Երևան
12 °C
«Ռոստեխ» պետական ռազմական կորպորացիայի միջազգային կապերի եւ տարածաշրջանային քաղաքականության բաժնի տնօրեն Վիկտոր Կլադովը հայտարարել է, որ ռուսական հակաօդային պաշտպանության С-400 հրթիռային կայանները կսկսեն մատակարարվել Թուրքիա արդեն հաջորդ տարվա ընթացքում: Այդ մասին Կլադովը հայտնել է օգոստոսի 27-ին թուրքական «Anadolu» գործակալությանը տված հարցազրույցում: Ավելի վաղ «Ռոստեխ» ընկերության գլխավոր տնօրեն Սերգեյ Չեմեզովը հայտնել էր, որ մատակարարումները սկսվելու են 2020 թ. մարտին:
Կլադովը նշել է նաեւ, որ «Ռոստեխ»-ը պատրաստակամ է Թուրքիային օգնել նաեւ քաղաքացիական եւ բարձր տեխնոլոգիաների ոլորտներում: Նա մասնավորապես առանձնացրել է համատեղ տիեզերական գործակալություն հիմնելու ուղղությամբ հնարավոր աշխատանքների մասին՝ նշելով, որ «Ռոստեխի» դուստր ձեռնարկություն հանդիսացող «Ռոսոբորոնէքսպորտ»-ը մասնակցել է թուրքական Turksat 4A արբանյակի արձակմանը։ «Ռոստեխի» ներկայացուցիչը խոսել է նաեւ լեռնային հանքարդյունաբերության եւ բժշկական ոլորտներում անհրաժեշտ բարձր տեխնոլոգիաների մասով համագործակցության հնարավորության մասին:
Թուրքիային մատակարարվելիք ռուսական С-400-ների մասին խոսվում էր դեռեւս անցած տարվանից: 2017 թ. սեպտեմբերի 12-ին Թուրքիայի նախագահ Ռեջեփ Թայիփ Էրդողանը հայտարարել էր, որ հակաօդային հրթիռային համակարգերի ձեռքբերման մասին պայմանագիրն արդեն ստորագրվել է, իսկ կանխավճարը փոխանցվել: Հատկանշական է, որ Թուրքիան, չնայած մեծ ցանկությանը՝ բավարար միջոցներ չուներ համակարգերի ձեռքբերման համար: «Ռոստեխ» ընկերությունը այդպես էլ զիջումների չգնաց գնի հարցով, արդյունքում թուրքական կողմը ստիպված վարկ վերցրեց Ռուսաստանից՝ ռուսական զենքը գնելու նպատակով: Այս առումով հատկանշական է, որ «Ռոստեխը», որը սկզբունքայնորեն զիջումների չէր գնում С-400-ների գնի հարցում, ընդառաջեց թուրքական կողմին ժամկետի հարցում:
Անցյալ տարվա դեկտեմբերի 29-ին կողմերն ավարտին հասցրեցին C-400 համակարգերի ձեռքբերման գործարքի ձեւակերպումը: Ըստ համաձայնագրի՝ Թուրքիան 2 միլիարդ 500 միլիոն դոլարի վարկ վերցրեց Ռուսաստանից՝ հակաօդային պաշտպանության ռուսական համակարգերը ձեռքբերելու նպատակով:
Փաստորեն, 2019 թ. ընթացքում Թուրքիան կդառնա ՆԱՏՕ-ի անդամ առաջին պետությունը, որը կունենա ռուսական С-400 համակարգեր: Շատ փորձագետներ շտապեցին մեկնաբանել այդ փաստը որպես Թուրքիայի՝ ՆԱՏՕ-ից հեռանալու քայլ: Նման պնդումներին ի պատասխան Անկարայից հնչում էր արդարացում, թե Թուրքիան ստիպված էր գնալ այդ քայլին: Մասնավորապես անցյալ տարվա նոյեմբերին ԱՄՆ կատարած այցի շրջանակներում Թուրքիայի վարչապետ Բինալի Յըլդըրըմը հայտարարել էր, որ Թուրքիան նախ փորձել է ՆԱՏՕ-ի անդամ երկրներից ձեռքբերել հակաօդային համակարգ, սակայն աջակցություն չի ստացել եւ որոշել է դիմել Ռուսաստանին:
«C-400-ը մեր քմահաճույքը չէ՝ դա անհրաժեշտություն է: Մենք ցանկանում էինք հակաօդային համակարգեր ձեռք բերել ՆԱՏՕ-ի անդամ երկրներից, սակայն չստացանք անհրաժեշտ աջակցությունը ԱՄՆ-ի կողմից: Համագործակցությունը Ռուսաստանի հետ մեզ պետք է, քանի որ մենք չունենք հակաօդային ժամանակակից համակարգ», - ասել էր Յըլդըրըմը՝ հավելելով, որ Թուրքիան մտադիր չէ հրաժարվել ՆԱՏՕ-ից:
Վերադառնալով Կլադովի հարցազրույցին, հարկ է նշել, որ ռուս-թուրքական ռազմական համագործակցության խորացման պայմաններում ռուսական ընկերության «գովազդը» թուրքական պարբերականի էջերից միանգամայն տրամաբանական է: Պաշտոնական Մոսկվան փորձում է հնարավորինս սերտացնել հարաբերությունները Անկարայի հետ՝ ԱՄՆ-ի եւ Թուրքիայի հարաբերությունների խորացող ճգնաժամի պայմաններում:
Ընդ որում, այդ ճգնաժամը, ըստ Թուրքիայի արտաքին գործերի նախարար Մեւլութ Չավուշողլուի՝ հնարավոր չէ հաղթահարել ԱՄՆ ներկայիս դիրքորոշման պարագայում: Այդ մասին նա հայտարարել է Թուրքիայի դեսպանների եւ մշտական ներկայացուցիչների հետ հանդիպման ընթացքում:
«Թուրք-ամերիկյան հարաբերությունների ճգնաժամը կարելի Է հեշտությամբ հաղթահարել, բայց ոչ ԱՄՆ-ի վարչակազմի ներկայիս դիրքորոշման պայմաններում», - ասել է Չավուշողլուն:
Պաշտոնական Անկարան պարբերաբար մեղադրանքներ է հնչեցնում ԱՄՆ-ի հասցեին՝ նշելով, որ նրանք զինում են քրդերին, ինչն ուղղակիորեն սպառնում է Թուրքիայի ազգային անվտանգությանը: Թուրք-ամերիկյան հարաբերությունների վրա բացասական ազդեցություն է թողնում նաեւ Իսրայելի նկատմամբ տրամագծորեն հակառակ վերաբերմունքը: Այդ թեմայով թուրք-ամերիկյան «հակամարտությունը» հասավ իր գագաթնակետին այն բանից հետո, երբ ԱՄՆ նախագահ Դոնալդ Թրամփը ճանաչեց Երուսաղեմը որպես Իսրայելի մայրաքաղաք: Տնտեսական հարաբերություններում խնդիրները էլ ավելի շատ են:
С-400-ների գործարքը եւս խնդիրներ է առաջացրել հարաբերություններում: ԱՄՆ պետքարտուղարի՝ Եվրոպա եւ Եվրասիայի գործերով խորհրդական Ուես Միթչելը հունիսի 26-ին հայտարարել է, որ հակաօդային պաշտպանության համակարգերի ձեռքբերումը կհանգեցնի ԱՄՆ-ի կողմից Թուրքիայի նկատմամբ պատժամիջոցների կիրառմանը: Ստացվում է, որ Թուրքիան՝ փորձելով անկախ քաղաքականություն վարել, ստացավ հակառակ արդյունքը: Մի կողմից ռուսական երկուսուկես միլիարդ դոլարի վարկը, մյուս կողմից ամերիկյան պատժամիջոցների վտանգը:
«Հայկական Ժամանակ»-ը Telegram-ում
Անցած 3 օրում գրանցվել է 32 ավտովթար․ 48 մարդ ստացել է տարբեր աստիճանի մարմնական վնասվածքներ
Առցանց վեբինար հարցուպատասխան՝ էսսեի ձևաչափով 9-րդ դասարանի ավարտական քննության վերաբերյալ
Օնլայն վարկ AMIO Mobile-ում
Ավիահարվածներ են հասցվել Թեհրանի միջազգային օդանավակայանի, Ազգային բանկի մասնաճյուղի ուղղությամբ
Բյուրեղավանի «Արև» մանկապարտեզի խոհանոցի արտադրական գործունեությունը կասեցվել է
Բացվել է Հովհաննես Չեքիջյանի անվան Հայաստանի ազգային ակադեմիական երգչախմբի անվանատախտակը
Հայտնի են ծանրամարտի Եվրոպայի առաջնությունում Հայաստանի հավաքականների կազմերը
Ֆլորիդայում ԱԹՍ-ն քիչ է մնացել բախվի Թրամփի ինքնաթիռին. տեսանյութ
Ընդունում եմ ռուսաստանցի օլիգարխի զարմիկի գրազի առաջարկը և գրազ եմ գալիս 1 միլիարդ դոլարի վրա. Ռուբինյան
