Վերաքննիչ դատարանում Իգլայի գործով նոր հանգամանքներ ներկայացվեցին, բայց ուշ էր

ԼՂՀ պաշտպանության բանակի նախկին հրամանատար, Արցախի հերոս Սամվել Բաբայանը չարդարացվեց. Վերաքննիչ քրեական դատարանն անփոփոխ թողեց նրա եւ մյուսների վերաբերյալ դատավճիռը:

Առաջին ատյանի դատավճռով Սամվել Բաբայանը դատապարտվել է 6 տարվա ազատազրկման՝ «Իգլա» զենք տեղափոխելու եւ փողերի լվացման մեղադրանքով: Սանասար Գաբրիելյանը 3, իսկ  Արմեն Պողոսյանը  դատապարտվել է 2 տարվա ազատազրկման` «Իգլա» տեսակի դյուրակիր հրթիռային համալիր ձեռք բերելու համար:

Պաշտպանական կողմը վերաքննիչից արդարացում էր պահանջում:

Վճռի հրապարակումից հետո Սամվել Բաբայանը քմծիծաղ տվեց, իսկ Սանասար Գաբրիելյանն էլ բացականչեց. «Իբր չգիտեիք» եւ ավելացրեց՝ օր լինի՝ ձեզ լինի: Սամվել Բաբայանը, սակայն լրագրողների հարցերն անպատասխան թողեց: Լրագրողները նրանից հետաքրքրվում էին, թե ի վերջո, ո՞վ է այս սարքած գործի պատվիրատուն, Բաբայանը, սակայն ինչ-որ հարցեր քննարկեց իր պաշտպանի հետ, ապա ժպիտը դեմքին հեռացավ:

Առաջին ատյանի դատարանի դատավճռից հետո Սամվել Բաբայանը լրագրողների հարցին ի պատասխան հայտարարել էր, որ այս դատավճիռը պատվեր է: Ճշտող հարցին, թե ո՞ւմ կողմից է պատվերը, նա պատասխանել էր. «Հայաստանում պատվերը մի տեղից է լինում»: Մեր հարցին, թե Սերժ Սարգսյանի՞ն նկատի ունի, Բաբայանը պատասխանել էր. «Դուք ասացիք»:

Երեկ բողոքի քննության ժամանակ ամբաստանյալներից երկուսը՝ Սանասար Գաբրիելյանն ու Արմեն Պողոսյանը, հայտարարություններ էին արել, որ նախկինում չէին արել: Երկուսն էլ նոր հանգամանքներ էին նշել, որը կարող էր հիմք հանդիսանալ դատաքննությունը վերսկսելու համար:

Մասնավորապես՝ Սանասար Գաբրիելյանը իր ձերբակալումը կապել էր քաղաքականության հետ: «Ինձ զգուշացրել են, որ եթե Էջմիածնում շտաբ բացեմ, կձերբակալեն»,- հայտարարել էր նա: 

Սամվել Բաբայանն ու այս գործով մյուս ամբաստանյալները ձերբակալվել են 2017 թվականի խորհրդարանական ընտրություններից առաջ: Բաբայանն ընտրությունների ժամանակ սատարում էր «Օհանյան-Րաֆֆի-Օսկանյան» դաշինքին:

Մյուս կարեւոր հայտարարությունն արել էր Արմեն Պողոսյանը՝ հայտարարելով, որ «Իգլայի» խողովակն ԱԱԾ-ին հանձնած Հրաչյա Մայիլյանը դա արել է՝ շահադիտական նկատառումներից ելնելով: Այս երկու հայտարարությունների վերաբերյալ ո՛չ պարզաբանումներ եղան, ո՛չ էլ դատավորները դատավճիռը վերսկսելու որոշում կայացրին:

Վճռի հրապարակումից հետո Սամվել Բաբայանի պաշտպան Ավետիս Քալաշյանից հետաքրքրվեցինք, թե երկու հայտարարություններն էլ հիմք չէ՞ին դատաքննությունը վերսկսելու համար, պաշտպանը պատասխանեց, որ դրանք ուշացած էին: «Ես կարծում եմ, որ դա ընդամենը նրանց կարծիքն է եղել, միգուցե ճիշտ են նրանք, բայց լավ կլիներ, որ դա ավելի վաղուց ասվեր եւ ասելու հետ մեկտեղ փաստեր ներկայացվեին»: Ճշտող հարցին՝ Սանասար Գաբրիելյանի հայտարարությունը ոչ թե կարծիք էր այլ իրեն ուղղված զգուշացում, այսինքն՝ փաստ, Քալաշյանն ասաց. «Նախկինում ինձ նման հանգամանք հայտնի չի եղել: Ինչ վերաբերում է Արմեն Պողոսյանին, ապա ասեմ, որ նա առաջին անգամ է այդ մասին հայտարարություն անում, նման բան չի ասել ոչ նախաքննության, ոչ էլ դատաքննության ընթացքում: Միգուցե նա հիմքեր ունի նման հայտարարություն ունի, բայց կարծում եմ երկու հայտարարություններն էլ ուշացած են»,- ասաց Քալաշյանը:

Լրագրողները նաեւ հետաքրքրվեցին, թե որն էր «Իգլա» ձեռք բերելու շարժառիթը, պաշտպանը պատասխանեց, որ գործում չկա տվյալ այդ մասին. «Ես բազմիցս նշել եմ, որ ապօրինի զենք-ռազմամթերք ձեռք բերելու շարժառիթը գործում նշված չէ: Լավ, դրդեց, բայց ինչի՞ համար, նպատակը ո՞րն է, գործում բացարձակ որևէ տվյալ չկա այդ մասին, այնինչ՝ պարտադիր պետք է լիներ»,- ասաց նա: Մեր դիտարկմանը, որ մամուլում հրապարակված տեղեկությունների համաձայն՝ այդ «Իգլայով» պետք է ոչնչացնեին Սերժ Սարգսյանի ինքնաթիռը, նա նման տվյալների տիրապետո՞ւմ է, թե՞ ոչ, Քալաշյանն ասաց. «Անհեթեթ տվյալներ են»: Նա նաեւ չբացառեց, որ եթե համաներում լինի, ապա կտարածվի Սամվել Բաբայանի վրա. «Անկախ նրանից կտարածվի, թե՝ ոչ, պարոն Բաբայանը մտադիր է մինչեւ վերջ բողոքարկել արդարացման համար»: Սամվել Բաբայանի պաշտպանը նաեւ ասաց, որ Սերժ Սարգսյանից ներում խնդրելու տարբերակ չի քննարկվել:

Անդրադառնալով վերաքննիչի որոշմանը՝ նա ասաց, որ արդարություն էր ակնկալում, քանի որ բողոքը հիմնված է եղել փաստերի վրա:

Քաղաքագետ, «Համախմբում» կուսակցության անդամ Անդրանիկ Թեւանյանը, որը ներկա էր նիստին, լրագրողների հետ զրույցում ասաց, որ սա շինծու գործ է՝ քաղաքական որոշմամբ: «Երեք դատավորը, այսպես կոչված ժամանակակից տրոյկան վճռի հրապարակումից հետո պարզապես փախուստի դիմեցին դատարանի դահլիճից: Իրենք էլ էին զգում, որ ամոթալի որոշում են կայացրել, որովհետեւ պատասխան են տալու ոչ միայն ներկա, այլեւ հետագա սերունդների առաջ: Նրանք, պարզապես տվյալ դեպքում գործիքներ են, իսկ սա քաղաքական գործընթաց է եւ սա ակնհայտորեն քաղաքական որոշում է»,- համոզմունք հայտնեց նա:

Անդրանիկ Թեւանյանը նկատեց. «Ալիեւը հոխորտում է, որ Երեւան է մտնելու: Ադրբեջանում սա (նկատի ունեի Իգլայի գործի ընթացքը) տեսնելով են ոգեւորվում եւ մտածում` եթե պատերազմի ժամանակ բանակը ղեկավարած հրամանատարներին դատում են շինծու մեղադրանքով, ուրեմն բարոյահոգեբանական մթնոլորտ այնպիսին է, որ նույնիսկ կարելի է մտածել Երեւանը գրավելու մասին: Սա քաղաքական պատասխանատվություն է դնում գործող իշխանությունների վրա»: Մեր հարցին՝ թե ինչո՞ւ Բաբայանն այդպես էլ չհայտարարեց, թե ով է «Իգլա»-ի գործի պատվիրատուն, Անդրանիկ Թեւանյանը պատասխանեց. «Պատվիրատուները շատ չեն՝ կենտրոնական իշխանություն է գործում: 2017թ. խորհրդարանական ընտրություններում քաղաքական մթնոլորտի շիկացումն էր պատճառը, որ Սամվել Բաբայանը ձերբակալվեց: Իշխանությունները հո չէի՞ն հայտարարելու, թե ընտրություններից առաջ վախի մթնոլորտ ձեւավորելու համար են ձերբակալել նրան»:

Տպել
2685 դիտում

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին