Քիչ առաջ խորհրդարանում վիճաբանություն տեղի ունեցավ քրեական օրենսգրքում փոփոխություններ կատարելու մասին եւ կից օրենքների փաթեթի քվեարկության ժամանակ: ՀՀԿ խմբակցության ղեկավար Վահրամ Բաղդասարյանն առաջարկեց` քանի որ այսօր նիստի օրակարգում ընդգրկված հարցերի քննարկումները հավանաբար ավելի վաղ կավարտեն, քան 16:30, երբ կառավարության հետ հարցուպատասխանն է մեկնարկում, այսօր քննարկել այս օրենքը երկրորդ ընթերցմամբ եւ քվեարկել:

Սրան, սակայն դեմ արտահայտվեց «Ծառուկյան» խմբակցությունը: «Ինձ շարունակում է համառորեն թվալ, որ մենք Ազգային ժողովում ենք աշխատում, ուստի՝ վաղն աշխատանքի գալը, եթե ոմանց համար ծանր բեռ է, մեզ համար մեր պարտականությունն է, եւ մենք որեւէ հրատապություն չենք թողնում այս հարցն այսօր քննարկելու»,- ասաց խմբակցության պատգամավոր Նաիրա Զոհրաբյանը: 

Գեւորգ Կոստանյանը նշեց, որ խնդրի ընդունման ժամկետն է էական, այսինքն՝ այն է էական, թե ինչքան շուտ այս օրենքը պետք է ընդունվի, որպեսզի դրա կարգավորման հարցը տարածվի:

«Ոչ ոք չի ասում, որ մենք վաղը աշխատանքի չենք գալու, բայց դա ավելի լուրջ հիմքեր ունի, քան աշխատանքի չգալը»,- ասաց նա:

Վահրամ Բաղդասարյանն էլ ասաց, որ այսպես, թե այնպես այս օրենքը պետք է քննարկեն այսօր եւ ավարտեն, ավելի լավ կլինի, եթե կարգավորումներն ուժի մեջ մտնեն այսօր: Բաղդասարյանն ընդգծեց, որ սա ասում է հատուկ նրանց համար, ովքեր ուշ են ընկալում: Սա դուր չեկավ Նաիրա Զոհրաբյանին եւ նա տեղից նետեց, որ նա է ուշ ընկալողը:

ԱԺ նախագահ Արա Բաբլոյանն էլ նկատեց, որ իզուր կրքեր պետք չէ այստեղ բորբոքել եւ ճիշտ պատկերացումներ ունենալ առաջարկի վերաբերյալ:

«Առաջարկը հետեւյալն է, եթե քվեարկությունից հետո առաջիկա երեք ժամվա ընթացքում չլինեն նոր առաջարկներ, ապա նախագիծը ավտոմատ կերպով պատրաստ կլինի, որպեսզի երկրորդ քննարկում իրականացնեն, որից հետո կմնա միայն քվեարկությունը: Եվ քանի որ մենք աշխատանքային ռեժիմի մեջ ենք, առաջարկ է եղել հենց այսօր քվեարկել, առաջարկը շատ տրամաբանական է, մի նեղվեք, խնդիր չկա, միմյանց չենք ուզում նեղացնել: Եթե չեք ուզում, մի քվեարկեք»,- ասաց նա:

ԱԺ փոխնախագահ Միքայել Մելքումյանը հորդորեց հարգալից լինել մեկը մյուսի նկատմամբ ու չասել, թե այս մեկը հասկացել է, մյուսը՝ ոչ: ԱԺ մյուս փոխնախագահ Էդուարդ Շարմազանովն էլ ասաց, որ խնդիր չկա, կարող են այլ ռեժիմով քվեարկել, սակայն պետք չէ փոքր հարցից մեծ խնդիր սարքել: Նա հորդորեց խմբակցություններով իրար հետ որոշել, թե երբ պիտի լինի քվեարկությունն ու քննարկումը: «хотите сегодня будет сегодня, хотите завтра будет завтра»,- ասաց Շարմազանովը:

Իսկ «Ծառուկյան» խմբակցության պատգամավոր Գեւորգ Պետրոսյանն էլ շեշտեց, որ իրենց խմբակցությունից ուղղակի ասում են, որ նման պայմանավորվածություն ի սկզբանե չի եղել, դա է խնդիրը: Պետական-իրավական հարցերի հանձնաժողովի փոխնախագահ Ռուստամ Մախմուդյանն էլ ասաց, որ հանձնաժողովում այս հարցը որոշվել է քննարկել 24 ժամյա ռեժիմում: Արդյունքում քվեարկվեց հարցը հատուկ ռեժիմով քննարկելու հարցը եւ ընդունվեց 66 կողմ ձայնով:

Գեւորգ Կոստանյանն էլ փորձեց բացատրել, թե ինչ է տալու այս օրենսդրական կարգավորումը: «Սա նրա համար է, որ օր առաջ մեր երկրի դատապարտյալներն ազատ արձակվեն, պայմանական վաղաժամկետ արձակման հնարավորություն ընթացակարգին է վերաբերում»,- նշեց նա:

