Վրաստանի վարչապետը Փաշինյանի հետ քննարկել է Նինոծմինդա-Բավրա ճանապարհի վերանորոգման հարցը

ՀՀ վարչապետ Նիկոլ Փաշինյանը խորհրդարանում կառավարության ծրագրի քննարկման ընթացքում պատասխանելով անկախ պատգամավոր Շիրակ Թորոսյանի հարցին՝ անդրադարձավ Վրաստան կատարած իր այցին եւ Վրաստանի վարչապետ Գիորգի Կվիրիկաշվիլիի հետ ունեցած հայ-վրացական փոխհարաբերություններին եւ հետագա զարգացմանն ուղղված քայլերին: 

Կառավարության ներկայացրած ծրագրում հատված կա նաեւ հայ-վրացական հարաբերությունների մասին, որին իր հարցում անդրադարձավ նաեւ Շիրակ Թորոսյանը. «Ձեր այսօրվա եւ նախորդ ելույթներում նույնպես նշել եք, որ հայ-վրացական հարաբերությունները պետք է խարսխվեն փոխադարձ ինքնության եւ հարգանքի վրա, ինչպես նաեւ այդ հարաբերությունները պետք է զերծ պահվեն աշխարհաքաղաքական ազդեցություններից: Ելնելով այն հանգամանքից, որ անցյալ տարվա դեկտեմբերին Վրաստանը շվեցարական ընկերության հետ համաձայնագիր ստորագրեց Աբխազիայի եւ Հարավային Օսեթիայի տարածքով միջանցք բացելու ապրանքաշրջանառության հետ կապված, օրերս այդպիսի համաձայնագիր ստորագրեց նաեւ Ռուսաստանը, արդյո՞ք քննարկվեցին Լարսի այլընտրանքային ճանապարհների հարցը եւ ի՞նչ արդյունքներ արձանագրվեցին»:

Վարչապետ Նիկոլ Փաշինյանը նշեց, որ սա կարեւոր շեշտադրում է եւ որ իրենք այդ կապակցությամբ Հայաստանն ու Վրաստանը ունեն փոխադարձ ըմբռնում: Վարչապետի բնորոշմամբ՝ այն պայմաններում, երբ Հայաստանն ու Վրաստանն արտաքին քաղաքական տարբերվող մոտեցումներ ունեն՝ շատ կարեւոր է, որ գտնեն այն ընդհանուրը, որը հնարավորություն կտա, որպեսզի հայ-վրացական փոխհարաբերությունները անընդհատ եւ շարունակական զարգացման ուղիով գնան, այլ ոչ թե բռնեն ռեգրեսի ճանապարհը:

«Մենք փորձեցինք ձեւակերպել հայ-վրացական հարաբերությունների մի նոր բանաձեւ, որը մեր հարաբերություններում էլ ավելի կբարելավի վիճակը, չնայած որ մեր հարաբերությունները վատը չեն: Իսկ այդ նոր բանաձեւը հետեւյալն է՝ Հայաստանի հանրապետությունը եւ հայ ժողովուրդը պետք է վստահ լինեն, որ Վրաստան պետության եւ վրաց ժողովրդի գործողություններում չկա որեւէ դավադրություն, որեւէ սադրանք եւ սպառնալիք ՀՀ-ի եւ հայ ժողովրդի հասցեին, իսկ Վրաստան պետությունը եւ վրաց ժողովուրդն էլ պետք է համոզված լինեն, որ  Հայաստանի եւ հայ ժողովրդի գործողություններում չկա որեւէ դավադրություն, սպառնալիք եւ սադրանք Վրաստան պետության եւ վրաց ժողովրդի հասցեին»,- ասաց վարչապետը:

Շիրակ Թորոսյանն անդրադառնալով դեպի Ջավախք Նիկոլ Փաշինյանի աննախադեպ այցելությանը՝ ասաց. «Ինչու եմ ասում աննախադեպ, որովհետեւ եւ այցն էր աննախադեպ եւ ջավախահայության ցուցաբերած ջերմ ընդունելությունը: Ջավախքի Ախալքալաք քաղաքում ժողովրդի հետ հանդիպման ժամանակ նշեցիք, որ Հայաստանը եւ Վրաստանը ձեռք-ձեռքի տված պետք է ապահովեն նաեւ Ջավախքի հայապահպանությունը եւ ներգաղթը դեպի Ջավախք, որը ռազմավարական նշանակություն ունի Հայաստանի եւ Վրաստանի համար»:

