Փլատակների տակ մնացած Կարապետյանը ԱՆ փորձաքննությունների բաժնի պետ էր, երկու դուստր ունի

Արշակունյաց պողոտայի փլուզված թիվ 23 շենքը արդարադատության նախարարության փորձագիտական կենտրոնինն է: Այս մասին ՀԺ-ի հետ զրուցում ասաց արդարադատության նախարարության տեղեկատվության եւ հասարակայնության հետ կապերի բաժնի պետ Լուսինե Մարտիրոսյանը: Վերջինիս խոսքով՝ փլուզվել է ՊՈԱԿ-ի շենքի ճակատային հատվածի քիվը (մոտ 10 մ):

Լուսինե Մարտիրոսյանի փոխանցմամբ՝ փլուզման հետևանքով մահացածը արդարադատության նախարարության «Փորձագիտական կենտրոն» ՊՈԱԿ-ի Հրդեհատեխնիկական եւ էլեկտրատեխնիկական փորձաքննությունների բաժնի պետ 50-ամյա Արայիկ Կարապետյան է: Լուսինե Մարտիրոսյանը հայտնեց, որ արդարադատության նախարարության աշխատակազմը սգում է գործընկերոջ վաղաժամ մահը եւ ասաց, որ մահացող Արայիկ Կարապետյանը երկու դուստր ունի:

Արայիկ Կարապետյանը եւ մյուս երկու տուժածները՝ 28-ամյա Մուշեղ Հարությունյանը եւ 53-ամյա Գրիգոր Մարտիրոսյանը, շենքի տակով անցնելիս են եղել, երբ տեղի է ունեցել պատահարը: Մեր հարցին՝ փլուզման հետևանքները պարզվե՞լ են արդեն, գուցե շենքը վթարային է, Լուսինե Մարտիրոսյանն ասաց, որ մանրամասներ ասել դեռ չի կարող, դեպքի առթիվ քննություն է գնում, քննությամբ կպարզվի պատճառը եւ ավելի ուշ կհրապարակվի:

Արշակունյաց պողոտայի արտակարգ պատահարին է անդրադարձել արդարադատության նախարար Արտակ Զեյնալյանը, որն ավելի վաղ գնացել էր դեպքի վայր: Քիչ առաջ Արտակ Զեյնալյանը ֆեյսբուքյան իր էջում գրառում է կատարել, որտեղ ասվում է. «Խորապես սգում եմ նախարարության «Փորձագիտական կենտրոն»-ի աշխատակից Արայիկ Կարապետյանի անժամանակ մահն ու զորակցությունս եմ հայտնում նրա ընտանիքին եւ հարազատներին:
Նախարարի գրառումից տեղեկանում ենք, որ արտակարգ պատահարի հետևանքով երկու վիրավորներից՝ 28-ամյա Մուշեղ Հարությունյանն արդեն դուրս է գրվել հիվանդանոցից, իսկ մյուսը՝ 53-ամյա Գրիգոր Մարտիրոսյանը, այս պահին վերակենդանացման բաժանմունքում է:

«Դեպքի վայրում լինելուց հետո այցելեցի նաև «Էրեբունի» ԲԿ, զրուցեցի վերակենդանացման եւ ինտենսիվ թերապիայի բաժանմունքի վարիչ Արմեն Մուրադյանի հետ: Տեղեկացա, որ Գրիգորի գիտակցությունը տեղն է, բժիշկների հսկողության տակ, այս պահի դրությամբ կոնսերվատիվ բուժում է իրականացվում եւ վիրահատության կարիք չկա:  Ապավինում եմ բժիշկների գիտելիքներին եւ շուտափույթ ապաքինում եմ ցանկանում նրան»,- գրել է Արտակ Զեյնալյանը: 

