Փոխնախարարն անտրամաբանական բաներ էր ասում, որը խանգարեց Մակունցի հետ մեր խոսակցությանը

Օգոստոսի 27-ին, աշխատանքային 100 օրն ամփոփելիս, մշակույթի նախարար Լիլիթ Մակունցն անդրադարձավ Մնջախաղի պետական թատրոնի մինչ օրս տարածք չունենալու խնդրին:

Նախարարը նշեց, որ զրույց է ունեցել թատրոնի գեղարվեստական ղեկավար Ժիրայր Դադասյանի հետ, Մնջախաղի թատրոնին նոր տարածք հատկացնելու առաջարկ արել, սական վերջինս չի համաձայնվել այլընտրանքային ոչ մի տարբերակի հետ: Մակունցի նմանօրինակ հայտարարությունը Ժիրայր Դադասյանը բացահայտ սուտ էր որակել եւ ասել, որ իրականությանը շատ քիչ է համապատասպխանում:

Այսօր ՀԺ-ի հետ զրույցում Ժիրայր Դադասյանն անդրադարձավ ասուլիսի ընթացքում նախարար Մակունցի հնչեցրած հայտարարությանը՝ կապված թատրոնի շենքի հետ: «Ամոթ է, որ դա առաջարկ համարենք, քանի որ մեզ առաջարկում են Երրորդ մաս, «Մետրո» թատրոն, որն էլի իրենցը չէ եւ էլի վարձավճարով պիտի լինի։ Ի՞նչ տարբերություն, մենք հիմա էլ ենք Պատանի հանդիատեսի թատրոնում վարձավճարով աշխատում։ Ավելի վատ վիճակ են ուզում ստեղծել մեզ համար»:

Ժիրայր Դադասյանը փոխանցեց, որ օգոստոսի սկզբին հանդիպում է ունեցել նախարար Մակունցի հետ, հանդիպմանը ներկա է եղել նաեւ փոխնախարար Տիգրան Գալստյանը: «Փոխնախարար Գալստյանը շատ անտրամաբանական բաներ էր ասում, որը շատ էր խանգարում մեր խոսակցությանը նախարարի հետ: Նախարարն էլ ստիպված էր լինում խոսքն ընդհատել ու հանդարտեցնել իրավիճակը»,-ասաց նա:

Դադասյանը վիրավորական է համարում փոխնախարար Գալստյանի մոտեցումն ու հարցադրումները, որոնք վերջինս հնչեցրել է հանդիպման ժամանակ: «Ինչքա՞ն հանդիսատես ունեք, ինչքան տոմս եք վաճառում, ինչ եք անում: Ես իրեն ասում եմ՝ 30-ից մինչեւ 100 հանդիսատես կարող է լինել, մեր նորմատիվը 100-ն է, ու նա ինձ ասում է՝ չհասկացա, 30 հանդիսատեսի համար թատրո՞ն ենք կառուցելու: Համաձայն եմ, որ կարող էր լինել եւ 150, որովհետեւ պատանի հանդիսատեսի դահլիճը մեծ է, բայց դե հիմա այդքան է»,- վրդովված պատմեց Դադասյանը:

Վերջինիս խոսքով՝ Մակունցին էլ է ասել, որ շատ մտահոգիչ մոտեցում է երիտասարդ մշակույթի գործիչների կողմից: Նախարարի եւ փոխնախարարի մակարդակով հնչեցված կարծիքներն եւ հարցադրումները Դադասյանին մտածելու տեղիք են տվել: «Մենք ընդամենը մի շաբաթ առաջ էինք Մակեդոնիայից «Գրան Պրի»-ով վերադարձել եւ դա շատ լուրջ փառատոն էր: Իսկ երիտասարդն (փոխնախարար Տիգրան Գալստյանի մասին է) ինձ հարցնում է՝ դուք այդքան բարձր կարծիքի՞ եք ձեր թատրոնի մասին»,-ասաց նա:

Ժիրայր Դադասյանից հետաքրքրվեցինք, թե վիճաբանության վերածված քննարկման ընթացքում ինչ առաջարկով է հանդես եկել անձամբ Լիլիթ Մակունցը. «Ոչ մի կոնկրետ առաջարկ, միայն ասաց՝ Երրորդ մասի «Մետրո» թատրոնը կարող ենք հատկացնել: Ուրիշ բան չի հնչեցվել, ինչը վիրավորական էր»:

Մնջխաղի թատրոնի գեղարվեստական ղեկավարը վիրավորված է վերաբերմունքից, եւ ասում է, որ փոխանակ իրենք շահագրգրված լինեին, որ տարածք տրամադրեն. «20 տարի է՝ իմ կյանքը նվիրել եմ Մնջախաղի թատրոնին, նույնիսկ բազմցս ասել եմ, որ երբ տարածք հատկացվի, ես կբերեմ նոր երիտասարդի, կզիջեմ իմ տեղը, որպեսզի նոր շունչ մտնի: Ես սա անում եմ, որպեսզի եկող սերունդը աշխատելու տեղ ունենա, բոլոր մյուս թատրոնները ունեն, մենք չունենք»,-ասաց նա:

Նախարարությունում Ժիրայր Դադասյանի ունեցած քննարկման եւ առաջացած լարվածության մասին ՀԺ-ն զրուցեց Լիլիթ Մակունցի հետ:

Նախարարն ասաց, որ հարգում է Դադասյանի որոշումը եւ նշեց, որ փնտրտուքները շարունակվում են. «Այսօր համապատասխան ոլորտը համակարգող նախարարի տեղակալը՝ տիկին Ղարիբյանը, հանձնարարական է ստացել՝ այժմ առկա որեւէ տարբերակ, որը գոյություն ունի, մոտ ապագայում կներկայացվի պարոն Դադասյանին եւ քննարկվի: Փնտրտուքները շարունակվում են եւ հարցն ուշադրության կենտրոնում ենք պահում»:

Մեր դիտարկմանը, թե Դադասյանը վիրավորված է հանդիպման ընթացքում փոխնախարարի հնչեցրած հարցադրումներից, Մակունցն ասաց. «Քանի որ պարոն Դադասյանի կողմից առաջարկվում է թատրոնի նոր շենք կառուցելու հարցը, բնականաբար անհրաժեշտություն է առաջանում հասկանալ, թե ինչ ծավալի աշխատանքների հետ ենք գործ ունենում եւ պետության կողմից տրամադրվող գումարը որքանով է արդարացվում աշխատանքների դիմաց, որը կատարվում է: Ցավում եմ, որ դա պարոն Դադասյանին մտահոգել է, իրականում, երբ մենք գործ ունենք թատրոնի նոր շենքի կառուցման հետ, պետք է համակողմանի ուսումնասիրել եւ բոլոր կողմերը հաշվի առնել, իսկ պարոն Գալստյանի նման հարցադրումները միտված են եղել տեղեկատվություն ստանալուն»:

Տպել
4519 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