Թերեզա Մեյը ապացույցներ է ներկայացրել. Մերկելն ու Մակրոնը պաշտպանում են բրիտանական կողմին

Մեծ Բրիտանիայի վաչապետ Թերեզա Մեյը Եվրամիության ղեկավարներին է ներկայացրել համոզիչ ապացույցներ՝ Սերգեյ Սկրիպալի թունավորման գործում ռուսական հետքի առկայության մասին, հայտարարաել է Գերմանիայի կանցլեր Անգելա Մերկելը:

Մերկելը չի մասնավորեցրել, թե ինչ տեսակ ապացույցների մասին է խոսքը, սակայն հավաստիացրել է, որ Լոնդոնի կողմից արված փորձաքննությունը շատ հիմնավոր է ու ոչ ոքի մոտ կասկածներ չի հարուցում: Կանցլերը նաեւ հավելել է, որ ամենայն հավանականությամբ այս փորձաքննությունների արդյունքներն այդքան էլ չեն տարբերվի Քիմիական զենքի արգելման Կազմակերպության փորձաքննության արդյունքներից:

Գերմանական կողմի տեսակետը ներկայացնելիս, Մերկելն ասել է. «Մենք հստակ ներկայացրել ենք, որ մեզ համար սա լուրջ մարտահրավեր է՝ ուղղված  մեր ընդհանուր անվտանգությանը: Մենք համաձայն ենք բրիտանական գնահատականների հետ, ակնհայտ է, որ այս ամենի պատասխանատուն ռուսաստանն էմ այլ արժանահավատ բացատրություններ չկան»,-ասել է Մերկելը՝ Ֆրանսիայի նախագահ Էմանուել Մակրոնի  հետ ունեցած համատեղ մամուլի ասուլիսի ժամանակ, մեջբերում է Ria-ն:

Լոնդոնի հետ համակարծության մասին է հայտնել նաեւ Ֆրանսիայի նախագահ Մակրոնը. «Մենք եկել ենք այն նույն եզրահանգմանը, ինչ որ ներկայացնում է Բրիտանիան: Ակնհայտ ու հաստատ է մեկ բան՝ թունավոր նյութի ծգման երկիրը Ռուսաստանն է»:

Ֆրանսիան ու Գերմանիան դեռեւս քննարկում են, թե ինչ պատժի տեսակներ են սահմանելու Ռուսաստանի Դաշնության նկատմամբ, սպասում են իրենց դեսպաններին՝ քննարկումների համար:

Ավելի վաղ հայտնել էինք, որ Եվրամիության անդամ երկրների ղեկավարները որոշել են հետ կանչել Եվրամիության դեսպան, գերմանացի դիվանագետ Մարկուս Էդերերինին Ռուսաստանից՝ Սկրիպալի հնչեղ գործի պատճառով:

Ռուսական կողմն էլ իր հերթին հայտնել էր, որ գործը չափազանց գաղտնի է պահվում եւ լի է մութ կողմերով:

Հիշեցնենք, որ ռուս-բրիտանական սկանդալը հասունացավ ռուս նախկին սպա, Մեծ Բրիտանիայից քաղաքական ապաստան խնդրած ու վերջին տարիներին այդ երկրի քաղաքացի համարվող Սերգեյ Սկրիպալի ու նրա դստեր՝ Յուլյա Սկրիպալի թունավորումից հետո:

Պառլամենտում ելույթի ժամանակ Բրիտանիայի վարչապետ Թերեզա Մեյը ուղիղ ձեւով մեղադրել էր Ռուսաստանին՝ Սերգեյ Սկրիպալի թունավորման համար ու անցել պատժիչ քայլերի:

Ռուսաստանի Գլխավոր հետախուզական վարչության նախկին աշխատակից Սերգեյ Սկրիպալը եւ նրա դուստր Յուլյան անգիտակից վիճակում հայտնաբերվել են մարտի 4-ին Մեծ Բրիտանիայի Սոլսբերիի այգու նստարանին:

Նրանց տեղափոխել են հիվանդանոց ծայրահեղ ծանր վիճակում, նրանք մինչեւ հիմա կոմայի մեջ են, բժիշկները նրանց վիճակը կայուն ծանր են գնահատում: Ոստիկանությունում պարզել են, որ նրանք թունավորվել են նյարդակաթվածահարող նյութով, թունավորված են եղել եւս 20 մարդ, այդ թվում՝ ոստիկան, որն առաջինն է այցելել դեպքի վայր եւ Սկրիպալի տուն: Թունավորման փաստով հարուցվել է քրեական գործ մահափորձի հանցակազմով:

Սերգեյ Սկրիպալը Մեծ Բրիտանիայից քաղաքական ապաստան էր ստացել 2010 թվականին, երբ մեղադրվում էր լրտեսելու համար, հանդիսանում էր Մեծ Բրիտանիայի քաղաքացի:

Տպել
1654 դիտում

ԿԳ նախարարը տնօրեններին հրահանգել է փաստաթղթերն ընդունել ամեն օր. որոշ դպրոցներում տեղերը սպառվել են

Նախկինները հենց այնպես չեն զիջելու իրենց վերջին փրկօղակը

Հորդորում ենք լինել օբյեկտիվ. ՀՀ ոստիկանությունն անդրադարձել է անփաստարկ քննադատական հայտարարություններին

Ավտոմեքենան դուրս է եկել ճանապարհի երթևեկելի հատվածից և կողաշրջվել. կա տուժած

Տիգրան Ավինյանը հանդիպում է ունեցել Ուկրաինայի նորընտիր նախագահ Զելենսկիի հետ

Դ. Տոնոյանը Վանաձորում 48 բնակարանների բանալիներ է հանձնել սպաների ընտանիքներին (լուսանկարներ)

Մեր տեսլականն է Հայաստանը դարձնել երկիր, ուր տաղանդը զարգացնելու անսահմանափակ հնարավորություններ կան. վարչապետ

ՈՒԵՖԱ-ի կարծիքը Մխիթարյանի վերաբերյալ «Արսենալի» որոշման մասին. ըստ The Sun-ի՝ պաթետիկ պատասխան է

Հ. Արշակյանի գլխավորած պատվիրակությունը Տալլինում մասնակցում է էլեկտրոնային կառավարման 5-րդ համաժողովին

30 տարվա վագոն-տնակը մինչև տարեվերջ կմնա անցյալում

Վարչապետի կոչը սահմանադրական կարգը տապալելու փորձ համարել չի կարելի. սահմանադրագետ

ՀԱՅԲԻԶՆԵՍԲԱՆԿԻՑ ոսկու վարկերի գծով ակցիա «ԿՈՒՏԱԿԻՐ ՆՎԵՐՆԵՐ ԱՄՌԱՆԻՑ»

Լոռիում սողանքը գնալով ակտիվանում է. ամեն պահի կարող է փլուզում լինել (լուսանկարներ)

Թուրքերը զինված մտել են Ջավախքի Կարծախ գյուղ, դաժան ծեծի ենթարկել պահակին եւ գողացել 32 անասուն

Մարուքյանը հրապարակել է ԼՀԿ և ԲՀԿ խմբակցությունների կողմից հրավիրված ԱԺ նիստում քննարկվելիք հայտարարության նախագիծը

Աննախադեպ շտապողականություն. Ռոբերտ Քոչարյանի ու մյուսների գործն ամեն գնով հասցվել է ՍԴ. Վահե Գրիգորյան

Մտել է կալանավորի խուց ու կտրող-ծակող գործիքով հարվածներ է հասցրել. սպանության փորձ «Արթիկ» ՔԿՀ-ում

Արարատի ոստիկանները ապօրինի պահվող ինքնաձիգ և դիպուկահար հրացան են հայտնաբերել (տեսանյութ)

«Իմ քայլը» խմբակցությունը փակ նիստում որոշել է ստեղծել երկու քննիչ հանձնաժողով եւ մշակել վեթթինգի նախագիծ

Գասպարին Քոչարյանի դատի ժամանակ վիրավորել է ոստիկանների՞ն. քննություն է իրականացվում