Մեր պապան Արման Սահակյանն ա. խուլ ու համրերի շենքը ծայրահեղ անբարեկարգ վիճակում է

Երեւանի Կենտրոն համայնքում գտնվող Բաշինջաղյան 175 շենքը, որն առավել հայտնի է որպես «խուլ ու համրերի շենք», ծայրահեղ անբարեկարգ վիճակում է: Ինը հարկանի շենքում երկար տարիներ ապրել են խուլ ու համր բազմաթիվ հաշմանդամներ: Հիմա նրանց մի մասն այլեւս չկա, որոշները մահացել են, որոշները տեղափոխվել, շենքը վերաբնակեցվել է նոր բնակիչներով, սակայն իրենց մեջ էլ քիչ չեն սոցիալապես անապահովները:

Շենքն ունի կտուրի եւ վերելակի լուրջ խնդիր: Բնակիչներն ասում են, որ հույսները կորցրել են, քանի որ բազմիցս դիմել են եւ՛ քաղաքապետարան, եւ՛ թաղապետարան, համատիրության միջոցով էլ են դիմումներ գրել, բնակիչների ստորագրահավաք կազմակերպել, բայց ոչ մի փոփոխություն:

Շենքի առաջին մուտքի վերելակն անջատել են վարձավճարների պարտքերի պատճառով, այսպիսով վրեժխնդիր լինելով տարեց ու հաշմանդամություն ունեցող բնակիչներից. համենայնդեպս, այսպես պարզաբանեցին մեզ շենքի բնակիչներից մի քանիսը: Երկրորդ մուտքի բնակիչներից Ինեսան, «ՀԺ»-ի հետ զրույցում ասաց, որ հաճախ ինքն է շենքի խնդիրներով զբաղվում՝ փորձում օգնել՝ տարբեր հարցերով զանգում տարբեր մարդկանց:

Մեր տեղեկություններով, ընտրությունների ժամանակ Ինեսան, անձամբ է զբաղվում բնակիչների ձայները «անվտանգ» տեղ հասցնելու հարցով: Ինչի մասին խոսեց նաեւ ինքը, ասաց, որ ընտրությունից ընտրություն զբաղվում է բնակիչների ընտրության ընթացքը կազմակերպելով:

Ինեսան վստահեցրեց, որ 175 շենքի բնակիչները բազմիցս աջակցություն են ստացել, օրինակ՝ քաղաքապետարանի ընտրությունների ժամանակ մի քանի եվրոպատուհաններ են տեղադրվել շենքում, վերելակի դրսի երկու կողմերին տախտակներ են խփել: Ինեսան նաև ասաց, որ անչափ գոհ ու շնորհակալ են ՀՀԿ-ական պատգամավոր Գալուստ Սահակյանի տղայից՝ Արման Սահակյանից. «Մեր պապան Արման Սահակյանն ա, մի բան որ լինում ա, դիմում ենք իրեն, ասում ա՝ խնդիր չկա, եւ հաջորդ օրը լուծվում ա այդ հարցը»: Մեր այն հարցին՝ իսկ ինչո՞ւ վերելակի խնդրով չեք դիմում իրենց «պապային»՝ Արման Սահակյանին, բնակչուհին պարզաբանեց. «Դե՜, դեռ նոր են անջատել»:

Բնակիչներն ահազանգելով խնդիրների մասին, պատմեցին. «Մի քանի եվրոպատուհանի եւ վերելակի կողքերին խփած երկու տախտակ, 4 մեխի համար մեզ բազմիցս ճնշել են, երեսով տվել ամեն ընտրությունից առաջ»: Բնակիչների խոսքով՝ տարբեր համապետական ընտրությունների ժամանակ օգտվելով վերջիններիս թույլ կողմերից (մոտակա խանութում պարտք, գույքահարկ եւ այլն), շանտաժի են ենթարկել:

175 շենքի վերելակը եւ կողքի ամրացված տախտակները

Շենքի իններորդ հարկի բնակչուհիներից մեկը՝ Անահիտ Հարությունյանը, որը բազմիցս տուժել է կտուրի անսարքությունից, ասաց, որ 14 տարի է այդտեղ է բնակվում: Անահիտին բնակարանը հատկացրել են որպես երկրորդ խմբի հաշմանդամություն ունեցող անձ: 18 հազար դրամ  նպաստ է ստանում, ասում է, որ գումար չունի, որ տա, գան, առաստաղը սարքեն. «Դիմել եմ եւ՛ թաղապետարան, ե՛ւ քաղաքապետարան, դիմումը հետ են ուղարկել համատիրությանը»,- ասում է նա:

Անահիտ Հարությունյանի բնակարանի փուլ եկած առաստաղը

«Գնացել եմ համատիրություն, ասել են փող կունենաս, կգանք կսարքենք, չե՛ս ունենա, չենք սարքի: Ես էլ նպաստառու եմ, էդքան գումար չունեմ, դա շատ թանկ է ինձ համար»,- ասում է Անահիտը եւ նշում, որ ի վիճակի չէ աշխատելու, անգամ հոսանքի գումարը չի վճարել, քանի որ գումար չունի: Սպասում է, որ ուր որ է կգան ու կանջատեն: «Բախտերս բերեց, որ այս տարի համեմատաբար մեղմ ձմեռ էր, ձյուն չկար, թե չէ տանիքի անսարքության պատճառով առաստաղից ջուր է կաթում»,- մեզ հետ զրույցում ասացին իններորդ հարկի բնակիչներից մի քանիսը:

Բնակիչներն ասում են շենքում պարբերաբար գողություններ են լինում, փորձել են շենքի երկու մուտքերին էլեկտրոնային դռներ տեղադրել՝ օտարների ելումուտը կանխելու նպատակով, սակայն բնակիչների մեծ մասը չի համաձայնվել. «Խուլ ու համրեր են, ամսական 19 հազար դրամ նպաստ են ստանում, իսկ այդ դռան համար ամեն անձից պահանջվում էր 18 հազար դրամ, մարդիկ ասում են՝ դա տանք, ամբողջ ամիս մենք ինչո՞վ ապրենք»,- պատմում են բնակիչները:

Բացի այն, որ վերելակն անմխիթար վիճակում է եւ մի քանի օր է չի աշխատում, վերեւի հատվածը բաց է՝ էլեկտրական լարերը կախված, որոնց ամրացված է լուսավորող փոքրիկ լամպը: Ասում են, որ վերելակի գլխամասի բաց լինելուց առավել վտանգավոր են դռները, որոնք բացվելուց հետո շատ արագ փակվում են, հաճախ երկու դռների արանքում երեխաներ են մնում: Դեպքեր են եղել, երբ բնակիչներ են ընկել վերելակից եւ ողնաշարի ծանր վնասվածք ստացել:

Շենքի բնակիչներն ասում են, որ բազմիցս դիմել են, ասել են կգան, կսարքեն եւ մինչեւ հիմա «սարքում են»: «Համատիրությունը փոխանակ առաջ գնա, բարելավում անի, հակառակն է լինում, միայն գումար կորզելն է իրենց մոտ լավ ստացվում»,- ասում են նրանք:

175 շենքի խնդիրների, մասնավորապես՝ վերելակի եւ տանիքի  հետ կապված «ՀԺ»-ն պարզաբանում խնդրեց Երեւանի քաղաքապետարանից: Տեղեկատվության եւ հասարակայնության հետ կապերի վարչության պետ Արթուր Գեւորգյանն ասաց, որ քաղաքապետարանը յուրաքանչյուր տարի համայնքային բյուջեից 100 միլիոն դրամ է հատկացնում համատիրություններին, որպեսզի հոգան առաջացած խնդիրները: Նշեց, որ քաղաքապետարանը կարող է եւ չհատկացնել, սակայն հաշվի առնելով սոցիալական նման սուր վիճակը, յուրաքանչյուր տարի բյուջեից հատկացումներ կատարվում է:

Մեր հարցին՝ արդյո՞ք հաշվի չի առնվում, թե տվյալ շենքում սոցիալական խոցելի խմբեր են ապրում, առավելեւս, եթե շենքն ի սկզբանե հայտնի է որպես «խուլ ու համրերի» շենք, Արթուր Գեւորգյանն ասաց. «Պետության կողմից որոշակի արտոնություններ են տրամադրվում հասարակության խոցելի խմբին, բայց շենքի հետ կապված չեմ կարող ասել»,- ասաց նա եւ նշեց, որ  քաղաքի վերելակների հարցն առաջիկա 5 տարվա ընթացքում է լուծվելու:

Աջափնյակի թաղապետարանի կոմունալ բաժնի պետ Ռոման Ալոյանը վստահեցրեց, որ 175 շենքի վերելակը ճիշտ է՝ նոր չէ, բայց դետալներ փոխելով աշխատեցնում են: Իսկ խնդիրներից տեղյակ չէր, տեղեկանալուց հետո էլ նշեց, որ բնակիչները թող գնան իրենց դիմեն, քանի որ կոնկրետ այդ շենքի ամեն մի զանգը թաղապետարանի կողմից երբեք չի անտեսվել եւ եթե որեւիցե խնդիր է եղել, ապա միանգամից լուծվել է:

Ինչ վերաբերում է իններորդ հարկի բնակիչների առաստաղի հետ կապված բողոքներին եւ այն հարցին՝ թե սոցիալապես անապահով ընտանիքները դիմել են համատիրություն օգնության խնդրանքով եւ բացասական պատասխան ստացել համատիրության նախագահ Սարմեն Վիրաբյանը չպատասխանեց այդ հարցին, միայն հետաքրքրվեց, թե ո՞վ է ահազանգել եւ կոնկրետ ի՞նչ է ասել:

Նշեց, որ տանիքի վրա գործ արվել է ինչքան որ պահանջվում է եւ ասաց, որ նախ պետք է գնան ծանոթանան՝ հասկանան, թե ինչի մասին է խոսքը, հետո կմտածեն, թե ինչ անել: Հիշեցնենք, որ առաստաղի խնդիրը մի քանի տարի է ինչ բարձրացվել է բնակիչների կողմից, դա նոր երեւույթ չէ: Սարմեն Վիրաբյանը չցանկացավ նշել, թե տարեկան ինչքան գումար է տրամադրվում համատիրությանը՝ քաղաքապետարանի կողմից համատիրություններին հատկացված 100 միլոն դրամից: Վերջինս նշեց, որ ինֆորմացիային չի տիրապետում, իսկ հաշվապահը տեղում չէ:

Հ. Գ. Նյութն արդեն պատրաստ էր տպագրության, երբ մեր խմբագրություն զանգահարեցին թաղապետարանի կոմունալ բաժնի պետ՝ Ռոման Ալոյանը, համատիրության նախագահ Սարմեն Վիրաբյանը եւ Աջափնյակ վարչական շրջանի վերելակների վարչության պետ Վարդան Բաքարյանը եւ վստահեցրեցին, շենքի վերելակներն արդեն միացրել են, աշխատում են, նորմալ ու անվտանգ են: Բնակիչների բարձրացրած մյուս խնդիրների հետ կապված նման լավատեսական լուր չստացանք:

Աղունիկ Հովհաննիսյան

Նյութը տպագրվել է «Հայկական ժամանակ» օրաթերթի մարտի 9-ի համարում:

Տպել
11723 դիտում

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