Հայրենադարձներին ավելի շատ հուզում է ՀՀ-ում աշխատատեղերի բացակայությունը. Մ. Հայրապետյան

Հուլիսի 24-ից 27-ը սփյուռքի նախարար Մխիթար Հայրապետյանը պաշտոնական այցով Կիպրոսում էր: Այսօր լրագրողների հետ հանդիպման ընթացքում նախարարը ներկայցարեց Կիպրոս եւ ԱՄՆ կատարած պաշտոնական այցերը:

Մխիթար Հայրապետյանը հայտնեց, որ Կիպրոսի Հանրապետություն կատարած պաշտոնական այցը 3 նպատակ է հետապնդել։ Առաջինը՝ նախարարության նախկին ղեկավարության կողմից ստորագրված Հայաստան-Հունաստան-Կիպրոս հուշագրի շարունակականության ապահովում, երկրորդը՝ հայ համայնքի հետ հանդիպումներ, իսկ երրորդը՝ Մելքոնյան վարժարան կատարած այցը։ 

Նախարարը նաեւ հայտնեց, որ Կիպրոսում իրեն է մոտեցել Եգիպտոսի ներգաղթի նախարարը եւ հայտնել Հայաստանի հետ համագործակցությունը խորացնելու ցանկության մասին։ «Սկզբում նախատեսված էր եռակողմ ձեւաչափով հանդիպում, բայց հետագայում այն դարձավ քառակողմ։ Հայաստանը միացավ արդեն իսկ գործող Հունաստան-Կիպրոս-Եգիպտոս հուշագրին։ Արդեն իսկ գործող հուշագրին Հայաստանը քառակողմ ձեւաչափում է ընդգրկված լինելու»,- հայտնեց Մխիթար Հայրապետյանը։ 

Վերջինս տեղեկացրեց, որ քառակողմ հանդիպումը լինելու է սփյուռքի նախարարների մակարդակով եւ քննարկվելու են սփյուռքի հարցերը: 

«Ասեմ այդ երկրների ցանկը՝ Հունաստան, Կիպրոս, Եգիպտոս, սրանք այն երկրներն են, որոնք Հայոց ցեղասպանության հարցում ունեն օբյեկտիվ դիրքորոշում: Արցախի հարցում նույնպես, հատկապես Կիպրոսը 2016 թվականի Ապրիլյան պատերազմի ժամանակ սուր քննադատությամբ էր հանդես եկել ադրբեջանական կողմի վերաբերյալ»,- ասաց Մխիթար Հայրապետյանը: 

Նախարարի փոխանցմամբ՝ առաջին քառակողմ հանդիպումը տեղի ունենա հոկտեմբերին, Երեւանում։ Մխիթար Հայրապետյանը նաեւ ամփոփ ներկայացրեց ԱՄՆ կատարած տասնօրյա աշխատանքային այցը: Նախարարը նշեց, որ ԱՄՆ-ում բացառապես հանդիպումներ է ունեցել հայ համայնքի ներկայացուցիչների հետ։ 

«Խնդիր ունեինք ներկայացնելու հետհեղափոխական ասելիքը սփյուռքին: Սփյուռքում համայնքային ակտիվ կյանքին ներգրավված է 5-10 տոկոսը։ ԱՄՆ-ում, մասնավորապես՝ Լոս-Անջելոսում մեզ հետ հանդիպումներին մասնակցում էր հայ համայնքի փոքրամասնությունը՝ այն մարդիկ, ովքեր ամենաշատն էին մտահոգված Հայաստան-Սփյուռք կապով, ոգեւորված ՀՀ-ում տեղի ունեցող իրադարձություններով»,- ասաց նա: Նշեց, որ իրենք նախ խնդիր ունեն ճանաչելու սփյուռքը եւ մտադիր են գիտական լուրջ հետազոտություններ եւ ուսումնասիրություններ անցկացնել: 

«Օրինակ ԱՄՆ-ում անտեսվել են կենտրոնական այն նահանգները, ովքեր իսկապես ցանկանում են աշխատել Հայաստանի հետ: Սփյուռքի նախարարությունը իր առջեւ խնդիր է դրել աշխատել բոլորի հետ ստեղծել հնարավորություն բոլոր այն մարդկանց համար, ովքեր պատրաստ են համագործակցել հանուն Հայաստանի եւ Արցախի կայուն զարգացման, հանուն սփյուռքում հայկական կառույցների հզորացման»,- ասաց նախարարը: 

Անդրադառնալով Հայաստանում ներդրումներ կատարելուն, նախարարը հայտնեց, որ մեր հայրենակիցները հետաքրքրվում են հնարավոր արտոնություներով, բարձրաձայնում հայրենադարձության հետ կապված հարցեր եւ որ դրանցից ամենակարեւոր հարցերից է ՀՀ-ում աշխատատեղերի խնդիրը, որը մեկ օրում լուծելու խնդիր չէ: 

«Մեր հայրենադարձներն ինձ ավելի շատ հարցնում էին ոչ թե հայրենադարձության ռազմավարության ծրագրի կամ Ազգային ժողովում հայրենադարձության մասին օրենքի նախագծի վերաբերյալ, այլ անձնական գույքի տեղափոխման, մաքսազերծման հետ կապված այստեղ ապրելու մտավախություններ կան: Վերադառնալու ցանկությունն աննկարարգրելի մեծ է հատկապես այն մարդկանց, ովքեր վերջին տարիներին ինչ-ինչ դրդապատճառներից ելնելով են գնացել»,- ասաց նախարարը:

Տպել
2189 դիտում

Ղարա դաշ. համացանցում հայտնվել է լուսանկար, որում հավանաբար գրավված ադրբեջանական դիրքն է

«ՈւԱԶ»-ային սադրանք հայ-ադրբեջանական սահմանին. 2 օրվա խրոնիկա

Մնացականյանը ԵՄ բարձրաստիճան պաշտոնյային ներկայացրել է հայ-ադրբեջանական սահմանին տիրող իրավիճակը

Ամբողջ սելավը կարկուտի տեսքով լցվել է մեր տուն. գյումրեցի Ավագյաններն արտակարգ իրավիճակում են հայտնվել (լուսանկարներ)

Ադրբեջանի գործողությունները կարող են ավերիչ ազդեցություն ունենալ տարածաշրջանի համար. Ադամ Շիֆ

Հակամարտությունը սրվել է. աշխարհի առաջատար լրատվականների ուշադրության կենտրոնում հայ-ադրբեջանական սահմանի իրավիճակն է

Զինված ուժերից զորացրվում են ժամկետային ծառայությունն ավարտած զինծառայողները

Իտալացի պատգամավորները համերաշխություն են հայտնել հայ ժողովրդին՝ շուտափույթ խաղաղություն ակնկալելով

ՊՆ-ն կոչ է անում ԶԼՄ-ներին ձեռնպահ մնալ հավանական մարտական գործողությունների տարածք հանդիսացող գոտիներ մուտք գործելուց

Դատապարտում ենք բնակչության հանցավոր թիրախավորումը, ինչը միջազգային հումանիտար իրավունքի բացահայտ խախտում է. Նաղդալյան

Ադրբեջանական բանակը ռազմական առումով ջախջախիչ պարտություն է կրել․ Արծրուն Հովհաննիսյան

Գայանե Աբրահամյանը երեկվանից մշտական կապի մեջ է միջազգային տարբեր հարթակների գործընկերների հետ

Գյումրու փողոցները մաքրվում են սառույցից, շենքերի նկուղները՝ ջրից. ԱԻՆ-ը արդեն 125 կանչ է ստացել (լուսանկարներ)

Չտրվեք սադրանքներին. մենք կորուստներ չունենք. Արծրուն Հովհաննիսյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Կեղծ լուր տարածող օգտատիրոջ էջը կոտրել են. կարճ ժամանակ անց ճշտվել է օգտատիրոջ անձը

Արցախի ԱԳՆ-ն դատապարտել է Ադրբեջանի կողմից Տավուշի ուղղությամբ հայ-ադրբեջանական սահմանին հրադադարի ռեժիմի կոպիտ խախտումը

Արման Եղոյանը հեռախոսազրույց է ունեցել Հայաստանում Եվրամիության պատվիրակության ղեկավար Անդրեա Վիկտորինի հետ

Ղազախստանի ԱԳՆ-ն խորապես մտահոգված է հայ-ադրբեջանական սահմանին տեղի ունեցածի առնչությամբ

ՌԴ-ում Հայաստանի և Ադրբեջանի դեսպաննները «Խոսում է Մոսկվան» ռադիոկայանի եթերում մեկնաբանել են սահմանային միջադեպը