Երեւանի քաղաքապետարանում ավելի շատ ոստիկաններ կան, քան քաղաքացիներ

Բռնապետական կարգերը Երեւանի քաղաքապետարանում վաղուց են հաստատվել: Նոր Հայաստանում էլ դրանք շարունակում են ամուր հիմքերի վրա մնալ: Ու եթե որեւէ մեկն այդ կառույց մտնելուց հետո իրեն իրավունք վերապահի շրջել տարածքում, մտքով անցկացնի մի հարկից մյուսն անցնել, անմիջապես կհանդիպի քաղաքապետարանի պահապանների ուղղիչ գործողություններին:

Երեւանի քաղաքապետարանի շքեղ ու հսկայական շենքում ավելի շատ ու ավելի հաճախ ոստիկանների կարելի է հանդիպել, քան որեւէ խնդրով այնտեղ եկած քաղաքացիների:

Ավագանու վերջին նիստի օրը՝ մայիսի 30-ին, փորձեցինք մի քանի հարց ուղղել քաղաքապետ Տարոն Մարգարյանին: Եթե դեպքն այն բացառիկներից չէ, երբ նա որոշում է պատասխանել լրագրողների հարցերին, ապա նիստերի դահլիճից դուրս է գալիս ետնամուտքով: Այդ օրը, պարզելով, որ քաղաքապետն ավանդույթը խախտել չի պատրաստվում, որոշեցինք նրան սպասել նիստերի դահլիճից դեպի իր աշխատասենյակ տանող աստիճանավանդակին: Քաղաքապետարանի, կամ ավելի ճիշտ, Տարոն Մարգարյանի անվտանգությունը հսկող ոստիկաններն անմիջապես նկատեցին օտարի գոյությունը, աստիճանաբար հավաքվեցին, հավաքվեցին՝ հետաքրքրված, զննող ու նաեւ տագնապած հայացքով փորձելով պարզել, թե ինչպես հայտնվեցինք այդտեղ, ով է մեզ ասել, որ քաղաքապետն այդ կողմով է իջնում եւ այլն: Եկան նաեւ քաղաքապետարանի տեղեկատվության եւ հասարակայնության հետ կապերի վարչության աշխատակցները՝ մեզ բացատրելու, որ այդտեղ գտնվելու իրավունք չունենք, որ մենք պետք է ուղիղ շարժվեինք դեպի ավագանու նիստերի լուսաբանման սենյակ եւ նույնկերպ էլ լքեինք քաղաքապետարանի շենքը:

Խնդրեցինք հիմնավորել, թե որտեղ է ամրագրված, որ լրագրողն ու հենց թեկուզ քաղաքացին իրավունք չունի քաղաքապետարանի շենքում մի տեղից մյուսը գնալ եւ ինչու չէ նաեւ փորձ անել մոտենալ քաղաքապետին:

«Շենքը հանդիսանում է հատուկ պահպանվող տարածք: Հատուկ պահպանվող տարածքում կան կոնկրետ տեղեր, որտեղ մուտքը սահմանափակված է: Այդ թվում նաեւ այս տարածքի մասին է խոսքը, խնդրում եմ ազատել տարածքը... Խնդրում եմ դուրս գալ, այլապես ես ստիպված եմ լինելու դիմել ոստիկանության միջամտությանը»,- հայտարարեց քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանը: Մեր հարցին, թե որտեղ են արձանագրված իր նշած սահմանափակումները, նա խոստացավ տեղեկացնել Իրավաբանական վարչության պետից հստակ պարզելուց հետո: Հետո, սակայն որոշակի փաստաթղթի հղում անելու փոխարեն մեզ տրամադրվեց հետեւյալ պատասխանը.

«Երևանի քաղաքապետարանի շենքի այն հատվածը, որտեղ այսօր (մայիսի 30-ին՝ խմբ.) գտնվել եք Դուք, համարվում է ծառայողական մուտք, որը, ինչպես նկատել եք, երկու կողմերից հսկվում է ոստիկանների կողմից եւ համարվում է ոստիկանների կողմից պահպանվող տարածք, ինչն իր հերթին հուշում է ազատ անցուդարձի սահմանափակում: Հարկ եմ համարում նաեւ հիշեցնել, որ Երեւանի քաղաքապետարանի վարչական շենք մուտք գործելու Ձեզ տրամադրված անցագրում հստակ նշված է եղել, թե շենքի որ հատված եւ ում մոտ այցելելու համար է տրված անցագիրը, ինչի մասին Ձեզ մի քանի անգամ հիշեցրել են, այնուհետ նաեւ իմ կողմից է Ձեզ մատնացույց արվել տվյալ հանգամանքը, որից հետո հորդորել եմ լքել ոստիկանների կողմից պահպանվող տարածքը»:

Կառավարության N1008-Ն որոշմամբ հաստատված է ոստիկանության կողմից պետական պահպանության ենթակա մարմինների ցանկը: Դրանում նաեւ Երեւանի քաղաքապետարանն է, որի պահպանության ծախսերը պետք է իրականացվեն պետական բյուջեի միջոցների հաշվին:

ՀՀ ոստիկանության լրատվական ծառայությունից խնդրեցինք պարզաբանել՝

- ինչ ասել է պետական պահպանություն, ինչպես եւ ինչ կարգով է այն իրականացվում, մասնավորապես, Երեւանի քաղաքապետարանի շենքում,

- քանի ոստիկան է պահպանություն իրականացնում Երեւանի քաղաքապետարանում, շենքի որ հատվածներում նրանք պետք է գտնվեն եւ ինչ է մտնում նրանց գործառույթների մեջ,

- Երեւանի քաղաքապետարանում ոստիկանության կողմից պետական պահպանություն իրականացվելու համար տարեկան որքան գումար է նախատեսվում պետական բյուջեով:

Հարցումը ստանալու երրորդ օրը ոստիկանությունից պատասխանել են, որ մեր հայցած տեղեկությունը պարզելու համար անհրաժեշտ է կատարել լրացուցիչ աշխատանք, ուստի ղեկավարվելով «Տեղեկատվության ազատության մասին» ՀՀ օրենքի 9-րդ հոդվածի 7-րդ մասի 3-րդ կետով՝ տեղեկությունը, կտրամադրվի 30-օրյա ժամկետում:

Հ.Գ. Մոտ մեկ տարի առաջ ականատես էինք եղել Երեւանի քաղաքապետարանում խստագույն ռեժիմի մեկ այլ օրինակի, երբ Տարոն Մարգարյանի ներկայությամբ տնտեսական մասի աշխատակիցներն իրավունք չունեին ազատ տեղաշարժվելու: Քաղաքապետի աշխատասենյակի հարկում հերթապահություն իրականացնող ոստիկանը կանգնեցրել էր հավաքարարին` թույլ չտալով անցնել այն միջանցքով, որտեղ Տարոն Մարգարյանը ծխում էր:

Տպել
4696 դիտում

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում

Իմ սպասումն է, որ ժողովրդի կարիքները հանգրվանային կերպով իրագործվեն. Արամ Ա-ն՝ Նիկոլ Փաշինյանին (տեսանյութ)

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում

«Շախմատ» առարկայի դասավանդման կողմնակից եմ. Արայիկ Հարությունյան

Հայտարարություն մրցույթի մասին

Որեւէ վախ չկա, չի էլ կարող լինել եւ տղաները վստահորեն վերահսկում են իրավիճակը. Բաբայանը` Պողոսյանի գրառման մասին

Զինկոմի տեղակալը առանց բուժզննման զինգրքույկ է խոստացել՝ 1000 դոլարի դիմաց. ԱԱԾ բացահայտումը (տեսանյութ)

Արարատ Միրզոյանի գլխավորած պատվիրակությունը կմեկնի Մոսկվա

Անթույլատրելի է այս տարածաշրջանում «յոլա գնալու» տրամաբանությամբ ապրել. Փաշինյանը կարեւորում է ռազմարդյունաբերությունը

Մաքսատուրքերի ժամանակավոր վերացում. Մհեր Գրիգորյանը նախագահում է ԵԱՏՀ խորհրդի հերթական նիստը

ՀԱՊԿ-ում ղեկավարման ոչ մի վակուում չկա. Պեսկով

«Երկրապահ»․ ռազմական կապիտալիզմից մինչեւ ՀԿ

Սանիտարական ավիացիայի առաջին ուղղաթիռը ժամանել է Հայաստան

Վիգեն Չալդրանյանն ազատվել է կինոակադեմիայի նախագահի պաշտոնից. ԱՄՆ-ից հրաժարականի նամակ է գրել

Ինչ են անում ՊՆ բժիշկներն ու ականազերծողները Սիրիայում. մանրամասներ