Սամվել Հարությունյանն ու Դանիել Իոաննիսյանը մեկը մյուսին դատի են տվել

ՀՀ ԿԳՆ գիտության պետական կոմիտեի նախագահ Սամվել Հարությունյանը դիմել է Երեւան քաղաքի ընդհանուր իրավասության դատարան` ընդդեմ «Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանի: Հարությունյանը պահանջում է փոխհատուցել իր պատվին ու արժանապատվությանը պատճառված վնասը:

Գիտության պետական կոմիտեի լրատվական ծառայությունից այս առնչությամբ պարզաբանեցին, որ հայցադիմում ներկայացնելու հիմք են հանդիսացել Իոաննիսյանի կողմից Հարությունյանի հասցեին արված մի շարք արտահայտություններ, որոնք վերաբերում են մասնավորապես կոռուպցիոն բնույթի երեւույթներում ներգրավվածությանը եւ արատավորում են ոչ միայն Սամվել Հարությունյանի պատիվն ու արժանապատվությունը, այլեւ ստվերում են ամբողջ կոմիտեի հեղինակությունը: Սամվել Հարությունյանը Դանիել Իոաննիսյանից պահանջում է հրապարակայնորեն հերքել զրպարտությունը, իսկ որպես փոխհատուցում ակնկալում է երկու միլիոն դրամ: Բռնագանձված գումարը նա մտադիր է տրամադրել Հայաստանի մանկատներից մեկին: Այլ մանրամասներ կոմիտեից չտրամադրեցին:

«Նախ ասեմ, որ ես որեւիցե մեկին չեմ զրպարտել ճիշտ այնպես, ինչպես անցյալ տարի չէի զրպարտել երեսուն դպրոցների տնօրեններին, որոնք ինձ զրպարտության համար դատի էին տվել եւ հետո հայցերից սկսեցին հրաժարվել: Իսկ կոնկրետ Սամվել Հարությունյանի դեպքում պետք է ասեմ, որ մենք («Իրազեկ քաղաքացիների միավորում»-ը-խմբ.) ինտենսիվորեն ուսումնասիրում ենք նրա ղեկավարած կառույցի գործունեությունը վերջին տարիներին, եւ հայտնաբերվել են բավականին խնդրահարույց բաներ: Ու մենք առաջինը չենք, որ այդ կառույցում հայտնաբերել ենք կոռուպցիոն ռիսկեր: Այդտեղ խնդիրներ հայտնաբերել էր նաեւ նախագահի վերահսկողական ծառայությունը դեռ տարիներ առաջ»,- անդրադառնալով Գիտության պետական կոմիտեի հայցադիմումին՝ ասաց Դանիել Իոաննիսյանը: Իրազեկ քաղաքացիների միավորումն իր հերթին դիմել է դատարան՝ ընդդեմ կոմիտեի: Նաեւ՝ վերջնիս վերադաս Կրթության եւ գիտության նախարարություն: Գիտության պետական կոմիտեն, ըստ Իոաննիսյանի, չի պատասխանում իրենց որոշ հարցումների, ինչի իրավաչափությունն էլ վիճարկում են:

Դանիել Իոաննիսյանը թվարկեց, թե կոմիտեում խնդիրներն օրինակ, ինչի հետ են կապված՝ գիտական գործուղումների բյուջետային ծախսեր, լավագույն գիտնականների ընտրություն: «Եվ մենք ունենք տեղեկատվություն, որ այնտեղ ուղիղ կոռուպցիոն դրսեւորումներ են եղել, այսինքն՝ որ թեմատիկ ֆինանսավորման ներգրավվել են անձինք, որոնք իրականում չեն զբաղվել գիտությամբ եւ որոնց աշխատավարձը գնացել է որոշ չինովնիկների: Մենք ունենք տեղեկատվություն, որ այնտեղ որոշակի գործարքներից ուղղակի կոռուպցիոն ատկատներ են եղել: Այդ տեղեկությունների ապացույցների հավաքագրումը եւս իրականացվում է: Դրանք մասամբ հավաստի աղբյուրներից ստացված տեղեկություններ են՝ մասամբ արդեն հիմնավորված»,- ասաց Դանիել Իոաննիսյանը:

Կոռուպցիայի մասին վկայող կոնկրետ օրինակներ նա չբերեց: «Մենք այս պահին հետաքննության իրականացման փուլում ենք, չեմ ուզում քարտերը բացել, որպեսզի չխոչընդոտվի հետաքննության ընթացքը: Ամեն դեպքում անպայման հրապարակելու ենք, անպայման հանրությանը ներկայացնելու ենք, իրավապահներին ներկայացնելու ենք: Այնտեղ կան այնպիսի դրսեւորումներ, որոնցով պետք է զբաղվեն իրավապահները, կան այնպիսի դրսեւորումներ, որոնցով պետք է զբաղվի օրինակ վարչապետի վերահսկողության ծառայությունը, եւ փաստերը հավաքագրելուց հետո մենք բացի հանրությանը ներկայացնելուց, նաեւ համագործակցելու եք այդ մարմինների հետ»,- պատասխանեց ՀԿ ներկայացուցիչը:

Ավելի վաղ, երբ Սամվել Հարությունյանի կոռումպացվածության մասին հերթական պնդումները եղան, ԿԳ նախարար Արայիկ Հարությունյանն առաջարկեց փաստեր ներկայացնել: Դրան համապատասխան արձագանք չի եղել: «Արայիկը Հարությունյան ո՛չ Հատուկ քննչական ծառայություն է, ո՛չ ԱԱԾ է եւ ո՛չ էլ վարչապետի վերահսկողական ծառայություն է: Արայիկը Հարությունյանը ավելի լավ է բացատրի, թե ինչու է այդ պաշտոնում վերանշանակելու համար ներկայացրել մեկին, որի, այսպես ասած, տանիքը, նախկինում եղել է Սերժ Սարգսյանի եղբայր Լեւոն Սարգսյանը: Ամեն դեպքում նախորդ իշխանությունների ժամանակ գիտության ոլորտի վերահսկողը Լեւոն Սարգսյանն էր: Որո՞նք են Սամվել Հարությունյանի արժանիքները: Արայիկ Հարությունյանը ավելի լավ է թող այդ հարցին պատասխանի»,- նկատեց Իոաննիսյանը:

Ի դեպ, վերջերս, ԿԳ նախարար Արայիկ Հարությունյանը մի առիթով խոսեց այն մասին, որ Դանիել Իոաննիսյանի մայրն առաջարկել է իրեն նշանակել գիտության գծով նախարարի խորհրդական, ինչը մերժվել է՝ այդպիսով ակնարկելով, որ Գիտպետկոմի նախագահի թիրախավորման արմատները կարող են այստեղ լինել: «Ճիշտն ասած՝ իմ մայրը տասը տարուց ավելի տարբեր ուսումնասիրություններ է արել Հայաստանի գիտության մենեջմենթի հետ կապված, եւ ինքը Սամվել Հարությունյանի մասին իր անփոփոխ կարծիքն ունեցել է մի՛շտ: Այո, Արայիկ Հարությունյանին մայրս առաջարկել է, որ արտահաստիքային խորհրդական նշանակվի գիտության գծով, որ ինքը կարող է գիտության ծգով խորհուրդներ տալ նախարարին եւ դա նորություն չէ: Մայրս դեռ Լեւոն Տեր-Պետրոսյանի նախագահության օրոք գիտության գծով խոհրդատվություն տվել է այն ժամանակ նախագահի աշխատակազմին: Այսինքն՝ մայրս այդ հարցով կոմպետենտ է, բայց դա կապ չունի: Սամվել Հարությունյանի կոռումպացված լինել կամ չլինելը կապ չունի Արայիկ Հարությունյանի հետ մեր հարաբերությունների հետ: Արայիկ Հարությունյանն ուղղակի շատ անազնիվ պատասխան է տվել բարձրացված հարցին: Բովանդակային պատասխանից խուսափելով փորձել է հարցադրողի հավատաքննությամբ զբաղվել»,- ԿԳ նախարարին արձագանքելով՝ ասաց Դանիել Իոաննիսյանը:

Տպել
2608 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը