Պուտինի ու Ալիեւի «ջերմ» հանդիպումը. ազդակներ Հայաստանին

Սեպտեմբերի 1-ին Սոչիում հանդիպեցին Ռուսաստանի եւ Ադրբեջանի նախագահներ Վլադիմիր Պուտինն ու Իլհամ Ալիեւը: ՌԴ նախագահի պաշտոնական կայքը տեղեկացնում է, որ Ալիեւի պաշտոնական այցի շրջանակներում տեղի ունեցած հանդիպման ընթացքում կողմերը քննարկել են երկկողմ հարաբերություններին առնչվող հարցեր, առեւտրատնտեսական համագործակցության զարգացման հեռանկարները, մտքեր փոխանակել համաշխարհային եւ տարածաշրջանային խնդիրների վերաբերյալ:

Ելնելով ստորագրված փաստաթղթերի եւ եզրափակիչ մամուլի ասուլիսի բովանդակությունից՝ կարելի է ենթադրել, որ այցի մեծ մասը նվիրված է եղել տնտեսական հարաբերություններին: Ինչպես եւ սպասվում էր՝ մեծ տեղ է հատկացվել էներգետիկ համագործակցությանը: Հանդիպման վերջում նախագահների ներկայությամբ ստորագրվել են տասից ավելի միջպետական եւ միջգերատեսչական պայմանագրեր: Դրանց թվում են Ապշերոնյան թերակղզու ծանծաղուտի հյուսիսային մասի եւ Գոշադաշ բլոկի նավթային եւ գազային ներուժի համատեղ ուսումնասիրության, «Роснефть» եւ SOCAR պետական ընկերությունների համագործակցության, Ադրբեջանում ГАЗ ավտոմեքենաների արտադրության մասին պայմանագրերը, ինչպես նաեւ երկու երկրների տնտեսական գերատեսչությունների միջեւ կնքված՝ տնտեսական համագործակցության մասին համաձայնագիրը: Կողմերը նաեւ հստակեցրել են մինչեւ 2024 թ. համագործակցության ծրագիրը:

Հայաստանի համար առավել հետաքրքրական են հանդիպման հետ կապված մի քանի այլ դրվագներ: Նախ եւ առաջ դա, իհարկե, Արցախի թեման է: Ռուսաստանի եւ Ադրբեջանի նախագահները, խոսելով միջազգային եւ տարածաշրջանային խնդիրների մասին, անդրադարձել են նաեւ արցախյան հակամարտությանը:

«Մասնավորապես մենք անդրադարձել ենք նաեւ ղարաբաղյան խնդրին: Որպես Մինսկի խմբի համանախագահ, Ռուսաստանը կշարունակի աջակցել այս հակամարտության խաղաղ կարգավորմանը», - ասել է Պուտինը:

Հակամարտության մասին խոսելիս, Ալիեւը նախ նշել է, որ Ռուսաստանի՝ որպես Մինսկի խմբի համանախագահ երկրի դերը կարեւոր է, ապա հույս հայտնել, որ հակամարտության կարգավորմանը ուղղված ՌԴ ջանքերը կշարունակվեն:

«Ռուսաստանը մեր հարեւանն է, մեր պատմական գործընկերն ու բարեկամը, եւ մենք ակնկալում ենք, որ Ռուսաստանի ջանքերը հակամարտության կարգավորման ուղղությամբ կշարունակվեն»,- մասնավորապես, նշել է Ալիեւը:

Հատկանշական է, որ Պուտինը, որպես համանախագահ երկրի առաջնորդ, պատրաստակամություն է հայտնել նպաստել հենց խաղաղ կարգավորմանը, մինչդեռ Ալիեւի համար, կարծես, տարբերություն չկա, թե ինչ միջոցներով կկարգավորվի հակամարտությունը:

Հանդիպման հրապարակային մասում ՀԱՊԿ-ի վերաբերյալ ոչ մի բառ չհնչեց, ի հեճուկս վերջին շրջանում տարածվող՝ այդ կազմակերպությանը Ադրբեջանի հնարավոր անդամակցության մասին լուրերի: Ադրբեջանցի փորձագետները դա բացատրեցին նրանով, որ պաշտոնապես այդ միտքը Ադրբեջանը չի արտահայտել: Եղել է ընդամենը պատգամավորի կողմից արված հայտարարություն, ինչից հետո թեման սկսել է ակտիվորեն շրջանառվել մամուլում:

Ինչ վերաբերվում է Սոչիի հանդիպման մասին մամուլի անդրադարձին, ապա այն յուրահատուկ ուշադրության է արժանի: Նախ, «գեղեցկացվել» է Ալիեւի խոսքը՝ Ռուսաստանից զենք ձեռք բերելու վերաբերյալ: Ադրբեջանի նախագահը նշել էր, որ «Ադրբեջանի՝ Ռուսաստանից ձեռք բերված ռազմական նշանակության արտադրանքի արժեքը գերազանցել է 5 միլիարդ դոլարը»՝ նկատի ունենալով նախորդ տարիներին ձեռքբերված արտադրանքը: Մամուլում այդ հայտարարությունը հանդիպում էր վերափոխված տարբերակով եւ վերնագրվում՝ «Ադրբեջանը 5 միլիարդ դոլարի զենք է գնել Ռուսաստանից», ինչը տպավորություն էր ստեղծում, թե խոսքը կոնկրետ այս հանդիպման արդյունքների մասին է: Ընդ որում, խոսքը ոչ այդքան ադրբեջանական մամուլի մասին է, որքան ռուսական: Ադրբեջանական մամուլն արդեն չի զարմացնում Ալիեւի յուրաքանչյուր քայլը գովաբանող նյութերով՝ փորձելով անգամ նախագահին վերագրել արտահայտություններ, որոնք վերջինս չի արել:

Բացի դրանից, զարմանալի էր ռուսական մամուլի ջերմ անդրադարձը Ալիեւի այցի հանդեպ: Ռուսաստանի առնվազն հեռուստաալիքները հազվադեպ են նման ջերմությամբ լուսաբանում այլ երկրների առաջնորդների այցերը Ռուսաստան: Տվյալ դեպքում ռուսական պետական հեռուստաալիքների ընդհանուր «մեսիջները» հետեւյալն էին՝ Պուտինն ու Ալիեւը սերտ հարաբերություններ ունեն, Ռուսաստանն ու Ադրբեջանը ռազմավարական գործընկերներ են, իսկ ընդհանուր իրավիճակը շատ հարմար է՝ հարաբերությունները խորացնելու համար:

Չի կարելի պնդել, թե լուրերի թողարկումները թելադրվում են Կրեմլից, սակայն դրանց բովանդակությունը համահունչ է պետական ընդհանուր գծի հետ, այն է՝ ցուցադրել, որ մեր տարածաշրջանում Ռուսաստանի համար ամեն ինչ չէ, որ սկսվում եւ ավարտվում է Հայաստանով: Այս տրամաբանությունը եւ դրա պատճառը հանդիսացող վախը, թե Հայաստանն այլեւս դաշնակից չէ, կարող է կոտրել միայն շարունակական աշխատանքը՝ բարեկամական մթնոլորտում, ընդ որում թե՛ Հայաստանի, թե՛ Ռուսաստանի կողմից:

Տպել
2143 դիտում

Վարչապետը ՊԵԿ նախագահ Դավիթ Անանյանին արձակուրդ տրամադրելու մասին որոշում է ստորագրել

Բաքուն մտադիր է «սև ցուցակում» ընդգրկել «Известия» թերթի՝ Արցախ այցելած ռուս լրագրողին

Տիգրան Գեւորգյանը նշանակվել է Հորդանանում Հայաստանի դեսպան՝ համատեղության կարգով

Գյումրու շուկայում ՊՆ օճառների հայտնվելու վերաբերյալ կարող է մի քանի տարբերակ լինել. ԶՈւ թիկունքի պետի պարզաբանումը

Իշխանությանը դեղին քարտ է ցույց տալիս այն ուժը, որին ժողովուրդը 5 ամիս առաջ կարմիր քարտ ցույց տվեց և «հեռացրեց դաշտից»

Գառնիկ Բադալյանը նշանակվել է ՀՀ արտակարգ եւ լիազոր դեսպան նաեւ Տաջիկստանում

Համոզված ենք՝ կհաջողվի ձևավորել վստահելի դատական համակարգ. վարչապետը հանդիպել է ՀՀ-ում հավատարմագրված դեսպաններին

Օպերային թատրոնի կոլեկտիվը դեմ է կառավարման խորհրդի նախագահի պաշտոնում Նազենի Ղարիբյանի ընտրությանը

Ուժգին քամին քշել է Զույգաղբյուր գյուղի խանութի տանիքը, վնասել ապրանքն ու ցուցափեղկերը

Եթե Ջուլիետին չտեսնեի, գուցե այս պիեսը չբեմադրեի. Ռուսական թատրոնում պրեմիերա է սպասվում

Առողջապահության նախարար Արսեն Թորոսյանը կմեկնի Ուզբեկստան

Երթեւեկության կազմակերպման փոփոխություն Երեւանի Իտալիայի փողոց−Խորենացու փողոց−Վ.Սարգսյան փողոց խաչմերուկում

ԿԳ նախարար Արայիկ Հարությունյան. «ԴասA»-ն և դպրոցներում կյանքի կոչվող մշակութային այլ ծրագրերը լինելու են շարունակական

Ես Փաշինյանին չեմ դատի տվել, եթե անգամ 1 տոկոս կասկած ունենայի, որ չեմ շահի՝ դատարան չէի դիմի. Օրբելյան

Գայանե Մարկոսյանը նշանակվել է Լոռու փոխմարզպետ

ՃՈ հատուկ տարածքներ են տեղափոխվել 116 ավտոմեքենա. 71-ը վարել են անչափահասներ

ԱՄԷ-ն հումանիտար օգնություն է տրամադրել Շիրակի մարզի 350 կարիքավոր ընտանիքի

Սահմանամերձ համայնքների 280 շրջանավարտների խնջույքը կառավարական առանձնատանը՝ լուսանկարներով

«Փորձում են օգտագործել մեր ազգասիրությունն ու խաբել». Սերժ Սարգսյանի խորհրդականը «գցել» է կանադահայ գործարարին

Ինչպես են գնահատվելու 9-րդ դասարանի հայոց լեզվի ավարտական քննության առաջադրանքները. ԳԹԿ-ն ցուցումներ է հրապարակել