Գեւորգ Սաֆարյանն այսօր ազատ չի արձակվի. միջնորդության լուծումը հետաձգվեց

Քաղաքացիական ակտիվիստ Գեւորգ Սաֆարյանին պատգամավորների երաշխավորությամբ ազատ արձակելու միջնորդության լուծումը հետաձգվեց:

Նման որոշում քիչ առաջ հրապարակեց Վերաքննիչ քրեական դատարանը:

Մինչ այդ այսօրվա նիստին քննվեց ՀՀ ԱԺ ԵԼՔ խմբակցության պատգամավոր Հայկ Կոնջորյանի եւ Ալեն Սիմոնյանի անձնական երաշխավորությամբ քաղաքացիական ակտիվիստ Գեւորգ Սաֆարյանին ազատելու միջնորդությունը:

Այս միջնորդությունը ներկայացրեց Սաֆարյանի պաշտպան Տիգրան Եգորյանը: Պատգամավորները, այսպիսով երաշխավորել են, որ Սաֆարյանը գտնվելով ազատության մեջ կդրսեւորի պատշաճ վարքագիծ, չի խուսափի իր դատավարական պարտականությունները պատշաճ կատարելուց՝ քրեական վարույթն իրականացնող մարմնի կանչով ներկայանալուց:

Մեղադրող դատախազ Արմեն Փանոսյանը չառարկեց Սաֆարյանին պատգամավորների երաշխավորությամբ ազատելու միջնորդության դեմ: Մասնավորապես, Փանոսյանը նշեց. «2018 թվականի մայիսին ՀՀ-ում ծավալված իրադարձություններն ու դրանց արդյունքում ձեւավորված իրողությունները էական ազդեցություն ունեն արգելանքից ազատելու դեպքում Գեւորգ Սաֆարյանի հավանական վարքագծի կանխատեսման առումով: Մասնավորապես, իրադրության փոփոխման արդյունքում էապես նվազել է ամբաստանյալի կողմից հանցագործություններ կատարելու  հավանականությունը»,- ասաց նա եւ հավելեց, որ չի առարկում պաշտպանի միջնորդության դեմ:

Գեւորգ Սաֆարյանը, սակայն առարկեց մեղադրող դատախազի գործողությունների դեմ՝ նշելով, որ ինքը որեւէ վտանգ չի ներկայացրել, որ իր նկատմամբ շինծու քրեական գործ է հարուցվել: «Քրեական գործում դրված են իմ ելույթները դրանք եղել են հանրային, չեն եղել թաքուն, ես երբեւէ հանրության համար վտանգ չեմ ներկայացրել»,- ասաց Սաֆարյանը:

Դատարանը հեռացավ խորհրդակցական սենյակ՝ միջնորդության վերաբերյալ որոշում կայացնելու, ապա վերադառնալով նման որոշում կայացրեց:

Տպել
3408 դիտում

Արա Վարդանյանը կմնա կալանավորված. դատարանը հրապարակեց որոշումը

ԿԳՄՍ-ն վերահաստատում է բոլոր առկա հարցերը քննարկելու պատրաստակամությունը, հանդիպման օրակարգ կսահմանվի

Վազգեն Մանուկյանը՝ Դավիթ Շահնազարյանի, Ռուբիկ Հակոբյանի կողքին. Հանրային խորհրդի նախկին նախագահը համաժողով է հրավիրել

Նիկոլ Փաշինյանի որոշմամբ պաշտոնանկություն՝ առողջապահության նախարարությունում

«ԳեոՊրոՄայնինգ» ընկերությունը միանում է ՀՀ Կառավարության ՝ տնկել 10 միլիոն ծառ նախաձեռնությանը

Երկրաշարժի պատճառով անօթևան մնացած ընտանիքների բնակարանաշինության ծրագրին 6.5 անգամ ավելի գումար է հատկացվել․ Կարապետյան

Նիկոլ Փաշինյանը նոր ազատում-նշանակում է արել

Ֆուտբոլի եւս 4 հավաքական արդեն Եվրո 2020-ում է

Շիրակի մարզի դպրոցներում աշխատանքի չհաճախող աշխատակիցներ պահելու մի քանի դեպքերով հարուցվել են քրգործեր

Լուծվել է տան խնդիր՝ 25 տարվա սպասումից հետո

Ռոբերտ Քոչարյանի խափանման միջոցի հարցը քննած դատավորներից երկուսը հրաժարվել են թիկնապահներից

Արարատ Միրզոյանն ընդունել է պաշտոնական այցով Հայաստան ժամանած Ղազախստանի խորհրդարանի Սենատի նախագահ Դարիգա Նազարբաեւային

Ալեքսանդր Գրիգորյանը խիստ նեղացած է Հայաստանի ֆուտբոլի ֆեդերացիայից

Անհետ կորած 77-ամյա կնոջը դեռ փնտրում են

Թուրքիան դատապարտել է Սիրիայում հայ քահանայի սպանությունը

Խորենացի փողոցի տաղավարներից մեկում կասեցվել է թարմ մսի վաճառքը

Աններդաշնակ դաշնակիցները. ջնջել, անցնել հնին

20 միլիոնանոց բլեֆ. «ստորագրել են», որ չեն խոսի

Ապարանի ոստիկանները պետական-հասարակական ունեցվածքի գողություն են բացահայտել (տեսանյութ)

Զորամասերից մեկում անցկացվել է կրակային պատրաստության գործնական պարապմունք