Շիրակի մարզպետը օրենքի եւ կրիմինալի մեջտեղում. ավտոկայանատեղիները՝ սկանդալի կենտրոնում

Շիրակի նորաթուխ ՔՊ-ական մարզպետը հայտնվել է կրիմինալի եւ օրենքի մեջտեղում: Պատճառը Գյումրի քաղաքի վճարովի եւ անվճար ավտոկայանատեղիներն են, որոնցից մեկը գործում է օրենքով սահմանված կարգով, իսկ մյուսներն՝ անօրինական: Հունիսի 19-ին մարզպետ Կարեն Սարուխանյանը ֆեյսբուքի իր էջում գրառում էր կատարել, որը բավականին աղմուկ բարձրացրեց, անգամ իրավաբանների ուշադրությունից չվրիպեց: Մարզպետը գրել էր, թե հունիսի 19-ից «Գյումրու բժշկական կենտրոն» ՓԲԸ-ի տարածքում մեքենաների կայանումն անվճար է դառնում: Սա դարձել էր սկանդալային քննարկման առարկա:

Նշենք, որ 2015 թվականին հիվանդանոցի ղեկավարությունը առաջարկությամբ դիմել էր Շիրակի մարզպետին, որպեսզի ավտոկայանատեղի փոքր հատվածը դառնա վճարովի, իսկ մեծ հատվածը մնա անվճար: Մարզպետարանից ԲԿ-ին թույլատրել են օրենքով սահմանված կարգով ավտոկայանատեղիի մեկ հատվածը դարձնել վճարովի: Այնուհետ, տարածքը վարձով տրվել է Ա/Ձ Արարատ Գրիգորյանին: Վարձակալության հանձնված հողատարածքը, գույքը համայնքապատկան չէ, ՓԲԸ-ի՝ սեփականություն հանդիսացող տարածքն է, որը ընկերությունն իր կանոնադրության համաձայն իրավունք ունի վարձակալության հիմունքներով հանձնել որեւէ ընկերության կամ անհատ ձեռներեցի՝ ստանալով լրացուցիչ եկամուտ, ինչը խրախուսվում է պետության կողմից, երբ շահույթ հետապնդող պետական ֆինանսավորում ստացող կառույցը լրացուցիչ մուտքեր է ունենում։ Ամենամսյա վարձավճարը, որը անհատ ձեռներեցը փոխանցում է Գյումրու բժշկական կենտրոնի հաշվեհամարին, 80 հազար ՀՀ դրամ է՝ ներառյալ բոլոր հարկատեսակները։ Ըստ պայմանագրի՝ կոմունալ բոլոր տեսակի ծախսերը կատարում է վարձակալը։ Պայմանագիրը կնքվել է 5 տարի ժամկետով, պայմանագրի ժամկետի ավարտ նշվում է 2020 թվականի մայիսի 12-ը։

Մարզպետի գրառումից հետո անորոշ ժամանակով վճարովի կանգառը եւս դարձել է անվճար: Սակայն անհատ ձեռներեցի լիազոր ներկայացուցիչը պատրաստվում է հունիսի 28-ին հարցը քննարկել Շիրակի մարզպետի հետ: Նա ՀԺ-ի հետ զրույցում ասաց, որ պաշտպանելու է իր իրավունքները:

«Բանավոր պայմանավորվել ենք, որ պետք է հանդիպենք, խորհրդակցենք: Մեր աշխատանքը օրենքով է, բոլոր հարկային պարտավորությունները կատարում ենք, բոլոր փաստաթղթերը ունենք: Սա Շիրակի մարզի միակ ավտոկայանատեղին է եղել, որ ՀԴՄ-ով է աշխատել: Մարզպետը խնդրանքով դիմել է, մենք խնդրանքը չենք մերժել, անվճար ենք դարձրել, բայց բոլոր փաստաթղթերը ներկայացրել ենք, որ սա վարձակալած տարածք է, մենք դեռ երկու տարի ժամկետ ունենք: Հիմա աշխատող կա, որը կարգավորում է մեքենաների մուտքն ու ելքը: Ես հիմա հստակ բան չեմ կարող ասել, որովհետեւ ամեն ինչ պարզ է դառնալու մարզպետի հետ հանդիպումից»,- ասաց Ա/Ձ-ի ներկայացուցիչ Արամ Հակոբյանը:

Վերջինս չի կարծում, որ բանը հասնելու է նրան, որ հարցը դատական ատյանում լուծվի, բայց եւ ընդգծում է, որ իր բիզնեսն օրինական դաշտում է:

Շիրակի մարզպետը ՀԺ-ին փոխանցեց, որ հարցի կարգավորումը դեռ քննարկման փուլում է: «Ես հորդորել եմ, որ այդ վճարովի կանգառը չգործի, իսկ թե ինչ պայմանավորվածության արդյունքում չի գործելու, դա արդեն ԲԿ-ն եւ Ա/Ձ-ն իրենք են պայմանավորվել իրար մեջ»,- ասաց մարզպետը:

Ստեղծված աղմուկի շուրջ ֆեյսբուքում գրառում էր կատարել փաստաբան Արամայիս Հայրապետյանը եւ նշել էր, որ մարզպետի այդ քայլը վարձակալի իրավունքների խախտում է:

«Սույն դեպքում մարզպետի իրավասությունների տիրույթում չի այս հարցը, քանի որ առկա է վարձակալության պայմանագիր եւ մարզպետը չի կարող ուղղակի որոշել՝ կողմերի փոխարեն։ Դա նվազագույնը վարձակալի իրավունքների խախտում է»,- մասնավորապես, գրել էր նա:

Փաստաբանի ահազանգի վերաբերյալ Կարեն Սարուխանյանն ասաց. «Խախտումն արձանագրելուց առաջ, թող այդ փաստաբանը երկու կողմերի հետ հանդիպեր: Ես չեմ խախտում որեւէ մեկի իրավունքները: Իմ ցանկությունն է, որ դա չլինի վճարովի: Երկու կողմերը կքննարկեն եւ հարցը կլուծեն իրավական հարթությունում: Դա եղել է իմ հորդորը, քանի որ Գյումրիում կան ավտոկայանատեղիներ, որոնք անօրինական գումար են հավաքում, երբ այդ մասին խոսում ենք, ասում են՝ տեսեք Գյումրու ԲԿ-ում էլ կա եւ շատերը չեն հասկանում, որ դա մասնավոր տարածք է եւ ընկերությունը իրավունք ունի վարձով տալու: Որպեսզի այդ դժգոհությունները չլինեն, ես հորդորում եմ, որ ամբողջը վերացնեն»,- ասաց Սարուխանյանը:

Վճարովի կանգառներին մի քանի օր առաջ անդրադարձել էր նաեւ Գյումրու քաղաքապետարանը: Տարածած հայտարարության մեջ ասվում էր, որ 2016 թվականի հունվարի 1-ից քաղաքի ամբողջ կայանատեղիները դարձել են անվճար: «Որոշումն ուժի մեջ է, բայց քաղաքապետարանի հետ բացարձակ առնչություն չունեցող մարդիկ մինչ օրս ապօրինի գումարներ են գանձում վարորդներից»,- ասված է հայտարարությունում:

Քաղաքապետարանի հայտարարությունն այն մասին էր, որ Գյումրու Վարդանանց հրապարակում եւ Հաղթանակի փողոցում կան անձիք, ովքեր տարածքը տնօրինում են եւ եկամուտներ ստանում: ՀԺ-ի տեղեկություններով՝ այդ տարածքները կրկին շարունակում են վճարովի կանայատեղի հանդիսանալ, սակայն քաղաքապետ Սամվել Բալասանյանը չի կարողանում իր իսկ որոշմամբ նրանց դեմն առնել, մեղմ ասած՝ նա այդքան «դուխ» չունի: Բանն այն է, որ այդ տարածքները «տնօրինում է» կրիմինալ պատմություններով հայտնի Վարդան Ղուկասյանի որդին: Շիրակի մարզպետն այս մասով նշեց.

«Ես հանդիպել եմ այդ տարածքի ստայանշիկների հետ եւ այդ մարդիկ եկել բողոքում էին, բայց շատ լավ հասկանում են, որ անօրինական են: Ես ասել եմ, որ գնացեք ավագանու հետ ձեր հարցերը կարգավորեք, որովհետեւ, եթե կա ավագանու որոշում, որ վճարովի ավտոկայանատեղի չի լինելու, ուրեմն չի լինելու»,- նշեց նա:

Այժմ ստացվում է, որ Գյումրու ԲԿ-ն, որի տարածքը համայնքապատական չէ, ենթարկվում է Գյումրու ավագանու 2015-ի որոշմանը, իսկ Գյումրու բուն տարածքները, որոնք համայնքապատկան են, անտեսում են քաղաքապետի որոշումը՝ կրիմինալ դրեւորումների պատճառով:

Տպել
4979 դիտում

Վրաստանի քաղաքացին Լոռու մրզում վրաերթի է ենթարկել 23-ամյա աղջկան

Արտակարգ դեպք Արմավիրի մարզում. գիշերը փորձել են թալանել Արմավիրի մարզպետարանը

Փակ են Արագածոտնի մարզի 11 համայնքների միջհամայնքային ճանապարհներ, այլ ճանապարհների առկա է մերկասառույց

Հայաստանի 24 համայնքներում այսօր ՏԻՄ ընտրություններ են անցկացվում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը

Ավազակային հարձակում Երեւանում․ պարանը գցել են վաճառողի պարանոցին ու սպառնալիքով հափշտակել խոշոր չափի գումար