«Ալաշկերտի» նպատակը չեմպիոնությունը պահպանելն է. Աբրահամ Խաշմանյան

Հայաստանի Բարձրագույն խմբի առաջնության գործող չեմպիոն «Ալաշկերտը» մարտական է տրամադրված մրցաշրջանի գարնանային հատվածից առաջ: Թիմի գլխավոր մարզիչ Աբրահամ Խաշմանյանը հավաքների հագեցած ծրագիր է նախատեսել ձմեռային դադարի ընթացքում: «Հայկական ժամանակ»-ի հետ զրույցում մասնագետը նշեց, որ իրենք, բացի առաջնությունում չեմպիոնությունից, այլ բանի մասին չեն մտածում:

««Ալաշկերտի» հիմնական նպատակը միշտ մեկն է՝ պահպանել չեմպիոնի կոչումը»,- ասաց նա:

Մինչեւ արձակուրդի ավարտը 3 հավաք է նախատեսված: Առաջինը եղել է հունվարի 8-23-ը: Խաշմանյանը գոհ է, որովհետեւ ֆուտբոլիստները լավ աշխատանք են կատարել:

«Այն, ինչ մենք պլանավորել էինք, արեցինք այդ ժամանակահատվածում: Կարծում եմ, որ այդ փուլի մեր աշխատանքը արդյունավետ էր»,- ասաց նա:

Այս օրերին «Ալաշկերտը» Թուրքիայում է՝ Բելեկում: Մեկնել է հունվարի 25-ին, երկշաբաթյա հավաք է անցկացնելու: Երեկ՝ փետրվարի 1-ին, ընկերական հանդիպում է ունեցել Ուզբեկստանի չեմպիոն «Լոկոմոտիվի» հետ: Խաղն ավարտվել է 1:1 հաշվով: 2-րդ ստուգողական խաղում «Ալաշկերտը» փետրվարի 4-ին կհանդիպի ղազախական «Կիզիլ-Ժար»-ին: 3-րդ հավաքը նույնպես լինելու է Բելեկում փետրվարի 10-23-ը:

Մինչեւ 2017-18 մրցաշրջանը վերսկսելը Խաշմանյանը պատրաստվում է նաեւ թարմացնել կազմը: Մի շարք ֆուտբոլիստներ հեռացել են, եւ փոխարինող նոր խաղացողներ են պետք:

«Ունեինք ֆուտբոլիստներ, որոնց պայմանագրերի ժամկետներն էին լրացել: Կային նաեւ ֆուտբոլիստներ, որոնց ծառայություններից ինքներս ենք հրաժարվել: 7-8 խաղացող գնացել է: Չեմ կարծում, որ մեծ կորուստներ ունենք, համալրում կլինի, ու ավելի զորեղ կլինենք»,- ասաց նա:

Բարձրագույն խմբի առաջնությունում «Ալաշկերտը» 30 միավորով միանձնյա առաջատարն է: 2-րդ տեղում «Գանձասար-Կապանն» է, որն ունի 24 միավոր: Լավագույն եռյակը եզրափակում է «Բանանցը» (22): Գավաթի խաղարկությունում «Ալաշկերտը» կիսաեզրափակչում է: Այնտեղ մրցակիցը «Բանանցն» է:

Գարնանային հատվածի առաջին հանդիպումը «Ալաշկերտը» անցկացնելու է մարտի 2-ին: 16-րդ տուրի շրջանակներում ուժերը չափելու է «Շիրակի» հետ:

Տպել
1601 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)