Հետախուզման մեջ գտնվող բռնցքամարտիկը ձերբակալվել է, հետո համաձայնել ծառայել բանակում

Բռնցքամարտիկ Նիկոլ Հարությունովը, որը հետախուզման մեջ էր, ցանկություն է հայտնել ծառայելու հայոց բանակում: Այս մասին «Հայկական ժամանակ»-ին հայտնեց ՀՀ Քննչական կոմիտեի նախագահի խորհրդական Սոնա Տռուզյանը: Հարությունովը, որի հորը մարմնական վնասվածքներ հասցնելու մեղադրանքով ՀԱՕԿ նախագահ, ԱԺ պատգամավոր Գագիկ Ծառուկյանի թիկնազորի պետ Էդուարդ Բաբայանը կալանավորվել էր, ՀՀ քաղաքացիություն ունի: Ստացել է տարիներ առաջ ՀՀ բռնցքամարտի հավաքականում ընդգրկվելու համար: 2012 թ. դարձել է աշխարհի երիտասարդական առաջնության չեմպիոն: Հետագայում տարկետում չի ստացել պարտադիր զինվորական ծառայությունից, տեղափոխվել է Ռուսաստան ու հայտնվել հետախուզման մեջ զինվորական ծառայությունից խուսափելու համար:

Ինչպես Քննչական կոմիտեից ՀԺ-ին տեղեկացրին, այս տարվա օգոստոսի կեսերին նա վերադարձել է Հայաստան: Բերման է ենթարկվել: 1 օր անց ազատ է արձակվել. բանակում ծառայելու ցանկություն է հայտնել ու հաջորդ զորակոչին պատրաստվում է մեկնել ծառայության: Քրեական գործ է հարուցվել քրեական օրենսգրքի 327-րդ հոդվածով (զիվորական ծառայությունից խուսափել): Գործը քննվում է Երեւանի կայազորային քննչական բաժնում: Նախաքննության փուլում է:

Նիկոլ Հարությունովի ծառայելու հարցը վերջերս նրա ընտանիքի ու Ծառուկյանի շուրջ ծագած աղմուկի հիմնական մեխերից է: Հուլիսի 2-ին «Օլիմպավանում» հայկական բռնցքամարտի մի շարք ներկայացուցիչների ու Գագիկ Ծառուկյանի միջեւ հանդիպում էր տեղի ունեցել, որին ներկա էին եղել նաեւ ՀԱՕԿ գլխավոր քարտուղար, ԱԻՆ նախարար Հրաչյա Ռոստոմյանը, ՀՀ սպորտի եւ երիտասարդության հարցերի նախարար Լեւոն Վահրադյանը: Հանդիպմանը մասնակցել էր նաեւ Նիկոլի հայրը՝ Վյաչեսլավ Հարությունովը, ու բարձրացրել էր որդու հետ կապված հարցը: Ժողովից հետո՝ երեկոյան, Վյաչեսլավ Հարությունովին «Օլիմպավանից» մարմնական վնասվածքներով տեղափոխել էին հիվանդանոց: Նա հաղորդում էր տվել, որ իրեն հարվածներ է հասցրել նախ Ծառուկյանը, ապա Էդուարդ Բաբայանը եւ եւս մեկ անձ:

ՀՀ Հատուկ քննչական ծառայությունը հաղորդագրություն էր տարածել, ըստ որի, 2012 թ. հաջողությունից հետո Ծառուկյանը խոստացել է օգնել Նիկոլին ազատվել ժամկետային զինվորական ծառայությունից, սակայն չի արել դա: Հուլիսին կայացած «Օլիմպավանի» ժողովից հետո Վյաչեսլավ Հարությունովը մոտեցել է Ծառուկյանին ու հիշեցրել է խոստման մասին: Խոսակցությունը շարունակվել է հանդիպումների դահլիճում, որտեղ էլ տեղի է ունեցել միջադեպը:

Հետագայում թե՛ Վյաչեսլավ Հարությունովը, եւ թե՛ նրա կինը հերքել են նախնական հաղորդումը: Մասնավորապես՝ կինը հարցազրույցներից մեկում նշել է, որ նեղված է եղել Ծառուկյանից, քանի որ իր տղայի բանակի հարցը չի լուծել, այդ պատճառով էլ նման բաներ է ասել, սակայն Ծառուկյանը իրականում կապ չունի ամուսնու վնասվածքների հետ, ամուսինը, պարզապես ընկել է «Օլիմպավանում» ու վնասվածքներ ստացել: Վյաչեսլավ Հարությունովն էլ վստահեցրել է, որ լավ հարաբերությունների մեջ է Ծառուկյանի հետ:

Էդուարդ Բաբայանը կալանավորվել էր: Նրան մեղադրանք էր առաջադրվել քրեական օրենսգրքի 112-րդ հոդվածի 2-րդ մասի 6-րդ կետով նախատեսված այն հանցավոր արարքի կատարման համար, որ վերջինս խմբի կազմում հարվածներ է հասցրել եւ դիտավորությամբ կյանքին վտանգ սպառնացող ծանր վնաս հասցրել Վյաչեսլավ Հարությունովին: Նա կալանավորվելուց հետո 20 մլն դրամ գրավի դիմաց ազատ է արձակվել:

Տպել
7277 դիտում

Երևանում հարձակվել են բժշկական համալսարանի դասախոսի վրա, ծեծի ենթարկել, վնասել նրա մեքենան

Վանաձորի փողոցները սահադաշտի են վերածվել. քաղաքապետի պարզաբանումն ու մարզպետի դժգոհությունը

Փակ ու դժվարանցանելի ճանապարհներ, բուք, մերկասառույց ու ձյուն. ՀՀ ճանապարհները՝ 23:00-ի դրությամբ

Երեւանում ավտոմեքենան հարվածել է գազի խողովակին. գազի արտահոսք է եղել

Ի՞նչ ունեցվածք է հայտարարագրել կաշառք ստանալու եւ փողերի լվացման մեջ մեղադրվող ՀՀԿ-ական Արամ Հարությունյանը

Կարևորվեց երկխոսության խթանումը Աֆրիկյան Միության հետ. հանդիպել են ՖՄԿ գլխավոր քարտուղարն ու ԱԳ նախարարը

Գյումրու ոստիկանները հայտնաբերել են սիգի ապօրինի առեւտրով զբաղվող 4 անձանց

Նիկոլ Փաշինյանը շնորհավորական ուղերձներ է ստացել Էստոնիայի և Լատվիայի վարչապետներից

Մոսկվայի օդանավակայաններում 51 չվերթ է հետաձգվել ու չեղարկվել. ինչ պատկեր է «Զվարթնոց»-ում

Համացանցում կեղծ տեղեկատվություն է տարածվում. դպրոցների եւ մանկապարտեզների աշխատանքները չեն դադարեցվել

«Մանսուրյան- 80» միջոցառումների նախապատրաստական շրջանն արդեն մեկնարկել է. Երևանը կշնչի «կենդանի դասականի» երաժշտությամբ

Հրանտ Մարգարյանը իրավիճակին չի տիրապետում. «Իմ քայլի» երիտասարդ պատգամավորների պատասխանը

Երեւանի մի շարք մանկապարտեզներում նորոգվում եւ կահավորվում են տարիներ շարունակ չօգտագործված սենյակները

Աշոցք-Բավրա ճանապարհահատվածը ուժեղ բքի և ցածր տեսանելիության պատճառով դժվարանցանելի է

Զորակոչվելուց հետո բռնության է ենթարկվել հրամանատարի կողմից. Զինծառայողը շտապ բուժօգնության կարիք ունի

Մշակույթի նախկին նախարարների օրը սկսվել ու վերջացել է «պաշտոնական հանգուցյալների» պանիխիդայի մենյուն կազմելով

ՀՀԿ-ն ակտիվանում է. Սերժ Սարգսյանը վաղը Մելիք Ադամյան 2-ում նիստ է անցկացնելու

Ռաֆայել Քոթանջյանի նկատմամբ կատարված կողոպուտի հեղինակներից մեկը Վրաստանի քաղաքացի է

Դասերը չեն դադարեցվի. առողջապահության նախարարության հայտարարությունը

Ըստ Սերգեյի՝ Միքայելյանի մասին կատակին հավատացել են, քանի որ նրանից նման որոշում սպասում են