Ժիրայր Սեֆիլյանին սպասվում է անարդարադատություն. Վահան Բադասյանը եկել է նրան տեսակցելու

«Նոր Հայաստան» հանրային փրկության ճակատի առաջնորդ Ժիրայր Սեֆիլյանին այսօր դատարանում տեսնելու է եկել Լեռնային Ղարաբաղի Հանրապետության Ազգային ժողովի նախկին պատգամավոր, Մարտական խաչի ասպետ Վահան Բադասյանը։

Նիստերի դահլիճ ուղեկցվելուն պես Սեֆիլյանը հեռվից ողջունեց նրան, ապա հետաքրքրվեց. «Ինչո՞ւ եք եկել Երեւան»:

Ընդմիջման ժամանակ Բադասյանը մեր զրույցում ասաց, որ այստեղ է եկել մի նպատակով, որպեսզի ապակիներից այն կողմ տեսնի Սեֆիլյանին, ոգեպնդի իր ընկերոջը, որպեսզի Սեֆիլյանը իմանա, որ մենակ չէ: Մեր հարցին՝ հետեւում եք դատավարությանը եւ ինչպես կգնահատեք դատական պրոցեսը, Բադասյանն ասաց, որ այլ ձեւով է ցանկանում դիտել հարցը: Նա ասաց, որ Սեֆիլյանին ճանաչում է 91 թվականից, երբ իր ջոկատով, երկու ուղղաթիռով եկել է Տող գյուղ: «Մեր ուրախությանը չափ չկար, երբ ինքը եկավ, միացավ մեր պայքարին: Սեֆիլյանն իր կոչումով եւ անցած ճանապարհով հերոս է: Հետագայում բաժանվեցինք երկու մասի, մի մասը համակերպվեց այս կյանքի հետ, ստանձնեցին պաշտոններ եւ գնացին այն ճանապարհով, ինչ ճանապարհով գնացին իշխանությունները:

Հրադադարից հետո իշխանությունները թե ինչ քաղաքականություն են վարել չգիտեմ, բայց հասել ենք, նրան, որ այսօր ունենք թերզարգացած տնտեսություն, աճող արտագաղթ, բանակում ապրիլին տեսաք թե ինչեր եղավ: Սեֆիլյանն այն սրտացավ մարդկանցից մեկն է, որ միշտ բարձրաձայնել է այս իրադարձությունները: Հերոսը միայն իրավունք ունի մեր բարբառով ասած՝ արքով բարձրաձայնելու այս երեւույթները: Մյուս խումբը, որ ստացել են գեներալների կոչում ամեն հանցագործություն անում են: Մենք ապացուցում էլ ենք այդ հանցագործությունները, բայց նրանք չեն դատվում: Իսկ նրանք, ովքեր ասում են, որ այսպես չի կարելի, նրանք դատվում են: Ինձ չի հետաքրքրում, թե դատական պրոցեսում ինչ մեղադրանք է ասվում, այս բոլորը սուտ է եւ շինծու է, սա չի հարցը: Ուզում են Սեֆիլյանին, նաեւ ինչու չէ իմ նմաններին ասել, որ մի՛ ասեք այդ բաները, որովհետեւ ձեզ սպասվում է... ահա՝ սա: Այսինքն՝ Սեֆիլյանին սպասվում է անարդարադատություն, կապ չունի թե դու ինչ ես, ով ես, կապն այն է, որ եթե դու հարվածում ես մեր համակարգին, ուրեմն բոլորս հարձակվում ենք: Այսպես է վարվում մեղադրական կողմը, այսպես կոչված, դատախազության պաշտոնյաները: Իսկ ժողովուրդն այն է, որ արդարացնում է: Ինչո՞ւ հենց այս պատճառաբանություններով: Իմ խորը համոզմամբ, Սեֆիլյանը հերոս է եւ հերոս էլ կմնա, իրեն ոչ ոք չի կարող դատել»,- մանրամասնեց Մարտական խաչի ասպետը:

Նա նաեւ անդրադարձավ «Սասնա ծռեր» խմբի գործողություներին՝ նշելով, որ մարդիկ դիմել են ծայրահեղ քայլի: Նրա խոսքով՝ «Սասնա ծռեր» խմբի անդամների գրեթե 90 տոկոսը պատերազմով անցած մարդիկ են, եւ նրանք էլ այդ նույն արքն ու ասելու տեղը ունեն վատ երեւույթների նկատմամբ: «Փոխանակ երկրի իշխանությունները խոհեմ գտնվեն, ականջալուր լինեն իրենց նախկին, անդավաճան մարտական ընկերներին եւ միավորվեն այնպես ինչպես այն ժամանակ են միավորված եղել, երկրի դժվարությունները լուծեն այս տղաների հետ, նրանք չգիտեմ ում հետ են լուծում ու  բերել են հասցրել այս օրվան:

Նրանք կատարել են հերոսական քայլ, գրավել են ՊՊԾ գունդը, որպեսզի ուշադրություն գրավեն, բայց ոչ արյուն թափեն... գոյություն ունեցող օրենքով իրենք չպետք է դատվեն »,- ասաց Բադասյանը՝ հավելելով, որ այս ամբողջ պրոցեսը հաշվեհարդար է:

Վահան Բադասյանն անդրադարձավ նաեւ Ադրբեջանի նախագահ Իլհամ ԱԼիեւի այն հայտարարությանը, որ պետք է կամաց-կամաց հասնի Երեւան: «Ալիեւը հայտարարում է, որ պիտի հասնի Երեւան, իսկ մենք ի՞նչ ենք անում, մեր ազգային հերոսներին դնում ենք բանտի մեջ, սա է մեր իրողությունը եւ չպիտի քարկոծենք իրար:  Ես կոչ եմ անում՝ խոհեմություն բոլորիս, միավորվենք մեր երկրում որոշում կայացողների հետ միասին եւ այս հարցը հասարակական համերաշխության պայմաններում լուծենք: Եթե մենք չսթափվենք, ազգովի կպատժվենք: Մենք այսպիսի շռայլություն չպիտի ցույց տանք՝ ազգային հերոսներին թողնելով բանտում: Շատերը ծիծաղում են Ալիեւի արած հայտարարության վրա, բայց Ալիեւը հաշվարկներ է արել:

Անդրադառնալով մեղադրող դատախազի կողմից նշված այն մեղմացուցիչ հանգամանքին, որ Սեֆիլյանն ակտիվ մասնակցություն է ունեցել Արցախյան պատերազմում, Բադասյանն ասաց. «Ես համեստությունը պետք է մի կողմ դնեմ եւ ասեմ, որ մենք չենք մասնակցել պատերազմին, մենք նախաձեռնողն ենք եղել, որպեսզի մյուսները մասնակցեն մեզ հետ միասին: Մենք առջեւից ենք գնացել եւ հետեւից տարել մարդկանց»: Վահան Բադասյանը եզրափակելով՝ ասաց, որ այս հարցերը ներքաղաքական եւ քաղաքական ճանապարհով պետք է լուծվի:

Տպել
4241 դիտում

Կրկին հեշտ մրցակից «Արսենալի» համար Եվրոպա լիգայում

Ողբերգական դեպք. Ֆրանսիացի լեռնագնացը մահացել է ՊՆ ուղղաթիռում

Երեւանի քաղաքապետարանը թափուր պաշտոնների համար մրցույթ է հայտարարել

Թալանել են Արագածոտնի մարզպետարանի վարչության պետի պաշտոնակատարի տունը. տարել են ոսկյա զարդեր եւ փող

Լին Մ. Թրեյսին երդվեց ծառայել Հայաստանում որպես ԱՄՆ դեսպան

Կոտայքի լեռներում ձնահոսքի տակ մնացած Ֆրանսիայի քաղաքացիներին գտել են. ներգրավվել է ՊՆ ուղղաթիռ

Արցախում կան ծանրամարտի զարգացման հեռանկարներ. Նազիկ Ավդալյանը հանդիպել է Արցախի ԿԳ եւ սպորտի նախարարին

Ռազմարդյունաբերության համալիրի զարգացումը կառավարության առաջնահերթություններից է. Նիկոլ Փաշինյան (տեսանյութ)

Համաներման որոշումը ՊՊԾ գունդը գրաված «Սասնա ծռերի» վրա չի տարածվի անգամ մեկ առարկության դեպքում. Զեյնալյան

Չիրացված մեծ ներուժ կա. Արարատ Միրզոյանն ընդունել է Նիդերլանդների դեսպան Յոհաննես Դաումային

Թուրքիայի իշխանությունները 295 զինվորականի կալանելու օրդեր են տվել

Մեկնարկում է «Աշխատիր Հայաստան» արշավը. կառավարությունում տեղի է ունեցել քննարկում

Աշխատավարձը չպետք է գերխնդիր լինի. Արշակյանը` «Իմ քայլ»-ը դաշինքի հետ հանդիպման մասին

Հայաստանի իշխանությունները հետաքրքրված են շվեյցարական կապիտալի ավելի լայն ու ակտիվ ներկայացվածությամբ. Պապիկյան

Անցկացվում է Արմենակ Ուրֆանյանին նվիրված թաեքվոնդոյի առաջին հուշամրցաշարը

Կամ Գորգիսյանը թիվ է հնչեցնում առանց տիրապետելու կամ տիրապետում է, բայց միտումնավոր կեղծ մեսիջներ է հղում. Մանուկյան

ՀՀԿ-ական նախկին պատգամավոր Հակոբ Հակոբյանը 15 անշարժ գույք, 240 հազար դոլար եւ 69 մլն դրամ ունի

Խորեոգրաֆիայի նախկին տնօրենը չի հրաժարվում «պարտականություններից», թատրոնի ԺՊ-ին էլ ինտեգրվել չի հաջողվում

Մեզ այդ պատասխանը բավարար էր. Փամբուխչյանը` Կալաշնիկովի հետ հանդիպման մասին

Հանրային ռադիոյի գործադիր տնօրենի մրցույթը հայտարարված է