Ֆրանսիայից ֆուտբոլի ԱԱ-ում հաղթանակների թվով առաջ է 3 թիմ. ովքեր են նախորդ չեմպիոնները

Ֆուտբոլի աշխարհի առաջնությունների հաղթողների շարքում կարող էր ավելանալ նոր թիմ: Հուլիսի 15-ին Մոսկվայի «Լուժնիկի» մարզադաշտում կայացած ԱԱ 2018-ի եզրափակչում, սակայն, Խորվաթիան չկարողացավ իր անունն ավելացնել բաղձալի գավաթը նվաճած երկրների ցանկում: Իսկ Ֆրասիայի հավաքականը, 4:2 պարտության մատնելով խորվաթներին, դարձավ այն ընտրանիներից մեկը, որոնք 1-ից ավելի անգամ են հաղթել այս մրցաշարում:

Ֆրանսիայի համար սա 2-րդ չեմպիոնությունն էր, եւ այդ ցուցանիշով թիմը հավասարվեց Ուրուգվային եւ Արգենտինային: Այս 3-ին կրկնակի գերազանցում են Իտալիան ու Գերմանիան, որոնք հաղթող են դարձել 4-ական անգամ: Իսկ ամենից շատ տիտղոսներն ունի Բրազիլիան՝ 5:

Աշխարհի առաջնության նախորդ չեմպիոններն են.

1930 թ. Ուրուգվայ

1934 թ. Իտալիա

1938 թ. Իտալիա

1950 թ. Ուրուգվայ

1954 թ. Գերմանիա

1958 թ. Բրազիլիա

1962 թ. Բրազիլիա

1966 թ. Անգլիա

1970 թ. Բրազիլիա

1974 թ. Գերմանիա

1978 թ. Արգենտինա

1982 թ. Իտալիա

1986 թ. Արգենտինա

1990 թ. Գերմանիա

1994 թ. Բրազիլիա

1998 թ. Ֆրանսիա

2002 թ. Բրազիլիա

2006 թ. Իտալիա

2010 թ. Իսպանիա

2014 թ. Գերմանիա

Եվ իհարկե 2018 թ. Ֆրանսիա

Նախորդ անգամ Ֆրանսիան չեմպիոն է դարձել 1998 թ., երբ մրցաշարն անցկացնում էր սեփական հարկի տակ: Դիդյե Դեշամը, որը ֆրանսիացիներին առաջնորդեց 2-րդ չեմպիոնությանը, այն ժամանակ հանդես էր գալիս հավաքականում: Նա դարձավ ֆուտբոլի պատմության 3-րդ անձը, որը կարողացել է աշխարհի չեմպիոն դառնալ ե՛ւ որպես ֆուտբոլիստ, ե՛ւ որպես մարզիչ: Նման հաջողության են հասել նաեւ Մարիո Զագալոն (Բրազիլիա) եւ Ֆրանց Բեկենբաուերը (Գերմանիա): 1998-ի եզրափակչին մասնակցել է ծագումով հայ 2 ֆուտբոլիստ՝ Յուրի Ջորկաեֆն ու Ալեն Պողոսյանը:

Բրազիլիայի՝ 2002 թ. չեմպիոնությունից հետո Ֆրանսիան դարձավ առաջին ընտրանին, որը չեմպիոն դարձավ փլեյ-օֆ փուլերում ոչ մի անգամ լրացուցիչ ժամանակում չխաղալով:

Այս առաջնությունում յուրահատուկ նվաճման հասավ թիմի հարձակվող Կիլիան Մբապեն, որը նույնիսկ ծնված չի եղել, երբ Ֆրանսիան առաջին անգամ դարձել է չեմպիոն: Նա ծնվել է 1998 թ. դեկտեմբերի 20-ին, իսկ ԱԱ եզրափակիչը, որում նրա երկրը 3:0 հաղթել է Բրազիլիային, տեղի է ունեցել նույն տարվա հուլիսի 12-ին: Նա «Լուժնիկիում» խփեց իր թիմի 4-րդ գոլը՝ դառնալով ԱԱ եզրափակիչներում գոլի հեղինակ դարձած ամենաերիտասարդ ֆուտբոլիստներից 2-րդը: Այդ ցուցանիշով նա զիջում է միայն ֆուտբոլի արքա Պելեին: Մբապեի 20-ը դեռ չի լրացել, իսկ 1958-ին Շվեդիայի դեմ եզրափակչում, որում «սելեսաոն» հաղթել է 5:2, Պելեն 17 տարեկան է եղել:  

Աշխարհի հաջորդ առաջնությունը անցկացվելու է Կատարում: Այն կայանալու է 2022 թ. նոյեմբերի 21-ից դեկտեմբերի 18-ը: ԱԱ 2018-ի ավարտից հետո Ռուսաստանի նախագահ Վլադիմիր Պուտինը պաշտոնապես Կատարի էմիր Թամիմ բին Համադ ալ Թանիին է հանձնել մրցաշարի կազմակերպչի դերը:

Տպել
1332 դիտում

Հրապարակվել է «Լավ երկրների» վարկանշային աղյուսակը. Հայաստանը բարելավել է դիրքերը, հայտնվել 45-րդ տեղում

Քոչարյանի իշխանավարման տարիներին սպառողների համար գազի գինն աճել է մոտ 2.5 անգամ. Հայկ Գեւորգյան

Վարչապետը շարունակում է հանդիպումները Դավոսի տնտեսական համաժողովի շրջանակում (լուսանկարներ)

ՊԵԿ-ը հերքում է. նման պարգևատրումներ գոյություն չունեն

Ինքնախրախուսվել է նաեւ Շիրակի մարզպետը. փոխմարզպետները եւս դրամական պարգեւներ են ստացել

Էլեկտրահարման եղանակով Արփա գետից որսացել են ձկներ, պահել գետի ափին ու բռնվել

Արայիկ Հարությունյանն ԱՄՆ է գնացել հրավիրող կողմի հաշվին

Բակո Սահակյանը ողջունել է Արցախում ՀՅԴ Ընդհանուր ժողովի անցկացումը

Սերժ Սարգսյանն այսօր պարգեւատրել է չեմպիոնների

Վանաձորցիները սպասում են ԱԺ պատգամավորի թեկնածուների «բարի կամքի դրսեւորմանը»

Արտաշատում հատուկ նշանակայինների մասնակցությամբ միջոցառումներ են տեղի ունեցել (տեսանյութ)

Շուկայում փոփոխություններ են տեղի ունեցել, ներմուծող տնտեսվարողների քանակն է ավելացել. Շաբոյանը բենզինի գնի անկման մասին

Չեխիան ստացել է Նարեկ Սարգսյանի արտահանձնման մասին Հայաստանի հայցը

Հայտարարություն մրցույթի մասին

ՀՀԿ-ական քաղաքապետերը նույնպես շարժվել են իրենք իրենց պարգեւատրելու իներցիայով

Ամփոփիչ խորհրդակցություն ոստիկանության Երևան քաղաքի վարչությունում (տեսանյութ)

Սերժ Սարգսյանը այսօր պարգեւատրել է չեմպիոնների

Դարձել եք ազատ, արդար ընտրությունների արդյունքում ձեւավորված խորհրդարանի ղեկավար. Սվիտալսկին՝ Միրզոյանին

Շտապ օգնության կանչերը շուտով կսպասարկվեն նաեւ թեթեւ մարդատար ավտոմեքենաներով

Աշոցքի ավտոճանապարհներին թույլ ձյուն է տեղում