Եվրոպացիները հարավամերիկացիներին գերազանցեցին ֆիզիկապես ու տեխնիկայով. Չիլավերտը՝ ՀԺ-ին

Խոսե Լուիս Չիլավերտն իր մեկնաբանությունն ունի, թե ինչու Հարավային Ամերիկան ներկայացնող թիմերը չկարողացան ֆուտբոլի ԱԱ 2018-ի կիսաեզրափակիչ հասնել: Պարագվայի հավաքականի հայտնի նախկին դարպասապահը, որը Ռուսաստանում ընթացող մրցաշարի ընթացքում որպես մեկնաբան աշխատում է Պարագվայի «Telefuturo» հեռուստաալիքի համար, կարծում է, որ Եվրոպական երկրները ներկայացնող թիմերը հարավամերիկյաններին գերազանցեցին ինչպես տեխնիկայով, այնպես էլ ֆիզիկական պատրաստվածությամբ: Այդ մասին նա ասաց «Հայկական ժամանակ»-ին, որը Ռուսաստանում լուսաբանում է մրցաշարը:

«Հարավային Ամերիկայում պետք է նորացնեն թիմերը, լավ աշխատեն ֆիզիկական կողմի վրա, որովհետեւ այսօրվա դրությամբ երեւում է, որ եվրոպացիները լավ են աշխատել ֆիզիկականի, ինչպես նաեւ տեխնիկայի վրա: Այդ ամենի շնորհիվ էլ գերազանցեցին հարավամերիկացիներին: Վերջիններս պետք է քրտնաջան աշխատեն նախկին մակարդակը վերականգնելու համար»,- ասաց նա:

Աշխարհի առաջնության մրցանակային տեղերի համար պայքարում մնացել են միայն եվրոպական ընտրանիներ՝ Ֆրանսիան, Բելգիան, Խորվաթիան եւ Անգլիան: Ըստ Չիլավետի՝ այս հավաքականները մրցաշարում այսքան հեռուն են գնացել իրենց թիմերը նորացնելու շնորհիվ:

«Հատկանշական է, որ ֆուտբոլային գերտերություններն արագ լքեցի մրցաշարը, եւ միեւնույն ժամանակ կարեւոր է, որ այնպիսի երկրներ, ինչպիսիք են Բելգիան, Ֆրանսիան, Խորվաթիան, Անգլիան, իրենց օրինակով ապացուցեցին... թիմերը նորացնելով, թարմացնելով ցուցադրեցին բարձր որակ, բնավորություն դրսեւորեցին եւ դրա շնորհիվ էլ կիսաեզրափակչում պայքարելու հնարավորություն ստացան»,- ասաց նա:

Ճանաչված դարպասապահը խոսեց նաեւ մրցաշարի կազմակերպվածության մասին: Նա բարձր գնահատեց այս հարցում Ռուսաստանի կատարած աշխատանքը եւ գովեստի խոսքեր ասաց:

«Աշխարհի առաջնությունը շատ լավ է կազմակերպված, Ռուսաստանը հրաշալի երկիր է»,- նշեց նա:

Ֆուտբոլի աշխարհի 2018 թ. առաջնությունը մեկնարկել է հունիսի 14-ին, կավարտվի հուլիսի 15-ին: Երեկ՝ հուլիսի 10-ին, հայտնի դարձավ եզրափակչի առաջին մասնակիցը: Ֆրանսիան աշխարհի չեմպիոն դառնալու համար պայքարելու իրավունք ստացավ՝ կիսաեզրափակչում հաղթելով Բելգիային (1:0): Այսօր կկայանա կիսաեզրափակիչ 2-րդ խաղը՝ Խորվաթիա-Անգլիա: Այն կսկսվի 22:00-ին:

Տպել
1114 դիտում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը

Ավազակային հարձակում Երեւանում․ պարանը գցել են վաճառողի պարանոցին ու սպառնալիքով հափշտակել խոշոր չափի գումար

Ֆեմիդա. նոր դատական համակարգ` հին դատավորներով

ԳԱԱ. ժողովում լուրջ հարցեր են քննարկվելու

Ոստիկանության Մուշի, Կումայրիի, Անիի եւ Արթիկի բաժիններում քաղաքացիները զենքեր են հանձնել

Սամվել Ալեքսանյանի «Ալեքս Հոլդինգը» 2018 թվականին կտրուկ նվազեցրել է իր հարկային մուտքերը․ ՊԵԿ