ՀՀ քննչական կոմիտեի ԵՔՔՎ Շենգավիթ վարչական շրջանի քննչական բաժնում հարուցվել է քրեական գործ՝ մարդու մահ առաջացրած ՀՀ ԱՆ «Պրոբացիայի պետական ծառայության» մասնաշենքի տանիքի դիմային հատվածի քարե քիվի փլուզման դեպքի առթիվ։

Դեպքի առթիվ 16.07.2018 թվականին Շենգավիթ վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 157-րդ հոդվածի 2-րդ մասի հատկանիշներով: Քրեական գործով էական նշանակություն ունեցող հանգամանքները պարզելու համար նշանակվել են դատաբժշկական փորձաքննություններ, ինչպես նաեւ՝ դատատեխնիկական, դատաշինարարական եւ դատաապրանքագիտական համալիր փորձաքննություն:

Նախաքննությունը շարունակվում է:        

Տպել
3945 դիտում

ՎՏԲ-Հայաստան Բանկը հայտարարում է «Մուտքն ազատ է» ակցիան

Վենեսուելայում քաղաքական ճգնաժամ է․ ընդդիմության առաջնորդը իրեն ժամանակավոր նախագահ է հռչակել

Բանակցությունները պետք է ընթանան Արցախի իշխանությունների լիարժեք մասնակցությամբ․ ՀՅԴ հայտարարությունը

Ինձ ոչ մականունով կվախեցնեն, ոչ էլ անուն-ազգանունով. Արթուր Մեսչյանը՝ սրճարանների մասին

Միհրան Պողոսյանի՝ օֆշորային ընկերությունների վերաբերյալ քրգործը վերաբացվել է․ ՀՔԾ-ն հաստատում է

Գլխավորելու եմ Եվրանեսթ խորհրդարանական վեհաժողովում ԱԺ պատվիրակությունը․ Մխիթար Հայրապետյան

Դավիթ Զոհրաբյանի հետ վաղուց ուզում էինք աշխատել. Էվա Խաչատրյանը՝ նոր սերիալի մասին

Թեհրանը շարունակում է մնալ Երեւանի կողքին․ Միրզոյանն ընդունել է ՀՀ-ում Իրանի դեսպանին

Ավարտվել է «Եվրատեսիլ 2019» հայաստանյան երգի հայտերի ընդունման փուլը

Մենք հանրության կողմից պահանջված գործառույթները չենք կրճատում. Վարազդատ Կարապետյան

ԱՄՆ-ում ՀՀ դեսպան Ներսեսյանը հանդիպել է կոնգրեսական Ջիմ Քոսթայի հետ

Անշարժ գույքի շուկան 2018-ին ակտիվացել է․ գործարքների թիվն աճել է 13%-ով

Մխիթարյանը բաց կթողնի «Յունայթեդի» դեմ հանդիպումը

ՀՀ-ԵՄ ՀԸԳ համաձայնագրի իրականացման ընթացքը քննարկվել է Ռիգայում․ դեսպանի հանդիպումը

Նունե Սարգսյանը շրջայց է կատարել «Բարի տնակ» բարեգործական ժամանակավոր կացարանում

Գյուղատնտեսության, զբոսաշրջություն, ենթակառուցվածքներ․ ՀՀ-ն ու Նիդեռլանդները նախանշել են համագործակցության ոլորտները

Նիկոլ Փաշինյանը Դավոսում հանդիպումներ է ունեցել Շվեյցարիայի, Ռուանդայի, Ուկրաինայի նախագահների հետ

Դա շատ լավ որոշում է, եթե այս գներով լինի, ապա մեր գրպանն էլ կթեթեւանա. Հովհաննիսյան

Ամենաբարդը Պետրոսյանի հետ պարտիան էր. Փաշիկյանը՝ ՀՀ շախմատի առաջնության պայքարի մասին

Արտերկրում ապրող կենսաթոշակառուները չեն կարողանում իրացնել իրենց իրավունքները. բաց նամակ վարչապետին եւ ՄԻՊ-ին