Ինձ թվում է՝ ազդեց վատ մեկնարկը. մարզիչը՝ Արոնյանի ձախողման մասին

Հայկական շախմատի առաջատար Լեւոն Արոնյանի մարզիչ Աշոտ Նադանյանը կարծում է, որ շախմատիստը Հավակնորդների մրցաշարում անհաջող ելույթ ունեցավ վատ մեկնարկի պատճառով: Առաջին 3 տուրերում նա 2 ոչ-ոքի էր արել ու 1 անգամ էլ պարտվել էր: 4-րդ տուրում, թեեւ հաղթեց Սերգեյ Կարյակինին, սակայն մրցաշարային աղյուսակում դիրքերը բարելավել չստացվեց: Մրցաշարի մնացած հատվածում ոչ մի հաղթանակ չտարավ: 14 տուրերից հետո 4.5 միավորով եզրափակեց աղյուսակը: «Հայկական ժամանակ»-ի հետ զրույցում Նադանյանն իր կարծիքն արտահայտեց Արոնյանի արդյունքների մասին:

«Ինձ թվում է՝ նրա վրա ազդեց վատ մեկնարկը: Իմ կարծիքով՝ սկզբում մի փոքր բախտը չբերեց, չնայած շախմատում գուցե ճիշտ չէ այդպես ասել, բայց ամեն դեպքում առաջին տուրերում հաջողությունը նրա հետ չէր: Հետագայում դա, ըստ իս, հոգեբանորեն ազդեց նրա վրա, չկարողացավ հավաքվել, որովհետեւ շախմատային պրոբլեմներ չուներ, ստանում էր հաղթած դիրք ու մի քայլով բաց էր թողնում կամ ոչ-ոքի դիրքի ժամանակ սխալվում էր: Երեւում էր, որ նրա իսկական խաղը չէ, ինչ-որ բան վրան ազդում է: Բայց ես պրոբլեմ չեմ սարքում, սա ոչինչ չի նշանակում: 8 մասնակիցներն էլ շատ ուժեղ էին, ու մեկնումեկը պետք է վերջինը լիներ: Այդպես էլ է լինում»,- ասաց նա:

Անցած տարին Լեւոն Արոնյանի համար շատ հաջող էր: Նա բազմաթիվ հաղթանակներ տոնեց ու լավ մարզավիճակում էր: Հավակնորդների մրցաշարից առաջ նրա երկրպագուները մեծ ակնկալիքներ ունեին, որոնք չարդարացան: Առաջիկայում պետք է հանդես գա գերմանական իր ակումբի՝ «Բադեն Բադենի» կազմում: Դրանից հետո Նադանյանը նրա հետ կխոսի ու կվերլուծի տեղի ունեցածի պատճառները:

«Իրոք, շատ էինք սպասում. անցած տարի շատ լավ խաղաց: Մինչեւ չտեսնենք իրար, չխոսենք դժվար է ասել՝ ինչ պատահեց: «Բադեն-Բադենի» կազմում 2-3 օրից մրցումների է: Հետո կգա Երեւան, կխոսենք»,- ասաց նա:

Հավակնորդների մրցաշարում 9 միավորով հաղթեց ամերիկացի Ֆաբիանո Կարուանան: Նա աշխարհի չեմպիոնի կոչման համար մրցամարտ կանցկացնի աշխարհի չեմպիոն նորվեգացի Մագնուս Կարլսենի հետ: Դա տեղի կունենա Լոնդոնում նոյեմբերի 9-28-ը: Ըստ Նադանյանի՝ նա ունակ է հաղթելու Կարլսենին:

«Ինձ թվում է՝ Կարուանան շատ լավ հակառակորդ է: Լավ շանսեր ունի պայքարելու չեմպիոնության համար: Ամեն դեպքում այս մրցաշարը լավ անցկացրեց: Շատ հետաքրքիր մրցամարտ կլինի»,- ասաց նա:

Հավակնորդների մրցաշարը Բեռլինում մեկնարկել էր մարտի 10-ին: Ավարտվեց 27-ին: 14 տուրերից հետո մրցաշարային աղյուսակը ստացավ հետեւյալ տեսքը.

1.Ֆաբիանո Կարուանա 9 միավոր

2.Շախրիյար Մամեդյարով 8

3.Սերգեյ Կարյակին 8

4.Լիժեն Դին 7.5

5.Ալեքսանդր Գրիշչուկ 6.5

6.Վլադիմիր Կրամնիկ 6.5

7.Ուեսլի Սո 6

8.Լեւոն Արոնյան 4.5

Տպել
1979 դիտում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ

Աննա Հակոբյանը 13 հոգանոց կանանց ջոկատով շուտով կմեկնի հայրենիքի սահմանները պաշտպանելու

Կորոնավիրուսի պատճառով մահացել է Կամերային երգչախմբի հիմնադիր Հարություն Թոփիկյանը

Սարգիս Ադամյանը գրեթե 8 ամիս անց խաղադաշտ վերադարձավ

Հայտնաբերվել է արգելված հրապարակումների 207 դեպք, որոնցից 131-ը՝ լրատվական գործունեություն չիրականացնող անձանց կողմից

Պարգեւների ներկայացված զինծառայողները. հերոսական արարումները ճակատային գծի բոլոր ուղղություններում շարունակվում են. ՊԲ

Ի՞նչ հետեւանքներ է ունենալու հրադադարի խախտումը այն խախտող կողմի համար. վարչապետը՝ ձախողված հրադադարի մասին (տեսանյութ)

Մեր ժողովրդի անվտանգությունն ու իրավունքները որևէ զիջման ենթակա չեն. Արցախի նախագահ

Գրադի և Սմերչի կայանքներից հրթիռակոծվում են Մարտունին, Մարտակերտը, նաև Ասկերանի վերին ենթաշրջանի գյուղերը. Արցախի ԱԻՊԾ

Արցախի սահմանի երկայնքով կրակի խտությունը կտրուկ մեծացել է. ՊՆ

Իրանը զորքեր է կենտրոնացնում Արաքսի երկայնքով

Հունաստանի ԱԳ նախարարը Թուրքիային որակել Է որպես զինյալների տուրիստական գործակալ

Արմեն Գրիգորյանը ՌԴ գործընկերոջ հետ զրույցում անդրադարձել է արցախա-ադրբեջանական սահմանագոտում տիրող իրավիճակին

Կապի ոլորտի մեր հերոսները. թշնամու արկերի ու հրթիռների տարափի տակ շարունակում են իրենց անխոնջ ծառայությունը. Պողոսյան

«Ուրարտուն» հաղթեց ու պահպանեց առաջատարի դիրքը, ֆավորիտները միավորներ կորցրին մարզերում