Ազգային ժողովում Արմեն Սարգսյանի թեկնածությունը ՀՀ նախագահի պաշտոնում կառաջադրեն այս շաբաթ

Ազգային ժողովում Արմեն Սարգսյանի թեկնածությունը ՀՀ նախագահի պաշտոնում կառաջադրեն այս շաբաթ։ Այս մասին ՀՀԿ ԳՄ նիստից հետո լրագրողների հետ ճեպազրույցում նշել է ԱԺ փոխնախագահ Էդուարդ Շարմազանովը:

Նա ասել է նաեւ, որ առաջիկա քառօրյայում առաջադրելու են նաեւ բարձրագույն դատական խորհրդի հինգ անդամների թեկնածությունները։ «Մենք կառաջադրենք մեր խմբակցության թեկնածուների անունները»,- ասել է Շարմազանովը՝ հավելելով, որ թե՛ Արմեն Սարգսյանի, եւ թե՛ բարձրագույն դատական խորհրդի անդամների ընտրությունները լինելու են գաղտնի։

Վերջինս, սակայն, չի հայտնել թեկնածուների անունները. «Վաղը կիմանանք, նրանք շատ պատրաստված, մեծ պրոֆեսիոնալիզմի տեր իրավաբաններ են»: Այսօր տեղեկացրել էինք, որ ՀՀԿ-ի թեկնածուներից մեկը լինելու է արդարադատության նախկին նախարար Գեւորգ Դանիելյանը: Թեկնածուներն առաջադրվելու են փետրվարի 27-ից մարտի 2-ը:

Շարմազանովը նաեւ տեղեկացրել է այսօրվա նիստի ընթացքում մի շարք հարցեր են քննարկվել՝ ներկուսակցական, ներքաղաքական եւ արտաքին քաղաքական, ինչպես նաեւ քննարկվել է ՏԻՄ ընտրությունների հարցը։ «ՀՀԿ-ն բոլոր 20 համայնքներում առաջադրել է թեկնածուներ, թե՛ ավագանու, եւ թե՛ համայնքապետի ընտրություններում։ Մասնակցում են նաեւ ԲՀԿ-ն եւ ՀՅԴ-ն։ Որերորդ անգամ մեր ոչ բոլոր գործընկերներն են մասնակցում ընտրությունների, այդ թվում՝ ընդդիմադիր դաշտից։ Կամ չեն կարեւորում ՏԻՄ մարմիններըի կարեւորությունը, կամ միգուցե դեռեւս չկան կայացած կառույցներ»,- ասել է Շարմազանովը եւ հավելել, որ ՀՀԿ-ն  պատրաստ է ազատ մրցակցության։

Նա նաեւ անդրադարձել է Երեւանի քաղաքապետարանի հնարավոր որոշման մասին, ըստ որի՝ նիստերը կանցկացվեն դռնփակ, եւ դրանց ուղիղ հեռարձակումը կապահովվի այնպես, ինչպես կառավարության եւ Ազգային ժողովի նիստերի դեպքում է լինում: «Ուղիղ հեռարձակվելու է: Ո՞րն է այդտեղ խնդիրը: Լրագրողի գործը տեղեկատվությունը հաղորդելն է: Արդեն Ձեր գործն է, թե հետո որ քաղաքական գործչի հետ ինչ հարցազրույց եք անելու: Այնպես չի, որ մեր ժողովրդի ինֆորմացիա ստանալու իրավունքը սահմանափակվում է»,- ասել է նա:

Տպել
967 դիտում

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա