ՎՏԲ բանկը գաղտնի վաճառեց ոսկեղենս, կերավ աշխատավարձս, հիմա էլ ինձ դրդում է ինքնասպանության

Հակոբ Պարոնյանի անվան երաժշտական կոմեդիայի պետական թատրոնի երգչուհի Ջեմմա Ասլանյանին ՎՏԲ Հայաստան բանկը սնանկացրել է:

Լինելով սոցիալապես անապահով եւ բնակվելով վարձով՝ Ջեմմա Ասլանյանը ՎՏԲ Հայաստան բանկում դեռեւս 2008 թվականին գրավադրել է 35 գրամ ոսկի եւ ստացել 50 հազար դրամ: Մի քանի ամիս պարտաճանաչ կատարելով բոլոր մարումները՝ եկել է մի ընթացք, երբ առողջական խնդիրների եւ դեղորայքային ծախսերի պատճառով չի կարողացել վճարումները կատարել:

Քաղաքացին դիմել է ՎՏԲ Հայաստան բանկ՝ խնդրելով, որպեսզի ընդառաջեն, սակայն բանկը ոչ մի զիջում չի արել՝ ելնելով գործող կանոններից: Որոշ ժամանակ անց ՎՏԲ Հայաստան բանկն առանց Ջեմմա Ասլանյանին տեղյակ պահելու՝ աճուրդի է հանել վերջինիս ոսկեղենը: Հետագայում, ինչպես ինքն է նշում, որպես արդարացում բանկն օգտագործել է վերջինիս վարձով ապրելն ու բնակության ստույգ հասցեն չիմանալու փաստը:

50 հազարի դիմաց ոսկեղենը կորցնելուց հետո` երկու տարի անց, բանակային մեկ այլ գործարք կատարելիս, Ջեմմա Ասլանյանը պատահաբար տեղեկանում է, որ սեւ ցուցակում է հայտնվել եւ ունի կուտակված պարտքեր: Պարոնյան թատրոնի երգչուհին նախկինում ստանում էր 60 հազար դրամ աշխատավարձ, այժմ՝ 35 հազար:

«2018 թվականի հունվարի մեկից նախկին վարչապետ Կարեն Կարապետյանի շնորհիվ Պարոնյանի անվան թատրոնում շատերի աշխատավարձերը դարձան կես դրույք, այդ թվում եւ իմը: Այժմ ես ստանում եմ 35 հազար աշխատավարձ, սակայն դա էլ կալանքի տակ են դրել»,- ասաց Ջեմմա Ասլանյանը: Վերջինս մոտ 2 շաբաթ առաջ է հայտնաբերել, որ աշխատավարձի վրա կալանք է դրված, երբ թատրոնից ասել են, որ գումարներն այսուհետ փոխանցելու են քարտերով:

Ջեմմա Ասլանյանին ՎՏԲ Հայաստան բանկի կողմից 2018 թվականին տրված վարկի քաղվածքի համաձայն՝ հուլիս ամսի դրությամբ վճարման ենթակա ժամկետանց պարտավորությունները կազմում են 1 միլիոն 200 հազար դրամ, որից 362 հազարը մայր գումարն է, մնացածը՝ կուտակված տոկոսները: «Պարոնյանի անվան երաժշտական կոմեդիայի թատրոնից 2014 թվականի նոյեմբերից մինչեւ 2016 թվականի դեկտեմբեր աշխատավարձիս 50 տոկոսը որպես վարկի մարում փոխանցվել է ԴԱՀԿ ծառայություն: Իմ երկու տարվա փոխանցումներն առանց տեղյակ պահելու իրենց մոտ պահպանվել են որպես տուժանքի մարում, այսինքն՝ մայր գումարը չի մարվել»,- վստահեցրեց Ջեմմա Ասլանյանը:

ՎՏԲ Հայաստան բանկի կողմից Ջեմմա Ասլանյանի փաստաբանին ներկայացված փաստաթղթի հիման վրա՝ քաղաքացի Ասլանյանի կողմից խախտվել է պայմանագրում նշված վարկի մարման ժամանակացույցը, որի հետեւանքով առաջացել է վարկի ժամկետանց պարտք: Պայմանագրով նախատեսված ժամկետում վարկը չմարելու պատճառով դատարան դիմելու արդյունքում՝ Երեւանի Կենտրոն եւ Նորք-Մարաշ ընդհանուր իրավասության դատարանը 2014 թվականին վճռել է քաղաքացուց բռնագանձել 484 հազար 685 հարյուր դրամ եւ 9 հազար 685 հարյուր դրամ, որպես վճարված պետական տուրքի գումար:

Վերը նշված վճռի հիման վրա 2014 թվականի դեկտեմբերից՝ յուրաքանչյուր ամիս Ջեմմա Ասլանյանի աշխատավարձից 60 հազար դրամից բռնագանձվել է 50 տոկոսը: «Երկու տարի անց՝ 2016 թվականին Պարոնյան թատրոնի գլխավոր հաշվապահի հետ հաշվեցինք եւ այդ ամսվա իմ աշխատավարձի պահումը վերջինն էր. ըստ մեր հաշվարկի՝ ես պարտքից ազատվել էի, սակայն ԴԱՀԿ ծառայության գծով պատասխանատու ոմն Արմինեից տեղեկացա, որ այդքան վճարելուց հետո դեռ կրկնակի՝ 600 հազար դրամի չափով էլ տոկոս ունեմ վճարելու»,-պատմեց Ջեմմա Ասլանյանը:

Ասաց, որ ՎՏԲ Հայաստան բանկից պարզաբանում է խնդրել վերը նշված տոկոսի առաջացման եւ ձեւավորման հիմքերի վերաբերյալ: Խնդրել է տրամադրել նաեւ իր հետ կնքված բոլոր պայմանագրերի պատճենները, սակայն այդպես էլ չեն տրամադրել:

Ավելի ուշ նույն խնդրով դիմել է ՎՏԲ Հայաստան բանկի գործադիր տնօրեն Յուրի Գուսեւին: Ի պատասխան քաղաքացու խնդրանքի՝ բանկից հայտնել են, որ նշված պայմանագրերի պատճենները հնարավոր կլինի տրամադրել բանկի սակագներով սահմանված համապատասխան միջնորդավճարները վճարելուց հետո: Սակայն Ջեմմա Ասլանյանը ծանր սոցիալական վիճակում գտնվելու պատճառով ի վիճակի չի եղել վճարել մոտ 20 հազար դրամ կազմող միջնորդավճարը:

«Եթե ես ստանում են չնչին աշխատավարձ, հիմա դրա վրա էլ կալանք են դրել, ինչպե՞ս են պատկերացնում, որտեղի՞ց եմ տալու այդ գումարը, ես այլ ելք չունեմ, այսօր ինձ համար հազար դրամն էլ է մեծ գումար: Չունեմ, ի՞նչ անեմ, գնամ կամրջից ինձ գցե՞մ»,-ասաց Ջեմմա Ասլանյանը: Քաղաքացի Ասլանյանի խնդրով ՀԺ-ն պարզաբանում խնդրեց ՎՏԲ Հայաստան բանկից: Գործի հետ կապված մեզ ոչ մի տեղեկատվություն չտրամադրվեց, փոխարենը խոստացան կապ հաստատել եւ փոխհամաձայնության գալ Ջեմմա Ասլանյանի հետ:

Հ.Գ. Ավելի ուշ ՀԺ-ին հայտնի դարձավ, որ ՎՏԲ Հայաստան բանկից զանգել են Ջեմմա Ասլանյանի փաստաբանին, հայտնել, որ այսուհետ տիկնոջ 35 հազար դրամ աշխատավարձից 20-ը կպահեն, որը կգնա վերջինիս պարտքի մայր գումարի եւ տոկոսների մարմանը, իսկ եթե ոչ՝ Ջեմմա Ասլանյանի կուտակված պարտքին յուրաքանչյուր օր կշարունակի ավելանալ 720 դրամ: Ինչ վերաբերում է այս ընթացքում երկու տարի անընդմեջ գանձված աշխատավարձը մայր գումարին չփոխանցելուն՝ ՎՏԲ Հայաստան բանկից հայտնել են, որ քաղաքացին պետք է նախապես դիմում գրեր, հիմա էլ ոչինչ հնարավոր չէ:

«Նրանք օգտվեցին առիթից, որ ես ինֆորմացված չէի, պարբերաբար ինձ ինչ-որ փաստաթղթեր էին ստորագրել տալիս, իբր ոսկու արժեքի հետ էր կապված: Նախ, գաղտնի վաճառեցին հորս հիշատակ ոսկեղենը, կերան երկու տարվա աշխատավարձս, հիմա էլ չգիտեմ՝ ինչ են ուզում: Եթե 35 աշխատավարձիցս 20-ը պահեն, վարձով ապրող կին եմ, 15 հազարով ինձ մնում է միայն ինքնասպանություն գործել»,-հուսահատված ասում է Ջեմմա Ասլանյանը եւ խնդրում համապատասխան գերատեսչությունների միջամտությունն ու աջակցությունը:

Տպել
8052 դիտում

Կորոնավիրուսի 1066 նոր դեպք և 23 մահ մեկ օրում

Էդուարդ Հարությունյանն ազատվել է վարչապետի աշխատակազմի արարողակարգի բաժնի պետի պաշտոնից

Միրզոյանը Բոռելի հետ հանդիպմանն ընդգծել է գերիների հայրենադարձման խնդրի քաղաքականացման անընդունելիությունը (տեսանյութ)

Հատուկ ծրագիր Հովհաննես Շարամբեյանի անվան ժողովրդական արվեստների թանգարանում

Շենաթաղում բռնկված հրդեհն ինքնամարվել է

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը

Ովքեր են Մեղրիի համայնքապետի թեկնածուները և ինչ կենսագրություն ունեն նրանք

Մեղադրանք է առաջադրվել հրապարակում սեպտեմբերի 21-ին պայթուցիչի գործադրմամբ խուլիգանություն նախապատրաստելու համար․ ՔԿ

Վայոց ձորի մարզպետ Արարատ Գրիգորյանն ընդունել է Իրանի Իսլամական Հանրապետությունից ժամանած պատվիրակությանը

Համատեղ ուժերով գտնել լուծումներ. Ավանեսյանը հանդիպել է բուժհաստատությունների ղեկավարների հետ

ՀՀ ՊՆ ռազմական ոստիկանությունում անցկացվել է մեկշաբաթյա դասընթաց

Հայաստանը պատրաստ է կառուցողական երկխոսության, որը կբերի տարածաշրջանում հարատև խաղաղության․ վարչապետի ելույթը ՄԱԿ-ում

Մեկնարկել է «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթը

Արարատ համայնքում ընթանում են փողոցների ասֆալտապատման աշխատանքներ

Քննարկվել է Կովկաս-Փոթի երկաթգծի վերագործարկման, ինչպես նաև կոնցեսիոն պայմանագրում փոփոխություններ կատարելու հարցը

Երբ հայտարարեցին անունս, մտքումս ասացի՝ ես արեցի դա. «Միսս Տիեզերք Արմենիա 2021»-ի հաղթող

Համագործակցության հուշագիր է ստորագրվել ԱՍՀ նախարարության և Ամունդի-ԱԿԲԱ ընկերության միջև

Վահան Քերոբյանը հանդիպել է IEO տնտեսագիտության միջազգային օլիմպիադայում մեդալներ նվաճած հայ դպրոցականների հետ

Խոշոր ավտովթար Արմավիրի մարզում. վիրավորները հոսպիտալացվել են. shamshyan.com

Արարատ Միրզոյանը հանդիպել է Կարմիր խաչի միջազգային կոմիտեի նախագահ Պիտեր Մաուրերի հետ

Սկսվեց շան հաչոցից ու գարեջրի շշի պարունակությունը նրա վրա լցնելուց․ ավարտվել է սպանության փորձի գործով նախաքննությունը

Շենաթաղ գյուղի մոտակա սարի լանջին հրդեհաշիջման աշխատանքները ժամանակավորապես դադարեցվել են

Ադրբեջանը համակարգված պայքար է տանում Արցախում հայկական մշակութային արժեքների դեմ. Արցախի ՄԻՊ

ՀՀ անկախության տոնի առթիվ ԱԺ նախագահ Ալեն Սիմոնյանը շարունակում է շնորհավորական ուղերձներ ստանալ

Արշակ Կարապետյանը Ջոն Գալագերին է ներկայացրել Ադրբեջանի կողմից իրադրությունն ապակայունացնելուն միտված գործողությունները

«Արևիք» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Փորձ է արվել Հայաստան ներմուծել կեղծ տվյալներով մեծ քանակությամբ հագուստ. ՊԵԿ

Տեղի է ունեցել պահեստազորայինների մարտական հերթապահության հերթափոխ

Ոստիկանության բարեփոխումների գործընթացը մտադիր ենք ամբողջապես իրականացնել. խորհրդակցություն վարչապետի գլխավորութամբ

23-ամյա ուջանցու մեքենայում զենք-զինամթերք է հայտնաբերվել (տեսանյութ)

ԱԺ-ն ամբողջությամբ ընդունեց համայնքների խոշորացման մասին օրենքի նախագիծը

Պատվաստվելու հետևանքով չհիղանալու մասին լուրերը միֆ են. մասնագետ

Մշտադիտարկումներ են իրականացվել Երևանի երկաթուղային կայարանի և Կենտրոն վարչական շրջանի հանրային տրանսպորտի նկատմամբ

E-labor համակարգի ներդրման դեպքում Հայաստանը կլինի ԱՊՀ երկրների շրջանում նման էլեկտրոնային գործիք ունեցող առաջին երկիրը

Ադրբեջանը հայկական կողմին է փոխանցել մեկ աճյուն. որոնումներ այսօր չեն իրականացվել

Մենք խելամիտ ենք համարել համայնքների խոշորացումը հիմա անել, որպեսզի ֆինանսապես ավելորդ ծախս չանենք. նախարար

Նա իր երկրի ու ժողովրդի նվիրյալ զավակն էր. նախագահի աշխատակազմը ցավակցում է Համլետ Գասպարյանի ընտանիքին

Արման Եղոյանն ու Արսեն Թորոսյանը հանդիպել են Հունաստանի խորհրդարանի պատգամավորների հետ