Սեւանա լճի դեմ հատուկ արշավ է կազմակերպվել. «Սեւան ազգային պարկ»-ի տնօրեն

Անցյալ շաբաթ ԱԺ-ի դիմաց մի շարք բնապահպաններ ցույց էին կազմակերպել, որպեսզի ԱԺ-ն չընդունի Սեւանա լճից լրացուցիչ ջրառի մասին կառավարության ներկայացրած օրինագիծը: «S.O.S Սեւան» նախաձեռնության անդամների խոսքով՝ Սեւանում իրավիճակը վատթարացել է եւ անգամ այն աստիճանի է հասել, որ զբոսաշրջիկների քանակը պակասել է: Որոշ բնապահպաններ նշում են, որ ջուրը աղտոտված է: ՀԺ-ն զրուցեց «Սեւան ազգային պարկ» ՊՈԱԿ-ի տնօրեն Վահե Գուլանյանի հետ:

- Պարոն Գուլանյան, ճի՞շտ է, որ այս տարի Սեւանա լճի զբոսաշրջիկների թիվը պակասել է ջրի աղտոտվածության պատճառով:

- Այո, շատ է նվազել եւ սա լրատվամիջոցների ընդամենը դիտումներ հավաքելու գործիքների կիրառման պատճառով է եղել: Այս տարի ինչպես նախորդ տարիներին, սկզբում լավ հոսք սկսեց, սակայն հետո ինչ-որ բաներ են հնարում, թե հերթեր կան, կենդանիներ կան եւ այլն, ամեն տարի մի բան հնարում են, ու կեսից այցելուների թիվը պակասում է: Հեղափոխությունից հետո, աննախադեպ շուտ` մայիս ամսից սկսեց Սեւանը աննախադեպ աշխատել: Մեկ ամսից լրատվական արշավ եղավ, խոսում են աղտոտվածության մասին` ջրիմուռների կանաչում, դա ամեն տարի լինում է: Այս տարի ջրի ջերմաստիճանը բարձր էր ջրիմուռների քանակը շատացավ, բայց հիմնական հանգստի գոտում չկար նման բան եւ մարդիկ կարող էին հանգիստ լողալ:

Այն կանխատեսումները, որ մենք ձմռանը անում էինք` ջրի սպիտակումը, մենք նշեցինք, որ դա բնական է եւ դա ջերմաստիճանի պատճառով է, այս ամենը օգտագործվեց մեր դեմ: Որոշակի լրատվամիջոցներ սկսեցին խոսել, թե Սեւանը խնդիր ունի ջրի որակի պահպանման: Դա բոլորս գիտենք, բայց վերջին 5 տարվա մեջ որոշակի տարրեր չեն փոխվել, նույնն է: 10 տարի առաջվա եւ ներկայիս ցուցանիշները, եթե համեմատենք, ապա կտեսնենք, որ շատ բան չի փոխվել: Եթե վերցնենք խորհրդային տարիների եւ ներկայիս արդյունքները, մենք կտեսնենք, որ դրական արդյունքներ ենք գրանցել բավականին շատ: Նույն բանը կենդանաբանական այգու պարագայում արեցին, ասացին՝ այստեղ տուբերկուլյոզ կա եւ վերջ, այնտեղ սկսեցին շատ քիչ մարդիկ գնալ:

- Ովքե՞ր են այդ արշավները կազմակերպում Սեւանա լճի դեմ:

- Բոլոր լրատվամիջոցները, երբ թեման դառնում է ծեծված, սկսում են նյութեր վերահրապարակել, հիմնական խոսակցությունը սկսվեց մի քանի լրատվամիջոցներից: Կարծում եմ՝ դժվար չի, կարող եք բացել, տեսնել, թե որ լրատվամիջոցները սկսեցին սկզբունքային սխալ նյութեր հրապարակել:

- Այս տարի նախորդ տարվա համեմատ քանի՞ տոկոսով է նվազել Սեւանա լճի այցելուների թիվը:

- Ես կարծում եմ՝ այս տարի նախորդ տարվա համեմատ, 30 տոկոսով նվազել է այցելուների թիվը: Եւ դա էլ սկզբնական հատվածում է եղել, դրանից հետո Սեւանում գրեթե մարդ չկար: Շաբաթվա մեծ մասը նամանավանդ աշխատանքային օրերին դատարկություն էր Սեւանում: Փոխարենը ավելացավ դեպի Սեւ ծով եւ Վրաստանի հանգստյան գոտիներ մեկնող զբոսաշրջիկների թիվը:

- Փաստորեն, Սեւանի հանգստյան գոտիների տերերը տուժե՞լ են:

- Մենք այսօր այդ հարցն էինք քննարկում, նույնիսկ մեկ անգամ բողոքի ակցիա եղավ, մարդիկ ճանապարհ փակեցին, ուղղակի չգիտեին՝ ինչից բողոքել: Ասում էին՝ լավ, ի՞նչ անենք: Ես անգամ Սեւանի ջրից խմեցի՝ ցույց տալով, որ դա մաքուր է, բայց դրանից հետո սկսեցին նորից լուրեր տարածել, իբր խմել եմ եւ ընկել հիվանդանոց: Մարդիկ չեն կարողանում այդ հանգստյան գոտիների վարձավճարները վճարել:

- Իսկ բնապահպանության եւ առողջապահության նախարարությունները ի՞նչ քայլեր են ձեռնարկել՝ խնդրին լուծում տալու համար:

- Առողջապահության նախարարությունը հրապարակում արեց, այդ հրապարակումը նույնպես օգտագործեցին այնպես, ինչպես ուզում են: Դրանից հետո առողջապահության նախարարը եկավ եւ անձամբ լողաց այդ հատվածներում, որպեսզի ցույց տա, որ ժողովուրդ, մենք խոսում ենք, որ մարդը չգնա այդ կանաչ զանգվածը խմի եւ եթե լողանում է, դրանից վնաս չկա: Բնապահպանության նախարարարը հրապարկումներով հանդես եկավ, որ սա արտառոց չի, բոլոր նյութերը թույլատրելի սահմաններում են:

Տպել
996 դիտում

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում

Իմ սպասումն է, որ ժողովրդի կարիքները հանգրվանային կերպով իրագործվեն. Արամ Ա-ն՝ Նիկոլ Փաշինյանին (տեսանյութ)

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում