Ազատամարտիկի գերեզմանի փողը չեն հատկացրել. պարզաբանում է Արծրուն Հովհաննիսյանը

Արմավիրի մարզի Քարակերտ գյուղի բնակչուհի Վարդուհի Մկրտչյանն ահազանգում է, որ ամիսներ առաջ մահացած ամուսնու գերեզմանի համար օրենքով հասանելիք գումարը ՊՆ-ն մինչ օրս չի տրամադրել, իսկ թոշակից վերջին երկու ամսվա գումարը պակաս են վճարել: Վարդուհի Մկրտչյանի ամուսինը՝ Արցախյան պատերազմի հերոս Գեորգի Մկրտչյանը երկրորդ կարգի հաշմանդամություն է ունեցել, երկարատև ծանր հիվանդություններից հետո՝ սույն թվականի հունվար ամսին մահացել է:  

«Ամեն կողմից փակ դռներ են դարձյալ, ես չկարողացա ՊՆ–ի սոցիալական աջակցության վարչություն մտնել»,-ասաց քաղաքացի Մկրտչյանը: Ամուսնու վերջին երկու ամիսների թոշակի գումարը կազմում է 120 հազար դրամ, սակայն ստացել են 96 հազար: Պաշտպանության նախարարության սոցիալական ապահովության վարչությունից վերջինիս հայտնել են, որ սխալմունք է եղել եւ ոչ մի դիտավոություն, սակայն Վարդուհի Մկրտչյանին չի հաջողվել վերցնել մնացած գումարը, ասել են՝ ազատամարտիկ ամուսինն արդեն կարմիր գրքույկի մեջ է եւ չի կարող ոչինչ անել:

Պատմում է, որ ամուսինը Արցախյան հերոսամարտի ժամանակ գլխից վիրավորվել է, կորցրել խոսելու եւ լսելու ունակությունը, սակայն ոչ գիտակցությունը: «Այդ հիվանդությունից հետո ամուսինս ինֆարկտ տարավ, մահվան վկայականի մեջ էլ կրկնակի ինֆարկտ է գրված»-ասաց Վարդուհին: Մոսկվայում են ապրել, սակայն մահացել է ամուսինը, կինը բերել, հայրենի գյուղում է հուղարկավորել:

Պաշտպանության նախարարություն է դիմել, ասում է՝ մի քանի օր առաջ էլ էր այնտեղ, սակայն թույլ չեն տվել մտնել: Ասում է՝ 1 միլիոն 400 հազար դրամ էլ պետք է տրամադրեն ամուսնու գերեզմանը սարքելու համար: ՊՆ-ի սոց վարչությունից հայտնել են, որ անհրաժեշտ են բոլոր փաստաթղթերը, որոնք Վարդուհի Մկրտչյանը տարել է, սակայն առ այսօր ոչ մի պատասխան չկա:

«Իմ խնդրանքն է, որպես ազատամարտիկի կին, ստանալ ինձ հասանելիք գումարը: Ես նաև գիտեմ, որ զոհված ազատամարտիկի ընտանիքին, եթե սոցիալապես անապահով է, ապա վերջինիս մահից հետո պետությունը պետք է տրամադրի թոշակի կեսը, այս դեպքում ամուսնուս 60 հազարի գոնե 30 հազարը պիտի տրամադրեին, բայց չեն տալիս»,-ասաց Վարդուհի Մկրտչյանը:

Ազատամարտիկ Գեորգի Մկրտչյանի ընտանիքի նպաստի եւ դեռևս անհայտ գերեզմանի խնդրով ՀԺ-ն հարցում արեց Պաշտպանության նախարարություն: ՊՆ մամուլի խոսնակ Արծրուն Հովհաննիսյանը պարզաբանեց, որ եթե ազատամարտիկին առանձին գերեզման են տանում, այլ ոչ թե Եռաբլուր կամ Պանթեոն, այդ դեպքում գումար են տալիս, իսկ եթե նշված վայրեր, ապա՝ ո՛չ:

«Եթե ազատամարտիկը ունի հաշմանդամության կարգ, ուրեմն, գումար հասնում է իրեն: Իսկ ինչ վերաբերում է մահից հետո նրա ընտանիքին թոշակ տրամադրելուն՝ գումար չի հասնում: Անհնար է, որ օրենքով մարդուն որևէ բան հասնի եւ չտան, սա այդ երկիրը չէ, այստեղ վաղուց նման բաներ չկան»,-եզրափակեց Արծրուն Հովհաննիսյանը:

Տպել
4992 դիտում

Պողոս Պողոսյանի սպանության գործով հարցաքննվել է նաեւ նրա եղբորորդին

2008-ից հետո խլել են բիզնեսներս, բայց իրավապահ համակարգը այսօր էլ դիմադրում է հեղափոխությանը. բաց նամակ վարչապետին

Տավուշում որեւէ արտառոց դեպք չի գրանցվել, պայթյուն չի եղել, Ենոքավան գյուղում էլ ինքնաթիռ չի ընկել. Սիփան Փաշինյան

Բրիտանական դատարանը սկսել է Իրանի նկատմամբ ունեցած պարտքի գործով լսումները

«Honda CR-V» մակնիշի ավտոմեքենան հարվածել է պատին. 23-ամյա վարորդը հոսպիտալացվել է

Մխիթար Հայրապետյանը հեռախոսազրույց է ունեցել Լիբանանի երիտասարդության և սպորտի հարցերով նորանշանակ հայ նախարարի հետ

Թբիլիսիում 1,5 տարվա դադարից հետո ԱՄՆ դեսպան է նշանակվել

Երիտասարդի ներքնազգեստի մեջից բյուրեղանման զանգվածների 105 փաթեթ է հայտնաբերվել. ՀՀ ոստիկանություն (տեսանյութ)

Լիբիայի ազգային բանակի հրամանատար Հաֆթարի ուժերը ռմբակոծել են Տրիպոլիի օդանավակայանը

Գագիկ Խաչատրյանի եղբորորդին՝ Կարեն Խաչատրյանը, 20 միլիոն դրամ գրավի դիմաց ազատ կարձակվի

Խնդիրն իր կարեւորությամբ եւ աննախադեպությամբ գտնվում է Խորհրդի եւ իրավապահ մարմինների առաջնային ուշադրության կենտրոնում

2019-ի հունիս-նոյեմբեր ամիսներին Սեւանի թերակղզի են այցելել մոտ 158 հզ. զբոսաշրջիկ

Սուբվենցիոն ծրագրով Վանաձորում ասֆալտապատված 15 փողոցներից առայժմ միայն 1-ն է դրական գնահատակ ստացել

ՀՀ ՊՆ-ն ամփոփել է ՄԱԿ-ի բնակչության հիմնադրամի հետ համագործակցության 2019թ. ծրագիրը

Բացահայտվել են Աշտարակի դպրոցի տնօրենների ապօրինությունները

Հաջորդ Ամանորին կառավարությունը տոնակատարությունների համար ավելի մեծ գումար կհատկացնի

Ձեռք չեն բերվել այնպիսի տվյալներ, որոնք կվկայեին դիտավորությամբ արձակված կրակոցի մասին. Գոռ Աբրահամյան

Մենք բանակցում ենք Ադրբեջանի հետ՝ անկախ նրանից, թե ով է ադրբեջանական կողմում․ ՀՀ արտգործնախարար

ՀՀ եւ Ադրբեջանի արտգործնախարարները հանդիպելու պայմանավորվածություն ունեն. Զոհրաբ Մնացականյան

Գործընկերս նոր տեղեկացրեց, որ հրապարակային կերպով մահվան սպառնալիքներ եմ ստացել. Արեն Մկրտչյան