Հայաստանի ֆուտբոլի ազգային հավաքականի ավագ Հենրիխ Մխիթարյանը պաշտպանել է «Արսենալի» իր թիմակից Մեսութ Օզիլին: Գերմանիայի հավաքականի ֆուտբոլիստը, որը թուրքական արմատներ ունի, խիստ քննադատության էր արժանացել Գերմանիայում ֆուտբոլի աշխարհի 2018 թ. առաջնությունից առաջ Թուրքիայի նախագահ Ռեջեփ Թայիփ Էրդողանի հետ լուսանկարվելու համար: Մրցաշարում անհաջող ելույթներն էլ ավելի էին զայրացրել գերմանացիներին, եւ օրերս Օզիլը հայտարարեց հավաքականում կարիերան ավարտելու մասին: Մխիթարյանը պատասխանել է նրա որոշմանը վերաբերող հարցին:

«Շատ տխուր էր այդ մասին լսել, բայց դա նրա որոշումն է: Մենք պետք է աջակցենք նրան ու հարգենք նրա որոշումը: Նա մեծ խաղացող է ու գիտի՝ ինչ է անում: Չեմ ցանկանում քննադատել որեւէ մեկին, եւ ես չեմ հասկանում նրանց, ովքեր քննադատում են նրան: Ֆուտբոլը մեկ հոգով չեն խաղում, նույնիսկ 11 հոգով չեն խաղում: Խաղում են ողջ անձնակազմով՝ սկսած մարզիչներից, բժիշկներից: Կարծում եմ՝ ոչ ոք իրավունք չունի քննադատելու նրան»,- Մխիթարյանի խոսքերն է փոխանցում goal.com-ը:

Մունդիալից առաջ Թուրքիայի նախագահի հետ լուսանկարվել էր նաեւ հավաքականում Օզիլի թիմակից Իլկայ Գյունդոգանը: Նա նույնպես քննադատության էր ենթարկվել գերմանացիների կողմից, սակայն նրա դեպքում իրավիճակն այսքան չսրվեց: Օզիլը հավաքականում կարիերան ավարտելու մասին ծավալուն նամակ էր գրել: Նա բացատրել էր, որ Էրդողանի հետ լուսանկարվել է միայն այն պատճառով, որ նա Թուրքիայի նախագահն է: Ինքը հաշվի է առել ոչ թե նրա անձը, այլ պաշտոնը: Այսինքն՝ Օզիլի համար կարեւոր է եղել նախագահի ինստիտուտը: Ֆուտբոլիստը նաեւ քննադատել է իրեն քննադատող լրատվամիջոցներին, կարծիք է հայտնել, որ գերմանացիների նման վերաբերմունքը ռասիզմի ու այլ մարդկանց արմատները չհարգելու դրսեւորում է: Ավելացրել է, որ միշտ ոգեւորություն ու հպարտություն է զգացել ազգային ընտրանու մարզաշապիկը կրելիս, սակայն այլեւս այդպես չէ:

Ֆուտբոլի աշխարհի առաջնության ընթացքում Օզիլի վերաբերյալ այս խոսակցությունները բավական ակտիվ էին: Ռուսաստանում «Հայկական ժամանակ»-ի հետ զրույցում Մունդիալը լուսաբանող գերմանացի լրագրողներից մեկը նշեց, որ թուրքերի նկատմամբ իրենց երկրում բացասական վերաբերմունք չկա: Խնդիրը Ռեջեփ Թայիփ Էրդողանի անձն է: Նա Գերմանիայում ընկալվում է որպես հակադեմոկրատական արժեքների մարմնացում, եւ հենց այդ պատճառով է նրա հետ լուսանկարը քննադատության արժանացել:

Այս օրերին Օզիլը մարզվում է իր թիմի՝ «Արսենալի» կազմում: Լոնդոնցիները նախապատրաստվում են 2018-2019 թթ. մրցաշրջանին: Այսօր՝ հուլիսի 26-ին, նրանք «International Champions Cup» ընկերական մրցաշարի շրջանակներում խաղալու են «Ատլետիկոյի» դեմ:

Տպել
2743 դիտում

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում

Մեքենաների կեսգիշերային մրցավազք Երևանում. վարորդներից մեկը սթափ չի եղել (տեսանյութ)

Շենգավիթում կրկնակի կասեցման ենթարկված և խախտումներ արձանագրած տնտեսավարողները շտկել են խախտումները․ ԱԱՏՄ

Երևանի քաղաքապետ Հայկ Մարությանն այցելել է հիմնանորոգվող մանկապարտեզներ

Որպեսզի ստվերը նկատես եւ նվազեցնես՝ առաջին հերթին պետք է թափանցիկություն եւ հաշվետվողականություն ունենաս. պատգամավոր

Երևանը նոր «կանաչ բնակիչներ» ունի. բուսատեսակները միմյանց հաջորդելով կծաղկեն և քաղաքը միշտ կանաչ կլինի

Փրկարարները դադարեցրել են 30-ամյա քաղաքացու որոնողական աշխատանքները

Երկու ընկերությունների աշխատակազմը միացնելու ենք, որ ավելի մեծ ռեսուրս ունենանք․ Հայկ Եսայան

Ահազանգ է ստացվել «Աջարաբեթ․էյեմ» բուքմեյքերական գլխավոր գրասենյակում ռումբի տեղադրման մասին