ՃՈ նախկին աշխատակցից ԴԱՀԿ-ն պարտքի դիմաց գումար է գանձել, իսկ ՎՏԲ-ում այն եռապատկվել է

Ճանապարհային Ոստիկանության նախկին աշխատակից եւ մարտական գործողությունների մասնակից Սուրեն Պետրոսյանը կանգնած է ամեն ինչ կորցնելու եւ երկրից արտագաղթելու շեմին: Այն, որ աշխատանքից դուրս գալուց եւ թոշակի գնալուց հետո քաղաքացին չունի ապրուստի միջոց վաստակելու եւ ուսանող երեխաներին պահելու հնարավորություն, հարցի մի կողմն է, իսկ մեկ այլ խնդիր է վերջինիս վարկային պատմություններն ու գնալով աճող պարտքերը:

Քաղաքացին ՀԺ-ին պատմեց, որ 2010 թվականին ՎՏԲ-Հայաստան բանկից 8 հարյուր հազար դրամ է վերցրել, հետագայում առողջական եւ ֆինանսական խնդիրների պատճառով չի կարողացել վճարել եւ գումարն օր օրի ավելացել է: Սուրեն Պետրոսյանը առաջին երկու տարին կարողացել է նորմալ վճարել, ապա առողջական խնդիրներ է ունեցել, հայտնվել հիվանդանոցում եւ փոխանցումները դադարեցրել, այնուհետեւ աշխատավայրում դիմում է գրել եւ թոշակի գնացել:  

2015 թվականին ԴԱՀԿ-ն կալանք է դրել Սուրեն Պետրոսյանի հաշվեհամարին եւ պարբերաբար գանձել նրա թոշակի 30 տոկոսը, սակայն վերջինիս վարկը նվազելու փոխարեն ավելացել է, դարձել 3 միլիոն 706 հազար դրամ: Սուրեն Պետրոսյանը ստանում է 108 հազար դրամ թոշակ, որից 5 հազարը՝ որպես մարտական գործողությունների մասնակից:

Սուրեն Պետրոսյանի մարտական գործողությունների, պատերազմի մասնակցի վկայականը

2015 թվականին ՎՏԲ-ից քաղաքացուն տեղեկացրել են, որ թոշակից պահումներ են կատարվելու. Պետրոսյանի 103 հազար դրամ թոշակից առանձին գումար է գանձվել, 5 հազարից՝ առանձին: Մինչ օրս էլ քաղաքացու թոշակից պահում է կատարվում, սակայն վարկը նվազելու փոխարեն եռապատկվել է՝ 8 հարյուր հազարը դարձել է 3 միլիոն 706 հազար եւ դեռ շարունակում է ավելանալ:

ՎՏԲ-ից Սուրեն Պետրոսյանին հաղորդել են, որ եթե 2015 թվականին պայմանագիր կազմեր իրենց հետ, ապա ԴԱՀԿ-ի միջոցով գանձվող գումարն առաջին հերթին կուղղեին մայր գումարին, բայց քանի որ ԴԱՀԿ-ն Սուրեն Պետրոսյանից յուրաքանչյուր ամիս գանձած գումարը մի քանի ամիսը մեկ է փոխանցել, ըստ այդմ՝ քաղաքացու վարկը ոչ միայն չի նվազել, այլեւ ամեն ամիս դրան տոկոսներ է ավելացել:

«ԴԱՀԿ-ն, որպես հաշտարար, ինձ բացատրեց, որ եթե ես 2 միլիոն 259 հազար դրամի համար տեղեկանք եմ տանում՝ արգելանքը հանում են, գումարն էլ ըստ տարիների հաշվել են, ասել, որ 2023 թվականին 3 միլիոն 706 հազար դրամը մարված է լինելու, բայց ինչպես է մարվելու, եթե այս ընթացքում ինձնից գանձված 1 միլիոն 206 հազար 180 դրամը ոչ մի ձեւով չի նպաստել դրան, քանի որ պարտքս գնալով ավելանում է»,- ասաց Սուրեն Պետրոսյանը:

Ապրիլի 27–ին ՀՀ Ոստիկանության ֆինանսաբյուջետային վարչությունից Սուրեն Պետրոսյանին տրված տեղեկանքի համաձայն՝ 2015 թվականից մինչեւ 2018 թվականը ներառյալ՝ վերջինիս հաշվեհամարից 1 միլիոն 206 հազար 180 դրամ փոխանցվել է Երեւանի թիվ 1 գանձապետական բաժանմունքի ԴԱՀԿ ծառայության հաշվեհամարին:

Նույնը եւ հաստատեց ԴԱՀԿ-ն՝ ՀԺ-ի հարցմանն ի պատասխան նշելով, որ Կատարողական գործողությունների ընթացքում պարտապան Սուրեն Պետրոսյանից բռնագանձվել է 1 միլիոն 206 հազար 180 դրամ, որից 1 միլիոն 145 հազար 872 դրամը փոխանցվել է ՎՏԲ-Հայաստան բանկին, իսկ 60 հազար 308 դրամը՝ ծառայության հաշվեհամարին: «ԴԱՀԿ-ի եւ բանկերի սխալ աշխատաոճից ես եմ տուժում»,- ասաց Սուրեն Պետրոսյանը:

ՀԺ-ն Սուրեն Պետրոսյանի խնդրով դիմեց ՎՏԲ-Հայաստան բանկին. մեզ փոխանցեցին, որ մոտակա մի քանի օրերին կապ կհաստատեն քաղաքացի Սուրեն Պետրոսյանի հետ եւ կփորձեն խնդրի շուրջ հնարավորինս օբյեկտիվ լուծման տարբերակներ առաջարկել եւ եւս մեկ անգամ վերանայել ԴԱՀԿ-ի եւ իրենց փոխանցումներն ու որոշումները:

Տպել
7674 դիտում

Զինված ուժերում 2019 թվականի հունիսից մինչեւ օրս կանխվել է ինքնասպանության 8 դեպք․ Արտակ Դավթյան

Նոր Նորքում ապօրինի թմրաշրջանառության շղթա է բացահայտել․ 4 անձ ձերբակալվել է, այդ թվում՝ անչափահաս (տեսանյութ)

Ազգային ժողովը 2020-ին 552 ժամանակակից համակարգիչ ձեռք կբերի

Սովորական հեռախոսը կամ ինչ-որ մեկի երեխա լինելը բանակում կարող է դառնալ անհավասարություն. Անդրանիկ Քոչարյան

Վարդագույն քաղաք Երեւան. հայկական մշակույթը, հիանալի խոհանոցն ու պատմությունը. Ryanair- ի հոդվածը

Չեմ պատրաստվում հրաժարական տալ․ ՀՀ ԶՈՒ ԳՇ պետ Արտակ Դավթյան

Յուրաքանչյուր հաճախորդից 1000 դրամ՝ հյուրանոցի աշխատակցին. պոռնկությամբ զբաղվելու դեպք է բացահայտվել (տեսանյութ)

Զինված ուժերում մեկնարկել է նոր ուսումնական տարին

«Կոշ» քրեակատարողական հիմնարկի բնակելի գոտի է նետվել կպչուն ժապավենով պարուրված թմրանյութի փաթեթ

Առաջարկվում է 4000-ից ավելի ընտրող ունեցող համայնքներում համայնքի ղեկավարին անվստահություն հայտնելու ինստիտուտ ներդնել

Ոստիկանությունը հայտնում է երեխայի վաճառքի դեպքի մասին

Աջափնյակ վարչական շրջանի ղեկավարի ազատումը կապված է աշխատանքի արդյունքների, որակի ու տեմպի հետ. Հակոբ Կարապետյան

Վաղվանից կտաքանա 7-9 աստիճանով. փետրվարի 20-ին որոշ շրջաններում ձյուն կտեղա

Յուրի Խաչատուրովի թարգմանիչը չէր ներկայացել դատարան. նիստը հետաձգվեց

Արսեն Թորոսյանը հանդիպել է Կորեայի Ազգային առողջապահական ապահովագրական ծառայության նախագահի հետ

«Ուստա, չալե՛ Ձոնն Ուրախության»

Վերաքննիչ դատարանը պարտավորեցրել է վերացնել Արմեն Գեւորգյանի իրավունքների խախտումը. պաշտպան

Բակո Սահակյանն ընդունել է Հակոբ Արշակյանին

105 սուբվենցիոն հայտ է ստացվել Կոտայքի մարզից` 6.2 մլրդ. դրամ ընդհանուր արժեքով

Բռնցքամարտիկ Արամ Ավագյանը պայմանագիր է կնքել ամերիկյան ընկերության հետ. կմարզվի աշխարհահռչակ Թայսոն Ֆյուրիի մարզչի հետ