Քոչարյանին կալանավորելու հարցով նիստը կկայանա ժամը 11-ին. նա չի ընդունում մեղադրանքը

Շենգավիթ վարչական շրջանի ընդհանուր իրավասության առաջին ատյանի դատարանում ՀՀ երկրորդ նախագահ Ռոբերտ Քոչարյանին կալանավորելու հարցով միջնորդությունը քննելու համար հրավիրված նիստը երեկ գիշեր հետաձգվել է, այն կկայանա այսօր՝ հուլիսի 27-ին, ժամը 11-ին:

Քոչարյանի փաստաբաններից Ռուբեն Սահակյանը հայտնել է, որ Ռոբերտ Քոչարյանը չի ընդունում իրեն առաջադրված մեղադրանքը, նա չի խուսափում եւ, անպայման, կներկայանա դատարան, պարզապես պետք է պատշաճ ծանուցված լինի, ինչը չի եղել գիշերվա նիստի դեպքում: Փաստաբանը նաեւ հավելել է, որ ծանուցումից հետո բոլորը կհամոզվեն դրանում:

Ըստ փաստաբանի, Հատուկ քննչական ծառայության կողմից փորձ է արվում ներկայացնելու, թե Քոչարյանը խուսափում է դատարան ներկայանալուց, մինչդեռ դա այդպես չէ:

Երեկ գիշեր, ինչպես արդեն հայտնել ենք, կեսգիշերն անց Ռոբերտ Քոչարյանին կալանավորելու միջնորդության քննությունը երկու ժամով հետաձգվեց:

Նիստը ընդմիջվել էր մինչեւ 01:30, քանի որ, ըստ Քոչարյանի փաստաբաններից մեկի, նրան ծանուցելու խնդիր կար: Մյուս փաստաբանն էլ հայտնել էր, որ Ռոբերտ Քոչարյանն իր լիազորությունների ժամկետում եւ դրանից հետո չի կարող հետապնդվել եւ պատասխանատվության ենթարկվել իր կարգավիճակից բխող գործողությունների համար:

Հիշեցնենք, որ Ռոբերտ Քոչարյանը երեկ՝ հուլիսի 26-ին ՀՔԾ էր ներկայացել՝ Մարտի 1-ի գործով հարցաքննության: Ավելի ուշ ՀՀ երկրորդ նախագահին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

Այս գործով մեղադրանք է առաջադրվել նաեւ ՀՀ պաշտպանության նախկին նախարար Միքայել Հարությունյանին, նրա նկատմամբ հետախուզում է հայտարարվել:

Հուլիսի 26-ին ՀՔԾ-ում հարցաքննվել է նաեւ ՀԱՊԿ գլխավոր քարտուղար Յուրի Խաչատուրովը, որը 2008 թվականի մարտի 1-ին Երեւանի կայազորի պետն է եղել: Մարտի 1-ի գործով հարցաքննվել է նաեւ նախկին փոխվարչապետ Արմեն Գեւորգյանը, որը 2008 թվականին զբաղեցնում էր ՀՀ Ազգային անվտանգության խորհրդի քարտուղարի պաշտոնը:

Տպել
4828 դիտում

ՌԴ-ից մատակարարվող գազի գնի բարձրացման գումարի տարբերությունը վճարում է «Գազպրոմ Արմենիա»-ն. ՀԾԿՀ նախագահ

Ռուս զբոսաշրջիկների արտահոսքը բացասաբար կազդի ազգային արժույթի վրա. Վրաստանի ազգային բանկ

Անվճար եւ արտոնյալ պայմաններով բժշկական օգնության եւ սպասարկման իրավունք է տրվում մինչեւ 18 տարեկան բոլոր երեխաներին

Էրեբունու ոստիկանները հայտնաբերել են մի ողջ զինանոց

Կառավարության որոշմամբ 13 բասկետբոլիստի տարկետում տրամադրվեց

Համագործակցության ընդլայնման հնարավորություններ. ՀՀ դեսպանի հանդիպումը Ռումինիայի առողջապահության նախարարի հետ

Հայ-վրացական օրակարգը հագեցած է էներգետիկայի և տրանսպորտի ոլորտներում բազմաթիվ հեռանկարային ծրագրերով. Ավինյան

Ազգային հավաքականի 6 ֆուտբոլիստներ ազատվեցին զինծառայությունից

Ոսկերչական արտադրանքի արտահանումը 5 ամսում ունեցել է 86 տոկոսի աճ. Խաչատրյան

Ձեր ինստիտուտի շրջակայքը, երեւի թե, մեկ-երկու ամիս առաջ սեփական ձեռքերով եմ մաքրել. վարչապետը՝ ԵԹԿՊԻ նորընտիր ռեկտորին

Կառավարությունն արտոնություն տրամադրեց «Ռոյալ գլաս գրուպ»-ին եւ «Քանաքեռի կարի ֆաբրիկա»-ին. 42 աշխատատեղ կստեղծվի

Շաբաթներով կարող են պահել. Վրաստանի մաքսավորները խոչնդոտում են հայկական ապրանքների արտահանմանը. հայտարարություն

Այս տարի հունվար-մայիսին ունենք 25 ներդրումային ծրագիր՝ 254 մլն դոլարի ներդրման պայմանով եւ 2379 աշխատատեղով. վարչապետ

Կոնդի առանձնատների համար տարիներով ջրի վարձ չի վճարվել. կառավարությունը 48 մլն դրամ հատկացրեց

Կառավարությունն արտոնություն տրամադրեց «Մանուկյան կոնյակի գործարան»-ին. 42 նոր աշխատատեղ կստեղծվի

Լարսի անցակետի վրացական հատվածում արգելված բեռ տեղափոխելու գործով ավտոբուսի ուղևորներից մեկին մեղադրանք է առաջադրվել

Կառավարությունն առաջարկում է նվազագույն աշխատավարձը դարձնել 68 հազար դրամ. այն կազդի 80 հազար քաղաքացու վրա

Կիեւի մարզային պետվարչակազմի նախագահ է դարձել Միխայիլ Բնո-Հայրիյանը

Մեդվեդեւի վերջին այցի ընթացքում այս առումով կոնկրետ պայմանավորվածություններ ենք ձեռք բերել. Փաշինյան

Հայաստանը շարունակում է գտնվել տնտեսական բավականին բարձր ակտիվության ցուցանիշներում. վարչապետ