Քննարկվում է ՀԱՊԿ-ի գլխավոր քարտուղար Խաչատուրովի փոխարինման հարցը․ Աննա Նաղդալյան

Ներկայումս կազմակերպության տարբեր հարթակներում քննարկումներ են ընթանում ՀԱՊԿ-ի գլխավոր քարտուղարի փոփոխության հետ կապված, որը ձեռնարկել է Հայաստանը: 

Այս մասին օգոստոսի 28-ին կայացած մամուլի ասուլիսին հայտարարել է Հայաստանի Հանրապետության արտգործնախարարության մամուլի քարտուղարի ժամանակավոր պաշտոնակատար Աննա Նաղդալյանը:

Նա հիշեցրեց, որ Հայաստանը նախաձեռնել է ՀԱՊԿ գլխավոր քարտուղարի փոփոխությունը, իսկ վերջնական որոշումը կայացվելու է ՀԱՊԿ Հավաքական անվտանգության խորհրդում կոնսենսուսի հիման վրա: «Ներկայումս կազմակերպության տարբեր հարթակներում քննարկումներ են ընթանում»,- ասաց նա:

ՀԱՊԿ-ում 2015 թ.-ից գործում է գլխավոր քարտուղարի նշանակման ռոտացիոն համակարգը՝ 3 տարի ժամկետով։ Միեւնույն ժամանակ թեկնածուն նշանակվում է այդ պաշտոնին անդամ պետությունների ղեկավարների կոնսենսուսային համաձայնության եղանակով։

Այս եղանակով ՀԱՊԿ առաջին գլխավոր քարտուղար է նշանակվել Հայաստանի ներկայացուցիչ Յուրի Խաչատուրովը, որի նկատմամբ, սակայն ՀՀ-ում տեղի ունեցած «թավշյա հեղափոխությունից» հետո Երեւանում 2008 թվականի մարտի 1-ին տեղի ունեցած դեպքերի կապակցությամբ Յուրի Խաչատուրովին մեղադրանք էր առաջադրվել:

Նա մեղադրվում է սահմանադրական կարգը տապալելու համար։ Այս կապակցությամբ Երեւանը նախաձեռնել էր ՀԱՊԿ գլխավոր քարտուղարի պաշտոնից Յուրի Խաչատուրովին հետ կանչելու գործընթացը: Այժմ դեռեւս անհասկանալի է՝ կմնա արդյո՞ք ՀԱՊԿ գլխավոր քարտուղարի պաշտոնը Հայաստանին՝ մինչ երեք տարվա ժամկետի ավարտը:

Մինչ այդ, ԱԳՆ-ից հայտնել էին, որ Հայաստանը ձգտում է, որպեսզի Խաչատուրովին փոխարինի իր ներկայացուցիչը։ Այս հարցի շուրջ ՀՀ վարչապետ Նիկոլ Փաշինյանը քննարկումներ է ունեցել ՌԴ, Ղազախստանի եւ Բելառուսի ղեկավարների հետ։

Վերջերս ՌԴ ու Ղազախստանի նախագահները Խաչատուրովի շուրջ ստեղծված իրավիճակը «խնդրահարույց» էին անվանել։ Իսկ Բելառուսի նախագահ Ալեքսանդր Լուկաշենկոն հեռուստահարցազրույցի ժամանակ հայտարարել էր, որ ՀԱՊԿ գլխավոր քարտուղար Յուրի Խաչատուրովի շուրջ ստեղծված իրավիճակը իր եւ ՌԴ նախագահ Վլադիմիր Պուտինի վերջին հանդիպման քննարկումներից մեկն է եղել:

«Պուտինի առաջարկով մենք քննարկեցինք ՀԱՊԿ-ի եւ Հայաստանում Խաչատուրովի ձերբակալման հարցը: Մեր դիրքորոշումը պարզ է եւ հասկանալի: Ժամանակին մենք առաջարկում էինք այլ թեկնածուներ, բայց մեզ չլսեցին»,- ասել է նա։

Նա նշել էր, որ Սոչիում հանդիպման ժամանակ ՌԴ եւ Բելառուսի նախագահները «ավելի խորն են նայել այս խնդրին` Հայաստանի նոր ղեկավարության եւ այն քաղաքականության տեսանկյունից, որը վարում է Նիկոլ Փաշինյանի կառավարությունը»:

Նշենք նաեւ, որ Յուրի Խաչատուրովի շուրջ ստեղծված իրավիճակում Բելառուսը պայքարում է, որպեսզի գլխավոր քարտուղարի պաշտոնը տրվի իրեն:

Վերջին շրջանում հայաստանյան մամուլում լուրեր տարածվեցին, որ ՀՀ իշխանությունները ՀԱՊԿ գլխավոր քարտուղար Յուրի Խաչատուրովի փոխարեն ցանկություն են հայտնել առաջադրել ՀՀ Պաշտպանության նախկին նախարար (1999-2000թթ.) Վաղարշակ Հարությունյանի թեկնածությունը։

Համաձայն նույն լուրերի, ՀՀ իշխանությունները Վաղարշակ Հարությունյանի թեկնածությունը դիտարկելով՝ փորձում են սիրաշահել ռուսական կողմին՝ հաշվի առնելով Հարությունյանի փորձառությունը, անցած պրոֆեսիոնալ ճանապարհը եւ ռուսական կողմի՝ նրա նկատմամբ դրական վերաբերմունքը։

Տպել
1848 դիտում

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա