Ո՞վ է Երեւան-Արմավիր երթուղու ուղեւորահոսքի վրա ազդում. Ալեքսանյանի Բոգոյի մենաշնորհը

Երեւան-Արմավիր երթուղու կանոնավոր ուղեւորափոխադրման թույլտվություն ունեցող «Գալակտիկա տրանս սերվիս» ՍՊԸ-ի տնօրեն Շուշանիկ Խաչատրյանը վերջերս կառավարության դիմաց` լրագրողների հետ զրույցում հայտարարել էր, որ ընկերության կանոնավոր աշխատանքը խաթարված է եւ իրենց աշխատանքներին խանգարում է Կիլիկիայի ավտոկայանից Բոգո անունով մեկը: Խաչատրյանի խոսքով՝ նա չի թողնում իրենք աշխատեն` ավտոկայանի կողքը ավտոկայան է ստեղծել իր համար ու անօրինական 35-37 մեքենա է աշխատեցնում, իսկ իր ընկերության վարորդները չեն կարողանում աշխատել: Բոգոն` Ռուբեն Կոստանյանը (նախկինում Սիմոնյան) ԱԺ պատգամավոր, գործարար Սամվել Ալեքսանյանի մտերիմներից է եւ ԱԺ պատգամավոր Արկադի Համբարձումյանի խնամին:

Մի քանի տարի առաջ նմանատիպ հարցերի հետ կապված դարձյալ շոշափվել էր Բոգոյի անունը: Մասնավորապես, ըստ կայքերից մեկի 2013 թվականի հրապարակման՝ ««Նորագյուղցի Բոգո» կոչվող ինչ-որ կիսագողական կարողանում է իր «լայն» ազդեցությամբ կամ թիկունքում հզոր ուժ ունենալով՝ ճնշել ավտոկայանում տաքսիների վարորդներին, ովքեր ապահովում են Երեւան-Մարտունի, Երեւան-Ստեփանակերտ երթուղին եւ այլ կարեւոր ուղղություններ: Պարզվում է՝ Նորագյուղցի Բոգոն ստիպում է տաքսու վարորդներին՝ ամեն մի ուղևորափոխադրումից որոշակի գումար հատկացնել իրեն»,- ասված է հրապարակման մեջ:

Տրանսպորտի նախարարությունում առայժմ չի կազմավորվել տրանսպորտային տեսչությունը, որն օրենքով պետք է բացառի թույլտվություն չունեցող այլ մեքենաների ապօրինի ուղեւորափոխադրումները:

Պարզվում է, որ բացի այս դեպքից, Ռուբեն Կոստանյանի անունը այլ դեպքերի հետ նույնպես կապվում է: Մասնավորապես, Կոստանյանի հետ առնչվող «Երկու ընկեր» ՍՊԸ-ն Երեւան-Թբիլիսի միջպետական ուղեւորափոխադրումներ է իրականացնում: Մեր տեղեկություններով՝ ընկերությունը մենաշնորհային դիրք է ստեղծել եւ մրցույթային կարգով կարողացել է թե՛ Կիլիկիա եւ թե՛ Հյուսիսային ավտոկայաններում միակ ուղեւորափոխադրողը լինել` դեպի Թբիլիսի: ՀԺ-ն Հյուսիսային ավտոկայանի տեղեկատու բաժնից ճշտեց, որ այնտեղից ուղեւորափոխադրումներ չեն իրականացվում դեպի Թբիլիսի եւ Թբիլիսի հնարավոր է գնալ միայն Կիլիկիա ավտոկայանից:

ՀՀ տրանսպորտի, կապի եւ տեղեկատվական տեխնոլոգիաների նախկին նախարար Վահան Մարտիրոսյանի 2017 թվականի մարտի 3-ի N 297-Ա հրամանով՝ «Երկու ընկեր» ՍՊԸ-ն մրցույթային կարգով 3 տարով հնարավորություն է ստացել երկու ավտոկայաններում էլ կանոնավոր ուղեւորափոխադրում իրականացնել դեպի Թբիլիսի:

Ստացվում է, որ «Երկու ընկեր» ՍՊԸ-ն հաղթել է երկու տեղից ուղեւորափոխադրում իրականացնելու` տրանսպորտի նախարարության կողմից անցկացված մրցույթները, սակայն ընդամենը մեկ տեղից է իրականացնում այդ ուղեւորափոխադրումը:

Մեր աղբյուրների պնդմամբ՝ Կիլիկիա ավտոկայանից նախատեսված մեկ մեքենայի փոխարեն մի քանի մեքենա է ուղեւորափոխադրում կատարում դեպի Թբիլիսի`տարբեր ժամերի, ընդ որում, այդ մի քանի մեքենան պատկանում են «Երկու ընկեր» ՍՊԸ-ին: Այսինքն, ընկերությունը առնվազն հնարավորություն ուներ մեկական մեքենա ապահովել երկու ավտոկայաններում էլ, սակայն նախընտրել է մի կետում կենտրոնանալ, իսկ մյուս կետում էլ ոչ մեկին հնարավորություն չտալ:

Որոշ ժամանակ առաջ ՀԺ-ին էր դիմել մի քաղաքացի՝ Արմեն Հարությունյան անունով, ով պատմել էր, որ այդ մրցույթները Կոստանյանը հաղթել է միայն իր ունեցած պետական լծակների շնորհիվ: Հարությունյանը նշում էր, որ ցանկացել է գոնե Հյուսիսային ավտոկայանում սպասարկել երթուղին, սակայն տրանսպորտի նախարարությունում աշխատող իր մտերիմները խորհուրդ են տվել չմասնակցել մրցույթին, քանի որ արդյունք չէր տալու` ամեն ինչ որոշված էր: Արդյունքում Կոստանյանը մրցույթով հաղթել է «Սոնա եւ Միքայել» ՍՊԸ-ին եւ դաշտում իրենից բացի այլ մարդ չի մնացել:

ՀԺ-ն տրանսպորտի, կապի եւ տեղեկատվական տեխնոլոգիաների փոխնախարար Արմեն Փամբուխչյանից հետաքրքվեց, թե արդյո՞ք նախարարությունը տեղյակ է, որ Հյուսիսային ավտոկայանից Երեւան-Թբիլիսի կանոնավոր ուղեւորափոխադրում իրականացնելու մրցույթը հաղթած ընկերությունը նշված կետից ուղեւորներին չի սպասարկում, ինչին ի պատասխան փոխնախարարը ասաց. «Ընկերության տնօրենի խոսքով՝ երթուղին ամեն առավոտ Հյուսիսային ավտոկայանում նշված ժամին տեղում է լինում, սակայն ուղեւոր չլինելու պատճառով չի իրականացնում երթ»:

Փամբուխչյանը նաեւ նշեց, որ եղել է դեպք, որ Հյուսիսային ավտոկայանում ուղեւորներ են եղել, բայց նրանց տեղափոխել են Կիլիկիա ավտոկայան, որպեսզի այնտեղից գնան Թբիլիսի:

Հարցին, թե նախարարությունը այս դեպքում լիազորվա՞ծ չէ մրցույթի արդյունքները չեղյալ համարել՝ հաշվի առնելով, որ ընկերությունը Հյուսիսային ավտոկայանից ուղեւորափոխադրում չի իրականացնում, Փամուխչյանը պատասխանեց. «Քանի որ արդեն հարցը բարձրացված է, այդ հարցի վերաբերյալ ուսումնասիրություններ կլինեն»: Տրանսպորտի նախարարությունում, որպես ՍՊԸ-ի տնօրեն, նշված է Դավիթ Սարգսյանը, իսկ ՀՀ կառավարության էլեկտրոնային ռեգիստրում ՍՊԸ-ի հիմնադիր է հանդիսանում Ռուբեն Սիմոնյանը, նույն ինքը` Բոգոն, որն ազգանունը հետագայում փոխել եւ դարձել է Ռուբեն Կոստանյան:

Տպել
6865 դիտում

Քաղաքապետարանը պարզաբանել է, թե ինչու են մանկապարտեզում երեխաներին կապել աթոռներից

Արմեն Սարգսյանին հավատարմագրերն է հանձնել Հայաստանում Զամբիայի նորանշանակ դեսպանը

Հաստատված 19 դրվագ խարդախության դեպքով մեղադրանք է առաջադրվել 23-ամյա կնոջ

Սարհատ Պետրոսյանը դիմել է վարչապետին՝ Կադաստրի կոմիտեի ղեկավարի պաշտոնից ազատվելու խնդրանքով

Մենք ընտրություն պիտի կատարենք՝ ժողովրդավարական տեխնոլոգիաներ ներկրող, թե՞ արտահանող հանրություն պիտի լինենք․ Նահապետյան

Միխայիլ Խաչատուրյանի հարազատները կվիճարկեն կրտսեր դստեր անմեղսունակության մասին եզրակացությունը

Երեւանի թիվ 92 մանկապարտեզում երեխաներին կապում են աթոռներից. հնչել է ահազանգ եւ տրվում են մեկնաբանություններ

Գորիս-Տաթև ավտոճանապարհին ավտոմեքենան 200 մետր գլորվել է հարակից ձորը. կա տուժած

Սիրիայի կառավարությունն ու քրդական ուժերն արձագանքել են հրադադարի հաստատմանը

ՃՈ-ն հորդորում է ավտոտրանսպորտային միջոցի հաշվառումից անմիջապես հետո սահմանված կարգով կնքել ԱՊՊԱ պայմանագիր

Հայաստանում տարիներ շարունակ կուսակցական համակարգը սպանվել է․ Դանիել Իոաննիսյան

ՀՔԾ-ն Արման Բաբաջանյանի հաղորդման հետքերով քննչական գործողություններ է իրականացրել ԱԺ-ում, առգրավել փաստաթղթեր

Սանիտարահիգիենիկ բոլոր նորմերի կոպիտ խախտումներ, մսի ծագման կեղծ փաստաթղթեր. Արտաշատի դպրոցները դեռ ստուգում են

Դեպքի օրը սպանված ոստիկանը խոսել է համածառայակցի հետ՝ թե ինչ կարճ է կյանքը. վիրավոր ոստիկանը դուրս է գրվել հիվանդանոցից

Առաջարկում ենք կուսակցությունների հիմնադիր անդամների պարտադիր պահանջվող թիվը 100-ից իջեցնել 80, հրապարակել նրանց ցուցակը

Շանն ուղղված կրակոցից տուժած 32-ամյա կինը հողամասում աշխատում էր. կրակողը դեռ չի բացահայտվել

Կանայք կազմում են բնակչության կեսը, նրանք պետք է զբաղեցնեն որոշումներ կայացնող պաշտոններ․ Լենա Նազարյան

Նյութերի նախապատրաստման ընթացքում անհրաժեշտություն է առաջացել բացատրություն վերցնել Թովմասյանի մոտ ազգականներից. ԱԱԾ

ՍԴ դատավորները հետևում են Հրայր Թովմասյանի և նրա ընտանիքի անդամների հետ կապված զարգացումներին

Ինչպես բարձրացնել կուսակցությունների թափանցիկությունը, հրապարակայնությունն ու հաշվետվողականությունը․ Արմեն Մազմանյան