Եթե չդադարեցնես գործունեությունդ, ապա ազատությունից կզրկենք. քննիչը սպառնացել է Սեֆիլյանին

«Նոր Հայաստան» հանրային փրկության ճակատի առաջնորդ Ժիրայր Սեֆիլյանի եւ մյուսների գործով նիստն այսօր անցավ լարված մթնոլորտում: Պաշտպանական ճառով  հանդես եկավ Սեֆիլյանի եւ Ներսես Պողոսյանի պաշտպան Արայիկ Պապիկյանը: 60 թերթից բաղկացած ճառից Պապիկյանը հասցրեց հրապարկել մոտ 40-ը. դա տեւեց մոտ 6 ժամ: Այն պաբերաբար ընդհատվում էր, ընդմիջվում, բայց միայն 5 րոպեով: Եվ ահա ընդմիջումներից մեկի ավարտին Սեֆիլյանի պաշտպան Տիգրան Եգորյանի նյարդերը տեղի տվեցին, դիմելով նախագահող դատավորին, Եգորյանն ասաց, որ թեեւ դատավորը 5 րոպեով է ընդմիջում հայտարարում, սակայն նիստը սկսում է 10 րոպե ուշացումով. «10 րոպե ուշացումով եք ներկայանում, ենթադրում եմ, որ մի համեղ բան էիք պատվիրել»,- Եգորյանի խոսքը ընդհատեց նախագահող դատավոր Տաթեւիկ Գրիգորյանը եւ կոչ արեց հարգալից վերաբերվել դատարանի նկատմամբ: Եգորյանի նկատմամբ կիրառեց նախազգուշական սանկցիա եւ պարզաբանեց, որ եթե պաշտպանը շարունակի անհարգալից վերաբերմունք դրսեւորել, դատարանն առավել խիստ սանկցիա կկիրառի:

«Ձեզ թող չթվա, որ հնարավոր է այսպես վարվել մարդկանց հետ: 4-5 ժամ այստեղ նստելուց հետո մենք չենք կարող չունենալ հնարավորություն տարրական անհրաժեշտությունների: Եվ դուք, անկախ նրանից, թե ձեր կարծիքով ինչ լիազորություն, ինչ նշանակություն ունեք, չգիտեմ ում համար, դուք չեք կարող նման պահվածք թույլ տալ, դուք պարտավոր եք մեզ ընդմիջում տրամադրել: Ես պահանջում եմ 40 րոպե ընդմիջում»,- նախագահող դատավոր Տաթեւիկ Գրիգորյանը Եգորյանին թույլ չէր տալիս ավարտել ընդմիջում հայտարարելու միջնորդությունը՝ նրա հետ զուգահեռ նախազգուշական սանկցիաներ կիրառելով եւ պարզաբանումներ ներկայացնելով: «Դուք պարբարաբար անհարգալից վերաբերմունք եք դրսեւորում դատարանի նկատմամբ եւ փորձում եք տպավորություն թողնել ներկաների մոտ: Ես խնդրում եմ դուք հիմա լռեք»,- ասաց դատավորը՝ հաշվի չառնելով այն հանգամանքը, որ Եգորյանը չէր կարող լռելով միջնորդությունը ներկայացնել: Ըստ ամենայնի դատավոր Տաթեւիկ Գրիգորյանը չի մոռացել նախորդ նիստում Եգորյանի՝ իր դեմ հայտնած ինքնաբացարկը, որը վերաբերում էր դատավորի մասնագիտական որակներին, հոգեբանական թեստ չանցնելուն եւ ըստ պաշտպանի՝ դատավարության ընթացքում թույլ տված մի շարք խախտումների: Ի վերջո Տաթեւիկ Գրիգորյանը հնարավորություն չտվեց Եգորյանին ավարտել միջնորդությունը, բայց այնուամենայնիվ 30 րոպեանոց ընդմիջում հայտարարեց:

Պապիկյանն ասաց, որ ճառը վերնագրել է «Սեֆիլյանի եւ Ներսիսյանի նկատմամբ ապօրինի հետապնդումները. քրեական գործով շինծու ապացույցներն ու փաստերը»: Ըստ պաշտպանի, իրավաբանական լեզվով այն դատավարություն էր, որի ընթացքում երբեմն կիրառվում էր օրենք: Նա ներկայացրեց նաեւ Բերձորի դեպքերից առաջ Ժիրայր Սեֆիլյանի եւ Արցախի հերոս, Արցախի անվտանգության խորհրդի քարտուղար Վիտալի Բալասանյանի միջեւ տեղի ունեցած հեռախոսազրույցից մանրամասներ, ինչպես նաեւ ներկայացրեց Սեֆիլյանի նկատմամբ իրականացված գաղտնալսումների «սխեման»:

