Երևան
12 °C
Այսօր՝ ժամը 12:00-ին, Սեւանի դատարանի բակում հնչած կրակոցների գործով նոր մանրամասներ են հայտնի դարձել:
Ըստ այդմ՝ սպանության գործով այսօրվա դատական նիստին դատարան են գնացել Մեխակ Հարությունյանի ազգականները՝ երկու ավտոմեքենայով: Նրանցից մեկի ձեռքում որսորդական հրացան է եղել:
Այսօր այս դատարանում պետք է շարունակվեր Գեղարքունիքի փոխմարզպետ Անդրանիկ Հակոբյանի որդու՝ 29-ամյա Հայկ Հակոբյանի (Նորատուսցի Հայկո մականվամբ) աղմկոտ սպանության գործով դատական նիստը: Սակայն նիստից առաջ զինված միջադեպ է տեղի ունեցել:
Մեր զրույցում տուժողի իրավահաջորդ Անդրանիկ Հակոբյանի ներկայացուցիչ Հովսեփ Սարգսյանն ասաց, որ դատարանի բակում հավաքված են եղել, երբ միջադեպ է տեղի ունեցել: «Այդ ժամանակ ես եւ Անդրանիկ Հակոբյանը կանգնած զրուցում էինք, երբ մոտեցան «Նիվա» մակնիշի` 35-704 պետհամարանիշներով, եւ սեւ գույնի «Միցուբիշի պաջերո» մակնիշի՝ 01-071 պետհամարանիշներով ավտոմեքենաներ: Դատարանի բակում այդ պահին հավաքված էին ոստիկաններ, դատարանի կարգադրիչներ եւ տուժող Հայկ Հակոբյանի ընկերները, հարազատները: Մոտ մի 40 մարդ կլիներ այդ պահին դատարանի բակում»,- պատմեց Սարգսյանը, ապա հավելեց, որ տուժողի հարազատները մոտեցել են այդ երկու ավտոմեքենային, որտեղից, ըստ ականատեսների՝ իջել են Գագիկ Հակոբյանը, որը Մեխակ Հարությունյանի քեռին է, Հայկասար Հակոբյանը՝ Մեխակ Հարությունյանի հայրական պապն է, Գեւորգ Խուդոյանը, որը Հայկասար Հակոբյանի վարորդն է եւ Արտակ Խաչատրյանը՝ Հայկասար Հակոբյանի եղբոր փեսան:
«Գագիկ Հակոբյանն առանց խզակոթի ավտոմատ հրացանը ձեռքին սկսեց սպանության սպառնալիքներ հնչեցնել Անդրանիկ Հակոբյանի եւ նրա հարազատների հասցեին: Գոռում էր՝ կկրակեմ, եւ դրան զուգահեռ սեռական բնույթի հայհոյանքներ էր հնչեցնում: Նույնպիսի հայհոյանքներ էր հնչեցնում նաեւ Հայկասար Հակոբյանը, բայց հրազեն կար միայն Գագիկ Հակոբյանի ձեռքին: Ոստիկանները փորձում էին հանգստացնել, խափանել նրանց գործողությունները, բայց սկզբում չէր հաջողվում: Նշեմ, որ այդ ամենը տեւեց շուրջ 10 րոպե: Տուժողի հարազատները եւ Անդրանիկ Հակոբյանը հետ քաշվեցին դեպի դատարանի դռների մոտ, իսկ նրանք նստեցին իրենց ավտոմեքենաները: Այդ պահին դատարանի մոտ կանգնած էր տուժող Անդրանիկ Հակոբյանի հորեղբոր որդին՝ Ռաֆիկ Հակոբյանը, որը պարզապես հետեւում էր, հենց նա էլ հրազենային վիրավորում ստացավ: «Միցուբիշի պաջերո» մեքենայի վարորդը՝ Գագիկ Հակոբյանը, մեքենայի ղեկին նստած վիճակում որսորդական հրացանով կրակեց Ռաֆիկ Հակոբյանի ուղղությամբ: Ռաֆիկ Հակոբյանը ոտքի շրջանում հրազենային վիրավորում ստացավ, ինչքան հասկացա ծունկը փշրվեց, շատ ուժեղ արյունահոսում էր»,- մեր զրույցում մանրամասներ ներկայացրեց տուժողի իրավահաջորդի ներկայացուցիչը:
Անդրանիկ Հակոբյանի հորեղբոր որդին Սեւան բժշկական կենտրոնից տեղափոխվել է Երեւան: Նրա առողջական վիճակը, ըստ Սարգսյանի՝ ծանր է գնահատվում՝ կյանքին վտանգ սպառնացող: Հովսեփ Սարգսյանը նաեւ մեր հարցին ի պատասխան ասաց, որ ոստիկանների փոխանցմամբ՝ քիչ առաջ Նորատուս գյուղում հայտնաբերվել է մեքենաներից մեկը:
Մեր տեղեկություններով, մինչ կրակոցները տուժողի կողմնակիցներից մի քանիսը ծեծի են ենթարկել Մեխակ Հարությունյանի հայրական պապին՝ Հայկասար Հակոբյանին: Ինչը նկատել է Հայկասար Հակոբյանի որդին՝ Գագիկը եւ որսորդական հրացանը վերցրել եւ եկել է դատարանի բակ: Ինչի ժամանակ էլ կրկին վիճաբանություն է եղել, հնչել են կրակոցներ:
Մեր զրույցում ՀՀ քննչական կոմիտեի նախագահի խորհրդական Սոնա Տռուզյանն ասաց, որ ըստ նախնական տեղեկությունների՝ վիճաբանության ժամանակ բռնություն է գործադրվել Հայկասար Հակոբյանի նկատմամբ, ապա նաեւ կրակոցներից տուժել է Ռաֆիկ Հակոբյանը: Ձեռնարկվում են անհրաժեշտ քննչական գործողություններ դեպքի բոլոր հանգամանքները պարզելու ուղղությամբ:
Նշենք, որ փոխմարզպետի որդու սպանության գործով նիստերը պարբերաբար լարված մթնոլորտում են անցել. մշտապես միջադեպեր են տեղի ունեցել ինչպես տուժող կողմի, այնպես էլ ամբաստանյալ Մեխակ Հարությունյանի հարազատների միջեւ: Բանը հասել է նրան, որ դատարանը որոշել էր սույն գործով նիստերը դռնփակ անցկացնել:
«Հայկական Ժամանակ»-ը Telegram-ում
ՀՀ նախագահը պետական բարձր պարգև է հանձնել է փոխվարչապետ Մհեր Գրիգորյանին
Սեպտեմբերից ավագ դասարանների սովորողների համար կգործեն անվտանգ երթևեկության և վարորդական իրավունքի խմբակներ
Հայոց հարյուրամյա ստրկությունն իր մահն է գտնում Նիկոլ Փաշինյանի ոտքերի տակ. այլևս Պապ թագավորը չպիտի սպանվի
Վաղարշակ Հարությունյանը ևս չի մասնակցի հեռուստաբանավեճին
Գալստանյանի խափանման միջոցը փոխվել է․ դատախազությունը կբողոքարկի որոշումը
Սևանա լճի մակարդակը շարունակում է բարձրանալ
Վերահաստատվել է Իտալիայի աջակցությունը ՀՀ քաղաքացիների՝ Շենգենյան մուտքի արտոնագրերի ազատականացման գործընթացին
Ալեքսանյանին օժանդակելու, ընտրակաշառքի, փողերի լվացման քրվարույթով 37 անձի նկատմամբ հարուցվել է քրհետապնդում
Ասում էին՝ 155 մմ-ը որտեղի՞ց եք գտնելու, ո՞վ է ձեզ վաճառելու, մենք ենք վաճառելու․ վարչապետ․ տեսանյութ
Տարբեր կուսակցությունների համակիրները պատրաստվել են ընտրակաշառք փոխանցել քաղաքացիներին լռության օրվա գիշերը
Ռոբերտ Քոչարյանը և Գագիկ Ծառուկյանը չեն մասնակցի նախընտրական մեծ բանավեճին
Օդի ջերմաստիճանը կբարձրանա․ անձրևային եղանակը կպահպանվի
Փաշինյանն ու Ֆոն դեր Լայենը քննարկել են հայկական արտադրանքի համար եվրոպական շուկաների նոր հնարավորությունները
2026 թվականի 1-ին կիսամյակում տրամադրվել է օտարերկրյա պետություններում ՀՀ քաղաքացու վավերական 334 անձնագիր
Ինչքան շատ գան Հայաստանը Նիժնի Տապռ դարձնել փորձող մարդիկ, այնքան շատ են լինելու նրանց ո՛չ ասողները. վարչապետ
ՌԴ-ից եկող ՀՀ քաղաքացին պարտականություններ չունի՞. Պապիկյանը՝ հավաքներին մասնակցելու ծանուցագրեր տալու մասին
Կստեղծվի իրավական տարբերակ՝ սահմանված ժամկետի խախտմամբ կառուցված ինքնակամ կառույցների օրինականացման համար
Կառավարությունը Ղարաբաղից տեղահանված հազարավոր քաղաքացիների կազատի մի շարք վարկային պարտավորություններից
Անհետ կորած քաղաքացիների ընտանիքները ևս 3 ամիս կստանան սոցիալական աջակցություն
Հայաստանին են վերադարձվել Կենտրոն վարչական շրջանում գտնվող գույքեր
ԵՄ-ն Հայաստանին 50 մլն եվրո ֆինանսական աջակցություն կտրամադրի. հեշտացվում է հայկական ապրանքների ներմուծումը
Ընտրակաշառք տալու և ստանալու վարույթի շրջանակում ձերբակալվել է 2 անձ
Ռուսաստանը կլուծի Հայաստանից եկող արտադրանքն այլ տեսակներով փոխարինելու հարցը. Գալուզին
ԵՄ-ն լրացուցիչ աջակցություն կտա Հայաստանին ՌԴ-ի կողմից հայկական ապրանքների ներմուծման սահմանափակումների ֆոնին
Ադրբեջանից Հայաստան կուղևորվեն 42 վագոն դիզելային վառելիք, ինչպես նաև հացահատիկ ու պարարտանյութ
Ucom-ի գլխավոր տնօրեն Ռալֆ Յիրիկյանը մասնակցել է RISE Powered by Silicon Mountains -ի պանելային քննարկմանը
Քննարկումներ կան ԵՄ գործընկերների հետ մաքսատուրքերի հարցում դեպի ՀՀ արտադրողին ուղղված քայլերի շուրջ. Միրզոյան
Մարտունու դպրոցը նորոգելիս հատակի տակից հայտնաբերել են 1998-ին Կարեն Դեմիրճյանի օգտին քվեարկված քվեաթերթիկները
ՌԴ-ն ընդհանրապես որևէ սահմանափակում չի մտցրել. ստուգումները սովորական, նորմալ գործընթացներ են. Օվերչուկ
Գաս երգես, որ մենք գնանք դեպի Ռուսաստան, ու ռադդ քաշես ԱՄՆ ապրելու. Ղազարյան
ԱՄՆ Միջազգային զարգացման ֆինանսական կորպորացիան հավանություն է տվել TRIPP-ի զարգացման ընկերության հիմնմանը
Հետ են գնալու ու հեռվից հայրենասիրական կենացներ են խմելու, ստատուսներ են գրելու կաշառքով ընտրողները. Ռուբինյան
Փողը 150 ա դառել. ամենակարևորը՝ դրանց բերեք ընտրության, զոռով, քարշ տալով. հրապարակվել է նոր ձայնագրություն
Հայաստանի և Ադրբեջանի միջև հակամարտությունն ավարտվել է. Ռուբիո
Շուրջ 7,12 մլրդ դրամ կուղղվի ճանապարհահատվածների հիմնանորոգման և կառուցման աշխատանքներին
Lոլիկ, պղպեղ, ելակ, ծաղիկ արտահանողներին կտրվի փոխհատուցում այլ երկրների շուկաներում մրցունակության համար
Ռեկորդային թվով զբոսաշրջային հոսք՝ հունվար-մայիս ամիսների համար
Սերժ Սարգսյանի՝ ՊՆ նախարար աշխատած տարիներին կնքված պայմանագիրը անվավեր է ճանաչվել. կբռնագանձվի 131 մլն դրամ
Հայտնի է՝ երբ կմեկնարկի ամառային զորակոչը և որքան կտևի
Միրզոյանն ու Ռուբիոն ստորագրել են TRIPP-ի վերաբերյալ ՀՀ-ԱՄՆ համաձայնագիրը. այն պատրաստ է վավերացման. տեսանյութ
