունքը: Նկատի ունենալով, որ Մանուկյանը պետք է հարցաքննվի այս քրեական գործի շրջանակներում, որում նրան մեղադրանք է առաջադրված է  եւ չգիտես ում հանճարի արդյունքում գործից մաս է անջատվել եւ միացվել «Սասնա ծռեր» 1-ին գործին եւ այնտեղ նա գտնվում է նույնպես կասկածյալի կարգավիճակով»,- ասաց պաշտպանը:

Դատավորի հարցին, թե Պավել Մանուկյանն այս առնչությամբ ինչ դիրքորոշում ունի, Մանուկյանն ասաց. «Առաջին հերթին իմ պաշտպանը հստակ արտահայտվեց: Երկրորդ, դուք գիտեք իմ դիրքորոշումը, որ ես Հայաստանում դատարան չեմ տեսնում, եւ չի էլ լինելու, քանի այդ գերագույն գլխավոր չարիքը իշխանության գլխին է, բայց կպատասխանեմ պաշտպանների հարցերին, ոչ թե քո հարցին: Դուք տեղյակ եք, որ Սերժ էշ-էշ դուրս տվեց, քեզ էլ քցեց կրակի մեջ»,- Մանուկյանի այս հայտարարությունն ընդհատեց նախագահող դատավորը՝ կոչ անելով կոռեկտություն դրսեւորել: «Եթե դիմացս կին չլիներ նստած, ես ձեզ կոռեկտության սահմանները ցույց կտայի... եթե, իհարկե դուք չդրդեք: Այս գործը շինծու գործ է, օդից Բեն Լադեն եք փնտրում»,- հայտարարեց «Սասնա ծռեր» խմբի անդամ Պավել Մանուկյանը: Այնուհետեւ պաշտպան Տիգրան Հայրապետյանը եւ Տիգրան Եգորյանը միջնորդեցին իրենց պաշտպաներ Գեւորգ Սաֆարյանին եւ Ժիրայր Սեֆիլյանին բարձրացնել նիստերի դահլիճ: Նշենք, որ նրանց նկատմամբ սանկցիա էր կիրառվել՝ դատական նիստերի դահլիճից հեռացում: Դատարանը լսելով կողմերի դիրքորոշումը՝ բավարարեց միջնորդությունը, եւ կարգադրեց նիստերի դահլիճ բարձրացնել Սեֆիլյանին եւ Սաֆարյանին:

Նշենք, որ կալանավորվելուց հետո սա առաջին անգամն էր, երբ Մանուկյանն եւ Սեֆիլյանը հանդիպեցին, դատավորը նրանց թույլատրեց ողջագուրվել: Սաֆարյանը, սակայն առիթ չունեցավ ողջագուրվել Պավել Մանուկյանի հետ:

Նշենք, որ այսօր դատարանում, բացի Պավել Մանուկյանից կհարցաքննվի նաեւ Վարուժան Ավետիսյանը: Նրանց հարցաքննելու միջնորդություն ներկայացրել է պաշտպանական կողմը:

Տպել
10434 դիտում

Լրագրողական իմ ողջ գործունեության ընթացքում միշտ վախեցել եմ, որ իմ որեւէ բառ հիմք չտա, որ որեւէ մեկը ծիծաղի իմ գրածի վրա

Արարատի մարզում մի շարք ճանապարհներ կբարեկարգվեն

Ինձ ոչ մեկ չի կարող զանգել եւ նման տոնով հետս խոսել. Վանեցյան

Գագիկ Խաչատրյանը ԱԱԾ չի հրավիրվել. Վանեցյան

Արա Մինասյանն ու Լեւոն Սարգսյանն օրինական ճանապարհով հատել են ՀՀ սահմանը. Արթուր Վանեցյան

1 մլն դրամ չի մուտքագվրել պետբյուջե․ ոստիկանները բացահայտել են Մուսալեռ համայնքի ղեկավարի ապօրինությունները (տեսանյութ)

Լուրջ քննադատությանը շատ լուրջ եմ վերաբերվում եւ լուրջ հետեւություններ եմ անում․ Աննա Հակոբյան

Եկեղեցին պետք է լսի զոհերին․ համաժողով Վատիկանում՝ նվիրված հոգևորականների շրջանում սեռական բռնությունների խնդիրներին

Կիեւի եւ Երեւանի հարաբերությունները դինամիկ կզարգանան․ դեսպան

Ալեքսանդր Սարգսյանը պետությանը փոխանցել է 18,5 մլն դոլար, իսկ 11,5 մլն դոլար գանձվել է կոնկրետ ակտերով. ԱԱԾ տնօրեն

Պատրաստվում ենք «Իմ քայլը» հիմնադրամի համար մատչելի տարածք գտնել, որովհետեւ խնայում ենք մեզ վստահված ամեն լումա

Սպառնալիքները միշտ կան. Վանեցյանն իր եւ Փաշինյանի ընտանիքներին ուղղված սպառնալիքների մասին

Մեզ որեւէ բան չի կաշկանդում. ԱԱԾ տնօրենը` Տեր-Պետրոսյանի կառավարման տարիների հետ կապված ստուգումներ իրականացնելու մասին

Ես տեղեկություն չունեմ, որ տարբեր գերատեսչությունների պարգեւավճարների մի մասն ուղղվել է «Իմ քայլը» հիմնադրամին

Դատի տալը ցանկացած քաղաքացու սահմանադրական իրավունքն է. Վանեցյան

Շատ տարբեր իրադարձություններ են արյունաբանական կենտրոնի բացումն ու երկու կենտրոնների միավորումը․ Աննա Հակոբյան

«Իմ քայլը» բարեգործական հիմնադրամի իրականացրած եւ իրականացվելիք ծրագրերը․ ներկայացնում է Աննա Հակոբյանը

Առնվազն զուգարանների հարցը մի քանի մեծ ավտոկայաններում պետք է լուծվի. Աշոտ Մնացականյան

9 մլն պարտք Արցախի հյուրանոցին. 2015-ին նկարահանված Եվա ֆիլմի գումարը հայկական կողմը մինչեւ օրս չի վճարել

«Ժպիտների քաղաք» հիմնադրամը քաղցկեղով հիվանդ 100 երեխաների բուժման համար գործունեության 5 ամիսներին ծախսել է 70 մլն դրամ