«Էրեբունի», «Աստղիկ», «Արմենիա» և այլ ԲԿ-ներում ստուգումներ կանցկացվեն այս տարվա ընթացքում

Նոր կառավարության գործունեության արդյունքում, ի թիվս տարբեր ոլորտներում հայտնաբերված յուրացումների, չեն դադարում տեղեկություններ հրապարակվել առողջապահական այս կամ այն խոշոր հաստատությունում հայտնաբերված չարաշահումների վերաբերյալ:

Առողջապահության նախարար Արսեն Թորոսյանը սոցիալական ցանցի իր էջի միջոցով երեկ անդրադարձել էր Տուբերկուլոզի դեմ պայքարի ազգային կենտրոնին, որտեղ իրականացված ուսումնասիրությունների արդյունքում ի հայտ եկած խախտումները ներկայացվել են իրավապահներին:

««Տուբերկուլոզի դեմ պայքարի ազգային կենտրոն» ՊՈԱԿ-ում առողջապահության նախարարության կողմից ձեռնարկված ուսումնասիրության արդյունքում արձանագրվել են մի շարք չարաշահումներ եւ խախտումներ, մասնավորապես` Հասարակական կազմակերպության հետ կնքվել է 67 մլն դրամի ծառայությունների մատուցման պայմանագիր, որով ՀԿ-ն մատուցել է 2 տեսակի ծառայություն: Սկսած 2017 թ. մայիս ամսից՝ նույն ծառայությունները մատուցվում են անհամեմատ ավելի ցածր գներով. առաջին տեսակի ծառայությունը` 4 անգամ, իսկ երկրորդ տեսակի ծառայությունը` 7 անգամ պակաս արժեքով»,- գրել է նախարար Արսեն Թորոսյանը եւ հավելել. «Այդպիսի բարձր գներով ծառայություններ մատուցած կազմակերպությունը, ըստ նախնական տեղեկատվության, կապ է ունեցել ՊՈԱԿ-ի ղեկավարության հետ (ՀԿ-ի գրանցման հասցեն, ըստ նախնական տեղեկությունների, համընկնում է նախկին տնօրենի տեղակալի գրանցման հասցեի հետ)»:

Առողջապահական գերատեսչության ղեկավարը նաեւ հայտնել է, որ բացահայտվել են մի շարք աշխատակիցներ, որոնք գրանցված են եղել ՊՈԱԿ-ում, սակայն փաստացի չեն աշխատել այնտեղ: «Վերոհիշյալ աշխատակիցներին վճարվել է շուրջ 30 մլն դրամ աշխատավարձ: Նյութերն ուղարկվել են ոստիկանություն՝ հետագա ընթացք տալու համար։ Առողջապահության նախարարությունը նմանատիպ ուսումնասիրություններ է կատարելու իր ենթակա բոլոր կազմակերպություններում»,-արձանագրել է նախարարը՝ հիշեցնելով, որ այս բուժհիմնարկում ֆինանսական միջոցների տնտեսման արդյունքում բարձրացվել էր բժիշկների աշխատավարձը։

Արսեն Թորոսյանն ավելի վաղ տեղեկացրել էր, որ Տուբերկուլոզի դեմ պայքարի ազգային կենտրոնում բժիշկների աշխատավարձը հուլիսի 1-ից կբարձրանա 25-30 տոկոսով։ «Ու սա ընդամենը մեկ ամսվա բարեխիղճ կառավարման, ռեսուրսների օպտիմալացման եւ վատնումների բացառման արդյունքում»,- նշել էր նա:

Առողջապահության նախարարի երեկվա գրառումը մի շարք հարցեր է առաջ բերում, մասնավորապես՝ ո՞ր հասարակական կազմակերպության մասին է խոսքը եւ որ տեղակալի հետ է դա կապվում: 67 միլիոն դրամի ծառայությունների մատուցման պայմանագիրը երբվանից է կնքվել նշված կազմակերպության հետ, արդյոք դրանք ամենամյա պահանջարկ ունեցող ծառայություննե՞ր են, թե՞ մեկանգամյա, ու նաեւ՝ հատկապես ինչ ծառայություններ են գնվել չորս կամ յոթ անգամ թանկ արժեքով եւ ինչ գների մասին է խոսքը:

«Ծառայությունները եղել են բազմակի: Գները, թվերը ներկայացված են իրավապահներին: Դրանք կհրապարակվեն ամփոփելուց հետո: Նաեւ մարդկանց անմեղության կանխավարկածը հաշվի առնելով՝ դեռ անուններ չեն տրվում»,- մեր հարցմանը պատասխանեց առողջապահության նախարարի մամուլի խոսնակ Լիանա Եղիազարյանը:

««Տուբերկուլոզի դեմ պայքարի ազգային կենտրոն»-ի տնօրեն Արմեն Հայրապետյանն, ի դեպ, զբաղեցրած պաշտոնից ազատման դիմում է գրել այստեղ հայտնաբերված չարաշահումների պատճառով: Հայտարարվել էր նաեւ թափուր պաշտոնի մրցույթ: Դիմում-հայտերի ընդունման վերջնաժամկետը հուլիսի 25-ն է: Մրցույթը նախատեսված է օգոստոսի 28-ին: Նախարարությունից հրաժարվեցին հայտնել, թե երեկվա դրությամբ ովքեր են դիմել ««Տուբերկուլոզի դեմ պայքարի ազգային կենտրոնի տնօրենի թափուր պաշտոնը զբաղեցնելու համար: Լիանա Եղիազարյանը պատասխանեց, որ անունները նախապես հրապարակելու իրավասություն չկա: «Նույնիսկ մասնակիցները չգիտեն՝ իրենցից բացի ով է դիմել»,- նշեց նա:

Առողջապահության նախարարը, կառավարության վերջին նիստի օրը լրագրողների հետ զրույցում, խոսելով այլ բուժհաստատություններում սպասվող ուսումնասիրությունների մասին, ասել էր, որ առաջիկայում ստուգումներ են իրականացվելու բոլոր խոշոր բուժհիմնարկներում: Նշել էր, որ կա ժամանակացույց, թե որտեղ երբ են գնալու եւ որ ստորագրել է օպերատիվ ստուգումների ցանկը: Արսեն Թորոսյանը մանրամասնել էր, որ ստուգումներ են սպասվում, օրինակ, «Էրեբունի», «Աստղիկ», «Արմենիա» բժշկական կենտրոններում: Երեկ նախարարությունից չհստակեցրին հայտարարված «այցելությունների» ժամանակացույցը: Միայն փոխանցեցին. «Պետական առողջապահական գործակալությունը (ՊԱԳ) մինչեւ տարեվերջ ուսումնասիրություններ կանցկացնի նշված եւ ոչ միայն նշված բուժհաստատություններում»:

Տպել
6127 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