Քվեարկության արդյունքում որոշվեց երկրորդ ընթերցմամբ այսօր քննարկել, իսկ Բաբլոյանն էլ ասաց, որ որպես ԱԺ նախագահ ինքը կորոշի, թե երբ քվեարկեն: ԵԼՔ  խմբակցության ներկայացուցիչ Սասուն Միքայելյանը դիմելով Կոստանյանին՝ ասաց, որ երկար տարիներ դատախազ է եղել, եւ հիմա նոր է նրա սիրտը ցավում:

«Հիմա նոր ջիգյար եք կերել, հելել եք, այդ հարցերով եք զբաղվում»,- ասաց նա: Կոստանյանն արձագանքեց Միքայելյանին՝ ասելով, թե նա չգիտի իր աշխատանքի մասին, չգիտի, թե այս ուղղությամբ ինչեր են արվել, ընթացքում Միքայելյանը տեղից խոսում էր, պատասխանում Կոստանյանին, վերջինս էլ նետեց. «Դու-ով մի խոսեք, դուք-ով, մի ընդհատեք, ես ձեզ չէի ընդհատում: Դու ինձ չպիտի ընդհատես»: Միջամտեց Արա Բաբլոյանը. «Սասո՛ւն, Սասո՛ւն»:

Այս ամենը եզրափակեց Նաիրա Զոհրաբյանը՝ եւս մեկ անգամ ընդգծելով, որ իրենք դեմ չեն վաղաժամ ազատմանը, այլ դեմ են այս ռեժիմով աշխատելուն: Վերջնական որոշումն, ըստ էության, կկայացնի ԱԺ նախագահը:

Տպել
3642 դիտում

Միհրան Պողոսյանի՝ օֆշորային ընկերությունների վերաբերյալ քրգործը վերաբացվել է․ ՀՔԾ-ն հաստատում է

Գլխավորելու եմ Եվրանեսթ խորհրդարանական վեհաժողովում ԱԺ պատվիրակությունը․ Մխիթար Հայրապետյան

Դավիթ Զոհրաբյանի հետ վաղուց ուզում էինք աշխատել. Էվա Խաչատրյանը՝ նոր սերիալի մասին

Թեհրանը շարունակում է մնալ Երեւանի կողքին․ Միրզոյանն ընդունել է ՀՀ-ում Իրանի դեսպանին

Ավարտվել է «Եվրատեսիլ 2019» հայաստանյան երգի հայտերի ընդունման փուլը

Մենք հանրության կողմից պահանջված գործառույթները չենք կրճատում. Վարազդատ Կարապետյան

ԱՄՆ-ում ՀՀ դեսպան Ներսեսյանը հանդիպել է կոնգրեսական Ջիմ Քոսթայի հետ

Անշարժ գույքի շուկան 2018-ին ակտիվացել է․ գործարքների թիվն աճել է 13%-ով

Մխիթարյանը բաց կթողնի «Յունայթեդի» դեմ հանդիպումը

ՀՀ-ԵՄ ՀԸԳ համաձայնագրի իրականացման ընթացքը քննարկվել է Ռիգայում․ դեսպանի հանդիպումը

Նունե Սարգսյանը շրջայց է կատարել «Բարի տնակ» բարեգործական ժամանակավոր կացարանում

Գյուղատնտեսության, զբոսաշրջություն, ենթակառուցվածքներ․ ՀՀ-ն ու Նիդեռլանդները նախանշել են համագործակցության ոլորտները

Նիկոլ Փաշինյանը Դավոսում հանդիպումներ է ունեցել Շվեյցարիայի, Ռուանդայի, Ուկրաինայի նախագահների հետ

Դա շատ լավ որոշում է, եթե այս գներով լինի, ապա մեր գրպանն էլ կթեթեւանա. Հովհաննիսյան

Ամենաբարդը Պետրոսյանի հետ պարտիան էր. Փաշիկյանը՝ ՀՀ շախմատի առաջնության պայքարի մասին

Արտերկրում ապրող կենսաթոշակառուները չեն կարողանում իրացնել իրենց իրավունքները. բաց նամակ վարչապետին եւ ՄԻՊ-ին

Երբ մի աղջկա շատ էր հավանում՝ նրան «գուլո ջան» էր ասում. Քոչարի որդիները պատմում են հանճարի մասին

Արթուր Մեսչյանը մտադիր է Երեւանի գլխավոր ճարտարապետի պաշտոնում աշխատել ընդամենը 2-2.5 տարի

«Գեոպրոմայնինգ Գոլդ» ընկերությունն ու Գեղարքունիքի մարզպետը քննարկել են համագործակցության հնարավորությունները

Փրկարարները կանխվել են քաղաքացու ինքնահրկիզման փորձը․ ԱԻՆ