Սեֆիլյանին զանգահարողներն, ըստ Պապիկյանի, ԱԱԾ-ում դասակարգվել են հետեւյալ սկզբունքով. «Ընտանեկան կապ», «Սասնա ծռերի անդամ», «Հիմնադիր խորհրդարան», «Մտերիմների «կինը»», «փաստաբան», «լրագրող», «պատգամավոր» «երգիչ», «Նոր Հայաստան ճակատ», «չի պարզվել»: Իր ճառում պաշտպանը նշեց, որ 2016 թ. հունվարի 12-ին Սեֆիլյանը հրավիրվում է քննչական կոմիտե, հերթական հարցաքննությանը, որի սկզբում քննիչ Մակինյանը Սեֆիլյանին զգուշացնում եւ սպառնում է՝ եթե չդադարեցնես քո գործունեությունը, ապա քեզ ազատությունից կզրկենք, սա քո վերջին զգուշացումն է: Պապիկյանի խոսքով՝  դրան նախորդող 2015 թ. նոյեմբերի 11-ի Սեֆիլյանի ՔԿ-ում իրականացված հարցաքննությունը եւ 2016 թ. հունվարի 12-ի հարցաքննությունը հիմնականում նույն բովանդակության էր, եւ ըստ նրա՝ ակնհայտ էր, որ հունվարի 12-ին Սեֆիլյանը ոչ թե հրավիրվել էր հարցաքննության, այլ հրավիրվել էր վերջին զգուշացման: «Հասարակական-քաղաքական գործչից քննիչը, իհարկե շատ ավելի բարձրաստիճան անձանց շուրթերով ու ցուցումով, պահանջում եւ սպառնում է դադարեցնել գործունեությունը: Ի՞նչ էին մտածում այս պահանջի եւ սպառնալիքի հետեւում կանգնած անձինք, երբ քաղաքական գործչին իր գործունեությունից ձեռնպահ մնալու պահանջ եւ սպառնալիք էին ներկայացնում: Սեֆիլյանը, բնականաբար, այդօրինակ սպառնալիքներին ուշադրություն չի դարձնում եւ շարունակում է իր հասարակական-քաղաքական հրապարակային գործունեությունը: Ինչպես պարզվում է հետագայում, այդ սպառնալիքը իրապես վերջինն է լինում: Հասկանալով, որ անհնար է սպառնալիքի ճանապարհով լռեցնել կամ կասեցնել քաղաքական գործչի գործունեությունը, այսպես կոչված զգուշացումից արդեն 2 օր հետո, իրավապահները Սեֆիլյանի դեմ սկսում են կիրառել այլ միջոցներ եւ 2016 թ. հունվարի 14-ին Սմբատ Գալոյանն իր դիմումի համաձայն լուծում է ՊՆ-ի հետ գործող պայմանագիրը , գյուղից տեղափոխվում Երեւան, առանձին բնակվելու, որպեսզի «օժանդակի» Հովհաննեսին (գործով ամբաստանյալ,-հեղ.) եւ մյուսներին՝ զորամասի եւ հեռուստաաշտարակի գրավման հարցում, որն իբր թե նախատեսել էր Սեֆիլյանը: Հետագա իրադարձությունները ցույց տվեցին, որ այս օժանդակությունը շատ «օգտակար» եղավ Սեֆիլյանի դեմ նոր ապօրինի գործ հարուցելու եւ նրան կրկին կալանավորելու համար»,–իր ճառում նշեց Պապիկյանը: Վերջինս, ի դեպ, պարբերաբար հայտարարել է,որ Սեֆիլյանի եւ մյուսների դեմ ցուցմունք տված Հովհաննես Պետրոսյանը եւ վկա՝ կրկին նրանց դեմ ցուցմունք տված Գալոյանը ԱԱԾ-ի «լրտեսներն» են:

Հաջորդիվ հեռախոսային խոսակցության ժամանակ Սեֆիլյանին վտանգի մասին է զգուշացնում Վիտալի Բալասանյանը: Նա զգուշացնում է, որ Սեֆիլյանը Արցախ չգնա: Հիշեցնենք, որ 2016 թվականին «100»-ամյակն առանց ռեժիմի նախաձեռնությունը ավտոերթ էր նախատես դեպի Արցախ, սակայն Բերձոր չհասած՝ ոստիկանական մեքենաներով դիմակավորված եւ զինված անհայտ անձինք հարձակվել են ավտոերթի մասնակիցների վրա, ծեծի ենթարկել նրանց, կոտրել բոլոր մեքենաները եւ դրոշները: Պապիկյանի խոսքով՝ 2015 թ. հունվարի 30-ին երեկոյան ժամը 22:14-ին Ժիրայր Սեֆիլյանին է զանգահարում Վիտալի Բալասանյանը եւ ուղղակի, բաց տեքստով զգուշացնում՝ երթ չանեք, այլապես շատ վատ է լինելու: Ապա Պապիկյանը մեջբերեց մեկ հատված այդ զրույցից. «Լսի, էդ բանը մի արեք, լսի, բան եմ ասում: Վերջապես հազար տարվա ընկերներ ենք, չէ՞:Ես քեզ խնդրում եմ այդ երթը մի արեք: Այլապես ինձ ուրիշ «վարյանտ» չի մնում: Ինձ իզուր տեղը մի քաշի, բեր Զաբուխ, մեր հարաբերություններն էլ կփչանան»,- այսպիսին է եղել գաղտնալսման սղագրությունը:

«Երկիրը կուլ են տալիս, 42 հազար են կուլ տալիս, մենք պետք ա դրա դեմը առնենք... Վիտո ջան, ոչ մի բան չի լինելու, ոչ մի բան չի լինելու, որովհետեւ մենք չենք գալիս խառնելու»,-արձագանքել է Ժիրայր Սեֆիլյանը: Պապիկյանը նշեց, որ անգամ Հիմնադիր խորհրդարանի վրա հարձակման վայրն է իմացել Վիտալի Բալասանյանը։

Հաջորդ նիստում Պապիկյանը կշարունակի իր ճառը. այն տեղի կունենա մարտի 16-ին ժամը 11:00-ին:

Տպել
6473 դիտում

Ռուս մեքենավարները ՀՀ-ում են փորձի փոխանակման նպատակով. ՀԿԵ

Այս կառավարությունը ամենաերեխայակենտրոն կառավարությունն է, և մենք ձեզ համարում ենք մեր գործընկերը. Զարուհի Բաթոյան

Հենրիխ Մխիթարյանը, մեղմ ասած, թքած ունի հավաքականի վրա. ՀՖՖ պաշտոնյա

ՎՏԲ-Հայաստան Բանկը վճարել է Վանաձորի պետական համալսարանի լավագույն ուսանողի տարեկան վարձը

Յունիբանկը թողարկել է 5.25% եկամտաբերությամբ նոր դոլարային պարտատոմսեր

Հիմա իրավիճակը բոլորովին այլ է, ու երեւի կարելի է մտածել իրական Հանրային խորհուրդ ունենալու մասին

Քննարկվել են կրթությունից աշխատաշուկա անցման հիմնախնդիրները. աշխատանքի եւ սոցիալական հարցերի նախարարություն

Նիկոլ Փաշինյանը Մել Դալուզյանին պաշտպանում է առավոտից իրիկուն նրան «սղոցողներից». Մարիա Կարապետյան

Միաբանության Մայրավանքում տերունական աղոթքից հետո վարչապետ Փաշինյանը մոմավառություն է կատարել Մայրավանքում

Կարինա Իգնատյանի տեսահոլովակն ամենադիտվածներից է «Մանկական Եվրատեսիլ»-ի մասնակիցների թվում

Խնդիրը, որի մասին բարձրաձայնում է Արտյոմ Կարապետյանը, իրականում շատ մտահոգիչ է. Հրաչյա Հակոբյան

Վահագնի գյուղից դեպի հյուսիս գտնվող անտառում հրդեհ է բռնկվել. ԱԻՆ

Ucom-ի 4G+ ցանցում զանգելու VoLTE հնարավորությունն իրական է iPhone օգտատերերի համար

Բացառում եմ, որ այսօրվա իշխանության ներկայացուցիչներից որեւէ մեկը կապեր ունենա քրեական հեղինակությունների հետ. Գրիգորյան

Վերապատրաստման դասընթաց՝ հոգեկան առողջության ոլորտի բուժանձնակազմերի համար. ՄԻՊ

Քիմ Քարդաշյանը, Անժելա Սարաֆյանը եւ Քրիստիան Բեյլը մասնակցել են «Խոստումը» հայկական կենտրոնի միջոցառմանը

ՍԴ անդամներին վաղաժամ թոշակի ուղարկելու մասին նախագծի հապճեպությունն ինձ համար առավել քան տարօրինակ է․ Տոնոյան

Փոխվարչապետ Մհեր Գրիգորյանը հանդիպում է ունեցել Արցախի Հանրապետության պետական նախարարի հետ

Հրդեհ Բազումի լեռնաշղթայում. ԱԻՆ

Հայ մարմնամարզիկները Կոտբուսում կպայքարեն Օլիմպիական խաղերի ուղեգրերի համար