Աբովյանում ծնված նորածինը մահացել է. 27-ամյա մոր կյանքը հաջողվել է փրկել, նա դուրս է գրվել

Երեւանում ապրիլի 2-ին արձանագրվել է նորածնի մահվան դեպք: Երեխան ծնվել է Աբովյան քաղաքի ծննդատանը, բարձրակարգ բուժօգնություն ստանալու նպատակով տեղափոխվել մայրաքաղաք, բայց նրա կյանքը փրկել չի հաջողվել:

ՀՀ ոստիկանության լրատվական ծառայությունից, անդրադառնալով նորածին տղայի մահվան փաստին, տեղեկացրին. «Ապրիլի 3-ին քաղաքացին ոստիկանությունում հաղորդում է տվել, որ քույրը ապրիլի 1-ին Աբովյան քաղաքի ծննդատանը ծննդաբերել է, որից հետո երեխայի հետ տեղափոխվել է «Սուրբ Աստվածամայր» բժշկական կենտրոն: Ըստ հաղորդման՝ երեխան հետազոտվել է բժշկի կողմից, սակայն հաղորդում տվողը նշել է, որ բժշկի մասնագիտական պարտականությունները ոչ պատշաճ կատարելու հետեւանքով նորածինը մահացել է: Նախապատրաստվում են նյութեր»:

Մեր ճշտող հարցին, թե մահացած երեխայի հարազատի բողոքը երկու բուժհաստատություններից որի՞ն է առնչվում, ոստիկանությունից պատասխանեցին, որ խոսքը Երեւանի «Սուրբ Աստվածամայր» բժշկական կենտրոնի մասին է:

Վերջինիս տնօրեն Նիկոլայ Դալլաքյանը մեզ հետ զրույցում տեղեկացրեց, որ Աբովյանի ծննդատանը որոշվել է երեխայի մորը հղիության 31-րդ շաբաթում կեսարյան հատում անել՝ կյանքի համար առաջացած վտանգի պատճառով: «Մայրը կրկնակի ծանր արյունահոսություն է ունեցել՝ ընկերքի շերտազատումով: Կյանքի ցուցումով Աբովյանում կեսարյան հատում են արել: Մոր կյանքը փրկել են, արյունահոսությունը դադարեցրել են, կեսարյան արել: Երեխան կարող էր մահացած լինել մոր արգանդում: Բայց ծնարանում նրան վերակենդանացրել են, ինչից հետո տեղափոխել են մեզ մոտ: Երեխան գտնվել է ծայրահեղ ծանր վիճակում, ցածր քաշով՝ 1 կգ 700 գր, վերակենդանացում արված, շնչական անբավարարությամբ եւ այլն, եւ այլն»,- ասաց Նիկոլայ Դալլաքյանը:

Նրա խոսքով, հարազատներին զգուշացվել է, որ երեխայի վիճակը ծայրահեղ ծանր է, նա գտնվում է վերակենդանացման բաժանմունքում, եւ յուրաքանչյուր վայրկայն կարող է տեղի ունենալ ամենավատը: Հոռետեսական կանխատեսումներն իրականացել են: «Սուրբ Աստվածամայր» բժշկական կենտրոն ընդունվելուց մեկ օր հետո նորածնի վիճակը վատթարացել է: Էլաստիկություն չուենցող նրա թոքը պատռվել է եւ շնչական անբավարարության աճող ֆոնի վրա երեխան մահացել է:  

Նիկոլայ Դալլաքյանն ասաց, որ նորածնի հարազատները իրավապահներին դիմելուց առաջ բուժհաստատությունում դժգոհություն չեն արտահայտել: «Մեզ բողոք չեն հայտնել, գնացել են իրավապահ մարմիններ: Դա իրենց գործն է, իրավունքն է, եւ որեւէ մեկը չի կարող բռնանալ»,- նկատեց տնօրենը:

Ինչ վերաբերում է նորածնի մորը, Դալլաքյանից տեղեկացանք, որ «Սուրբ Աստվածամայր» բժշկական կենտրոն նա չի տեղափոխվել: Աբովյանի ծննդատնից էլ պարզեցինք, որ 27-ամյա կինն ապրիլի 4-ի երեկոյան դուրս է գրվել: «Մայրը դուրս է գրվել եւ լավ վիճակում է: Վիրահատությունից հետո նրա հետ կապված խնդիրներ չկան»,- պատասխանեցին ծննդատնից:

Նորածնին կորցրած կինը 27 տարեկան է: Ունի եւս մեկ երեխա:

Նյութը տպագրվել է «Հայկական ժամանակ» օրաթերթի ապրիլի 5-ի համարում:

Տպել
1877 դիտում

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը

Բեյոնսեի կատարմամբ «Առյուծ արքան» ֆիլմի սաունդթրեքի դիտումները ժամ առ ժամ ավելանում են (տեսանյութ)

Իջեւանում գործել է մի խումբ, որը եղել է ոգելից խմիչքի ազդեցության տակ. Սիփան Փաշինյան

Սա այն բարեփոխումն է, որից մենք ակնկալում ենք կոնկրետ արդյունքներ. վարչապետը՝ Հակոբ Արշակյանին

Անշարժ գույքի առքուվաճառքի գործարքներն աճել են 11.1%-ով. Նիկոլ Փաշինյան

Հայաստանի, Ռուսաստանի եւ Բելառուսի ՔԿ ղեկավարները համագործակցության ծրագիր են կնքել

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ

«Ես ճամփորդ դեսպան եմ». Պյոտր Սվիտալսկի

Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել