«Հայաստանում մեկնարկել է մայդան». արտասահմանյան մամուլի անդրադարձը՝ բողոքի ակցիաներին

Հայաստանում տեղի ունեցող իրադարձությունները լայն արձագանք են ստացել միջազգային մամուլում: Գերմանական հեղինակավոր «Deutsche welle»-ի կայքը, անդրադառնալով ապրիլի 16-ի բողոքի զանգվածային ակցիաներին, կենտրոնանում է դրա պատճառների վրա՝ նշելով, որ ընդդիմության համակիրները դեմ են դուրս եկել «նախկին նախագահ Սերժ Սարգսյանի՝ վարչապետի պաշտոնում առաջադրվելուն»: Կայքում նշվում է նաեւ «ընդդիմադիրները միտված են հասնել մինչեւ խորհրդարան»: «Deutsche welle»-ն, հղում կատարելով «Ազատություն» ռադիոկայանին, գրում է, որ ոստիկանությունը բերման է ենթարկել տասը քաղաքացու:

«Ազատություն» ռադիոկայանը նույնպես գրել է փակված փողոցների եւ կամրջի մասին, ինչպես նաեւ հայտնել, որ ցուցարարներին հաջողվել է որոշ ժամանակով խափանել մետրոպոլիտենի աշխատանքը:

worldbulletin.net կայքը գրել է, որ հազարավոր ցուցարարներ ակցիաներ են սկսել ընդդեմ վարչապետի թեկնածու Սերժ Սարգսյանի: Կայքը հատուկ շեշտադրում է կատարում Սարգսյանի ռուսամետ քաղաքական գործիչ լինելու վրա:

Ռուսական լրատվամիջոցներում երեւանյան ցույցերի հանդեպ հետաքրքրությունը եւս մեծ է եղել: «Интерфакс» գործակալությունը գրել է Բաղրամյան պողոտայի արգելափակման մասին՝ նշելով, որ պողոտայում են տեղակայված մի շարք դեսպանատներ, նախագահի նստավայրը, որն առաջիկայում դառնալու է վարչապետինը եւ Ազգային Ժողովի շենքը:

Ընդհանուր առմամբ՝ «Интерфакс»-ը կատարել է չոր փաստերի արձանագրում, ինչը չի կարելի ասել «Московский комсомолец»-ի մասին: Խեղաթյուրումը սկսվում է արդեն վերնագրից՝ «Հայաստանում մեկնարկել է մայդան»: «Մայդան» բառը ռուս ընթերցողի համար խիստ բացասական երանգ ունի: Սակայն հեղինակը դրանով չի սահմանափակվում: Պարզվում է, որ ցուցարարները «նոր վարչապետ են տեսնում Նիկոլ Փաշինյանին»:

Հեղինակը ողջ հոդվածը կառուցում է այն թեզի վրա, որ Նիկոլ Փաշինյանը ցանկանում է վարչապետ դառնալ եւ կազմակրպել է ցույցերը սեփական վարկանիշը բարձրացնելու նպատակով: Հոդվածն ամբողջովին ոչ միայն փաստերի խեղաթյուրում է, այլեւ հող՝ հետագայում հայկական ընդդիմությանը դասել «Արեւմուտքի գործակալների» շարքին: Ցավալին այն է, որ այդ հոդվածի հեղինակը, դատելով Ավակով ազգանունից՝ հայ է:

Ուկրաինական «Новое время» կայքն անդրադարձել է ոստիկանների եւ ցուցարարների միջեւ Բաղրամյան պողոտայում տեղի ունեցած բախումներին: Կայքը նշում է, որ բախումները տեղի են ունեցել Փաշինյանի եւ աջակիցների՝ ոստիկանական պատնեշը անցնելու փորձի հետեւանքով:

Հայաստանցիների բողոքին հիմնավոր կերպով անդրադարձել է «Настоящее время» լրատվական կայքը: Այն գրեթե անմիջապես թարմացնում է տեղեկատվությունը բողոքի ակցիաներից եւ ներկայացնում փաստեր: Կայքում նշվել է նաեւ, որ Վանաձորում բողոքի ակցիաներ են իրականացվում:

Կայքը մանրակրկիտ կերպով անդրադառնում է բողոքի պատճառներին՝ սկսելով 2015 թ. սահմանադրական փոփոխություններից: Լրատվականը, հղում կատարելով «մասնագետների կարծիքին»՝ նշում է, որ փոփոխությունները պետք էին հենց իշխող ՀՀԿ-ին եւ Սերժ Սարգսյանին՝ վարչպետի պաշտոնը ստանձնելու համար, ինչն էլ հանդիսացել է զանգվածային բողոքի պատճառ:

«Հայկական ընդդիմությունը դեմ էր Սերժ Սարգսյանի հետագա իշխանավարմանը եւ կոչ է արել համախոհներին՝ դուրս գալ փողոց»,- գրված է «Настоящее время» կայքում:

Տպել
6844 դիտում

ԵԱՏՄ տարածքում գյուղատնտեսական արտադրանքի ծավալն աճել է 19 տոկոսով

Միշտ կարիք կա զարգացնելու մոր եւ մանկան առողջության պահպանմանն ուղղված քայլերը. Թորոսյանն այցելել է «Շենգավիթ» ԲԿ

Գորիսի և Մեղրիի ավտոճանապարհներին ձյուն է տեղում

ԵԽ-ում ՀՀ ներկայացուցիչը մասնակցել է կրթության քաղաքականության և պրակտիկայի հարցերով ղեկավար կոմիտեի նիստին

34-ամյա տղամարդուն մեղադրանք է առաջադրվել՝ ապօրինի թմրամիջոց իրացնելու համար. գործը դատարանում է

Ինձ թվում է՝ երազ է. բռնցքամարտիկ Անուշ Գրիգորյանը՝ երկար սպասված ԵԱ ոսկե մեդալի մասին

Ռոբերտ Քոչարյանը կոպիտ սխալ է թույլ տվել իմ նկատմամբ հայց ներկայացնելով. Արամ Մանուկյանը մանրամասներ է ներկայացնում

ԱՄՆ Ալաբամա նահանգը ճանաչել է Հայոց Ցեղասպանությունը

Մարգարյան-Ֆուչիկ խաչմերուկից մինչև Աբելյան-Ֆուչիկ կբարեկարգվի փողոցը, նստարանները, ցանկապատները

Նիկոլ Փաշինյանը շնորհավորել է Կասիմ-Ժոմարտ Տոկաևին՝ Ղազախստանի Հանրապետության նախագահի պաշտոնը ստանձնելու կապակցությամբ

Բախում չի լինի. Սամվել Բալասանյանը կազատագրի Գյումրու զավթված մայթերն ու կանաչ գոտիները

Գրավատների ու փոխանակման կետերի տուրքի բարձրացումը մի շարք բացասական հետեւանքների կհանգեցնի. պատգամավոր

Տիգրան Ավինյանի գլխավորությամբ կայացել է Համահայկական յոթերորդ խաղերի կազմկոմիտեի նիստը

Բժշկական հրաշք. գանգուղեղի ծանր վնասվածքով 2-ամյա Նարեկի փրկության պատմությունը (տեսանյութ)

Արմավիր քաղաքը հայտ է ներկայացրել՝ ամբողջությամբ նորոգելու-ասֆալտապատելու 2 փողոցներ՝ մայթերով

Դատախազությունը պետական շահերի պաշտպանության ուսումնասիրությամբ 36 միլիարդ դրամի վնաս է հայտնաբերել

Հաագայի դատարանը Բոսնիայի սերբ առաջնորդ Ռադովան Կարաջիչին դատապարտեց ցմահ ազատազրկման

Մալթայի երաժշտության օրեր Հայաստանում. միջմշակութային շփման հնարավորություն երաժիշտների և երաժշտասերների համար

4 հոգով դանակահարել են 53-ամյա ու 29-ամյա տղամարդկանց. ոստիկանությունը փնտրում է դանակահարողներից 2-ին

Դեբեդում ջրահեղձ եղած աղջկա դին դուրս է բերվել Քարկոփ համայնքի ՀԷԿ-ի տարածքից (լուսանկարներ)