Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

Գյումրու ավագանին այսօր հերթական նիստն է գումարել: Օրակարգային 19 հարցերի մեծ մասով համայնքի բյուջեից տարբեր կազմակերպությունների դրամական միջոցներ հատկացվեցին որպես նվիրատվություն ձեւակերպմամբ: 8-րդ հարցը, սակայն, ավագանու նիստի հանգիստ ընթացքը խաթարեց: Ավագանուն առաջարկվեց քննարկել ամանորի միջոցառումների կազմակերպման եւ անցկացման համար հատկացնել 7 մլն դրամ, որից 3 մլն 800 հազար դրամը պետք է տրամադրվի տոնածառի եւ դեկորների նորոգման համար, 600.000 դրամ հատկացվելու է կազմակերպչական հարցերի եւ հյուրասիրությունների համար, 1 մլն դրամով էլ հրավառություն է կազմակերպվելու: Ավագանին դեմ եղավ, որ տոնական պարկերը, որոնք տրվում են տարբեր կազմակերպությունների եւ հաստատությունների երեխաներին, ձեռք բերվեն Գյումրու քաղաքապետ Սամվել Բալասանյանին պատկանող Անուշարան» հրուշակեղենի ֆաբրիկայից: Այդ պարկերի համար վճարվելու է 2 մլն 300.000 դրամ:Սամվել Բալասանյանը տեղեկացրեց, որ իր «Անուշարանը» մրցույթի չի մասնակցում, իր հրուշակեղենի ֆաբրիկայի արտադրանքը կարող է գնել մրցույթը շահած անձը, պատրաստել իր տոպրակներն ու նվիրել երեխաներին: «Գալա» խմբակցության անդամներից մեկն ընդգծեց, որ շահող կազմակերպությունն ապրանքը գնում է միայն «Անուշարան»-ից: «Ինչու»,-հարցրեց Արման Գրիգորյանը: Քաղաքապետարանի գլխավոր ֆինանսիստն էլ պատասխանեց, թե «Անուշարան»-ը Գյումրիում գործող կազմակերպություն է, եւ տարօրինակ ոչինչ չկա:Սամվել Բալասանյանը Լենա Ջիլավյանին խորհուրդ տվեց չշարունակել խոսակցությունն այդ թեմայով:

«Էդ «Անուշարան»-ը կփակենք, բոլորդ ուրախացեք։ Թող փակվի, «Անուշարան»-ի տորթը, կոնֆետը թող չգնեն: Է՞լ ինչ փակենք, գարեջուրն էլ փակե՞նք։  Զարմանում եմ, էլի ես: Ուղղակի վատ եմ զգում, հավատացեք: Ասենք «Անուշարան»-ից չեն առել, «Գրանդ Քենդի»-ից են առել, ի՞նչ, զարմանում մնում եմ, իրական եմ ասում, ո՞նց չեք պատկերացնում, դրանք աշխատատեղեր են: Օրենք հանեք, ասեք «Անուշարանի» տորթը լավը չէ, մի գնեք: Վերջացավ, թող փակվի էդ գործարանը, ուրախանաք»,-զայրացավ Սամվել Բալասանյանը:

Եւս մեկ խնդիր ծագեց ավագանու նիստի վերջին հարցի քվեարկությունից հետո: Ավագանու «Հայկական վերածնունդ» խմբակցության անդամ Սաշիկ Մարտիրոսյանն ավագանու նիստից անմիջապես հետո արտահերթ նիստ անցկացնելու առաջարկ արեց: Ասաց՝ Գյումրու փողոցաշինական աշխատանքներից ավագանու անդամները բավարար չափով տեղեկացված չեն: Եվ շատ հարցեր ունեն, եւ լուրջ մտավախություն, որ դրանք ավարտին չեն հասցվելու: Առաջարկը մերժվեց, ասացին՝ ընթացակարգը թույլ չի տալիս:  «Ասում են՝ վայ, շենք չեմ կարող մտնել: Ես երեք ամիս չկարողացա տուն մտնել, դուրս գալ, մեքենան չէր կարող փողոց մտնել: Ի՞նչ կա դրա մեջ: Սկսել են ֆեյսբուքում ակտիվանալ: Քաղաքականացնում են մեր շինարարությունը: Թող չքաղաքականացնեն: Բան ունե՞ք ասելու, արեք հանրային քննարկման ժամանակ ասեք, լավ չենք աշխատու՞մ, դիմեք իրավապահ մարմիններին: Աշխատանքների համար 1 տարի է տրվում, իսկ մենք դրանք սեպտեմբերից ենք սկսել»,-ասաց Սամվել Բալասանյանը:

Տպել
2446 դիտում

Քաղաքապետարանը Ճանապարհային «կանաչ» նշաններ է տեղադրում Երևանում

2017-ին Թալիշում զոհված Կարեն Դանիելյանի մայրը երկվորյակ տղաներ է լույս աշխարհ բերել (լուսանկարներ)

ՊԲ հրամանատարն այցելել է զորամասեր, հանդիպել ժամկետային զինծառայողների հետ

Աշոցք-Բավրա ավտոճանապարհին 2 ավտոմեքենա արգելափակվել են ձյան մեջ

Ստեփանծմինդա-Լարս ավտոճանապարհը փակ է, առկա է ձնահյուսի վտանգ. 237 մեքենա դեռ սպասում է

Երևանում հարձակվել են բժշկական համալսարանի դասախոսի վրա, ծեծի ենթարկել, վնասել նրա մեքենան

Վանաձորի փողոցները սահադաշտի են վերածվել. քաղաքապետի պարզաբանումն ու մարզպետի դժգոհությունը

Փակ ու դժվարանցանելի ճանապարհներ, բուք, մերկասառույց ու ձյուն. ՀՀ ճանապարհները՝ 23:00-ի դրությամբ

Երեւանում ավտոմեքենան հարվածել է գազի խողովակին. գազի արտահոսք է եղել

Ի՞նչ ունեցվածք է հայտարարագրել կաշառք ստանալու եւ փողերի լվացման մեջ մեղադրվող ՀՀԿ-ական Արամ Հարությունյանը

Կարևորվեց երկխոսության խթանումը Աֆրիկյան Միության հետ. հանդիպել են ՖՄԿ գլխավոր քարտուղարն ու ԱԳ նախարարը

Գյումրու ոստիկանները հայտնաբերել են սիգի ապօրինի առեւտրով զբաղվող 4 անձանց

Նիկոլ Փաշինյանը շնորհավորական ուղերձներ է ստացել Էստոնիայի և Լատվիայի վարչապետներից

Մոսկվայի օդանավակայաններում 51 չվերթ է հետաձգվել ու չեղարկվել. ինչ պատկեր է «Զվարթնոց»-ում

Համացանցում կեղծ տեղեկատվություն է տարածվում. դպրոցների եւ մանկապարտեզների աշխատանքները չեն դադարեցվել

«Մանսուրյան- 80» միջոցառումների նախապատրաստական շրջանն արդեն մեկնարկել է. Երևանը կշնչի «կենդանի դասականի» երաժշտությամբ

Հրանտ Մարգարյանը իրավիճակին չի տիրապետում. «Իմ քայլի» երիտասարդ պատգամավորների պատասխանը

Երեւանի մի շարք մանկապարտեզներում նորոգվում եւ կահավորվում են տարիներ շարունակ չօգտագործված սենյակները

Աշոցք-Բավրա ճանապարհահատվածը ուժեղ բքի և ցածր տեսանելիության պատճառով դժվարանցանելի է

Զորակոչվելուց հետո բռնության է ենթարկվել հրամանատարի կողմից. Զինծառայողը շտապ բուժօգնության կարիք ունի