Գյումրու թատրոնի տնօրենի նոր թեկնածուների անուններ են շրջանառվում

Գյումրու Վարդան Աճեմյանի անվան պետական դրամատիկական թատրոնի տնօրենի թափուր տեղի համար մրցույթը տեղի կունենա դեկտեմբերի 9-ին:

Մեր տեղեկություններով, տնօրենի պաշտոնի հավակնորդները երեք են՝ Գյումրու դրամատիկական թատրոնի գլխավոր պրոդյուսեր Տիգրան Վիրաբյանը, նույն թատրոնի ռեժիսորներից մեկը, որի անունը գաղտնի է պահվում եւ «Երկիր Մեդիա» հեռուստաընկերության հաղորդավար Արթուր Կիրակոսյանը:

Տիգրան Վիրաբյանը armtimes.com-ի հետ զրուցում հաստատեց, որ իսկապես հայտ է ներկայացրել՝ մրցույթին մասնակցելու համար:

«Այո, ցանկանում եմ մասնակցել, քանի որ մասնագիտական կրթությունն այս անգամ պարտադիր պայման է դարձել»,- նշեց Վիրաբյանը եւ վստահեցրեց, որ տեղեկություններ չունի, թե ով է իր մրցակիցը՝ նույն թատրոնից:

Արթուր Կիրակոսյանը հերքեց տեղեկությունները՝ նշելով, որ մրցույթին մասնակցելու ցանկություն չունի:

«Իրականությանը չի համապատասխանում, որոշել եմ չմասնակցել, բայց մտորումներ եղել են»,- ասաց հաղորդավարը:

Ռեժիսոր-թեկնածուի ինքնությունը պարզել չհաջողվեց, քանի որ օրենքով սահմանված կարգով մինչեւ մրցույթի օրը թեկնածուների անունները չի հրապարակվում:

Մեր տեղեկություններով, Գյումրու դրամատիկական թատրոնում ներքին տարաձայնություններ կան, բայց սրանով հանդերձ աշխատակազմը հակված է տնօրենի պաշտոնում տեսնել Տիգրան Վիրաբյանին: Ռեժիսորի մասնակցությունն էլ հավանաբար այդ հանգամանքով է պայմանավորված:

Հիշեցնենք, որ Գյումրու Վարդան Աճեմյանի անվան դրամատիկական թատրոնի տնօրենի թափուր տեղի համար հայտարարված մրցույթը երկու անգամ չկայացավ: Սեպտեմբերի 14-ին կայանալիք մրցույթում մասնակցության հայտ ներկայացրածներից մեկը հետ էր վերցրել փաստաթղթերը: Պատճառը եղել էր այն, որ թատերագիտություն, դերասանական արվեստ, ռեժիսուրա մասնագիտություններից որեւէ մեկը պարտադիր պայման չէր եղել, որը հասարակական լայն քննարկման առիթ էր դարձել: Իսկ նոյեմբերի 18-ի մրցույթին թեկնածուներ ընդհանրապես չէին առաջադրվել:

Դեկտեմբերի 9-ին կայանալիք մրցույթին մասնակցելու պարտադիր պայմաններից են` արվեստի կառավարում` մենեջմենթ, դերասանական արվեստ, ռեժիսուրա, թատերագիտություն, սոցիալ-մշակութային գործունեություն, տնտեսագիտություն, կառավարում մասնագիտություններից որեւէ մեկը, կառավարման ոլորտի առնվազն 3 տարվա կամ առնվազն 5 տարվա մասնագիտական աշխատանքային ստաժ եւ այլն:

Տպել
2743 դիտում

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը