ԱԱԾ-ն մտավ «Երեւան» հիմնադրամ՝ մինչ այն կհասցնեին լուծարել. ուր են միլիարդավոր դրամները

«Երեւան» հիմնադրամը չհասցրեց լուծարվել. Ազգային անվտանգության ծառայությունը (ԱԱԾ) մինչ այդ այնտեղ խուզարկություն սկսեց ու քննություն է անցկացնում:

Երեկ հայտնի դարձավ, որ ԱԱԾ աշխատակիցները հատուկ գործողություններ են իրականացնում Երեւանի քաղաքապետարանի վարչական շենքում տեղակայված հիմնադրամում, որի հոգաբարձուների խորհրդի նախագահը Երեւանի քաղաքապետ Տարոն Մարգարյանն է: Այդ գործողությունները տեւեցին մի քանի ժամ: Ի վերջո, ԱԱԾ դիմակավորված ներկայացուցիչները Երեւանի քաղաքապետարանի շենքից դուրս են բերել փաստաթղթերով լի մի քանի սեւ տոպրակ, որոնք տեղափոխել են բեռնատար մեքենայով:

Մինչ այդ, ԱԱԾ մամուլի ծառայությունը հաղորդագրություն էր տարածել, որտեղ, մասնավորապես, նշվում էր. «Հայաստանի Հանրապետության ազգային անվտանգության ծառայությունում հաղորդում է ստացվել ՀՀ քաղաքացիներ Վ.Գ.-ից եւ Ա.Խ.-ից այն մասին, որ Երեւանի քաղաքապետարանի պաշտոնատար անձինք, կառուցապատման եւ գույքի ձեւակերպման համապատասխան թույլտվություններ տրամադրելու դիմաց, բացի օրենքով սահմանված վճարումներից, իրենց պարտադրել են «Երեւան» հիմնադրամին փոխանցել խոշոր չափերով գումարներ: Նյութերի նախապատրաստման ընթացքում պարզվել է, որ վերոնշյալ պատրվակով առձեռն ստացված գումարների մի մասը հիմնադրամի հաշվեհամար չի մուտքագրվել եւ հափշտակվել է: Հանցագործության մասին հաղորդումների հիման վրա ՀՀ ԱԱԾ քննչական վարչությունում հարուցվել է քրեական գործ ՀՀ քրեական օրենսգրքի 308-րդ հոդվածի 2-րդ մասի («Պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ») եւ 178-րդ հոդվածի 2-րդ մասի 1.1 կետի («Պաշտոնական դիրքն օգտագործելով կատարված խարդախություն») հատկանիշներով»:

Դեռ այս տարվա մարտին Երեւանի ավագանու ԵԼՔ խմբակցության անդամ Արայիկ Հարությունյանը (ներկայում կրթության եւ գիտության նախարար) եւ ԱԺ ԵԼՔ խմբակցության պատգամավոր Լենա Նազարյանը կասկած էին հայտնել, որ հիմնադրամը գործում է կոռուպցիոն սխեմաներով: Հայտարարել էին նաեւ, որ դիմել են դատարան:

«Ժամանակին թե՛ սոցիալական ցանցերում, թե՛ առանձնազրույցներում մտահոգություն կար, որ «Երեւան» հիմնադրամը դարձել է մի սխեմա, երբ Երեւանի քաղաքապետարանը որեւէ ծառայություն մատուցելիս կամ հիմնական ծառայությունների դեպքում, տուրքերին զուգընթաց, քաղաքացուն հորդորում է, կամ, չգիտեմ, պահանջում է, պարտադրում է, որ վճարումներ կատարեն նաեւ «Երեւան» հիմնադրամում: Ենթադրենք տուրքը 25 հազար դրամ է, օրինակ, եւս 25 հազար դրամ վճարվում է «Երեւան» հիմնադրամին։ Սա պարզելու համար ես անցած տարի գործընթաց սկսեցի՝ դիմելով «Երեւան» հիմնադրամին՝ փորձելու պարզել այն նվիրատուների անունները, որոնք 100 հազար դրամ եւ ավելի են վճարել հիմնադրամին: Ու փաստացի ես տվյալները չստացա՝ տվյալների գաղտնիությանը հղում արեցին», - իր հարցազրույցներից մեկում ասել էր Արայիկ Հարությունյանը։

Օրեր առաջ էլ ֆեյսբուքյան գրառման միջոցով նա տեղեկացրեց, որ ինչպես իրեն հայտնի է դարձել, հիմնադրամը լուծարելու գործընթաց է սկսվելու: «Բայց դե հիմնադրամ փակելով՝ հետքերը դժվար է մաքրել»,- նկատել էր Երեւանի ավագանու նախկին անդամը: «Երեւան» հիմնադրամի գործով առաջին դատական նիստը նախատեսված է ընթացիկ հունիսի վերջին:

ԱԱԾ ավտոմեքենաները՝ Երեւանի քաղաքապետարանի շենքի մոտ

ՀՀ Վարչական դատավարության օրենսգրքի 96-րդ հոդված 1-ին մասի 5-րդ կետով նախատեսվում է, որ դատարանը գործի քննության ցանկացած փուլում կարճում է գործի վարույթը, եթե դատավարության մասնակից հանդիսացող իրավաբանական անձը լուծարվել է: Ու թերեւս, դատարանում այսպիսի հանգուցալուծման ակնկալիքով է հիմնադրամի ղեկավարությունը նպատակ ունեցել գնալ լուծարման ճանապարհով: Բայց, ինչպես ասում են, շաբաթն ուրբաթից շուտ եկավ, եւ գործի անցավ Ազգային անվտանգության ծառայությունը:

Հիմնադրամների մասին ՀՀ օրենքի 39-րդ հոդվածի 1-ին մասով նախատեսվում է, որ հիմնադրամը յուրաքանչյուր տարի պարտավոր է հրապարակել հաշվետվություն իր գործունեության մասին եւ որ հաշվետվությունը, մասնավորապես, պետք է պարունակի տեղեկություններ իրականացված ծրագրերի, ֆինանսավորման աղբյուրների, ֆինանսական տարում օգտագործված միջոցների ընդհանուր չափի եւ դրանցում կանոնադրական նպատակների իրականացմանն ուղղված ծախսերի չափի մասին:

«Երեւան» հիմնադրամի ֆինանսական մուտքերի բավական մեծ մասը եղել է մայրաքաղաքի համայնքային բյուջեից: Հիմնադրամի 2017թ. գործունեության մասին հաշվետվությունից տեղեկանում ենք, որ տվյալ տարում այդ աղբյուրից նախատեսված գումարի չափը կազմել է 550 միլիոն դրամից ավելի: Եւս 20 միլիոն դրամ հատկացվել է Հայաստանի պետական բյուջեից: Իսկ ահա «անհատներից, կազմակերպություններից եւ այլ մուտքեր» տողում կարդում ենք, որ ստացվել է ավելի քան 1 միլիարդ 370 միլիոն դրամ: Ընդհանուր առմամբ, խոսքը շուրջ 2 միլիարդ դրամի մասին է: Ծախսված գումարի հանրագումարը կազմում է մոտավորապես 1 միլիարդ 269 միլիոն դրամ:

Իսկ հաշվետվության մեջ արտացոլված ծրագրերն ու նպատակները շատ ընդհանուր են՝ Երեւան քաղաքի բարեկարգում, կանաչապատում, տոնական, մշակութային, սոցիալական, կրթական միջոցառումների կազմակերպում եւ այլն: Հստակ է միայն ՀՀ պետական բյուջեից ստացված 20 միլիոն դրամի նպատակը, այն է Նորաշեն 16-րդ թաղամաս 5 բարձրահարկ բազմաբնակարան շենքերի գազաֆիկացում: Իրականացված ծրագրերի շարքում, սակայն այդ մասին հիշատակում չհանդիպեցինք:

Հ.Գ. «Երեւան» հիմնադրամը ստեղծվել է 2007 թվականին:

Տպել
14173 դիտում

Ողջունում ենք Հարավային Կովկասի վերաբերյալ «Մեծ յոթնյակի» երկրների ԱԳ ղեկավարների հայտարարությունը․ Արարատ Միրզոյան

Սեփական տան լոգարանում հայտնաբերվել է ՊՆ N զորամասի ջոկատի հրամանատարի 31-ամյա տեղակալի դին

Եթե հայ-ադրբեջանական հանձնաժողովի ձեռք բերած պայմանավորվածությունը կյանքի կոչվի, կլինի լուրջ հաջողություն. Իոաննիսյան

Հանձնաժողովների պայմանավորվածության մեջ չափազանց կարևոր է Ալմա-Աթայի սկզբունքի շուրջ համաձայնությունը. Խանդանյան

Կապան-Քաջարան ճանապարհահատվածում հարկադիր քարաթափում է իրականացվել

«Մեծ յոթնյակը» պետք է հրաժարվի Հայաստանի և Ադրբեջանի նկատմամբ հավասարական մոտեցումներից․ Գարդման-Շիրվան-Նախիջևան

Տավուշի մարզի ոչ մի սանտիմետր չի կարող տրվել որևէ մեկին, ՀՀ տարածքային ամբողջականությունը պաշտպանված է․ Կոնջորյան

Պետք է արդյունավետ հավասարակշռություն գտնենք արհեստական բանականության ընձեռած հնարավորությայն և ռիսկերի միջև. Ջուլհակյան

Պապոյանը ՀԱՀ ընկերություններին հրավիրել է մասնակցելու Հայաստանում պետական աջակցությամբ իրականացվող տնտեսական ծրագրերին

ՊՎԾ-ն ամփոփել է վարչապետի հանձնարարությամբ քաղշինկոմիտեում և ԿԳՄՍՆ-ում իրականացված ուսումնասիրությունների արդյունքները

էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)

Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ

Օլաֆ Շոլցը և Ադրբեջանի նախագահը բանակցություններ կվարեն Բեռլինում

Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. քարտեզ

Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ

Ալիևը կմեկնի Մոսկվա՝ Պուտինի հետ բանակցությունների

Թուրքիայում կրկին երկրաշարժ է տեղի ունեցել

Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին

Ադրբեջանը խեղաթյուրում է Հայաստանի ներկայացրած փաստական ապացույցները․ Եղիշե Կիրակոսյանի ելույթը ՄԱԿ-ի դատարանում

Օդի ջերմաստիճանը չի փոխվի․ առանձին շրջաններում կարճատև անձրև կտեղա

Հայաստանում անհետ կորել է Ջաթին Շարման

Ռուբեն Վարդանյանը Բաքվում հացադուլ է հայտարարել. նա պահանջում է բոլոր հայ բանտարկյալների անհապաղ արձակումը

Գոռ Աբրահամյանը մեկնաբանել է Շենգավիթի քննչական բաժնում անձի խոշտանգման մասին տեղեկությունները

Բլոգեր Յուլիա Ֆինեսը անմեղսունակ է, կարիք ունի հարկադիր բուժման. ՔԿ-ն մանրամասներ է հայտնել խուլիգանության գործից

Հայաստանն ինքը դեռ չի գծել սահմաններն Ադրբեջանի հետ. Լավրովը վիրավորված խոսել է ՀԱՊԿ-ին ներկայացված պահանջների մասին

Հայաստանին ուզում են արագացված տեմպերով պոկել Ռուսաստանից, ԱՄՆ-ն ուզում է փակել ՀՀ ատոմակայանը. Լավրով

Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ

«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել

Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին

Դեպի Ռուսաստան տանող Վերին Լարսի անցակետը բեռնատարների համար փակվել է

Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը

Վարչապետը կարևորել է Հայաստանի և Գերմանիայի միջև համագործակցության շարունակական զարգացումը

Նաիրա Պետրոսյանը որոնվում է որպես անհետ կորած

Հայտնի է՝ երբ այս տարի կնշվի Վարդավառը

Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար

Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան

Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին

«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա

Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը

Նոր նշանակում ՀՀ քննչական կոմիտեում