Խոշոր ու շղթայական ավտովթար Երևան-Երասխ ճանապարհին. մեքենաները վերածվել են ջարդոնի․ կան զոհ և վիրավոր
Անվտանգության նկատառումներից ելնելով՝ Ամերիկյան համալսարանում դասերը մարտի 30-ին կանցկացվեն առցանց
Սա ոչ այլ ինչ է, քան աղանդ՝ Կտրիճ Ներսիսյանի գլխավորությամբ. նրանք որոշում են՝ ով մտնի եկեղեցի. Հարությունյան
Եթե շատ եք ուզում, կարող ենք գրազ էլ գալ, ուղղակի ազնիվ չէ 100-տոկոսանոց ելքով հարցի շուրջ գրազ գալը. Եղոյան
Ախթալայի ավտոտնակներից մեկում մեքենա է այրվել․ կա տուժած
Պատերազմի եռագլուխ կուսակցության պնդումը ցինիկ սուտ է. վարչապետը՝ խաղաղության պատկերացումների մասին
Սրիկաների վերջին հանգրվանը ոչ թե հայրենասիրությունն է, այլ քրեակատարողական հիմնարկը. Թորոսյան
Վերին Լարսում երթևեկությունն արգելված է բոլոր տրանսպորտային միջոցների համար
Շուրջ 8 մլն մարդ դուրս է եկել լայնածավալ ցույցերի՝ բողոքելով Թրամփի քաղաքականությունից. լուսանկարներ
Ժաննա Անդրեասյանը հանդիպել է աշակերտների և ուսանողների հետ՝ լսելու նրանց հարցերն ու առաջարկները. տեսանյութ
Իրանի ԱԳ նախարարը հայերեն գրառում է կատարել
Շնորհակալություն եմ հայտնում բոլոր կուսակցական ընկերներիս. ՀՀ վարչապետ
Բարի լույս, լավ օր, սիրում եմ բոլորիդ. Փաշինյան. տեսանյութ
Հութիները խառնում են ԱՄՆ-ի խաղաքարտերը Իրանի դեմ պատերազմում. ինչպես է մեծանում նավթային ճգնաժամի վտանգը
Բելառուսի հավաքականը 2։1 հաշվով հաղթեց Հայաստանի ընտրանուն
0-1. ընթանում է Հայաստան-Բելառուս ընկերական ֆուտբոլային հանդիպումը
Գնացինք կեցավայր. ՀՀ վարչապետը տեսանյութ է հրապարակել
Մարդատյաց արնախումերի ոհմակը նույնիսկ եկեղեցում է մնում այդպիսին. Ղազարյանը՝ միջադեպի մասին
Վարչապետն իրական Հայաստանի քարտեզների մակետներն է նվիրում երեխաներին ու անցորդներին. տեսանյութ
Սուրբ Աննա եկեղեցում տեղի ունեցած միջադեպի առթիվ նախաձեռնվել է քրեական վարույթ. ՔԿ
Գողթ բնակավայրում վրաերթի են ենթարկվել մայրն ու 8-ամյա երեխան
ՀՀ ավտոճանապարհներին գրանցվել են քարաթափումներ․ փրկարարները հեռացրել են թափված քարերը
Սուրբ Աննա եկեղեցում տեղի ունեցած միջադեպից հետո ձերբակալվել է 3 անձ. նրանք և փաստաթղթերը փոխանցվել են ՔԿ
Թաց ձյուն, անձրև և քամի. մարզերում ու Երևանում առաջիկա օրերին ինչպիսի եղանակ է սպասվում
Կսկսեն սրտաճմլիկ հոդվածներ գրել, թե վարչապետին հարվածել փորձողն ինչ հայրենասեր ու ազնիվ մարդ է. Թունյան
Շարունակվում են հանդիպումները Էրեբունի վարչական շրջանում․ Նիկոլ Փաշինյան. տեսանյութ
«Յարխուշտա»-ն այսուհետև կհնչի որպես Հայաստանի ֆուտբոլի ազգային հավաքականի պաշտոնական հիմն. տեսանյութ
Իրաքյան Քուրդիստանի նախագահի տունը ենթարկվել է անօդաչու թռչող սարքի հարձակման
«Թեմու»-ի հետ բանակցում ենք, որ հայկական արտադրանքն իրենց հարթակներում ներկայացվի. Փաշինյան
Երկրի ղեկավարի նկատմամբ ֆիզիկական բռնության ցանկացած փորձ պետականության հիմքերը սասանելու փորձ է. Մանավազյան
ԱՄՆ-ն Իրանի դեմ գործողության ընթացքում հարվածել է ավելի քան 11 հազար թիրախի. ԱՄՆ կենտրոնական հրամանատարություն
