Ստանիսլավսկիում լարված մթնոլորտ է. Ա. Գրիգորյանի մահից հետո թատրոնում գեղղեկավարի պայքար է

Ստանիսլավսկու անվան ռուսական դրամատիկական թատրոնը նախկին գեղարվեստական ղեկավար երջանկահիշատակ Ալեքսանդր Գրիգորյանի մահից հետո առանց ղեկավարի է մնացել: Այս պահին Ստանիսլավսկու թատրոնում լարված մթնոլորտ է. ղեկավարի պատվավոր պաշտոնը զբաղեցնելու համար պայքարում են Ալեքսանդր Գրիգորյանի դուստրը՝ ռեժիսոր Նորա Գրիգորյանը, եւ դերասան Ռոբերտ Հակոբյանը:

Նորա Գրիգորյանը մեր զրույցում ասաց, որ թատրոնի գեղարվեստական ղեկավարի դերը ստանձնելու շուրջ իր մասին բազմաթիվ դրական եւ բացասական կարծիքներ է լսել, անգամ ոմանք կարծիք են հայտնել, թե թույլ չեն տա, որ այդ պաշտոնը ժառանգաբար փոխանցվի:

«Ես ունեմ իմ առանձին աշխատանքը, ունեմ իմ գործը, որը թե՛ Եվրոպայում, թե՛ Ռուսաստանում շատ գնահատված է: Քանի որ հայրս վերջին երկու տարիներին հիվանդ էր՝ բեմադրությունները հիմնականում ես էի անում, եւ այն, որ ես մանկուց եմ թատրոնում եւ այն ուղն ու ծուծով գիտեմ, դա մի կողմ եմ դնում: Այսօր ես չեմ ուզում տեսնել, թե թատրոնն ինչպես է վերանում կամ որակից ընկնում, դրա համար ես ամեն ինչի պատրաստ եմ, իսկ այդ ամենն այսօր մեր թատրոնում ակնհայտորեն կատարվում է: Այն բեմադրությունները, որոնք հայրս է արել ժամանակին, կան ներկայացումներ, որոնցից գոնե մի քանիսը պետք է պահպանվեն, օրինակ «Հիշատակման աղոթք», «Խանում» եւ այլն»,- ասաց հայտնի ռեժիսորի դուստրը:

Նորա Գրիգորյանը հայտարարեց, որ Ռոբերտ Հակոբյանին թատրոնի գեղարվեստական ղեկավարի դերում չի տեսնում, քանի որ նա դերասան է, իսկ դերասանը չի կարող ղեկավարել նախ եւ առաջ այն պատճառով, որ յուրաքանչյուր դերասան առաջին հերթին եսասիրաբար է վարվում եւ ոչ միշտ է օբյեկտիվ լինում, իսկ երկրորդ, որ թյուր կարծիք է այն, թե գեղարվեստական ղեկավարը պարտադիր պետք է տարիքով մեծ լինի: 

«Ես աթոռի կռիվ չեմ անում, ինձ համար թատրոնն է կարևոր: Մեկ տարի առաջ մշակույթի նախարարն ասում էր, որ ինչքան հնարավոր է ներկայացումները շոուի տիպի պետք է լինեն, այսինքն՝ կլասիկա չպիտի ներկայացվի կամ ինչքան հնարավոր է՝ հայտնի դեմքերին, դերասաններին պետք է ընդգրկել. ես այդ քաղաքականությանը կողմ չեմ: Մենք ռուսական թատրոն ենք, եւ ես գտնում եմ, որ հայ-ռուսական հարաբերությունների մեջ նույնպես կարևոր դեր ենք կատարում»,- ասաց Նորա Գրիգորյանը:

ՀԺ–ն զրուցեց ռուսական թատրոնի գեղարվեստական ղեկավարի մյուս թեկնածուի հետ եւս: Դերասան Ռոբերտ Հակոբյանը մեզ հետ զրույցում ասաց, որ ժամանակն է եկել, որ որեւէ մեկին ընտրեն, եւ որ չի կարելի առանց գեղարվեստական ղեկավարի մնալ, որովհետև դրա հետևանքով տուժում է թատրոնի որակը. «Ինչ-որ մեկը պետք է դրա համար պատասխան տա, երբ թատրոնում ներկայացումների համար գլոբալ առումով ոչ ոք պատասխանատու չէ, դա կարող է բերել բացասական հետևանքների»:

Մեր հարցին՝ պատրաստակա՞մ է այդ բեռը կրել իր ուսերին եւ թատրոնի գեղարվեստական ղեկավարի պատասխանատվությունը ստանձնել՝ Ռոբերտ Հակոբյանը պատասխանեց՝ այո՛: Նշենք, որ մոտ օրերս Նորա Գրիգորյանն ու Ռոբերտ Հակոբյանը ծրագիր են ներկայացնելու մշակույթի նախարար Լիլիթ Մակունցին, ենթադրվում է, որ որոշում կայացնելուց առաջ նախարարը կլսի թատրոնի անձնակազմի կարծիքները:

Անդրադառնալով իրենց ներկայացրած ծրագրերին եւ հետագա անելիքներին՝ Ռոբերտ Հակոբյանը նշեց. «Պետք է ասեմ, որ ծրագիր ներկայացնելը դեռ ոչ մի բան չի նշանակում, մարդ կարող է արտակարգ գրված ծրագիր ներկայացնել, սակայն ոչինչ չանել, կարևորը ծրագիրն իրականացնելն է, ոչ թե ներկայացնելը, եւ բոլորը չեն, որ ներկայացնում են ու կարողանում իրականացնել: Ես այդ մասին, անպայման խոսելու եմ տիկին Մակունցի հետ: Այնուհետև մենք նրան խնդրելու ենք, որ գա թատրոն, որտեղ հանդիպում կունենա մեր 30-ից ավելի դերասանական կազմի հետ, բոլորից կարծիքներ կլսի եւ նոր որոշում կկայացնի»:

Դերասանից հետաքրքրվեցինք՝ եթե գեղարվեստական ղեկավարի դերում վերջինիս ընտրվելը բացառվի, ապա ո՞ւմ է տեսնում այդ պատասխանատու պոստում. Ռոբերտ Հակոբյանն ասաց. «Ես Նորային չեմ տեսնում, եթե տեսնեի՝ չէի ներկայացնի իմ թեկնածությունը: Ես չեմ տեսնում մեր թատրոնում որևէ մեկին, որը կարող է այդ բեռն իր վրա վերցնել, դրա համար էլ առաջադրվել եմ: Ես չեմ տեսնում Նորային, դրա համար էլ մտել եմ այդ պայքարի մեջ»,- ասաց Ռոբերտ Հակոբյանը եւ վստահեցրեց, որ ամեն ինչ անելու է, որպեսզի նորա Գրիգորյանը չընտրվի:

Գեղարվեստական ղեկավարի պաշտոնի համար պայքարող երկու թեկնածուների մասին զրուցեցինք թատրոնի տնօրեն Ֆրեդ Դավթյանի հետ: Վերջինս չցանկացավ տեսակետ հայտնել, թե երկուսից որ մեկի ընտրվելն է նպատակահարմար գտնում: Ֆրեդ Դավթյանն ասաց, որ այն, ինչ կորոշի մշակույթի նախարարությունը՝ ինքը միանշանակ կընդունի եւ պատրաստակամություն կդրսևորի համատեղ աշխատելու:

Նշենք, որ տևական ժամանակ թատրոնի գեղարվեստական ղեկավար չունենալու պատճառներից է մշակույթի նախարարության որոշումը. Նորա Գրիգորյանի խոսքով՝ նախկին նախարար Արմեն Ամիրյանն ասել էր, որ թատրոնն ունի լավ տնօրեն եւ Ալեքսանդր Գրիգորյանի մահից հետո այն դեռ կարող է որոշ ժամանակ առանց գեղարվեստական ղեկավարի մնալ: Ամիրյանը կարծիք էր հայտնել, որ այդտեղ ոչ մի խնդիր չի տեսնում, եւ հարցը համարել էր փակված:

Իսկ այսօր թե՛ թատրոնի տնօրենը (հանկարծակի) եւ թե՛ գեղարվեստական ղեկավարի պաշտոնի համար պայքարող երկու թեկնածուները միանշանակ գտնում են, որ գեղարվեստական ղեկավար չունենալը միայն ու միայն բացասական հետևանքների կարող է հանգեցնել: Մոտ օրերս Ստանիսլավսկու անվան ռուսական դրամատիկական թատրոնը հանդիպում է պլանավորել մշակույթի նախարար Լիլիթ Մակունցի հետ, որից հետո էլ պարզ կլինի, թե ում կվստահվի թատրոնի գեղարվեստական ղեկավարի պաշտոնը:

Տպել
5796 դիտում

Անահիտ Հախումյանն ազատվել է Քաղաքաշինության կոմիտեի նախագահի տեղակալի պաշտոնից

Էս երեխեն ինչեր կանի, եթե առարկան սիրի. ԿԳ նախարարը շոկային պատասխան է ստացել աշակերտից

Բերման են ենթարկվել «Ադեկվադ» ՀԿ-ի 4 անդամները

ՄԻՊ-ի ներկայացուցիչները «Նուբարաշեն» ՔԿՀ-ում այցելել են հացադուլ հայտարարած անձանց

Բացահայտում. ՊՆ-ն մոտ 558 մլն դրամի բժշկական ապրանք է գնել, որոնք երբեւէ օգտագործել հնարավոր չէ

Լայն մայթերից գյումրեցիների ախորժակն էլ է լայն բացվում (լուսանկարներ)

Կառավարությունում քննարկվել են ընտանիքի ապահովության գնահատման համակարգի բարեփոխման հարցեր

Այդ բարեփոխումների իրականացման ճանապարհին ՀՀ կառավարությունը կարող է մեզ վրա հույս դնել. Սվիտալսկի

Մոսկվա է մեկնել ՀՀ ԶՈՒ գլխավոր շտաբի աշխատանքային խումբը

Լոռու մարզպետը դատի է տվել նախկին լրագրողին՝ ֆեյսբուքում իրեն վիրավորելու համար

Հերքում եմ, որ խմբակցության հանդիպման ընթացքում ԲԴԽ կամ ՍԴ կառույցները ցրելու մասին խոսակցություն է գնացել. Մակունց

Մխիթարյանը խոսել է իր ընտանիքի հետ ու որոշել չգնալ Բաքու. ասել է թիմի գլխավոր մարզիչը

Վարույթը կասեցված եւ ՍԴ ուղարկված դատական ակտի դեմ հնարավոր է վերաքննիչ բողոք ներկայացնել. դատախազություն

Հնարավոր կլինի հանցագործության մասին անանուն հաղորդումներ ներկայացնել

Միջազգային մամուլը լի է Մխիթարյանի մասին նյութերով. երկրպագուները պահանջում են բոյկոտել ԵԼ-ն

2018-ի հունվար-ապրիլ ամիսներին Երեւանի քաղաքապետին սպասարկող ավտոմեքենան ծախսել է 5200 լիտր բենզին. Կարապետյան

Մրցավար Արտակ Սիմոնյանը որակազրկվել է. խաղի ժամանակ ակնհայտ սխալ որոշում է կայացրել

Նախատեսված է 7-ից 100 տարեկան երեխաների համար. լույս է տեսել Երեւանի մասին գրված առաջին հեքիաթաշարքը

ԿԳ նախարարը տնօրեններին հրահանգել է փաստաթղթերն ընդունել ամեն օր. որոշ դպրոցներում տեղերը սպառվել են

Նախկինները հենց այնպես չեն զիջելու իրենց վերջին փրկօղակը