Նիկոլ Փաշինյանը վերահաստատելով հնչեցրած տեսակետը՝ նշեց, որ Վրաստանի վարչապետից ստացել է հավաստիացում, որ մինչեւ տարվա վերջ կվերանորոգվի Նինոծմինդա-Բավրա ճանապարհը: «Ինչպես մենք քաղաքական խնդիր ենք համարում, որ Հայաստանից արտագաղթը դադարի եւ սկսվի ներգաղթը, կարծում եմ՝ Վրաստանի իշխանությունների համար նույնպես դա կարեւոր շարժառիթ է, մասնավորապես՝ Ջավախքի վերաբերյալ. բոլոր հնարավոր միջոցները ձեռնարկել, տանել այնպիսի քաղաքականություն, որպեսզի ոչ միայն արտագաղթը դադարեցվի, այլեւ սկսվի ներգաղթի գործընթաց, դրա համար անհարժեշտ է, որ ներդրումներ իրականացվեն կապիտալ ներդրումներ՝ ենթակառուցվածքների առումով, եւ հույս ունենք, որ մասնավոր կապիտալը ներդրումներ կանի:

Այս իմաստով ջավախահայությունը նույնպես մեծ պոտենցյալ ունի ներդրումներ իրականացնելու: Ինչպես ՀՀ կառավարությունն է ցանկացած պարագայում հանդես գալիս անվտանգ ներդրման երաշխավորությամբ, կարծում եմ՝ վրաց կառավարությունը նույնպես այդ դերը կստանձնի նաեւ Ջավախքում եւ դա իր հերթին կբերի այն ցանկալի արդյունքին, որի մասին դուք նշեցիք»,- եզրափակեց վարչապետը:

Շիրակ Թորոսյանը հավելեց, որ հայապահպանում ասելով՝ նկատի ունի երկու կարեւոր հանգամանք, առաջինը՝ հայեցի մնալն է Վրաստանի տարածաշրջանում եւ երկրորդ՝ այն ներդրումներն են, որոնցով աշխատատեղեր եւ բավարար կենսամակարդակ կապահովվի մարդկանց համար, ինչը ոչ միայն չի խրախուսի արտագաղթը այլեւ հնարավորություններ կստեղծի ներգաղթի: «Ինչ վերաբերում է Նինոծմինդա-Բավրա ճանապարհին, ապա այն էական նշանակություն ունի Հայաստանի հետ կապի, ինչպես նաեւ տուրիզմի զարգացման համար»,-եզրափակեց Թորոսյանը, եւ հույս հայտնեց, որ ծրագրերը սահմանված ժամկետներում կյանքի կկոչվեն:

Նշենք, որ Շիրակ Թորոսյանը նույնպես այն ՀՀԿ-ականների թվում է, որոնք լքեցին խմբակցությունը: Ավելի վաղ «Հայկական ժամանակ»-ի հետ զրույցում Թորոսյանը ասել էր, որ դուրս գալով ՀՀԿ խմբակցությունից, շարունակելու է աշխատել որպես ազատ պատգամավոր: «Իմ որոշումները չեն համապատասխանում խմբակցության տեսակետների հետ: Առաջիկայում էլ էին այդպիսի դեպքեր լինելու, որոնք քննարկումների թեմա էին դառնում, այդ իսկ պատճառով ես խմբակցության նիստի ժամանակ ասացի, որ դուրս եմ գալիս»,- ասել էր նա եւ տեղեկացրել, որ արտահերթ ընտրությունների ժամանակ իր ներկայացրած «Հզոր հայրենիք» կուսակցությունն առանձին է մասնակցելու ընտրությանը: 

Տպել
6777 դիտում

Հաշմանդամություն ունեցող բազկամարտիկները 2 ոսկե և 2 բրոնզե մեդալ են նվաճել աշխարհի առաջնությունում

Անթիլիասի Մայրավանքում Արամ Առաջինի նախագահությամբ տեղի է ունեցել վանաբնակ միաբան հայրերի հավաք

Հանրային քննարկման է դրվել դասագրքերին ներկայացվող պահանջների վերաբերյալ կարգի նախագիծը

ՀԱՊՀ Երևանի ավագ դպրոցի թիմը «Ալ Ֆերգանի» միջազգային օլիմպիադայում արժանացել է 5 մեդալի

Լոնդոնում նշվել են Ալեքսանդր Սպենդիարյանի և Առնո Բաբաջանյանի հոբելյանները

Հունաստանում 60 և ավելի տարիքի մարդկանց համար պարտադիր կդառնա Քովիդ-19-ի դեմ պատվաստումը

Ընտրվելու շանսը բարձր եմ գնահատում՝ հաշվի առնելով մեր թիմի պատրաստակամությունը և կարողությունները. Խոյում ՔՊ թեկնածու

Վահան Քերոբյանը դեկտեմբերի 2-3-ը կգործուղվի Մոսկվա, իսկ դեկտեմբերի 3-5-ը՝ Դուբայ

Մադրիդում ընթանում է ՄԱԿ զբոսաշրջության համաշխարհային կազմակերպության Գլխավոր ասամբլեայի նիստը

Արագածոտնի մարզում կատարվել է կորոնավիրուսային համավարակի դեմ 43829 պատվաստում

Վահրամ Դումանյանն ընդունել է հայազգի անվանի արվեստագետ Ստաս Նամինին

40 դիտարկում, 5 արձանագրություն. վարորդներն ու ուղևորները դիմակներ չեն կրել

ՌԱԿ-ը զորավիգ է և իր աջակցությունն է վերահաստատում Հայաստանի կառավարությանը․ վարչապետն ընդունել է Միքայել Խարապյանին

Աշտարակ քաղաքում մառախուղ է․ ՀՀ տարածքում կան փակ ավտոճանապարհներ

Արդեն այնքան պատվաստված կա, որ հանրային սննդի օբյեկտները լուրջ վնասներ չեն կրի. նախարարը՝ հունվարից գործող կարգի մասին

Հայաստանում ավելի հաճախ տղամարդիկ են գործում ինքնասպանություն. որոնք են կյանքին վերջ տալու հիմնական պատճառները

Հայաստանը շարունակելու է տեղական ժողովրդավարության ուղղված իր քաղաքականությունը. Վաչե Տերտերյան

Քիմ Քարդաշյանը չի պատրաստվում վերականգնել Քանյե Ուեսթի հետ ամուսնությունը

Հայ-հունական բարեկամությունը թեև ամուր է, բայց զարգացնելու ներուժ կա․ Թունյանն ընդունել է Հունաստանի պատվիրակությանը

Կարեն Գիլոյանը Տաշքենդում կմասնակցի ծանրամարտի միջազգային մրցաշարին

«Արփի լիճ» և «Դիլիջան» ազգային պարկերը հատուկ տեխնիկա են ստացել

Հիվանդասենյակում կնոջ հետ է եղել. «Աստղիկ» ԲԿ-ից նետված տղամարդը վիրահատվել էր, 2 օրից դուրս էր գրվելու

Դավիթ Բեկ բնակավայրում հիմնվել է ժամանակակից տեխնիկայով և գույքով հագեցած զարգացման կենտրոն

Երևանում տարբեր անձանց թմրամիջոցներ իրացրած տղամարդը հայտնաբերվել և ձերբակալվել է (տեսանյութ)

Դրամն արժեզրկվել է․ Կենտրոնական բանկը սահմանել է նոր փոխարժեքներ

Աղվան Հովսեփյանը կմնա կալանքի տակ. դատարանը մերժել է բողոքը

«Ամբերդ»-ը դեկտեմբերի 1-ից փակ կլինի այցելուների համար

Հրետանային ստորաբաժանումները դաշտային վարժվածության մակարդակը բարձրացնելու նպատակով վարժանքներ են անցկացրել

Ըստ տարբեր սոցհարցումների՝ Փարաքարում հաղթելու է «Քաղաքացիական պայմանագիր»-ը. Լյուդվիգ Գյուլնազարյան (տեսանյութ)

Լոռու մարզում անչափահասների կողմից կատարվող հանցագործությունները նվազել են. դատախազություն

Գնել Սանոսյանը բարձր է գնահատել ռուսական կողմի հետ տրանսպորտի ոլորտում առկա համագործակցությունը

2022 թվականին պետական պաշտոն և պետական ծառայության պաշտոն զբաղեցնող անձանց բազային աշխատավարձի չափը չի բարձրանա

«Դիատոմիտ» գիտաարտադրական ընկերության ապօրինի ջրառը կասեցվել է. նշանակվել է վարչական տուգանք

Արթիկի ՏԻՄ ընտրություններին մասնակցում է 6 քաղաքական ուժ. ովքեր են գլխավորում համամասնական ցուցակները

Օդի ջերմաստիճանը հյուսիսային շրջաններում կնվազի 10-12 աստիճանով, Երևանում հնարավոր է ամպրոպ

Մահացել է հայ գեղարվեստական լուսանկարչության հիմնադիր Գագիկ Հարությունյանը

2022 թվականի հունվարի 1-ից խմելու ջրի նոր սակագին կգործի

Վարչապետը Տոյվո Կլաարի հետ քննարկել է Բրյուսելում կայանալիք Արևելյան գործընկերության գագաթաժողովի օրակարգային հարցերը

Հրապարակվել են Ադրբեջանում կործանված ուղղաթիռի զոհերի անունները. բոլորը զինվորականներ են, սպաներ

Մադրիդում կայացել է Միջխորհրդարանական միության մշտական հանձնաժողովների բյուրոների անդամների թափուր տեղերի ընտրությունը